الموضوع: تقريري عن احلى رحلات حياتي تركيا انطاليا – بودروم – طرابزون – اسطنبول

صحينا مكتئبين ..:01xw5:.. وبعد عمليات التعقيم الي سويناها قدرنا نستخدم الحمام وانتوا بكرامه
ورحنا بوفيه الفطور حقهم ولكن طلعنا بدون ماناكل شي ... صراحه كان سيء ( ربي يكرم النعمه بس )
وفيه اشياء غريبه مواعين التقديم حقتهم وسخه ...


رحنا للرسيبشن وطبعا ابوي تفاهم معهم وقالهم انتوا ناس طيبين وخدمتكم ممتازه ولكن حصل سوء تفاهم ومو هذا الفندق الي نبيه اعذرونا بس حنا بنطلع واذا ممكن تعطونا اسماء فنادق اخرى عشان نشوفها


طبعا وبكل صراحه كانوا مؤدبين جدا وقالوا لنا وش الي مو عاجبكم ونغيره بس الوالد قالهم المستوى العام كله واسمحولي .. وعادي عذرونا زماأسائوا التعامل معنا واعطونا اسماء لفندقين وطلعنا نشوفهم


واحد منهم كان افضل من هذا بششششوي


اما الثاني كان عذاااااااااااب يجنن ويهبل وقلنا لابوي مانبي الا هو ,, مع انه كان غالي وبعد مشاورات واقناعات :23isp: اقنعنا الوالد وحجزنا عنده


ورجعنا فندقنا القديم نسوي الشيك اوت وناخذ شنطنا ,,, طبعا الفندق قال لابوي مابنرجع المبلغ كامل بنخصم منكم قيمة اقامة اربع ايام ,, وقلنا باللي هي بس المهم نطلع ,, ونتفاهم بعدين مع المكتب

طلعنا ورحنا الى فندقنا الجديد ( la blanche )
وهو في الحقيقه منتجع مثل الشاليهات ( spa )


وحجزنا عنده وكانت اقامتنا في بودروم كلها فقط 5 ايام ,,,
طبعا هالفندق نظامه غريب يعني مع انه غالي بس على هالخدمات الي يقدمها تحسه يستاهل
هذا الفندق ياطويلين العمر والسلامه الغرفه فيه مكونه من ( صاله وغرفة نوم وحمامين وانتوا بكرامه وثلاجتين ( الميني بار ) وتلفزيونين وبلكونه مطله عالبحر طبعا )
قيمته : 2500 ريال للغرفه ,,, ولكن هالسعر يشمل:


*الثلاجتين الي بغرفه تحتوي على عصيرات ومشروبات غازيه فقط وتتعبى كل يوم وحلالك بلااااش
*تشمل بوفيه ( فطور – غداء – عشاء ) ( وربي بوفيه تتعب وانت تاخذ منه طويييييييييييل عريض ) بالاضافه الى بوفيه اسمه ( حساء نصف الليل ) وهذا يكون من الساعه 12 الى 1 ويتكون من بوفيه صغير فيه سلطات ومقبلات وشوربات
*طبعا المشروبات الي مع الوجبات بلاش وموجوده عالبوفيه ( يعني الي يحب يعبي كم مره )
*بالاضافه الى وجود ( المقاهي مثل الميني بار ) موزعه عالفندق من داخل وعالشاطئ برى وطبعا فيها مشروبات بجميع انواعها حاره وبارده ومثلجه والايس كريم والكيك والحلويات ( وببلاااااااااااااااااااش )
* بوفيه صغير عند المسبح يحتوي على ( سناكس ) وخفايف وطبعا بلااااااااش
* عند البيتش فيه خيمه فيها حرمه تخبز تسوي الخبز التركي وتقدمه مع اللبن وايضا بلاااااش
* قوارب التجديف بالارجل والكانو وملاعب الكره تستخدم بلااااش
* فيه مسرح يقام فيه كل يوم مسابقات واستعراض للرقصات التركيه
* غير البوفيه ,, يوجد بالفندق 3 مطاعم ( تركي – سي فود – صيني ) وفيه احقيه للساكن ياكل وجبه عند أي من هالمطاعم اول مره بلاش ولكن بعدين بحسابه
*الفندق يحتوي على ( سبا ) متكامل من حيث غرف المساج المتنوعه (مساج تايلندي – مساج مائي ,,, الخ ) وتنظيف البشره والليزر وعمل التان ( التسمير ) والحمام التركي والساونا والبدكير وصالون ( كوافير ) وغرف الاسترخاء والتأمل (غرف مطلع على شلالات ) واشياء كثير ماعرفتها صراحه
( ويضمن الخصوصيه للنساء في غرف المساج )
* الفندق بالرغم ان كل نزلاءه اوربيون الا انه يستخدم الذبح الحلال ولا يحتوي على لحوم الخنزير ابدا
* كثير من موظفين الفندق ( خصوصا الى بالكوفي والمطاعم ) يتحدثون العربيه ولطيفين بالتعامل
* تعاملهم اكثر اكثر اكثر من راقي خصوصا معنا كانوا جدا مؤدبين ويرحبون فينا عند الدخول للمطعم داااائما خصوصا المشرف حاجز لنا طاوله مطله عالبحر وجميله جدا كل يوم نجي يودينا لها ومخصص 2 ويترز يخدمونا حنا بس ويقولون لابوي ( عمي )

حصل موقف لنا بالفندق ,, طبعا الوالد من النوع المحافظ جدا في الاكل يعني لازم اكل صحي معين ... والفندق هذا في بوفيه الغداء والعشاء فيه قسم مخصص للدايت ومتكامل اما الفطور لاء
وحنا عالفطور ابوي كلم المشرف وقاله وش معنى الغداء والعشاء فيه قسم دايت اما الفطور مافيه ؟ وسجلها المشرف كملاحظه
وربي باليوم الثاني وحنا نازلين عالفطور كان يستقبلنا عالباب واول مادخلنا اخذ ابوي ووداه لقسم خاص كللللللللللللللله اكل دايت من اجبان واخباز وغيره ,, وطبعا الوالد شكرهم بحرااااره على هالتعامل الطيب


( معلومه صغننه ) : حنا جلسنا في بودروم 5 ايام ولكن ماطلعنا من الفندق الا يومين لان كان فيه مرافق وجلسات واماكن حلوووووووه
يوم طلعنا تمشينا بالشوارع المحيطه بالفندق وشفنا البازار والكورنيش
ومره طلعنا برحله بحريه ( نصف يوم ) وبسسسسسسسسس


يعني الي بيروح بودروم لازم يحجز بفندق ( منتجع ) فيه مرافق متنوعه لان المدينه مافيها اماكن تمشيات او شلالات


بأختصار ( هي مدينة استجمااااام ) تناسب الغرب اكثر من العرب لان حنا مانستفيد من السباحه بالمسابح او الشواطئ

والحين بعد كلامي الكثير الي ادري تعبتوا معي ,, وريكم صور الفندق

هلا بك خيتو سلمى
وان شاء الله تزورين هالاماكن وتشوفينها عالواااقع بدون صور ... وتكتبين لنا تقريرك بعد ^_^

-----------------------------------------------------

اهلا وسهلا ( حبيبتي مراكش )
سرني تواجدك وردك
ان شاء الله تزورون هالاماكن قريب
واتمنى لك متابعه ممتعه : )

والان ببدء لكم بصور الفندق

صور خارجيه للفندق ..




