شف اخوي الميزانيه مختلفه من شخص لاخر
انت تبي استرخاء ومناظر طبيعيه هذي غير موجوده مثلا بالعاصمه جاكرتا لانها مدينه مزدحمه وهي من اكبر مدن العالم تلوثا وزحاما وتعدادا سكانيا
يعني تحتاج تطلع بري جاكرتا
وغالبا خطوط الطيران تتجه مباشره من السعوديه لجاكرتا
يعني تحتاج انك تطلع بطياره لمنطقه ريفيه تناسب طلبك كمثل بالي وهذي مو قريبه تقريبا ساعتين الا ربع لان المسافه بينها وبين جاكرتا اكثر من الف كيلو وعليه بيكون راح من رحلتك القصيره اصلا يومين يوم للروحه الي بالي ويوم للرجعه من بالي لجاكرتا
يا انك رجال تحجز مثلا علي خطوط تنزل في بالي مباشره وبالي هي اكثر جزيره تعتبر مقصد سياحي مناسب متنوع في اندونيسيا و6 ايام مناسبه لها جدا يعني مثلا تاخذ القطريه لانها تنزل مباشره في بالي بعد محطه الدوحه
او انك تاخذ رحله لجاكرتا وتطلع منها بالسياره لاقرب منطقه ريفيه مناسبك لطلبك واقرب منطقه مناسبه هي منطقه بونشاك الريفيه وهذي عيبها بلنسبه لك انك وحداني يعني راح تتحمل قيمه السياره الخاصه وحدك وهي تقريبا بين 500 و600 الف روبيه لليوم لان المنطقه لايو جد فيها تكاسي للتنقل بين مناطقها بل سيارات خاصه او دبابات لو حبيت وهي خطره وغير مناسبه للي اول سفره له وبالاخص وحداني لاسمح الله من حادث او خلافه بسبب اختلاف الطرق بالنظام الانجليزي
ايضا السكن في المنطقه الانسب يكون في فيلا لاحتوائها علي حوش او حديقه مناسبه يكون المنظر فيها جميل وهذي ستتحملها وحدك وايضا هي غير مناسبه للشخص الوحداني لانه يحتاج الي رفقه يسامرونه بعد المغرب مثلا لان النشاطات والمزارات في المنطقه تقريبا تنتهي بالمغرب
والخيار الاخر تاخذ فندق وهو الانسب لك وحداني وليس فيلا وهذا قيمته مختلفه بين 600 الي 800 الف روبيه لليوم
يعني بحسبه بسيطه
قيمه السكن والمواصلات بيكون بحدود مليون و200 الف روبيه
اضف اليها بعض المبالغ الاخري اكل شرب رسوم دخول مزارات بحسب رغبتك
يعني نقول 200دولار لليوم| المئه دولار اليوم = مليون ومئه وخمسون الف روبيه وشوي تنقص وتزيد شوي باختلاف قيمه الصرف المتذبذبه من يوم لاخر
ميه و10 دولار مصاريف سكن ووسيله مواصلات
وبقيه المبلغ يكون ااكل وشرب ومزارات الخ
اذا بتحط 250 دولار احتياط مثلا هدايا ولا شي اعجبك تشريه يكون انسب
اضرب هلمبلغ بعدد الايام
+ احسب معها 25 دولار قيمه فيزا +150 الف روبيه قيمة ضريبه خروج مغادره بتطلع معك الحسبه الكامله للمصاريف الاعتياديه للرحله اذا بتخليها مثلا بونشاك او 3 ايام بونشاك وتضيف معاها 3 ايام باندونق ثم ترجع لجاكرتا
اذا بتوفر ممكن تكون بجاكرتا كم يوم وتطلع منها للتمشيه ببونشاك في جاكرتا بتوفر قيمه السياره الخاصه بالتكسي
اما السكن تقدر بنفس المبلغ 800 الف او اقل او اكثر بقليل تجد فندق مناسب وجيد بس جاكرتا كماابلغتك اسواق ومولات وبعض المزارات فقط مثلا يوم انشول ويوم تمان ميني
ورحله موفقه ان جزمت امرك عليها
رد مع اقتباس
المفضلات