السلام عليكم,,,
تحيه طيبه لكم اخواني,,,
في مشكله حصلت معاي بس قلت آخذ رأيكم قبل ما تصرف, ممكن أحد حصله نفس الموقف..
حجزت 3 تذاكر على الخطوط القطري - تذاكر كانت عرض
لي ولزوجتي وبنتي..
الحجز من اسبوعين تقريبا,ورحلتي بتكون في مايو ان شاء الله..
تو انتبه أمس لخطأ..
كتبت اسم العائله لزوجتي نفس اسم عائلتي يعني الخطا مو مجرد حروف.. تغير اسم ال family
اتصلت على الرقم الموحد للخطوط القطريه تفاجأت ان التذكره راحت علي
وطبعا هي غير مسترده علشان الغيها واحجز من جديد..
قالوا ممكن نعمل ريمارك Remark ويطلع عند المطارات كملاحظه فقط
ان الاسم الصحيح كذا وليس كذا..
لكن ما اظن ممكن ما تمشي الامور..
قرأت في بعض المنتديات يقولون دول اسيا مثل اندونيسيا وماليزيا ممكن يتفهمون
عكس دول اوروبا وامريكا.. فما رأيكم؟
هل حصل هالموقف لأحد من قبل؟
هل تركها واخذ تذكره جديده على نفس الرحله , مع ان احس حرام تروح الاوليه من غير تعديييل..
أنا ناوي امر مكتب الخطوط القطريه عندنا بالخبر,, والله مادري بيقدر يساعد بالموضوع او لا..
منتظر نصائحكم ..
والف تحيه لكم مقدما,,,
مواضيع عشوائيه ممكن تكون تعجبك اخترناها لك:
المفضلات