.







الرسيبشن ,,,





مكان ( مطل ) عالمسابح من الرسيبشن ,,,











نتوجه للغرفه ,,,





الصاله :



دورة المياه ( كرمكم الله ) :




غرفة النوم :




المطل ( من بلكونة الغرفه ) :














وصوره جانبيه للفندق :



يتبع ,,,

ماشاءالله عليك مبدعه بكل ماتعنيه الكلمه من معنى



بودروم جميله ولكن سبحان الله حوست الفندق هي اللي لخبطت عليكم . على فكره انتي ذكرتي سعر المنتجع لليوم الواحد ب 2500 ريال وزي ماذكرتي انه all inclusive . فهل القيمة هذا لشخصين ؟


اذا كان كذا صراحه سعره مره غالي . واحب اضيف معلومه قد يستفيد منها من يرغب الذهاب الى بودروم وهي ان هناك فندق في بودروم 5 نجوم ورائع جدا وهو ايضا من ضمن مجموعة فنادق مرمره الشهيره في تركيا اسم الفندق :


THE MARMARA BODRUM

سعره للشخصين ب 200 يورو في وقت الذروه ( شهر اغسطس ) .



اتمنى اكون ماكثّرت عليكم .


بس للامانه يا اختنا نجلاء تفصيلك رائع . ونرجوا بأن تواصلي على هذا المنوال لجميع المناطق التي تمت زيارتها .




تحياتي وتقديري لجهودكم الكريمة

اهلا وسهلا مشرفنا بو تركي,,

اشكرك عالاطراء والمدح الي يدفعني لتقديم الافضل ان شاء الله

بالنسبه لسعر الغرفه ... هي 2500 ريال لشخصين ,,, لكن الي بالرسيبشن سوالنا خدمه
قالنا انصحكم تاخذون شقه وحده بس ... والكنبين الي بالصاله نحولهم لأسره ونجيب سرير اضافي ( لان حنا 5 )
وبكذا بيكفينا كلنا ,,, يعني انا واخوني كنا بالصاله وهي مستقله تماما عن غرفة النوم
واعطى كل واحد فينا كرت ,,, عشان دخول البوفيه واستخدام المرافق

وتسلم عالمرور الطيب والمعلومه المفيده ,,

مبروك اختي نجلاء على التثبيت
بصراحه تقرير يستاهل
واصلي ابداعك

تقرير رائع وجميل هيج المشاعر وقلب المواجع
نحن فب الانتظار
تحياتي

اهلا وسهلا اختي بنت من جده ,,,

والله يبارك فيك عزيزتي

والله يجزاك كل خير ...

وحياك ياعسل ,,

اهلا وسهلا اخي الوطواط

والرائع مرورك

وان شاء الله يعجبك الباقي ..

حلوه بصراحه مرافق الفندق

كنت اتمنى ازور تركيا هالسنه لكن زوجي للاسف اصر على ماليزيا وشوفيني مسنتره في بوابة تركيا
متاااابعين

لو سمحتي يا نجلاء ابغى اعرف بودروم فين مكانها عالخريطه قريب من أي مدينه

هلا بك خيتو ( سلمى تسئل )

وان شاء الله تزورين تركيا قريب لانها فعلا تستاهل الزياره ...

واشكرك عالمتابعه


------------------------------------------------

اهلا وسهلا اختي ( بنت من جده )

بودروم بمحاذاة انطاليا ( جنوب تركيا ) عالبحر المتوسط
واخذنا طريق من انطاليا الى بودروم بالباص تقريبا 8 ساعات لكن الطريق كان ممتع جدا جدا

اشكرك عالمرور ,,

السلام عليكم ورحمة الله و بركاته

اولا ان شاء الله ترجعوا ارض الوطن بكل سلامة .....

في الحقيقة انا من اشد المتابعين لتقرير ....... ومن ناحية المعلومة فالله يعطيكي العافية ما قصرتي إن شاء الله من ناوي انه يطلع الى تركيا راح يستفيد من تقريرك (الاكثر من رائع) كثير....


ونتظر المزيد ........

دمتي في رعاية الله ......


أبو سليمان

ابتسامة شرق ... هلا بك
والله يعافيك ياعسل : )
-----------------------------------------------

حياك اخوي ابو سليمان

كلامك اسعدني صراحه ,, واسعدني اكثر متابعتك للتقرير

واتمنى يعجبك الباقي ...

وشكرا عالرد ,,

في اخر يوم لنا في بودروم صحينا ... وبعد الافطار جاء الموظف عشان ياخذ شنطنا ..

وانا واختي رحنا جلسنا بالكوفي ننتظر الوالد يخلص اجراءات الشيك اوت ونشرب اخر بيالة شاي في بودروم

طلعنا من الفندق عالساعه 10:30 ورحنا للمطار وركبنا الطياره متجهين الى المدينة الجديده ( طرابزون )...



وهانحن نحلق في سماء تركيا







ووصلنا الى مطار اسطنبول عالساعه 3 ( ترانزيت ) وانتظرنا بالمطار لان اقلاعنا كان الساعه 5:30 وقضيناها نتمشى بالمطار .. الى ان جاء موعد الرحله وركبنا الطياره وعالساعه 8 وصلنا الى طرابزون بالسلامه ولله الحمد ..



