الموضوع: تحذير و تجربتي مع موقع اكسبيديا

السلام عليكم ورحمه الله وبركاته


حبيت اعرض مشكلتي أو تجربتي ليستفيد منها البعض

أدري هالفترة من السنه تزيد سالفه الحجوزات

قلت أنبه اعضاء المنتدى وبنفس الوقت

شوروا علي شنو الحل معاهم !!!

أحنا عائله ما شاء الله عددنا أكثر من 6 اشخاص ومعروف ان اغلب المواقع ما يسمحون لأكثر من 6 او 7 مسافرين للحجز مرة وحده

دخلت ابحث عن رحله عبر موقع اكسبيديا

واخترت الرحله

وبعدها دخلت على موقع الطيران الرسمي نفسه وحاولت احجز مرة ومرتين وثلاث

وللأسف الشديد ما تم الحجز

لأن المعلومات العنوان أو رقم التيلفون
يطلع لي غلط !!

بعدها قررت ان أعتمد على موقع اكسبيديا
قلت خلاص بحجز عليه كل من يمدحه وحتى المشرفين بالموقع
ما يمدحون اي موقع كثرة


فتحت الموقع
وحجزت بكل سهوله ل6 اشخاص وبعد ما تم الحجز واستلمت
رساله على الأيميل بتأكيد الرحله

دخلت مرة ثانيه اكسبيديا وحجزت للأشخاص الباقيين

تم الحجز على خير وكل شي كان تمام التمام

حتى اتذكر
اتصلنا بالبنك نتأكد من المبلغ اللي سحبوه أكسبيديا وفعلا تم سحب المبلغ بنفس اليوم كااامل


بعد يومين جاتنا رساله على الأيميل تخبرنا ان في تغيير
بالرحله تكنسلت !!!

انا استغربت و قلت لا حول ولا قوة الا بالله
يعني ارجع ادور على رحله ثانيه

بس اكتشفت ان الرحله ما تكنسلت ولا شي
وان حجز ل6 الأشخاص اللي حجزتهم بالبدايه تكنسل
وباقي الشخاص للحين الحجز أوكي

طيب والحل معاهم احنا ما نبي كل ناس بطيارة غير !!
معانا أطفال وصعبه ننفصل بطيارة أو رحله ثانيه

طرشنا ايميلات بالهبل
كل الردود كلام بالهوى كلام فااااضي وآخر شي حاطين ملاحظه
ان اذا تبون ترجعون الحجز لازم تتصلون
وأن يفضل الأتصال لحل هالنوع من المشاكل


طيب نتصل أمريكا ومكالمه مب مشكله لكن المشكله

لما نتصل ويخلونا بالخط واللحين صارت مدة المكالمات معاهم
أزيد من 4 ساعات
لحد اللحين والله ما أجذب عليكم

كل مكالمه مب أقل من نص ساعه الى ساعه الا ربع
وكلهم يخلونا على الأنتظار
وكل واحد يحولنا على الثاني

سويت بحث على اكسبيديا طلع ان ناس وايد تشتكي منهم

وان يفضل اللي يتصل لهم يكلم المسؤول
طيب صرنا نتصل وننتظر مب اقل من ربع ساعه لحد ما يردون علينا

وبعدها نقول لهم حولونا للمسؤول
وبعد نرجع ننتظر مب اقل من 10 دقايق على الخط !!

وآخر شي المسؤول نشرح له القصه من البدايه
مع ان صار عندنا رقم ملف عندهم ومفروض من نقول لهم رقم الملف يعرفون شنو مشكلتنا بس بعد لازم نرجع نشرح مرة ثانيه وثالثه ورابعه

وآخر شي يقول لنا بتصل بخطوط الطيران
بتأكد منهم لحظه وننتظر بعد ربع ساعه أقل شي

هالسيناريو اللي اقولكم عليه

صار لنا أزيد من 4 مرات !!!

كل مرة نفس الشي يعني اللي صار قبل 3 ايام
تكرر قبل يومين
وعاااادي تكرر أمس
وبعد اليوم ان شاء الله راح نتصل فيهم

كل مرة بآخر المكالمه يقولون لنا
راح ندز لكم أيميل فيه تأكيد للرحله جديد خلال 24 ساعه !!

