الموضوع: تقريري عن احلى رحلات حياتي تركيا انطاليا – بودروم – طرابزون – اسطنبول

اليوم طبعا صحينا متأخر (ماقلت لكم ان الحمام التركي يجيب النوم !!)


ومانزلنا للفطور بس امي وابوي الي راحوا للبوفيه .. والي كانت مشرفه ذاك اليوم عالبوفيه سألت عنا وقالها ابوي نايمين قامت مسكينه ورتبت لنا صحنين من البوفيه واعطته لاهلي وهم راجعين للغرفه .. ياحبي لها بس :02yju:


طبعا لما صحينا وفطرنا رتبنا شنطنا وقفلناهم لان اليوم كان اخر يوم لنا بطرابزون وكان ضايق صدري احس ودي نجلس اكثر واكثر :01xw5:



وبما ان اقلاعنا كان الساعه 9 بالليل على مااعتقد فقلنا بنروح لمجمع فورم نتسوق ...


نزلنا شنطنا للرسبشن وسوينا الشيك اوت وخلينا شنطنا عندهم ورحنا تسوقنا وشرينا شنطه زياده وعبيناها مشتريات :0c7u8:

وتغدينا بالمجمع ... ( لاحظت ان برجر كنج حقهم احلى من الي عندنا ) :0f4cw:
وكان المجمع 3 ادوار وفيه قسم كبير للمطاعم بانواعها ( فاست فود سي فود ايتلين فود وكوفيز ..الخ )

وبعظها له جلسات خارجيه ( مثل البلكونه كبيره )
وفيه قسم للالعاب .. وهايبر ماركت ,,
















وبعدين رحنا الفندق اخذنا باقي الشنط وودعنا الفندق ورحنا للمطار متجهين الى اخر مدينه لنا بتركيا وهي اسطنبول .. :5i7tl:



طبعا وحنا بالمطار وجالسين بالويتينق ننتظر اقلاعنا من شفنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:




شفنا الاسرائيلين الي كانوا امس بآيدر :21iwo::21iwo::21iwo:

وجاوا وسلموا علينا وانا ودي ادعسهم بأقرب طياره وطلعوا مثلنا متجهين لاسطنبول بس الحمد لله الحمد لله الحمد لله نعمه من ربي ان خطوطهم غير خطوطنا
ولا كان حلينا قضية فلسطين بالطريق ياذابح يامذبوح .. :13j5i: :2j830:



وبعد ساعه ونص تقريبا وصلنا الى اسطنبول .. :24jta:
اخذنا الشنط وكان فيه واحد بأستقبالنا يعرف عربي ( الياس ) ..
( عرفناه عن طريق واحد يعرف يشار الي باوزنجول ) .. انسان طيب جدا ونصوح بس للاسف عرفناه متاخر ولا كان خليناه يرتب لنا حجز الفنادق باسطنبول بدل هالمكاتب النصابه .. لانه يعرف اشياء كثييييير وهو الي كان يوفر لنا السياره خلال تمشيتنا باسطنبول .. طبعا استقبلنا ومعه سياره كبيره وودانا لفندقنا

وصلنا لفندقنا ( TITANIC BUSINESS HOTEL )... كان حلو جدا وفخم ( 5 نجوم ) حتى الياس مدحه بس عيبه انه بالقسم الاسيوي وبقولكم سالفته بعدين ..








وهذي صوره للفندق من برى جبتها من النت ..








طبعا كنا تعبانييييييييين واول ماستلمنا الغرف صلينا و كبرنا المخده ونمنا ,, :52gbf:

يوم حلو ومناظر احلى

اما إطلالة المطعم ولا اروع

وفعلا حمام البخار يسبب الخمول ويدوخ الواحد

لكن بكم الساعة في الحمام

ماشاء الله تقرير رائع جدا ياخت نجلاء والله انك رجعتيني لذكريات رحلتي اتركيا وحركتي مشاعر الشوق لهذه البلد الغاليه علي قلبي وعندي استفسار عن مرتفعات زيقانه هل هي قريبه من طرابزون وهل يوجد فيها فنادق ؟ وشكرا لكي
( والله المدام تقرا الموضوع معي ومتفاعله جدا معاكي)