صورة الكابتن حقنا ومساعده وهم نازلين من الطياره ,,









اخذنا تاكسي واتجهنا الى فندقنا ,, ( funda hotel )


وكان ليل ومطعم الفندق مقفل وحنا تعبانين وجوعانين ... ( وكخدمه من الفندق ) راح واحد من موظفين الفندق وجاب لنا ساندويشات كباب ومشروبات من مطعم مشهور عندهم وكان الحساب بسيط جدا مقارنة بأكل انطاليا وبودروم ,,


وهذي صور لرسيبشن الفندق التقطتها في صباح اليوم الثاني ,,













معلومه : حنا كنا حاجزين في فندق ايقون في اوزنجول ولكن حصل سوء تفاهم بين الفندق والمكتب وتهاوشوا والغوا حجزنا وحجزنا في طرابزون ,,, وهذي تضاف الى مساوئ المكاتب السياحيه والي تخرب جو السفر

( وعشان كذا انصح الجميع انه يحجز على كيفه وبمزاجه ) ,,

صحينا وتوجهنا للفطور ,, كان البوفيه متواضع نوعا ما وخفيف
ولكن كانت جلسات الفطور حلوه هادئه ورايقه ومطله (عالبحر الاسود ) ,, والشاي حقهم يمييييييييي لذيذ جدا جدا ,,

وبعد الفطور تروشنا واستعدينا ثم انطلقنا الى ( اهم فقرات الوالد :04jdh: ) وهي استكشاف المنطقة المحيطه بالفندق ( مشي ) :bhtpu::bhtpu::bhtpu:
كان فيه محلات لابأس فيها ,, دخلنا صيدليه نشتري بعض المستلزمات وكان عندهم قسم ادوات تجميل وكانوا مسوين تخفيض عالمناكير بـ ( 2 ليره ) انا واختي ماصدقنا وشرينا 8 الوان

وبعدها دخلنا محل اكسسوارات فناااااااااااااااان ,, اشياءه رهيبه وحلوه وعنده اشياء غريبه وطبعا شرينا لنا انا واختي وطولنا فيه لما عصبت امي وابوي يقول خليهم على راحتهم ,, وخفنا تصير حرب داحس والغبراء فاحترمنا انفسنا وحاسبنا وطلعنا ,, وكملنا رحلة الاستكشاف ووصلنا لحديقة جميلة في وسط الحي وفيها ( اكشاك ) تبيع الذره والدندرمه وبعض السانويشات ,, بس ماشرينا منهم لانه دخل وقت الغداء
فتوجهنا الى مطعم DU – DU وتغدينا فيه وطبعا وبكل تأكيد ختمنا وجبتنا بالشاهي التركي اللذيذ








وبعدها رجعنا للفندق للصلاة وبعد ماأخذنا راحه طلعنا نتمشى بالجهه الاخرى ( جهة الكورنيش والبحر )
وكان هادئ جدا وفيه عربات تبيع المكسرات التركيه والفصفص ,, وكان فيه مطعم تركي عندهم حفله اضن وجايبين فرقه ورقص تركي :e3id2::e3id2::e3id2::e3id2:

ولما شافونا مارين حيانا المطرب وحاولوا بأخوي يرقص معهم بس مارضى

[size="4"][font="&quot"]( يقول اخاف يخقون التركيات من رقصي):0rqx5::0rqx5:

تقرير رووووعة بصراحه ومره عجبني الفندق الي ببودروم

ننتظر باقي التقرير

اهلا وسهلا http://www.arabtravelersforum.com/user302215/

الروعه مرورك ,,

وباقي التقرير بالطريق واتمنى انه يعجبك ,,

اليوم وبعد الفطور والاستعداد ... جانا السواق الي متفقين معه ( في طرابزون رتبنا السواق من السعوديه مع واحد تركي يوفر سواقين وسيارات وهو صديق يشار ) بعدين بتعرفون من يشار

انطلقنا مع السايق ( سواش ) وودانا الى اوزنجول الجميله .. كان الطريق يفوق الوصف صراحه شلالات وطبيعه وجبال كلها اشجار ( سبحان الخالق ) :0f4cw::0f4cw::0f4cw:



هذا وحنا في احد الانفاق ,,,








وهذي صور وحنا في بداية الطريق في طرابزون ,,
















في طريقنا الى اوزنجول ,, :0yk4g:

















عجبتني السياره الصفراء الي قدامنا ذكرتني بكرتون ( بومبو ) اذا تذكرونه :







نكمل الطريق ,, :2r45n:



































سبحان الله على هالطبيعه والمويه الجاريه على طووول الطريق ,,
























ومازالت سيارة بومبو امامنا ,,, :1es0d:









احس انكم تقولون .. يلا ماوصلنا ؟؟
بس بقولكم ترى مابقى الا شوي .. استمتعوا بالطبيعه بس :2b006:













واخيرا وصلنا الى اوزنجول واول صوره التقطتها هناك ,, صورة هذا الجامع الجميل












الغيوم تعانق الجبال الاوزنجوليه ..












صوره للبحيره مع الجامع بس صاحب السياره الله يصلحه خرب علي الصوره ,, :2ge0x:











الطريق كان تقريبا ساعه وربع ,,, وودانا عند بحيرة اوزنجول وكان الجر بارد ومنعش وعجبتنا المنطقه كثيييييير وكان ودنا نترك سكن طرابزون ونسكن في اوزنجول بس للاسف الوالد دفع للفندق كاااامل




وهنا ..
اطلقت لكميرتي العنان في تصوير هذي الجنان ,,, فأنطلقت مبهوره واحتارت في التقاط الصوره :2u8ov:

















لفينا على كل الفنادق الموجوده هناك ( الاكواخ ) :2havl::2havl::2havl::2havl::2havl: واخذنا فكره عنها (للمستقبل ) ,,



عجبني شكل الاخواخ متجاوره ...








هذا المسجد بجانب اكواخ يشار ,,,










وهذي الجهه المجاوره للمسجد مع سيارة سعوديه ,,










هذولا حراس الامن لفندق ( ايقون )
يعني الي يحب يسكن بهالفندق لايخاف ترى الامن مستتب هناك ماشاء الله .. :2vobz:











بو الشباب مارضى يجيني الا لما طلعت الحلاو من شنطتي ...









فندق اخر ماعرف اسمه بس برافوا عليه ... رافع راية التوحيد ..

علم مملكتنا يرفرف في اوزنجول.. :0jg2m:









وبعد اللف والدوران بهذي المنطقة .. توقفنا عن مطعم ( يشار ) وتغدينا عنده



بدينا بالاكمك ( الخبز ) ,,










وانتهينا بالشاي ..








