مع دوشة المواضيع وكثرت الكلام المكتوب ماقدرت افهم الله يسعدكم الحين سفرتي قربت وابي اعرف
وش الطريقه انا لسه ماحولت فلوسي وش افضل احولها هنا بالسعوديه او بجكرتا او بدبي لانه رحلتي ترانزيت
شكلك مستعجل 
ولا قريت اللي عطيتك وتبي شي جاهز
ولا يهمك
لاتحول الا مبلغ بسيط مثلا الف او الفين ريال فقط حقت اول يوم من تكسي وسكن واكل وشرب - وهناك تحول بقيه القروش الي عملتهم - اما بقيه المبلغ فخذ معك دولارات فئه مئه دولار وريالات من فئه الخمس ميه ريال قسم قطيتكم للعملتين لان الصرف هناك مختلف بعض المناطق الريال فيها افضل صرف مثل البونشاك " الجبل" وبعض المناطق الدولار فيها افضل مثل بالي وطبعا هلكلام مو ثابت الفارق بينهم بسيط اذا تبي تريح راسك من الدوشة وتقول ماتفرق معي احوس بالصرفيات والتحويل بكل السفره واخسر مبلغ بسيط فممكن تحول لروبيه من هنا وترتاح اذا حاب بس هلشي بيخلي المبلغ معك كبير شوي لان اوراق عملتهم واجد واكبر ورقه ب100 الف روبيه
* بالعربي اذا انت حريص بالحيل وتحسب كل ريال خذ نص المبلغ ريالات من فئة امهات خمس ميه والنص الثاني دولارات من فئة ال 100 دولار وهناك لا بغيت تحول اسئل عن قيمه صرف الريال والدولار ايهم افضل اصرفه كل يومين ثلاثه تصرف حقهم ودواليك لين تنتهي الرحلة
* اذا انت ممكن تخسر 400 الي 500 ريال من مجموع كل القطيه وتبي تريح مخك حول هنا ووزع المبلغ بينكم او خذهن معك امهات خمس ميه وحولهن هناك مع تحويل مبلغ الفين الي الفين ونص مثلا مايعادل ثلاثميه الي اربع ميه دولار حق تامين فنادق وخلافه لان كثير من الفنادق تطلب التامين بالدولار + مبلغ بسيط لاول يوم للسكن والمواصلات لان صرفيه المطار منخفضه اقل من الخارج
----------------
هذا بلنسبه للتحويل بالتفصيل وعادة الافضل نقسم نص المبلغ بين دولارات وريالات مع اخذ مبلغ يكفي حق اول يوم وصول للسكن والتكسي
اذا الاجابه مو واضحه اسئل عن النقطة اللي مافهمتها وكلنا تحت الامر ياغالي
------------------------------
وابي اعرف كم تقريبا تكلفة الرحله حدود17 يوم نحنا 4 اشخاص ,,,
طبعا احنا ماحجزنا الا التذاكر فقط ماحجزنا فندق ولا شي يقولون بيروحون هناك ويحجزون بس سمعت انهم لمن تنزل من الطياره قبل ماتاخذ الفيزا تعبي ابلكيشن وتكتب مقر سكنك واحنا ماعندنا سكن وخوفي نتورط هونيك
اكتب اسم اي فندق عادي محد بيدقق في الكرت
هذا اسم شقق حطه بالسكن
Batavia Apartments
كم تكلف الرحله سوال اجابته بالتحديد صعبه لان خيارات امسافرين مختلفه افضل طريقه لاجابته نعرف كم حاطين انتم من ميزانية للسفر ؟؟
لكن كاسترشاد المبالغ الاساسيه للصرفيه هي الاتي :
25 دولار للفرد قيمه فيزا = 100 دولار لاربعه اشخاص هذي تدفعها بالمطار بكاونتر اسمه كاونتر الفيزا
*لازم يكون جواز السفر باقي فيه اكثر من ستة اشهر / وبيعطونك بالطياره كرت وصول للمسافرين تعبيه باللغه الانجليزيه لكل راكب يعني اربع كروت الكرت موجود بالمنتدي مترجم خذ منه صورة اذا اللغه الانجليزيه ماتساعد معكم تعبونه بالطيارة ولا نزلت للمطار اول شي تاخذ الفيزا زي مابلغتك ثم تتجه لكاونتر الجوازات تعطيه الجواز + الكرت اللي عبيته بالطياره بيقص جزء منه يحتفظ فيه الموظف وبيعطيك جزء منه تحتفظ فيه مع الجواز لانهم بيطلبونه منك في رحلة العودة لما ترجع تقدم جواز السفر مع الجزء الباقي من الكرت لموظف الخطوط وتعطيه مبلغ 150 الف روبيه للمسافر الواحد ضريبه مغادرة يعني 600 الف روبيه لاربعة اشخاص