وبارك الله فيك وحفظ لكي الوالد

اجزاء رائعه ومناظر خلابه

وشرفتي المملكه والاسلام بالرد على اليهود الوسخيين الانذال وما كانوا يستاهلوا السلام من الوالد العزيز
المهم اذا صورتي الوالد وهو يسلم عليهم نزليها على الجرائد وسوي له مشكله يتحدث عنها الجميع خخخخ

متابعين معاكي الرحله الممتعه في البلاد الجميله
ربي يحفظك انتي واسرتك العزيزه

هلا بك اخوي الذيب الشمالي
اشكرك عالمتابعه ..
وبالنسبة لسعر الحمام .. طبعا فيه الحمامات العامه وسعرها رمزي جدا يمكن 3 ليرات ( للاسف مااذكر كم بالضبط )
وفيه الحمامات الخاصه ( غرف ) مثل الي اخذناها ... كانت بـ 20 ليره للساعه
وطبعا لها انضمتها .. اتوقع تعرفها .. يعني الحمام فقط لـ 2 بالغين وممكن دخول الاطفال ( اقل من 5 سنوات )
ويعطونك صابونه ( جديده طبعا ) والوعاء الي موجوده بالصوره وفوط ( بس ماانصح باستخدامها ) يعني حنا جبنا معنا فوط من الفندق ..

وحياك لاي استفسار ثاني ,,

هلا بك اخوي فيصل سراج ..
بالنسبة لمرتفعات ريجانه .. اذا كنت بتطلع له على طول من طرابزون بتاخذ حوالي نص ساعه الى ساعه الا ربع
لكن حنا كانت المسافه علينا اطول لاننا زرنا صوميلا بعدين توجعنا الى زيجانا ..
وبالنسبه للسكن .. فيها اوتيلات ( اكواخ ) مثل نظام سكن اوزنجول يعني بس حنا ماسكنا فيها .. يعني احس يكفيها الزياره يوم واحد بس ..
والف شكر لك انت والمدام عالمتابعه ,,
وسلم لي عليها : )

اهلا وسهلا بالاخ ابو مالك ,,
وصراحه انا كان ودي ارد عليهم بأكثر من كذا من القهر الي بداخلي بس خفت تصير مشكله وسالفه ...
وللاسف ماصورت الوالد معهم هههههههههههههه
وشكرا لك عالدعاء ولك مثله انت وجميع اهلك وحبايبك يارب ..

تقرير رائع

والله انك خطيرة اعجبني ردك على الإسرائيليين

شكرا على ردك السريع
ومتشوقين لتكملت التقرير واهنيك على التثبيت
والله يوفقك لاتطولي علينا واشبعي شوقنا لهذه البلاد الرائعه

ماشاء الله تبارك الرحمن تصوير وتقرير خيال الله يعطيك العافيه

المشاركة الأصلية كتبت بواسطة *طالبةرضا الله*
http://www.arabtravelersforum.com/tr...7/#post3798797

تقرير رائع

والله انك خطيرة اعجبني ردك على الإسرائيليين




هلا وسهلا فيك اختي طالبة رضا الله
اعجبك ..
ولو بيدي كان حرقتهم بعد ... بس مابي ادخل النار بسببهم .. يمكن الله يهديهم ويسلمون

المشاركة الأصلية كتبت بواسطة فيصل سراج
http://www.arabtravelersforum.com/tr...6/#post3799466

شكرا على ردك السريع
ومتشوقين لتكملت التقرير واهنيك على التثبيت
والله يوفقك لاتطولي علينا واشبعي شوقنا لهذه البلاد الرائعه



هلا بك اخوي فيصل سراج ,,
ولا شكر على واجب .. انا حاظره لأي استفسار
وابشر اليوم بالليل بنزل عن اول يومين لنا في اسطنبول
ونورت بمرورك ,,

المشاركة الأصلية كتبت بواسطة alwssam
http://www.arabtravelersforum.com/tr...0/#post3800360

ماشاء الله تبارك الرحمن تصوير وتقرير خيال الله يعطيك العافيه



اهلا فيك اخوي .. alwssam
الله يعافيك من كل شر ..

