بسم الله الرحمن الرحيمطبعا كنوع من رد الجميل لهذا المنتدى الرائع ما حبيت ابخل عليكم بقصتي مع السفاره الامريكيه يوم الاحد
8\10\2006 لاخذ الحيطه وتجنب الاخطاء:.
طبعا تعرفون كنا في رمضان والسحور كان متاخر وطلعنا من البيت الساعه 7 صباحا فما كان في وقت للنوم فرحنا وحنا مواصلين وصلنا حي السفارات الساعه 0720 ص المهم جلسنا نلفلف الين لقينا السفاره الامريكيه طبعا رايح انا واختي نبي نفيز لها ولولدها الرضيع عشان تلحق زوجها بامريكا المهم نزلنا من السياره وحنا رايحين بلطريق قابلنا شايب وشاف معنا شنطة اختي وجوالاتنا وقالنا ترى بياخذون الجوال منكم والشنطه وكل شي معكم بصراحه خرشنا رجعنا السياره ونزلنا جوالاتنا وشنطة اختي ورجعنا مشينا ونلقا ذاك السيرى الي جلسنا فيه ستعه ونصف بعد السيرى في مكتب يشيك على اشيائك هي كامله ولا لا قبل لا تدخل شيك ولقى ملاحظه انتبهولها لقى الصوره الخاصه باختي وهي بلحجاب كانت مغطيه مقدمة الشعر من الامام وقالنا روحو غيرو الصوره لان الشعر من اللامام لازم يكون ظاهر طبعا قفلت الاخلاق :112: ودلنا على محل مقابل السفاره وكانت الساعه 0830 ص رحنا المحل وليناه كاتب على الباب الدجوام في رمضان يبدا من الساعه 9 ص يعني لطعه نصف ساعه:110: طبعا بغيت اصفك اختي بس صايم :114: فتح المحل وصورنا وقالنا وش تتزقعوووووووووووون :114: :114: قالنا الصور ما تطلع الى بعد 45 دقيقه قلت يا سلام سلم وتذكرت مثل يقول (اذا اكلت بصل كثر بصل) اخذنا الصور الساعه 1005 ص رحنا طبعا ما نصف سرى على طول رحنا للبوابه وريناه الصور ودخلنا وبعدين فتشونا داخل اخذوا مني مفتاح السياره واعطوني رقم عشان اراجع فيه اذا طلعت بعدين دخلنا في سيكيوريتي يعطيك رقم وتنتظر اول شي في مكاتب تشيك على اوراقك وتاخذها والمشكله ما كان معانا تعريف يسمى الa20 هذا لازم يكون معك اذا كان معك اطفال ماجبناه قامو اخذو جواز اختي وجواز الولد قالو اذا جبتو ال a20 جيبو الجواز خلصنا من الي يدققون بلاوراق وعطونا رقم وانتظرنا يمكن ساعتيين عشان حقين البصمات واخذو بصمات اختي وقالولنا انتظرو للمقابله انتظرنا ساعه ونادونا بلرقم وقابلو معها قلولها( زوجك وين وليش تبين تروحين له وليش ما رحتي له من اول وليش وليش وليش) المهم لازم تجاوب الصدق ولا تكذب ابدا ولا تحاول تسوي ذكي عليهم لانك بتكون خسران وتندم لان في سودانيه قبلنا كذبت عليم بعمرها واكتشفوها ورفضو اعطائها الفيزا والله جلست تصيح وتتطلبهم بس بدون فائده الين جابو حارس الامن وطلعها برى طبعا بعد المقابله بيسئلك هل تود ارسل الجواز لك عبر الفيد اكس او انك تجي تستلمه بنفسك اذا كنت من سكان الرياض انا ارشير عليك انك تجي تستلمه واما خارج الرياض فخلهم يرسلونه لك افضل
نصائح:.
1:اذا بتجي تعال الصباح بدري.
2:لابد من احظار قلم ازرق وصمغ وصور كافيه للاحتياط.
3:حاول توقف سيلرتك في مكان مايكون قريب من المدرسه الي جنب السفاره لان يمكن يوفق خروج الطلبه وتطيح بلزحمه الظهر.
3:جب معك شي يسليك لانك بتلطع اكثر من 8 ساعات .
ملاحظه:.
1:الدوام في رمضان من 8 ص الى 0330 ع.
2:وقت استلام الجواز من 0230ظ الى 0330ظ من البولبه الجارجيه بعد اسبوع من تسليم الجواز.
اتمنى اني وفقت في ايضاح بعض الامور الي اتمنى من الجميع الانتباه لها ودمتم..........وانا جاهز لاستفساراتكممواضيع عشوائيه ممكن تكون تعجبك اخترناها لك:
- موعد الفيزا الي امريكا
- مساعدة في فنادق في روشستر مينيسوتا
- استفسار عن مطار اوهير شيكاغو؟
- ضروري التعديل يا اخ امباكت
- ساعدوني ياالنشامااااا
- مصاعب الفيزا أفقدت أمريكا مليار دولار
- تخصص العلاج بالأعشاب
- سؤال عن نماذج السفارة؟؟؟؟
- الموافقه على فيزا الزوج وتأجيل الزوجه
- ياجماعة عليا المقابلة بعد اسبوع لو حد اخد تاشيرة السياحة من مصر ياريت يطمنى
- المقابلة في السفارة لكل افراد العائلة أم واحد يكفي ؟
- للي يعرف
- السكن في ايرفاين
- الرجاء المساعده مشكله في التذكره
- هذا ماحصل بالسفارة في العمارة
- زوار امريكا تسجيل الحروج
- نصيحتكم في عروض لاس فيغاس
- سائق خاص في لوس انجلوس ولونق بيتش
- كيف انقل الفيزا الى الجواز الجديد؟؟
- الحمدلله اجراءات ولا أروع
المفضلات