وجانا يشار .. صاحب المطعم .. وعنده اكواخ يأجرها طبعا (الي جنب المسجد الخشبي ),, وهو انسان قمة في الاخلاق والتعامل مؤدب جدا هو وعائلته .. والسياره الي كانت معنا حقته ,, وجلس بو الشباب سولف معنا ( يعرف عربي شوي ) وهنا استعنا بالاوراق الي كنت طابعتها من النت للتفاهم مع الاتراك :2q1aw:



وبعدين ودانا لأكواخه وشفناهم كانوا متواضعين جدا بس ميزتهم ان فيهم مطبخ


وبعده تمشينا بالمنطقه ودخلنا بعض المحلات المحيطة بالبحيره ,,










الرف الي فوق فيه ابريق الماء والرف الي تحت فيه ( السماور ) الخاص بشرب الشاي











حلاوة الحلقوم التركيه والمشهوره هناك بـ ( لوكم سويت )












والمكسرات التركيه اللذيذه :










بعض الاكسسوارت التركيه البسيطه ( الحلي التركيه )









بدء الظلام يلف القريه الجميله ( اوزنجول )







وبعد ماظلم الوقت رجعنا وحنا بطريق الرجعه رحنا لجبل كلللللللللللللله جلسات وجلسنا وكان المنظر رائع جدا واكلنا الدندرمه اللذيذه ,, ورتبنا مع السايق جدول بكره ,, ورجعنا الى فندقنا





هذي صوره اخذتها وحنا فوق الجبل عالجلسات






والى هنا توقف ,,


وانتظروني في الحلقة القادمه والسياحه التركيه في الاراضي الاوزنجوليه ,, :17oky:

ماشاء الله اجواء رائعه اكملي يااخيتو متاابعه وبشده

حبيت اسأئلك ياعسل كم سعر الفندق وكيف خدمته وموقعه ,, ( funda hotel ) وترشحين ان اسكن فيه

تقرير رائع وصور اروع .. وعندي تصحيح بسيط لو سمحتي لي ... اسم الموتيل والمطعم اللي جنب المسجد الخشبي شيرا وصاحب الموتيل اسمه عبدالرحمن وهو رجل طيب ويتكلم العربية قليلا .. وهو على ما اعتقد صاحب وصديق عمدتنا الغالي باقر ...

اهلا وسهلا خيتو ابتسامة شرق ...

اشكرك عالمتابعه ,,

وبالنسبة لفندق funda hotel هو اربع نجوم

هو عادي جدا لكنه نظيف وخدمتهم ممتازه وعندهم انترنت

واعتقد سعر الغرفه كان 300 ريال ,, سعر مناسب بالنسبة لمستواه

ومنطقته حلوه ايضا وحيويه وقريبه للكورنيش

وهذا موقعهم اذا حبيتي تشوفين صور او تستفسرين عن اسعار

http://www.fundahotel.net/

اذا كنتوا من النوع الي مايستخدم الفندق الا للنوم فقط يعني ماتهتمون بالمرافق فتراه مناسب

وحياك لأي استفسار انا بالخدمه : )

اهلا وسهلا اخي الفارس ,,

عبد الرحمن هذا اخو يشار وكلهم عندهم حلال هناك ( اكواخ للايجار ) جنب بعض

والمطعم صراحه مدري من يملكه بس يشار هو الي كان متواجد وضنينا انه ملكه

عموما كلهم ماشاء الله طيبين مه ان عبد الرحمن ماشفناه الا شوي مره (اليوم الثاني ) بس كانوا قمة في التعامل
والاخلاق

وصحيح كلامك العمده باقر ذكرهم في احد تقاريره ,,

اشكرك عالتصحيح وعالمعلومه لاني ماكنت اعرف اسم المطعم صراحه

اختي المتألقه نجلاء



ربي يعطيك الصحه والعافيه على التقرير الجميل والرائع .


وصف ولا اروع . وتصوير خيالي .


واصلي يا ايتها المبدعه .



تحياتي لك

تقريييييييييييييير رائع جدا جدا
بصراحة خليتني افكر بالسفر الى تركيا مع اني بالاول كنت غاضة النظر عنها لاني ما لقيت لها صور بهالمستوى وتوضح جمالها
بس عندي استفسار شلون كان طريقه تنقلكم من انطاليا الى طرابزون هل بالطائرة ؟ وهل هناك رحلات مباشرة من انطاليا الى طرابزون والا لازم ترانزيت الى اسنطبول ؟؟
عندي سؤال اخر واذا احد من الاخوان يعرفه تشكرون
لو حبيت اروح الى هذة المناطق بتركيا ( اسنطبول - يلوا - انطاليا - طرابزون ) شنو هي افضل طريقة للجدولة بين هاي المناطق يعني شلون التسلسل مالهم يكون .. حسب علمي يلوا اقدر اروحها عن طريف الفيري وان كان شي من هالمناطق( انطاليا وطرابزون ) فيها وسيلة مواصلات غير الطائرة يكون افضل لاني ما احب الطائرات
وشكرا ..

اهلا وسهلا بمشرفنا الكبير ابو تركي

نورت الموضوع وانتوا تستاهلون اكثر من كذا

اشكرك عالمدح ,, واتمنى يعجبك باقي التقرير

هلا فيك اختي shyoom1

الرائع مرورك .. وتركيا فيها احلى من كذا بعد وتستحق الزياره اكثر من مره

وبالنسبه لاستفسارك ... طبعا حنا انتقلنا من انطاليا الى طرابزون بالطياره بس لازم توقفين في اسطنبول ( ترانزيت اجباري ) لكنه لساعات بسيطه ,, وهذا اجباري في جميع الرحلات الداخليه

وانا من رائيي وخصوصا اذا كان معكم اطفال .. صعبه الانتفال من انطاليا الى طرابزون بالسياره لان انطاليا بالجنوب وطرابزون بالشمال ( يعني تعب ووقت )

وبالنسبه لبرنامجك .. احس احلى شي انطاليا ثم طرابزون ثم يلوا واخيرا اسطنبول
احس اسطنبول لازم تكون اخر شي خصوصا اذا كنتي مقرره تخلينها محطة تسوق ( يعني الشنط بتكثر )
واعتقد فيه وسيلة مواصلات من انطاليا الى طرابزون غير الطياره ( الباصات )
بس ماعرف اسعارها وطريقة الحجز وكم المسافه ,,, اتمنى يفيدونك باقي الاعضاء
واذا انتي مقرره تروحين هالصيف نزلي لك موضوع في قسم الاستفسارات اسرع لك بالرد

واتمنى اكون افدتك ولو بالقليل
وحياك الله ,,

هلا وغلا بالجميع ..


واسفه جدا جدا جدا عالتأخير ,,, بس كنا في طلعة عائليه ولا اروع وانشغلت شوي ,,
وبعدين اختي راحت يوم مع زوجها البحرين وتركت كتاكيتها عندنا وطبعا اذا الكتاكيت صاروا عندي انا انسى الدنيا ومافيها ( ربي يخليهم ويخلي كل الكتاكيييييييييييييييييت يارب )

واليوم ان شاء الله بنزل لكم جزء فيها فقرات كثير واشياء جديده
ان شاء الله تعجبكم ...