والله يشفي والدك ويقومه بالسلامه يارب ياكريم .. وتفرحون بشفائه ان شاء الله ..
والله يشفي جميع مرضى المسلمين ,,

طبعا بالبدايه بقولكم سالفة فندقنا وغلطة المكتب معنا والي للاسف كلفتنا الكثير ..:21iwo:


حنا كان حاجز لنا المكتب بفندق (TITANIC CITY HOTEL( الي في منطقة تقسيم .. وكان الفندق ملياااان فحولنا المكتب على فندق (TITANIC BUSINESS HOTEL ) وهو بالقسم الاسيوي وبدووون مايقولنا !! :21iwo:
وللاسف لما وصلنا اكتشفنا هذا الشي وحاولنا تغيير الفندق لكن كل الفنادق الي كنا نبيها كانت مليانه..
وصرنا كل يوم رايحين للقسم الاوروبي وطبعا هذا كلفنا كثير .. ولكن الي شفع بالموضوع ان الفندق الي سكناه كان فخم مره ( 5 ) نجوم وصراحة تعاملهم كان رااااائع جدا .. اما الي بتقسيم فهو ( 4 ) نجوم بس ماعرف مستواه ماشفناه !!










اليوم هو اول يوم اسطنبولي .. طبعا صحيت على صوت التليفون الا الوالد يقولي يلا قوموا وصحي اخوانك عشان تفطرون ,,


صحيت اخواني ونزلنا للفطور الا الوالد ومدامته ( امي ) جالسين يفطرون مروقين وطاولة مطله وحركات مسوين فيها رومانسيين وهم صاروا جدان ..!! :18xwg::18xwg:



عاد ماحبينا نخرب جوهم ورحت انا واخواني اللطيفين الظريفين وجلسنا على طاوله ثانيه :23isp:

وهم ولا على بالهم ولاكنهم يعرفوننا ولا كننا عيالهم .. قلنا معلييييييييييش نعديها ..
خلصنا فطور وهم مو سائلين عنا ,,

عاد قلنا خلاص الشاهي بنروح نشربه معهم على طاولتهم :2x3aq::2x3aq::2x3aq:



ودار الحديث التالي :
انا واخواني : صبحكم الله بالخير ( وبسنا راسهم )
الكناري ( امي وابوي ) : صبحكم الله بالنور هلا هلا .. هاه افطرتوا ؟
( قلت لكم مو سائلين عنا ) !!! :18xwg:
انا واخواني : ايه الحمد لله افطرنا من زمان ... هاه على وين العزم اليوم ؟ وين ناوي طويل العمر يودينا ؟
ابوي : اصبروا عندي كم مكالمه بحاول نغير فندقنا عالفرع الثاني .. بعدين نسال الفندق عن اماكن او شوارع قريبه نروح لها اليوم ..


للاسف اتصاالات ابوي باااائت بالفشل مثل ماقلت لكم من قبل .. لان الفروع الثاني لهالفندق فلللللللللل .. :2ge0x:



وانا انتهزت الوقت بتصوير الفندق ...:2h1ug:




اللوبي ..























الرسيبشن













المدخل ..










المطعم .. ( مكان البوفيه ) .. طبعا كان فاضي لانه مو وقت وجبه









































الطابق الي كنا ساكنين فيه ..











الي عاليمين غرفتنا والي عاليسار غرفة الوالد والوالده ..












غرفتنا :








طبعا معليش لاتدققون على ترتيب السرير لاني كنت مرتبته عالسريع عشان التصوير ..





























هذا شباك عالحمام وفيه ستاره صراحه مدري وش الهدف من الشباك...

لان طبيعي الواحد بيقفل الستاره اول مايدخل ..











الحمام وانتوا بكرامه :














مدخل غرفة الوالد والوالده ..