بحسبة بسيطه مطلوب منك 100 دولار لاربعة اشخاص قيمه فيزا + 600 الف روبية " تقريبا55دولار" قيمه ظريبة مغادرة لاربعة اشخاص = المجموع 155 دولار = 580ريال هذا المبلغ تخليه علي جنب قيمه فيزا وظرائب لازمة للسفر لاربعة اشخاص
بقيه الصرفيه
المواصلات |تحتاج الي سياره خاصه باليوميه بالاخص خارج جاكرتا وبقيه المدن اللي فيها تكاسي قيمتها تختلف من منطقة لاخري عموما هي بين 450 الف روبيه لليوم في بالي و500 الي 600 الف روبيه لليوم في جاكرتا وبونشاك وجزيرة جاوه - بلعاده بالمدن مثل جاكرتا التكسي يكون كافي لكنـ" ولمن لايعرف للبلد كثيرا الافضل يبقي معه سواق دائم حتي بالمدن مثل جاكرتا"
نفرض انكم قررتم تاخذون سيارة خاصه باليوميه معكم طوال الرحلة
اضرب عدد الايام 17 في قيمه لسياره باليوميه ونقول 600 الف روبيه " ممكن تكاسر الي 500 او اقل لكن راح ناخذ اكبر رقم بلعاده وهو 600 الف عشان تحسب حساب الزود ولا النقص "
17 يوم * 600 الف روبيه = 10 مليون و 200 الف روبيه = تقريبا 875 دولار = تقريبا 3275 ريال سعودي
السكن | السكن مختلف من منطقه لاخري مثلا السكن في جاكرتا غالبا الانسب لعدككم هو الشقق المفروشه الفندقيه وقيمتها تختلف لكن الانسب لاربعة اشخاص للتوفير هي الشقق الثلاث غرف وقيمتها بين 110 و160 دولار حسب تصنيفها ولو حابين تبحبحون شوي ممكن تاخذون شقق من غرفتين يعني شقتين لكل شخصين بشقه
اما في الارياف مثل بونشاك فالفلل مختلفة الاسعار يعني لاربعه اشخاص الفلل تقريبا تكون بين 700 الف روبيه وانت طالع بحسب نظافتها وموقعها ممكن توصل ل 3 مليون روبيه
يبقي عليكم مصاريف الاكل والشرب واسعار دخول المزارات وهذي ماتكلف واجد عادة الا للي ميزانيته راهيه ويبي يريح عمره ولا ممكن يكتفي بالطبخ في السكن ان حب اوفر له
* نقول عادة الميزانيه لليوميه الكافيه للسكن والمواصلات والاكل والشرب لاربعه اشخاص ودخول مزارات يعني شامله بين 300 الي 450 دولار لليوم الواحد / هناك من يقتصد ويكون عارف وين يصرف كل روبيه ويحد من خياراته بميزانيه اقل ولمعرفة كل هلتفاصيل لازم نعرف كما اجبتك من قبل كم حاطين انتم من ميزانيه للسفره بعد خصم قيمه الفيزا والضرائب للمغادرة وهل الرحله فيها سفره داخليه لبالي مثلا ام لا لان الحسبه بتزيد لوقررتم ان تكون بالي ضمن رحلتكم بسبب وجود مصاريف سفر داخلي
بيوم ممكن تاخذ شقتين بجاكرتا بقيمه 300 دولار مثلا و50 دولار للمواصلات بسياره خاصه
وبيوم بلجبل ممكن تاخذ فيلا بمليون روبيه مثلا اقل من 100 دولار ومعها 600 الفيعني 50دولار للسيارة يبقي معك 150 دولار لو ميزانيتك حاسبها علي 300 دولار لليوم اذا تمشيتكم بسيطه لهذا اليوم
وبيوم ثاني في الجبل ممكن تزورون سفاري بوشاك بتاخذ عليكم بحدود مليون روبيه للدخوليه للحديقه لكم جميع مع سائقكم وسيارتكم وهي اغلي منطقه فيها قيمه دخوليه لمنطقه سياحيه
يعني الصرف يوم بيكون كثير ويوم اقل
اتمني وصلت الفكره
رد مع اقتباس
المشاركة الأصلية كتبت بواسطة jaka
المفضلات