طبعا جالسه اكتب لكم وانا مضبطة لي صحن فيه قطع اناناس طازج حاااالي ياسلام عليه

( نشتريه من المزرعه هايبر ماركت وهم يقطعون الاناناسه ) ,, ومكسرات صينيه وبيرة توت
عاد الي يحب يقلط معي حياه ترى الخير كثير ,,, :1es0d:

وبهاليوم ياطويلين العمر والسلامه صحينا من الساعه 9 وبعد الفطور واللاستعداد جانا سواقنا الباشا ( سواش )
وكان برنامجنا عن 3 اماكن بس مابقولهم الحين ,,, بكتبهم لكم بالترتيب .. كل مكان ووقته ,,


[size="4"][color="Red"]وهذي صور وحنا متجهين الى اولى فقراتنا ( ... ) ,,[color="Black"]

في انتظاارك لاتطوولين والله فرحت لما كملتي التقرير

يسلموووووووووووو

ماشاء الله تبارك الله

اهنيك اخت نجلاء على التقرير الأكثر من رائع
بس تكفين لاتطولين علينا

تراك شوقتينا

هلا وغلا بالحبايب
:
ابتسامة الشرق
وانا فرحت لما عرفت ان لي متابعين متحمسين وينتظرون التقرير : )
وان شاء الله ماراح اطول ابشري
:
a1s1man
يسلم غاليك اخوي ومنور الموضوع
:
طالبة رضا الله
احلى شي اني شوقتكم عشان تتعابعوني لاخر ^_^
والرائع مرورك اختي ..
نورتي تقريري بردك
:

ودخلنا المعبد ,,, :2havl::2havl::2havl::2havl::2havl:







كنا انا واخواني نتجول بلحالنا ونصور ,, وامي وابوي بلحالهم وماطولوا


وهذي صورة لاحد الغرف :










وهذي مطل خارجي من ساحة المعبد : (ومثل ماتشوفون فيه طابق بس ممنوع ندخله لان فيه اجزاء تهدمت )










وهذي عدة صور لجهه اخرى من المعبد ( من الساحه الخرجيه ايضا )

ويظهر فيها الرسومات والزخارف الي رسموها





























ونقرب اكثر :











وحنا نتمشى كان فيه هذي الرسومات الموجوده على سقف احدى الغرف :
















وطبعا عشان تطلع واضحه صورتها بفلاش ,,

وشوي الا جاني سكيورتي وقالي بدون فلاش لو سمحتي

انا واخواني استغربنا .. ليه ممنوع الفلاش ؟؟ :8cjyi::8cjyi::8cjyi:

وصرنا نناقش المضوع وكل واحد يقول رايه :aweps::aweps::aweps:

وطبعا كلنا كانت ارائنا تدور على نفس الفكره وهي انهم يعتقدون ان المعبد تسكه ارواح الي كانوا ساكنين فيه وان الفلاش يأذيهم ويزعلهم واذا زعلوا ممكن يصير شي مو زين !!!! :918e6::918e6::918e6:

( لاحد يضحك متأثرين بالافلام ) :2u8ov::2u8ov::2u8ov:

وحنا نتناقش شفنا الوالد ورحنا له وقلنا له السالفه وقام يضضضضضضضضضضحك علينا :8127q:

وحنا مازلنا مستغربين ماندري ... وقام قالنا ان الرسومات الموجوده مرسومه وملونه بألوان بدائيه وان ضوء الفلاش يضرها بأن الرسمه تفقد شوي من درجة اللون ( يعني تبهت ) وهم يبون يحافظون على هذي الرسومات الجميله ..


طبعا حنا طاحت وجيهنا :18xwg::18xwg::18xwg: ومشينا نكمل تمشيه وحنا نضحك على تفكيرنا السنيمائي الدرامي الخطير :1es0d::1es0d::1es0d:





وهذي صور اخرى للمعبد :

داخل احدى الغرف :









مدخل احدى الغرف :








مدخل اخر شبيه للاول : ( احس انهم كانوا فنانيييييين )









هذي اعتقد صالة او قاعة اجتماعات :











غرفة داخل غرفة :








صورة تبين بعض الطوابق للمعبد :











هذي الصوره حبيتها لانها تبين كيف المعبد منحوت دااااخل الجبل :












وهذا الدرج الي يودي الى داخل المعبد ( دخول وخروج ) : الي عاليمين ناخذ منه التكيت :







وبعد فتره دق علي الوالد وقالي اطلعي وتعالي عندي برى اختك الصغيره تبيك ,, طبعا انا اكبر علامة استفهام انرسمت على وجهي !! أي احت صغيره ؟؟ انا ماعندي اخت اصغر مني الا وحده وماهي صغيره بالجامعه وهذي هي معي .. وش السالفه ؟
واطلع برى والاقي الرجال التركي الي قالنا سالفة المعبد مع عياله وزوجته جالسين مع اهلي .. عاد ابوي يقولي ان بنته لما شافتنا سألتنا عن ( قيز قاردش ) نجلاء ؟؟ يعني وين اختي الكبيره نجلاء :39170:

طبعا انا ماصدقت خبر اخذتها وبوستها :heb17: .. وجلسنا انا واختي نتمشى معها وهي مبسوووووووطه عالاخر مع انها صغيره مره تقريبا ( 8 سنوات ) والحمد لله ان كان عندي بشنطتي حلويات وشوكولاتات واعطيتها هي واخوانها ووودعناهم متجهين الى فقرتنا الثانيه .....

اتجهنا الى منطقة ( قرية صغيره ) مرتفعه جميييييييييله وهادئه بس قررنا نخليها محطتنا الثالثه عشان نتغدى فيها ( بقولكم اسمها اذا نزلنا فيها ) وتوجهنا الى محطتنا الثانيه (...):5i7tl:





وهذي صورة التقطتها وحنا بالطريق :






( عجبتني سالفة التشويق )


لا لا الصراحه ان الوقت تأخر وجاني النوم :0x9kj: وانا احب اكتب وانا في كامل نشاطي عشان اكتب لكم كللللل شي



والباقي قريب جدا ان شاء الله :715lw:



اترككم في رعاية الله ... :2s1jz:

وهذي صور ايضا التقطتها وحنا بالطريق الى محطتنا الثانيه ,,















ومحطتنا هي كانت ( مغارة كرجه ) :2b006:

وهي ( مثل ماسمعت ) انها عباره عن حمم بركانيه منصهره وتجمدت وعلى شكال جميله جدا )

طبعا لما نوصل للمواقف بنلاقي محل يبيع بيبع حلويات خاصة بهذي المنطقه ..




وماقصروا قدموا لنا منها يذوقونا .. بس انا صراحه ماعجبتني كثير ...