طبعا داخل غرفتهم نفس غرفتنا تقريبا

عدا الحمام وانتوا بكرامه .. حنا بس دوش هم عندهم زيادة بانيو ..








بعدها رحنا للرسبيشن .. قالنا عندكم شارع بغداد .. حلو وقريب فيه كوفي شوب ومحلات حلوه وماركات
قلنا لهم طيب اطلبوا لنا تاكسي لاننا للحين مارتبنا مع سواق خاص .. والمكان قريب


ورحنا شارع بغداد ولفيناه بالسياره وشفنا فيه ماركات بعضها مو عندنا ..
وبعدين قررنا ننزل بمكان معين .. نزلنا وكملنا التمشيه .. :2havl::2havl::2havl::2havl::2havl:




للاسف انا ماصورت الشارع بس جبت لكم صورتين من النت :














و انا امشي واتفرج عالمحلات شفت كلب كبيييييييييييييييير وانتوا بكرامه ... طبعا انا دقيت فرامل وتنحت بمكاني وقلت ياانا ياهو نمر من هالمكان .. لانه كان يتمشى بلحاله بو الشباب .. طبعا بالنهايه هو الي مر وانا قطعت الشارع العام ورحت مشيت بالجهه المقابله .. :2fqrn:



وقفنا بكوفي شوب وطلبنا ايس كريم ( ايس كريم تركيا يعذذذذذذب حلو مره )
وبعدين جاء وقت العشاء ( تبع الفندق ) فأخذنا تاكسي ورجعنا فندقنا ودخلنا عالعشا
وبعدين رحنا انا واختي لغرفتنا عشان نرتب ملابسنا واشيائنا وبعدين على غرفة اهلي نرتب برنامج بكره
وكلمنا اخواني بالسعوديه واخذنا اخبارهم ...


وكان هذا هو يومنا ..

الله يخلي لكم الوالدين ويطول بعمرهم

وهذي مشكلة اكثر المكاتب ما فيه مصداقية

اما إطلالة الفندق روعة

تسلمين على هالحلقة

تقرير روعه

بسألك عن الفندق اللي باسطنبول اللي سكنتو فيه 5 نجوم
1_ كم سعر الغرفه الواحده
2_ شامل فطور وعشاء .
3 _ كيف خدماتهم .

وشكرا لك

ابدااااااع
وياليتك طولتي الحلقة

المشاركة الأصلية كتبت بواسطة الذيب الشمالي
http://www.arabtravelersforum.com/tr...4/#post3803074

الله يخلي لكم الوالدين ويطول بعمرهم

وهذي مشكلة اكثر المكاتب ما فيه مصداقية

اما إطلالة الفندق روعة

تسلمين على هالحلقة



اهلا وسهلا فيك اخوي ,,
ويخلي لك اهلك حبايبك يارب
والمكاتب السياحيه كانت غلطه وان شاء الله ماراح تتكرر ..
ويسلم غاليك ,,

المشاركة الأصلية كتبت بواسطة طالبة الفردوس
http://www.arabtravelersforum.com/tr...1/#post3803301

تقرير روعه

بسألك عن الفندق اللي باسطنبول اللي سكنتو فيه 5 نجوم
1_ كم سعر الغرفه الواحده
2_ شامل فطور وعشاء .
3 _ كيف خدماتهم .

وشكرا لك



ياهلا بك اختي ..
بالنسبة للسعر والله للاسف مو ذاكره بس ولا يهمك بسأل الوالد ..
وطبعا كان يشمل بوفيه ( فطور وعشاء )
وخدماتهم صراحه رائعه واكثر من رائعه وكنا نشاورهم في برنامجنا اليومي وكانوا يساعدوننا ويرتبون لنا الاماكن
بس عيبهم انهم بالقسم الاسيوي ( انواع المشاوير )
يعني اذا تبون تحجزون احس الاحسن انكم تحجزون بالفرع اللي بتقسيم ,,
ولا شكر على واجب عزيزتي ,,

المشاركة الأصلية كتبت بواسطة *طالبةرضا الله*
http://www.arabtravelersforum.com/tr...3/#post3803643

