الموضوع: اجازة عيد الشكر في فلوريدا

سلام عليكم و رحمه الله و بركاته
انا طالب ادرس في بولدر / كولورادو
و قاعد اخطط علي اجازة عيد الشكر اللي بتكون ان شاء الله في الفتره من 22/نوفمبر و حتى 2 ديسمبر

قررت اني ازور فيها فلوريدا و هي المرة الاولى لي اللي ازورها
فمحتاج مساعدتكم في التخطط للرحلة
طبعا على حظي التذاكر جدا غالية يعني متوسطها 700 دولار للشخص الواحد

انا محتاج نصايحكم في تقسيم الرحلة بين اورلاندو و ميامي
طبعا مافي رحلات طيران مباشره بين دنفر و ميامي .. فلازم اروح و ارجع من اورلاندو
هل تنصحوني اروح الاثنين و لا اكتفي باورلاندو بس
و في اي منطقة اسكن فيها و لو فيه فنادق تنصحوني فيها

يعطيكم العافية و ما تقصرووو

مواضيع عشوائيه ممكن تكون تعجبك اخترناها لك:

• ممكن سؤال؟؟
• كم تتكلف مصاريف زيارة لامريكا في اجازة نصف العام لمدة اسبوعان
• الورقة الصفراء
• ايميل خاص بالفيزا
• ايش الفرق ؟؟
• لاصحاب الخبره والمعرفة حاب ازور امريكا لشهر العسل ومطلوب توجيهكم
• استفسار حول مخطط سفر لامريكا
• كيفية الحصول على فيزا للزوجة؟ مهم
• فيزتي تنتهي في جون وأريد اصدار أخرى
• ناويين على أمريكا و هذا مخططي ممكن تساعدوني ؟؟؟؟ و شكراً
• استفسار عن الطريقة المناسبة للسفر الى امريكا
• مساعدة ضروري
• احتاج مساعده للي يعرف بـ سان دييقو
• سكن سكن سكن ياخبراااااااااء لوس انجلوس
• أستفسار لرحلة صيف إلى أمريكا
• إستفسار إين أجد عروض الضوءوالعروض الكوميديةلاس فيجاس ؟
• تجديد الجواز في انتظار الـ
• تكاليف زيارة الي امريكا
• ابي السفر الي نيويورك و لوس انجلوس امريكا
• جامعة Northeastern Illinois University في شيكاغو

السلام عليكم
لاروح الاثنين
ميامي اذا فيه تسوق استأجر سيارة وخلها 5 ايام
واذا انتي من اهل النشاطات
شوفي تقريري فيه نشاطين
الطيران الشراعي ورحلة المستنقعات مع التماسيح
والباقي في اورلاندو
اتوقع معالمها مشهورة ومعروفة
وعندك تقريري اخر الصفحات عن اورلاندو وكلها بالفديو
واصبروا علي الصفحات تنفتح لانها متروسة فيديو
اورلاندوا يحتاج سيارة
في ميامي السكن في الساوث بيتش
اورلاندو في احد الفناذق علي شارع الانترناشونال درايف دامك لوحدك

حياك الله اخوى فيصل
...........
بتروح لوحدك ام مع اصدقاء او عائلة؟ الميزانية مفتوحة؟
فترة الثانكسقفن بتكون شوى زحمة والاسعار خاصة للطيران غالية
فلازم تحجز بدرى
.....
اذا 10 ايام فقط والميزانية محدودة , فخلك على اورلاندو فقط و اذا حاب ممكن تروح ميامى بالسيارة مثلا اول ماتوصل اورلاندو تقعد ليلتين ا ثلاث وترجع تقعد اسبوع باورلاندو
....
السيارة اشوفها ضرورية جدا
....
الميزة فى اورلاندو ان الفنادق متوفرة بكثرة جدا وبكل الاسعار , يعتمد شنو المستوى المطلوب وهل انتم شباب ( يعنى ممكن فندق صغير ! كويس ورخيص )
.....
هذى تقارير اشوفها انا جدا مميزة فحاول تطلع عليها لتستفيد

http://www.arabtravelersforum.com/travel461274
....
http://www.arabtravelersforum.com/travel803310-8
...
http://www.arabtravelersforum.com/travel824619-11
......
http://www.arabtravelersforum.com/tr...1/#post5361922
...
http://www.arabtravelersforum.com/travel616750-20

يعطيكم العافية يا شباب

انا بصراحة رايح مع عائلة : انا و زوجتي و طفلين ان شاء الله
موضوع السيارة اكييد ان شاء الله راح اتستاجر من المطار و امشي فيها طول وجودي هناك

بالنسبة للبرنامج اشوف اني مثلا اقعد في اورلاندو ثلاث ايام في فندق في منطقة بعدين اتوجهه لميامي بالسيارة اقعد فيها ليلتين و بعدها ارجع اكمل باقي الرحلة في اورلاندو في فندق في منطقة ثانية
ايش رايكم في التخطيط هذا
مده الرحلة حتكون عشرة ايام ان شاء الله
3 اورلاندو
2 ميامي
4 اورلاندو