وفيه جلسات شعبيه لشرب القهوه ,,





وباقي الطريق نكمله مشي .. :2havl::2havl::2havl::2havl::2havl:
وانا امشي صورت هالصورتين ابين لكم ارتفاع المغاره وين ..







الى ان نصل الى اكشاك تبيع دمى و اكسسوارات وصور وبعض الاشياء البسيطه والي عليها صور لمغارة كرجه ..













وبعدين نكمل الطريق مشي .. الى ان نصل الى بوابة المغاره .. :123ns:

طبعا المغاره من الداخل بارده نوعا ما .. وتتعجب من التشكيلات المتكونه فيها ( سبحان الله )
ومع ان الجو بارد بس تحس برطوبة المكان حتى الصخور عليها مثل المويه وتقطر

ولكن مع الاسف التصوير ممنوع ,, واتباعا للانظمه تركنا الكميرات والجوالات في صناديق خاصه بس لما دخلنا لقينا واحد اجنبي وماسك الكميرا من تحت الجاكيت ويصور ,, طبعا انا عصصصصصصصصصصبت وانقهرت منه وكان ودي افضحه ..

ولما طلعنا من المغاره لقيتهم عارضين عدة صور لداخل هذي المغاره وصورت هذي الصور ( العوض ولا القطيعه )

طبعا حنا نمشي عالممرات الخشبيه لان تحتنا مويه ..




وبعد ماتركنا هذي المغارة العجيبه توجهنا الى محطتنا الثالثه والاخيره !!

ملاحظة :
ماأنصح الي عندهم ضيق تنفس انهم يزورون هالمناطق لان الاوكسجين يقل شوي ..
وغير كذا فيها مشي كثير ( سواء كرجه او صوميلا )
حنا الوالد تعب علينا شوي مع انه مايشكي من ضيق تنفس .. بس كان كل شوي يوقف وياخذ نفس
( المشي بالاماكن المرتفعه من جد متعب ) ,,,

محطتنا الاخيره هي مدينة صغيره على جبل ..كلللللللللللله مسطحات خضراء ومراعي واشجار صنوبر
الجو فيها ياسلام عليه جو جبلي منعش بارد ,,,




هي منطقة زيجانا..




















توقفنا في هذه المنطقة الساحره وودخلنا مطعم شعبي فيه قسم للجلسات التركيه وتغدينا فيه (عداء متأخر ) ...

اكله لذييييييييذ جدا والشاي عندهم ( اكرام )



المطعم الي تغدينا فيه .. (والاكواخ الي فوقه موتيل )











والعاملين بالمطعم عائله ( الام تطبخ بالمطبخ والبنت ترتب الاواني وتغسلها وواحد من العيال يشوي برى و2 من العيال ( ويترز ) ياخذون الطلبات ويجيبونها والاب طبعا متكي يشرف عليهم ويشغل المدخنه )







جلستنا الي عاليمين بالزاويه عند الشباك ..









المويه بالاواني التركيه ووراها الحلى الي يشتهرون فيه اهل تركيا ( يشبه ام علي عندنا )








وبعد الغداء الخطير ( الله يديمها من نعمه ) ودعنا اصحاب المطعم وشكرناهم

وركبنا سيارتنا متجهين الى طرابزون .. وكان الجو غيم ,,








وهنا السحب نزلت علينا اكثر ,,










وحنا بالطريق للفندق قالنا السواق ( والكلام موجه لي انا واختي ) تبون اوديكم مجمع ؟؟ ترى باقي ماسكر للحين ..

قالت له اختي وانت تشاورنا بمجمع الله يصلحك ؟ طبعا نبي يلا قدااام
وبعد الاحتجاجات والزحمه انتصرنا وتوجه السايق للمجمع .. وهو (مجمع فورم )

بس ماطولنا فيه يمكن ساعه وسكروا ووعدنا انه يجيبنا له مره ثانيه بوقت اطول
وفي له صور بس بنزلها لكم بعدين ( بالزياره الثانيه )


وبكذا تكون خلصت فقرات اليوم بس بقي اخر فقره .. واهم فقره .. وهي التوجه للسرير للنووووووووووووم

الرائعه نجلاء


ماشاءالله تصوير ابداع ووصف اجمل .


متابعين معاك اختي نجلاء


تحياتي لكم

ماشاء الله تبارك الله
تصوير إبداع لاتطولين علينا

هلا بك اخوي بو تركي ,,
بالنسبة للتصوير .. انا احبة وكانت هالسفره مثابة كورس صغير يعني طلعت حرتي بالتصوير هناك صراحه
اما بالنسبة للوصف ... فمحسوبتك نجلاء تحب السوالف ووصف كللللل شي تشوفه او يمر عليها ^_^
ومتابعتك لتقريري وسام شرف اعتز فيه ,,

هلا وسهلا فيك .. طالبة رضا الله
ان شاء الله ماراح اطول ,, ابشري
ومرورك بتقريري هو الابداع : )

المشاركة الأصلية كتبت بواسطة x- نجلاء -x
http://www.arabtravelersforum.com/tr...2/#post3779262

وطبعا كلنا كانت ارائنا تدور على نفس الفكره وهي انهم يعتقدون ان المعبد تسكه ارواح الي كانوا ساكنين فيه وان الفلاش يأذيهم ويزعلهم واذا زعلوا ممكن يصير شي مو زين !

متابعين معك نجلاء ,, لا تطوليـن

هلا بك الملكه فريده

اشكرك عالمتابعه ,,

ولا تدققين كثير بالكلااااام

وان شاء الله ماراح اطول ابشري

في صباح هذا اليوم الوالد سوا هجوم على غرفتنا انا واخواني ( عنده كرت )

وجاء صحانا للفطور وحنا بالمووووووووت صحينا تعبانين بعد امس ونبي ننام
بس قالنا مقولته المشهوره ( حنا مو جايين عشان النوم يلا تأخرنا عالبرنامج ولا تبوني اكنسله ونجلس كل اليوم بالفندق؟؟ ) :04jdh:



وقمنا وحنا مانشوف الدرب وتروشنا وونزلنا للفطور ( عاد انا ذاك اليوم كانت اخلاقي بريال مدري ليه ومابي احد يكلمني ) :18xwg:

وانا افطر مقابلني الوالد وجالس يشرب شاي ويعني يبي يغير جوي شوي

قام يغني ( خدري الشاي خدريه .... الخ ) اغنيه عراقيه
وانا مسويه يعني اني مااسمع ومشغوله بالفطور