ابدااااااع
وياليتك طولتي الحلقة




الابداع هو مرورك ... واشكرك من كل قلبي عالمتابعه
واليوم ان شاء الله بنزل حلقه طويله فيها اماكن كثير واتمنى تعجبك : )

بالبدايه احب اعتذر عن تأخري ( المتكرر للاسف ) في تنزيل باقي التقرير
وذلك بانشغالي في بعض الامور العائليه والتي اغلبها يخص السفر .. والتمس منكم العذر


وتفضلوا جزء من التقرير و اتمنى يعجبكم ,,,









بعد ماصحينا وافطرنا مثل كل يوم ... استعدينا لبرنامج اليوم وهو برنامج تاريخي بحت
جانا السواق الي متفقين معه ( احمد اخو الياس الي اخذنا من المطار )
وحنا بالطريق متجهين الى اولى المعالم التاريخيه شفت هالمنى واللي للاسف ماعرف اسمه بس عجبني وصورته ,,








وهذا على مااعتقد مقر نادي غلط سراي !!








والان وصلنا ,,,


واول مكان ودانا له هو متحف آيا صوفيا ..










وهذا من زمان ايام المسيح كان كنيسه ولما جاء السلطان محمد الفاتح حوله الى مسجد وزينة بالزخارف الاسلاميه وايات قرانية واسم الجلاله والرسول اللهم صلي وسلم عليه والصحابة رضي الله عنهم
وسماه بأسم زوجته صوفيا ( وآيا صوفيا تعني الحاجه صوفيا )
ويقال انه اول مكان صلى فيه السلطان محمد بعد فتح القسطنطينيه

وهو مبنى مكون من 3 طوابق ..



طبعا لما جاء عهد ( مصطفى كمال اتاتورك وهو رجل علماني ) حول هذا المسجد الجميل الى مزار وماصارت تقام الصلاه فيه للاسف


والان اترككم مع بعض الصور للمسجد من الداخل و التي تحكي حضارة المسلمسن ( في ايام مضت ) :


المدخل :








من الداخل : ( القبه ) : وواضح ان المسجد يجري فيه بعض التعديلات :





احد الجدران مزينه بلفظ الجلاله :











احد الغرف :




مكتبة السلطان محمد :
ومكتوب انها بنيت من عام 1739 يعني من 271 سنه !!




وهذي صوره لداخل المكتبه : ( دخلت عدسة الكميرا عشان تطلع الصوره واضحه ) :













عجبني هذا المحراب صراحه فخم :




هذا للاسف ماعرفت ايش ؟؟ وقريت الي مكتوب عليه بس مافهمت !!





والان ننتقل للطابق الثاني :













تعالوا نطل عالناس الي تحت :









وهذا كأنه معرض للصور :




يقولون ان صورة المرأه الي عاليمين للسيدة مريم العذراء و الي عاليسار صورة لسيدنا عيسى عليه السلام مثل مايعتقد المسيح والله اعلم !!




احد الابواب القديمه ( طبعا كان مغلق ) :




وهذا الباب الضخم الي خرجنا منه :










مكان الوضوء للصلاة : ( لكنه لايستعمل الان طبعا ) :





وتابعوني الى وجهتنا الثانيه والي كانت اكثر اثاره وحضاره ايضا

وبعد التجول في هذا المسجد الجميل والضخم توجهنا الى متحف وقصر ( توب كابي سراي )










وهو كان مقر الحكومه ايام العثمانيين وفيه سكن السلطان محمد الفاتح و من تبعه من السلاطين العثمانيين ... الى السلطان عبد المجيد على مااضن ..