بخصوص السكن في ميامي .. تقارير الاخوه تنصح بالساوث بيتش

باقي البحث عن فنادق اورلانندو

ما ادري هل الخطة هذه مناسبة و لالا

السلام عليكم
اهلا وسهلا
اخوي اشوف انك تكمل 7 ايام كاملة في اورلاندو
وتروح ميامي وخلها 3 ايام
ورجع من ميامي
وللعلم فيه رحلات دايركت من ميامي الي دنفر بس غالية
واشوف انك من دنفر الي اورلاندو
وميامي الي دنفر
فيه رحلة في نفس تاريخك علي
US Airways
الروحة 7 ساعات
والعودة مثل
يعني زودت 2 وعليها علي الدايركت
تبيني افيدك بتفاصيل الرحلة افدتك
انتظر ردك
وتكلفتها688 دولار

يعطيك العافية اخوي راامي

انا بصراحة اشتريت التذاكر من Frontier خلاص و هي غير مرتجعه

من دنفر الى اورلاندو رايح جااي للشخصين بـ 1115$
انا شيكت على خط السير اللي تكلمت عنه بس طلعت طويلة جدا و اغلى من السعر اللي انت حاطه.. غريبه طلع معاك كذا
غير كذا بيني و بينك انا ممكن اسافر بالسيارة بس الطيارة و رحلة طويلة شي جدا صعب مع طفلين
انا و انا جااي من السعودية كانت رحلتي من الدمام لفرانكفورت 8 ساعات و العيال طلعو عيني و مابقى راكب في الطيارة الا و اعطاني نظرره
فاحبذ الطيران المباشر و الاقصر
بالسيارة ممكن نمشي امورنا و تعدي ان شاء الله
بكذا موضوع الطيران انتهى ..و اندفعت الفلوس يا معلم
الحين باقي التخطيط و الفنادق و ما الى ذلك
و فيكم الخير ان شاء الله

السلام عليكم
في الخدمة
وهاذا رابط الرحلة
http://www.kayak.com/flights/DEN-ORL...DEN/2013-12-02
وفرق ساعتين وعليها من الديركت ودام انقطعت التذاكر بالتوفيق
انت وعيالك باتكون الفلل غالية شفلك فندق في الانترناشونال درايف في اورلاندو
واذا علي الاماكن السياحية في تقريري بالفيديو عدة مقاطع وشرح عن
مدن ديزني لاند 6 ثنتين مائية
السي ورلد
الدسكفري كب
حديقتين اليونفرسال ستديو
وصدق اولاتصدق
البيت المقلوب
موفق ورحلة سعيدة
واي استفسار حاضرين

يعطييك الف عافييية يالغالي و ماقصرت

مرحبا بالتوفيق

نصيحه لا تقسم الايام بالطريقة اللي ذكرتها
3 اورلاندو
2ميامي
4 اورلاندو

لان ايام التنقل بين المدينتين و الطيران من والى دنفر ضايعين " يعني راح تصفى على 6 و 4 ايام ضايعه حرام " ... احسب الطلعه من الفندق وشقلة الاغراض للسيارة والمسافه حول 4 ساعات و دخول الفندق غير يوم الطيران لازم ساعتين قبل الموعد تتواجد بالمطار والخروج من المطار واستلام السيارة ياخذ بين ساعه ونص الى ساعتين

انا اقول
4 ميامي
6 اورلاندو
براحتك تبي بالاول اورلاندو او ميامي

اتفق مع اخى wkjowkjo لا تقسم الايام
ميامى ماتصلح للاطفال وايد
اذا ناوى تروحلها خلك على( ميامى 3 وبعدين اورلاندو 7 ) وتبتدى بميامى( من مطار اورلاندو تروح بالسيارة ميامى اول ).. او تلغى ميامى!
اورلاندو حلوة للعوائل وايد وتحتاج من 10 الى 15 يوم

السلام عليكم
الي فهمته منك امس التذاكر ونقطعت ذهاب واياب من اورلاندو يعني ماتقدر تبدي من ميامي
اشوف انك تدخل ميامي لانها تستحق الزيارة وهاذا يعتمد عليك وش تحب بعد ماتشوف التقارير
عن اورلاندو وهو الي يحدد كم يوم تحتاج
ومن ناحية الاطفال نعم منطقة الساوث بيتش ماتصلح للاطفال اسكن بعيد ومرها بالسيارة
او اسكن في الساوث بيتش ولا تنزل الشاطئ نهارا لان هو المكان الي فيه المناظر التي لاتسر

بالفعل التذاكر اشترت و هي غير مرتجعه

و نصيحتكم تقدر بذهب بصراحة
خلاص ان شاء الله اول اورلاندو و اطلع لميامي اقعد فيها ثلاث ايام و بعدين لاورلاندو نكمل فيها الاجازة و نرجع لدنفر

الحين محتار بالفنادق ..
في ميامي افكر اخذ هوليدي ان ريسورت في الساوث بيتش
و في اورلاندو بافكر في هيلتون اورلاندو في الانترناشينول دراايف

ما ادري هل فيه نصايح بالنسبة للفنادق؟؟