وامي تقول اتركها راكبه راسها ام العبيد



وماااااااااروقت الا لما دقيت على اختي بالسعوديه وكلمت عيالها بعدي فديتهم



وعالساعه 11 جانا الكابتن ( سواش ) وكان مواعدنا اليوم انه بيودينا لمنطقة فيها ثلج

( مرتفعات يايلى ) ,,



وركبنا السايره وكلنااااااا حماس لكن هالحماس بدء يقل لان الطريق كان 3 ساعات .. صحيح انه ممتع ومرينا على مناظر عمرنا ماشفنا مثلها لا اوروبا ولا خباريها .. بس كان الطريق مخبف شوي ..
يعني صرنا نمشي بشارع مو معبد ( ترابي ) وضييييييق مايكفي الا لسياره وحده والجهه الثانيه ( هاويه ) مخيفه وكل شوي تنزل علينا السحب ومانشوف قدامنا .. :2ge0x:
وامي طووول الطريق تسبح وتستغفر ومااااتكلم احد ,,
وانا واخواني داقينها سوالف وضحك وتصوير :23isp: ( نبي نضيع الوقت )





وهذي صور التقطتها وحنا بالطريق ,,





































































طبعا هنا امي اكتشفت شي و قالت :

نفس المناظر الي يصورون فيها دعايات بوم ولورباك في ( اسكتلنده )






















واخيرا اعلن كابتنا سواش عن وصولنا الى قمة جبل ( يايلى ):0jg2m: :0jg2m:



تاااااابعوني ,,,

يوووووووووه عالمنظر الي شفنااااه سبحان ربي .. منظر مريح للنفس وهواء طبيعي عالاااااااخر
وكانت الغيوم تغطينا يعني اذا تباعدنا مانشوف بعض














شوفوا كيف كانت الغيوم نازلة علينا ...




والجو كان بااااااااااارد


طبعا انا من الوناسه حسيت اني هايدي وقمت اركض مع اخواني نتسابق من يوصل لفوق قبل



كان مكان ممتع بالمرررررررررررره ,, وبعدين مشينا ورى الكابتن لفتره مو طويله بهالمكان











الى ان ودانا لبقعه ثلج .. يعني كنها نهر عريض وتجمد ,,, وصرنا نلعب بالثلج وكل واحد يرمي عالثاني لما حسينا ان اصابعنا تجمممممممدت
















بهالصوره تشوفون بقعه ثلج ثانيه بعيده بين الجبال ..












وبعدين واصلنا المشي ورى الكابتن ( للاعلى ) والى ان وصلنا لبحيره تتربع في قمة الجبل بحيره كبييييييييييره مانشوف نهاينها بسبب الغيوم وفيه شلال يصب فيها بس للاسف مانشوفه ايضا بسبب الغيوم بس نسمع صوته


( للاسف كل الصور الي تخص البحيره فيها اهلي وطبعا مااقدر انزلها عذرا !! )



جلسنا بهالمكان فتره وكان فيه عائله تركيه مخيمه عند هذي البحيره وضيفونا بالشاهي التركي بس انا ماجيت صوبهم ولا فكرت لان كان معهم ( كلب ) وانتوا بكرامه
وحنا نازلين تحت راجعين للسياره لحقنا الكلب ( يفكرنا نبي نلعب معه ) صاير يركض معانا
وانا واختي تجمدنا مكاننا متنا من الخوف بس الحمد لله سواش فهم علينا انا واختي

ومسك الكلب لما عدينا ودخلنا السايره وقفلنا الباب والشبابيك بعد
وبدينا برحلة الرعب مره ثانيه وهي النزول من الجبل متجهين الى اوزنجول ,,






وهذي بقعة ثلج ثانيه شفتها وحنا بالسياره في طريق العوده ,,








صور ثانيه التقطتها ,,






























ووصلنا اوزنجول الجميله وكان الجو ممطر وتغدينا ( الغداء المتاخر ) بمطعم الاخوان ( يشار وعبد الرحمن ) واسمه ( شيرا ) طبعا توني اعرف اسمه من الاخ ( al.fars ) والله يعطيه العافيه عالمعلومه ,,
وطلبنا السماور وشربنا الشاي ,,

وشفنا عبد الرحمن اخو يشار واعطانا البزنس كارد حقه وسوالف معه

( طبعا نصها غير مفهوم ) !!!!

وفي النهايه توجهنا الى فندقنا في طرابزون ,,,

السلام عليكم

رووووووعة إبداع حمستينا (ادعي ربي ييسر لنا السفرلتركيا)

نجولة حبيت أسألك عن الفندق الي سكنتوه بطرابزون (كم سعر الليلة -تعامل الموظفين -موقعه بطرابزون هل هو قريب من الأسواق والمطاعم)

ياليت تنزلين لناصور من داخل الفندق والغرف

وآسفة على كثرة الأسئلة

هلا بك اختي طالبة رضا الله
انتي الابداع والروعه ياعسل : )

بالنسبه للفندق funda hotel
اذكر ان الغرفه كانت بـ 300 ريال على مااعتقد !!!
بس لازم تتأكدين من الفندق نفسه لان الاسعار تتغير كل سنه ..

وتعامل الموظفين رائع مرررره ... لطيفين جدا مع انهم مايعرفون انجلش كثير
واذكر انه ماكان بعيد عن المطار وهذي ميزته ,,
وطبعا عندهم نت بالفندق ... وموقعه من جهه يطل عالبحر قريب للكورنيش ( مشي ) ومن جهه ثانيه عند شارع حلو كله محلات وفيه صيدليه ومطاعم بسيطه ..

وللاسف ماعندي صور للغرف من تصويري الخاص بس هذا موقع الفندق ... فيه صور وارقام وكل شي ,,

اتمنى تستفيدين منه :

http://www.fundahotel.net

واذا عندك اي استفسار عن اي شي حاظرين خيتوووو ^_^

بجد وبدون مجاملهـــ ..!

اختي نجلاء انتي أضافهــــ رائعهــــ لهذا المنتدى الرائع

حتى طريقة سردكـــ للتقرير طريقهــ جميله وممتعهـــ وكأني اقرأ روايهــ جميلهــ لأجاثا كريستي رغم فارق المضمون

ولكن طريقة السرد مشوقهــ وأضفتي اليها صور تنطق وتتكلم روعهـــ ..

شكراَ لكي اختي الرائعهـــ وواصلي نحن نتابع بنهم ..

ماننحرم والله يعطيكي العافيهـــــ ..