مرة بس اللي طرشوه وللأسف الحجز مب مؤكد
يعني لو دخلت موقع اكسبيديا وجيكت
وضع الحجز اللي عندي بالرقم
اللي دزوه لي


يطلع عندي غيرر مؤكد ولازم أدفع مرة ثانيه !!!!
يعني حضرتهم يبونا ندفع لهم مرة ثانيه !!



القهر اللحين ان سعر التذاكر ارتفع

ونص المسافرين حجزهم مؤكد والنص الثاني
لا


وفلوسنا سحبووها من زمان !!

وما نقدر نغير الرحله

وما نقدر نقول لهم ألغوا الحجز ورجعوا فلوسنا راح يتأخرون علينا


ويمكن يخصمون من المبلغ بعد

والحل معاهم


انا صراحه تعبت معاهم وما ودي أي أحد يواجه نفس المشكله

عشان جذي قلت لازم أحذر أعضاء المنتدى
من الموقع

صحيح ان هالحاله اللي احنا فيها حاله شاذة !!!

ويمكن مب كل الناس يصيدهم اللي صار معانا

بس التحذير وااجب ومدام ان لهم من هالحركات
نصيحه أبتعدوا عن الموقع لأنه

غيررر
آمن 100 %

لالا والله الا
وهقونا خذوا فلوسنا وما أكدوا لنا حجزنا



ما أقول الموقع مب ممتاز
لا هو ممتاز للمقاااارنه بالأسعار فقط

اذا تبون تقارنون بين اسعار التذاكر ممكن

بس ان تعتمدون ان تقطعون تذاكركم عليهم

نصيحه لا تقربون اكسبيديا

مواضيع عشوائيه ممكن تكون تعجبك اخترناها لك:

• ممكن تسوون لي جدول لنيويورك ؟
• ما هى المدن التى تستحق الزيارة قريبا من لوس انجلوس رجاء المساعده اخوانى ضرورى جدا
• ايه اجرءات الهجره الي امريكا
• أمباكت بخصوص فيزا للخادمة؟
• افضل جهاز للقنوات العربية
• الرجاء المساعدة انا مقدم من شهور وعند الاستفسار تظهر هذة الرسالة
• اريد منكم المساعدة
• أرجو المساااعدة
• تم حجز من بوكينق ولكن ؟؟؟؟؟
• مواقع رائعه ومفيدة للجميع
• تــــكــــســــاس
• نفسي اروح أمريكا بس ابو العيال متخوف من المصاريف
• السيارة
• عاجل رايكم واييد واييد واييد يهمني
• كم أسعار الغرفة لشخص أو إثنين؟
• رقم السفارة الامريكية بالقاهرة
• جواز أمريكي
• السلام عليكم اخواننا المشرف كا كا شي اجاب عن بعضها جزاه الله خير وبقي بعضها ساعد
• سؤال عن الطيران الداخلي؟؟؟ردوا علي تكفووون
• اسئله عن حجز تذاكر الطيران

غريبة

اكسبيديا هو موقعي المفضل ودائما أعتمد عليه
ولم يسبق ان حصلت لي مشاكل

بالنسبة لي وعن تجربة اكسبيديا موقع ممتاز

لا حول الله

هاي مشكلة كبيرة


و الفلوس طارت


و الله يا اختي ريانه ما ادري شو اقولج .... انا دايما ادخل موقع الطيران و احجز و افك عمري


ترا اكسبيديا يعتبر مثل مكتب سياحه بس اون لاين


عمليات النصب تصير في احسن الاماكن


عندج موقع طيران الامارات تقدرين تحطين لحد 9 اشخاص و محد يقدر يقولج شي


الله يكون في عونكم و يعوض عليكم

اختي يفضل عند حجز رحلات الطيران من مواقع الخطوط
مع الضغط والمواسم تصير عندهم خربطه وتنلغي حجوزات
والضحيه الناس

اللي عليكم انكم تطلبون مسئول الشفت وتقولونله مانسكر الين ماتضبط وضع الحجز ولاترا بنشتكي عليكم

والايميلات تشهد على المشكلة اللي سببتوها لنا

وباذن الله تنحل

تحياتي

وعليكم السلام ورحمة الله وبركاته ..


لا تضيقون صدركم ولاشي , وكل مشكلة في هالدنيا ولها حل بإذن الله .


