السلام عليكم
اكتب لكم وكلي الم وقهر ..
انا ما توقعت في يوم اني اتعرض لمثل هالمعامله ... واخر شي كنت افكر اني راح اكتب موضوع زي هذا
لان معروف قطع الاعناق ولاقطع الارزاق
لكن اللي شفته من مماطله واستفزاز ووعود باطله وخداع والله العظبم الى هذي اللحظة ما اخذت حقي ....
وهذل اللي خلاني لازم وضروري احذر من هالمكتب واشهر فيه ..
قصتي باختصار اخوي مبتعث في امريكا وتخرج الحمدلله والوالده الله يطول بعمرها حبت تحضر تخرجه وقررت انا اكون مرافقه معها .
طبعا الوالده كملت اجراءاتها واستخرجت فيزتها بدري وانا لظروف خاصه تأخرت مابديت بالاجراءات الا قبل موعد السفر ب4 شهور ..
بحثت في المواضيع عن كيفيه استخراج الفيزا الامريكيه وسويت كل شي بنفسي لكن ماضبطت معي سبحان الله .
استسلمت وقررت اعطيها مكتب يسوي لي الاجراءات ..على بالي ابرتاح لكن هذه بدايه المعاناه .
جوازي واوراقي سلمتها مكتب ( السندروس في حي العليا ) بتاريخ 10 /3 /2014
وسألت المكتب كم يبيلها الفيزا عشان تطلع قالوا لي على الاقل يبيلها من اسبوعين الى شهر .
للاسف اعتمدت على كلامهم وسلمتهم مبلغ استخراج الفيزا كامل 1000 ريال
وزياده قمت بحجز تذاكر ذهاب وعوده الى امريكا بتاريخ 6 مايو
قبل ما تطلع الفيزا !!
كنت على تواصل عن طريق الواتس اب مع المعقب محمد موسى سوداني الجنسيه (حسبي الله عليه)
مر اسبوعين ... سألته ايش صار ؟
قال كل شي جاهز بس ننتظر السفارة ترسل ايميل لتحديد موعد البصمه ؟!!
888
للمعلوميه هو فضح نفسه بعدين وقال انه ما بدا بالاجراءات الا بعد 10 ايام من استلامه للجواز والاوراق يعني كان يكذب في كلامه فوق !
سألته مرا ثانيه بعدها بكم يوم وقلت له اني حاجزة تذاكر بالتاريخ الفلاني ومابقي وقت على موعد السفر وكان التاريخ وقتها 4 /4/2014 اي تقريبا بعدها بشهر من تسلمهم جوازي واوراقي؟!!
وين وعدهم ان الاجراءات مايبيلها الا اسبوعين او شهر ؟؟؟!!!
المهم ان كل ماسألته قال ننتظر ايميل !؟
ضاع الوقت وقرب موعد السفر وراح لهم زوجي للمكتب مرتين ومافاد
مماطله مابعدها مماطله
التفاصيل ترررفع الضغط لكن انا مختصرتها لكم قدر الامكان
اخييييييييررررا قالوا خلاص حددوا موعد المقابله في السفارة الثلاثاء بتاريخ 29/4/2014 يعني قبل اسبووع بالضبط من موعد السفر !!!!!!!!!!!!!!!!!
واول شي قال المقابله الصباح ثم قال الساعه 2 الظهر !!؟
انا راحت علي اني اطلب اثبات بالموعد واعتمدت كلامه ..
زوجي كان عنده انتداب في جده واخذ اجازة اسبوع وحضر للرياض خصيصا عشان يوديني الموعد .... لكن ...؟!
رجع السوداني يتصل ويقول الموعد الاحد 4مايو الساعه 8 ونص صباح !!!!!؟؟؟؟ وارسل ايميل !!!
كيييييييييييييف؟!
وشلون تحدد موعد من راسك قلت الثلاثاء وشلون الحين تقول الاحد؟!! و
موعد السفر في 6 مايو بالله يمديها تطلع الفيزا في يومين؟؟؟!!!!!
زوجي جاء من جده على ولاشي !!!!!!!!
طبعا بعد المماطله والتلاعب والاستغزاز راح لهم واخذ جوازي واوراقي وطالبهم بتعويض قيمه التذاكر ... ووعدوا انهم راح يرجعوها !!
جاي يوم الثلاثاء 6 مايو الي هو موعد السفر ... وسافرت امي الكبيرة في السن لوحدها
حسبي الله ونعم الوكيل
انا الان اطلب بتعويض قيمه التذاكر كل يوم نتصل عليهم يماطلون !؟
غلطه اننا ما خليناهم يوقعون ويختمون على وعودهم ... !!
كل يوم يقولون كلام ويكذبون عيني عينك ... وانا بالي طويل ابلحق الكذاب لحد الباب !!
ما اقول الا حسبي الله ونعم الوكيل
اخوي حفله تخرجه بكرا ان شاءالله .... الله لايحلل اللي حرمني فرصه اني اكون معاه واشاركه فرحته في هذه اللحظه .
ارجو من الاخوه الكرام نسخ رابط قصتي ونشرها لفضح تلاعب هذا المكتب والتشهير فيه . وانا مستعده اثبت كل شي بالمحادثات والصور لاي احد يشكك في كلامي ......
حسنا الله ونعم الوكيل .نزلت صور للي حاب يتأكد يشوف حسابي على تويترمواضيع عشوائيه ممكن تكون تعجبك اخترناها لك:
- هل التامين الصحي للشركات الموجودة في السعودية يقبل بها في الولايات المتحدة
- للراغبين بالشحن الجوي من لوس انجلوس
- شقة فخمة للإيجار ثلاث غرف نوم في مجمع راقي بجوار القروف مول في لوس أنجلوس
- بغيت فندق ممتاز في منطقه هوليود تكون قريبه من الاماكن السياحيه
- لو سمحتو كيف اعرف نسبة تاكس في الولايات؟
- ستفسار عن الطيران الداخلي بامريكا
- مضامير الخيل
- وش افضل طريقه اشتري فيها تذاكر اليونيفيرسال وديزني ؟
- معلومات عن تكساس
- خارج نطاق التغطية الى يوم السبت القادم
- استفسار عن فيزة الزوجة ؟
- لدي قبول مبدأي من جامعة روشستر في نيويورك وقبول في معهد في انديانا يصلح؟؟
- معهد
- اقدر ولالا
- سؤالي عن ميامي واورلاندو
- ارجو الافاده للاخوه المسافرين
- الى الأخوة خبراء امريكامطارات نيويوك
- نيويورك قريبا
- كيف اثبت حجز الفندق اثناء المقابلة فى السفارة؟
- الاسواق في واشنطن
رد مع اقتباس
المفضلات