أسلوب جميل وصور رائعه
اعذرني عن الوصول متاخر لان يوم نزلت التقرير كنت ارتب اموري لسفرتي مع المدام الى انطاليا...الرائعه
والحمدلله كانت من اروع السفرات ..............اما عن المكاتب السياحية ..دائما حددي الفندق بعد بحثك بالنت
ثم اطلبي من الحجز من المكاتب او موقع بوكنق "المضمون جدا" بعد معرفة السعر وايضا هل فل بورد ام لا بالنسبة للمنتجعات .......وهكذا ....لاتعطونهم الحرية
لا تحدود السعر وهم من يختاروا الفندق .................اما عن التجولات في المدينة اطلعي بالنت على مافي المدينة ثم اتفق مع سائق باليوم ارخص بكثير من المكاتب السياحية اللي شغلها الشاغل تصفيت الجيوب

بس اشوف اكثر الصور لانطاليا شكلها اعجبتك مثل المدام ليومك اليوم ماتريد الخروج من البيت تقول ماعاد فية شيء يسوى لكي اطلع من بيتي بعد ماسكنتها في منتجع راااااااااااااااااااااااااااائعه شامل جميع الوجبات .!!!

اما عن اخوك الله يعوض علية .......هد فون .......وضياع جوااااااااااااااااااله مالومه الاجواء جميلة جدا في تركيا

واصلي اختي نجلاء متابعين حتى تصفي المومري من الصور الرائعة

ما شاء الله تبارك اله

تقرير جميل جدا
كل جزء فيه رائع وممتع
اسلوبك في الطرح رايق وجميل جدا
تركيا جنة في ارض الله
أسال من الله ان ييسر سفري لها
اسال من الله ان يسعدك ويوفقك لكل خير

متابعين معاكي بقية التقرير الممتع ان شاء الله

مشكورة أختي نجلاء يعطيك العافية

بعد ماشفت موقعهم قررنا نسكن فيه .

لي كم يوم ادخل مالقيت تكملة لتقرير مو كنك طولتي

ياغاليه شكرا لك وتقرير رائع وعندي سؤال عن المطعم اللي بزيقانا ياليت تقولين لي كان حلو ولالا؟
الشي الثاني بطرابزون وش كان برنامجكم داخل المدينه كثري من المعلومات عنها مطاعم واسواق وسوبرماركت كبير

اهلا وسهلا اخوي .. " حبيبتي مراكش "
اجاثا كرستي مره وحده ؟؟ هههههههههههههههههههه الله يجبر بخاطرك ياشيخ
بس كذا بشوف نفسي ترى !!
والله كلامك اسعدني كثير وهو حافز لي لتقديم الافضل
ويشرفني متابعتك للموضوع
وحياااك ,,

اهلا وسهلا بالخبير والاستاذ ( يمون )
اممممممم اضن اضن اضن بو باسل ؟؟
ومعذوووور ياخوي .. ترتيب السفر متعب وممتع بنفس الوقت
اشكرك عالنصايح المفيده بس حنا ماحددنا لهم السعر .. حددنا مستوى معين وكانوا يورونا صور للفنادق الي حجزوها بس الصور بعض الاحيان تخدع : (
وبالنسبه للجولات .. الله يخلي هالمنتدى الرائع ماقصر اعطانا معلومات واماكن عن كل شي
صدق الي قال : الدنيا تجارب .. وحنا طحنا بغلط ان شاء الله مابيتكرر معنا خصوصا وان حنا بهالرحله اخذنا فكره عن اهم المدن التركيه : )
والله ماالوم المدام ياخي توديها للشلالات والطبيعه ومنتجعات واذا رجعتوا هنا تقولها نطلع ؟؟
انسى الموضوع ههههههههههههههه
والله يعوض عليك بجوال احسن من الي راح هههههههههههههه
ومتابعتك لتقريري .. كني ماخذه كاس دوري خادم الحرمين الشريفين ^_^
واحلى سلام للمدام : )

اهلا وسهلا فيك اخي ابو مالك ,,
وهدفي من التقرير هو امتاعكم واستفادتكم من رحلتنا
اشكرك عالمدح والدعاء .. ولك بالمثل ان شاء الله
وربي يكتب لك رحلة لتركيا وتكتب لنا تقرير بعد ماترجع طبعا : )
وعلى فكره ,, الوالد جاي على باله يزور اليمن يقول للاستجمام .. بخليه يشوف تقريرك ونستفيد من معلوماتك
واتمنى لك متابعه ممتعه اخوي

اهلا وسهلا بعزيزتي .. طالية رضا الله
اتمنى تستمعون برحلتكم .. حنا بعد رايحين هالصيف ان شاء الله لكن هالمره بنسك بأوزنقول بأذن الله
وبالنسبة لتأخري بتكملة التقرير العذر والسموحه بس الويك اند بالعاده اكون مشغوله مع اهلي وزيارات وطلعات مع البنات
وان شاء الله بكره السبت بكمل .. واسفه مرة ثانيه خيتوو : )

اهلا فيك اخي alwssam
والرائع هو مرورك وتعطيرك لتقريري بذكر الله
جزاك الله الف خير

اهلين بنت حواء ,, ولا شكر على واجب اختي ماكتبت هالتقرير الا لعيونكم
وبالنسبة للمطعم الي بزيجانا صراحه اكلهم لذييييييييذ مره وحلو بس عيبهم ان ماعندهم دجاج بس لحم
بس كان يمييييييي من احلى المطاعم الي دخلناها هناك ..
وبالنسبة لطرابزون .. صراحه حنا ماكنا نجلس فيها كثير يعني اغلب شي كنا نطلع للمناطق المجاوره ( بكتبها بباقي التقرير )
بس طبعا مدينة طرابزون فيها مجمع كبير وحلو مره ( مجمع فورم ) وزرناه اخر يوم وبكتب عنه بباقي تقريري
ومنطقتنا كان فيها شارع حيوي فيه من المطاعم العالميه ( الفاست فود ) وفيه مطاعم تركيه
افضلها تقريبا مطعم du-du الي كتبت عنه بتقريري .. اما الباقي تكون مطاعم ساندوتش وخفايف
وفيه عندهم محلات حلويات ( كيك بأنواعه وكب كيك ومافن وباي وايس كريم وحلاو الحلقوم ) واشياء ثانيه تركيه مانعرفها على نفس الشارع القريب من فندقنا
واما السوبر ماركت .. كان فيه على نفس الشارع ايضا .. مجمع صغير ( دورين ) الدور الي تحت الارضي فيه سوبر ماركت كبيره ( للاسف ماصورتها ) رحنا لها مره وحده لما كنا نستكشف المنطقه المحيطه بفندقنا
وفيه وحده ثانيه ( هايبر ماركت ) بمجمع فورم
وطبعا اكيد فيه غيرهم ,,
وحياك اختي وحاظرين لأي استفسار ثاني : )

ما شاء الله

التقرير والصور والتصوير

روووووووووووووووووووووووعة

يعطيكي لعافية

اهلا وسهلا بالذيب الشمالي ,,

الله يعافيك ويسلمك من كل شر
شرفني مرورك اخوي .. : )