صار موقف قريب من موقفكم
كنت حاجز على اكسبيديا ترانزيت إلى نيويورك ( طيران بريطاني - طيران أمريكي )
وبعد ما دفعت وخلصت جاني أيميل منهم بإن الطيران البريطاني غير موعد رحلته بدون سابق إنذار !!
وبدا مشوار الاتصالات والإيميلات مع اكسبيديا
اكتشفت إن المشكلة مو من اكسبيديا من الخطوط نفسها , لأن اكسبيديا عطاني الجدول والأسعار والتأكيد بناءا على موقع الخطوط ( لأن موقع اكسبيديا في النهاية وسيط بالإضافة إلى أن أسعاره في بعض الأحيان أقل من موقع الخطوط ) !


الخلاصة من هالكلام إني أضم صوتي إلى أخي stranger man
كلموهم ولاتقفلوا الخط حتى يتم حل مشكلتكم !


دعواتي لكم بالتوفيق ,

مشكورين لردودكم

انا حاولت قد ما اقدر اني احجز للرحله الداخليه عن طريق موقع الطيران
بس للأسف ما قبل لا العنوان ولا رقم التيلفون
هذا اللي خلاني أفكر بأكسبيديا للأسف
كل ما دخلت موضوع للأستفسارات
لقيت كل الأعضاء يمدحون فيه

قلت اتوكل على الله وهذا الفاس طاح بالرأس

رحلتنا ليله العيد ان شاء الله
وللحين حجزنا مب مأكد

وفلوسنا عندهم الله يأخذهم الحراميه

أن شاء الله اليوم بنتصل لهم وبنقول لهم ما راااح نسكر الخط الا لما نشوف التاكيد بعيننا

والله كريم

أخواني

عزيز والبواردي
ما أدري اذا للحين تشوفون موقع
أكسبيديا
موقع ممتاز ومعتمدين عليه
لحد اللحين وبعد كل الكلام اللي أنا قلته !!

انا والله العظيم ترة ما اتبلا على الموقع !!

لأن شكلكم ما صدقتوا كلامي !!

على العموم براحتكم بس نصيحه لوجه الله لا تعتمدون على الموقع

والأفضل
لا تنصحون أحد يحجز عن طريق اكسبيديا ويتوهق مثلنا

لأن موقع مب مضمون 100 %


مثل ما صار لي هالموقف أخوي كاكاشي بعد صاده
نفس الشي يعني الموقع

أكيد
مب مضمووووون

وممكن تسووون سيرج باللغه الأنجليزيه
وراح تطلع البلاوي

هذا نقطه ببحر من الشكاوي على اكسبيديا

http://www.victimsofexpedia.com/mycase.htm

http://www.expedianews.com/

"

بس كتبوا بقوقل
Expedia is a scammer

وجوفوا البلاوي !!

مثل ما تقولين إختي .. الحاله نادره ، بصراحه أول مره أفكر هالشيئ ممكن يصير لما تحجز لقروبين على نفس الرحله

شكرا لكل اللي ردوا علي
والحمد الله أخيراااا اليوم بعد معاناة
وبعد مكالمه مدتها ساعتين !!!!!

من الساعه 8 وربع لحد الساعه 10 ونص
وأنا على الخط معاهم
وأخيرا أكدوا لنا الحجز

أسمحوا لي يمكن كلامي يزعل ناس بس طبعي صريحه وما اعرف أجامل

الموضوع واايد متكرر عندهم
مب مرة ولا مرتين

مثلا مثلا انا وأخوي العضو كاكاشي وبعد اللحين بحط لكم موضوع
لعضوه كتبت موضوع تحذر من أكسبيديا
بنفس البوابة بعد

http://www.arabtravelersforum.com/travel606828/

للأسف محد عطاها ويه وكلهم اعتبروا تجربتها حاله من الشواااذ

ولو أن مفروض يحطونها نقطه سوده بملف اكسبيديا

على الأقل اللي يبي ينصح بموقع اكسبيديا

يكتب تحت ملاحظه أن موقع اكسبيديا عليه بعض التحفظات
وان ساعات يسوون مشاكل
عشان المفروض الناس اللي مب مسجله بالمنتدى العرب المسافرون
ويدخلون يستفيدون من تجارب الناس

ما ينقرصون مثلي !!

ولو ان المفروووض الموقع محد ينصح فيه

وهذي هي وجهه نظري

انا قريت مشاركات قبل لا اتعامل معاهم كل من يمدح من صوب

وهذا اللي خلاني اتشجع وأجربهم

صراحه انقهرت يوم صادني هالموقف قلت ليتني ما سمعت كلام الأعضاء بالمنتدى وهذي أول مرة أنطقها
من عرفت هالمنتدى

أوكي اسعاره حلوة بس ما يسوة أبداااا

هذا احنا خسرنا بالهبل على المكالمات

الموقع ممتاز لشي واحد بس و هو مقارنه الأسعار فقط بدووون حجز عن طريقهم

السلام عليكم ورحمة الله وبركاته
اخواني الاعزاء نحن دائما العرب في السفر نعتمد علي المنتديات والمنتديات تعتمد علي تجربة اشخاص
عندي موقعي وفي جميع سفراتي اعتمد عليه كادليل وهو افضل من موقعكم بالكثير واتحاشي دوما الحجز عن طريقه مباشره بل استعين فيه ثم اتجه الي الخطوط الي اختارها وحجز منهم مباشرة الموقع الذي اعتمد عليه كالدليل
http://www.kayak.com/flights
وتركي قال علان وقال فلان اعتمدي عليه كادليل

اختي موقع اكسبيديا ممتاز ومن افضل مواقع الحجوزات على مستوى العالم
وهذا بناءً على الجوائز اللي حصدها ويحصدها كل فترة

لكن رحلات الطيران عموماً في امريكا تشهد تغيير مواعيد او الغاء

هي اساس المشكلة

انا مقيم في امريكا واعاني من هالشركات وتاخر رحلاتهم

لكن عرفت شلون اخذ حقي منهم تحصليني احجز على موقع الخطوط من غير وسيط واذا تغير الحجز احل مشكلتي معاهم بسهوله..

اما الحجوزات الاخرى مثل السكن او الكروز او اي شي اخر فـ ماعندكم مشكلة مع هالموقع بل الافضل انكم تحجزون عليه لان السعر اقل خاصة للفنادق داخل امريكا

السلام عليكم
اخي العزيز لاحظ ماذا قلت الافضل استخدام مثل هاذي المواقع (الوسيطة) كالدليل وضح معي ارخص خطوط اثناء البحث ثم الاتجاه للخطوط المعنيه والحجز وهو افضل
ومن ناحية ان الموقع من افضل نعم معك لاكن ليس الافضل ومن ناحية ان الرحلات فيها مشاكل تاخير او نحوه في امريكا عزيزي هاذي مشكله في اغلب الخطوط وخاصة الاقتصاديه وهي اكثر في اوروبا ولاحظ ان كلامك وافق كلامي من حيث ان الافضل الذهاب الي موقع الخطوط المراد مباشره والحجز منه اخي اقول هذا الكلام من خبره فأنا لااحجز لنفسي فقط بل احجز لاناس كثر وصدق بدون مقابل يعني اليوم حاجز لاربعه والمواقع المذكوره استخدمها كادليل

اخوي العزيز
اغتذر منك اشد الاعتذار احسبك موجه الرسالة السابقه لي ماهو للاخت تعرف الواحد بعد السحور يتنح شوي وشفتها اخي
ودامنا متفقين فأن شاء الله حصل خير
واقدم اعتذاري واسفي الشديد وارجوا منك المعذره

حمدا لله على السلامه


عموما ردي السابق كان واضح , بس حبيت أضيف كم جملة !
صحيح حصلت معاي تجربة أقدر أقول نادرة لموقع أتعامل معه لأكثر من 5 سنوات !

ولكن يضل Expedia في وجهة نظري الشخصية أفضل موقع لحجز الفنادق في أمريكا بالإضافة إلى الطيران الداخلي الأمريكي !


دعواتي للجميع بحجوزات موفقة ورحلات سعيدة وممتعة لأمريكا الرائعة ,

المشاركة الأصلية كتبت بواسطة سوسو الصغيرة
http://www.arabtravelersforum.com/tr...1/#post7968431

الحذر واجب اختي ريانة

الله يعوضكم خير

و إن شاء الله الحجز الثاني ما يصير له شي

ان شاء الله حبيبتي الله يسمع منج

مشكورة على تفاعلج بموضوعي