طبعا انا اكثر الشخصيات المسلمه الي اعجبت فيها ( بعد الرسول صلى الله عليه وسلم )
هم : السلطان محمد الفاتح والقائد صلاح الدين الايوبي و الصحابي جعفر بن ابي طالب( الملقب بجعفر الطيار ) رضي الله عنه

والحمد لله ان ربي كتب لي وشفت قلعة صلاح الدين الايوبي بالاردن وقصر محمد الفاتح في اسطنبول وقبر جعفر الطيار بالاردن ايضا ( واللي للاسف كانوا بانيين عليه ومزينينه )



والان مع صور متفرقه للقصر :

( اكثر مكان صورت فيه هالمتحف ... اصلا كان ودي انقله معي السعوديه من كثر مااعجبت فيه )


بالبدايه نحب نوريكم مجسم مصغر للمتحف عشان تتعرفون على حجمه :








(وهذي مجموعة عربات بغرفة زجاجيه لعدد من السلاطين ) :








تفضلوا هذي احلى العربات الي عجبتني واللي بمشيكم فيها بالقصر









بعض الاعمال الجبسيه الي كانوا يزينون فيها جدران المقر :















هذي احد اللالواح والي مكتوب عليها ( الغازي السلطان عبد الحميد خان ... )



















رأس الحكمة مخافة الله









نظره عامه للساحة الخارجيه :









وبعد ماتجولنا بالساحة الخرجيه بنبدء نتجول داخل الغرف

( عاد انزلوا من العربه لانها ماتخل الغرف ) :











قطع سجاد من العهد العثماني :









هذا شكله سرير احد السلاطين :











وطلعنا من غرفه ونتوجه لغرفه ثانية :












هذا باب مقفل مدري وش سالفته :









دخلنا غرفة وفجأه صرنا فوق مدري كيف يعني وهذي بلكونة الغرفة :
صراحة روعه ومطل اروع واروع











البلاط الي بالساحة الخارجيه معمول بالاحجار :














هذي مكتوب عليها غرفة للآثار الثمينة والمقدسة :









ابداع الرسم :









ومن هنا دخلنا لاحد الغرف الكبيره جدا ( ولكن للاسف التصوير فيها كان ممنوع ) :









يمكن تكون شجرة العائله !!











هذي صورة لاحد الجدران المزخرفة باللون الذهبي والي مرسوم عليها توقيع ( او ختم ) السلطان محمد الفاتح :









ومن حبي لهذه الشخصيه اشتريت هذا الحلق من احد محل المجوهرات الموجود باسطنبول :
( موجود عليه نفس الشعار )









اعتقد انها احدى الصالات الي كان يستقبل فيها السلطان ضيوفه :



















طبعا هذا المتحف الضخم يحتوي على اشياء كثيييييييييير جدا جدا جدا
مثل : ملابس ومجوهرات واسلحه وصور وخطابات ومخطوطات .. للعثمانيين


وكذلك مقتنيات للرسول صلى الله عليه وسلم .. مثل سيوفه ومحفظته وشعره من لحيته عمامته ونعله وجبته ومكحلته وختمه ... ( واشك في حقيقة هذي الاشياء) لان من ضمن السيوف كان فيه سيف رااااااااائع جميل مزخرف ومزين بالاحجار والالوان و كان لونه ذهبي ومكتوب انه كان للرسول صلى الله عليه وسلم وحنا نعرف ان رسولنا الكريم اشتهر بالزهد في حياته حتى انه كان ينام على الحصير ولا يأبه بزخرف الدنيا !!!!
وكذلك كان فيه بردة فاطمة الزهراء رضي الله عنها ..
وكان فيه مقتنيات واسلحة للصحابة والتابعين امثال خالد بن الوليد وجعفر الطيار وعمر بن الخطاب وعثمان بن عفان وعلي بن ابي طالب رضي الله عنهم اجمعين و اخرين للاسف مايحضرني اسمائهم
وكذلك بعض المقتنيات للانبياء مثل عصاة سيدنا موسى عمامة سيدنا يوسف عليهم السلام
وفيه اشياء للكعبة المشرفه مثل مفاتيح قديمة ومرزام الكعبه ايام العثمانيين وغيرها ..
واشياء كثييييييييييييييير بعد .. صراحة متحف يستحق الزياره ,,

طبعا بتقولون ليه ماصورتي كل هذا ؟؟
بقولكم ومع كل الاسف ان التصوير ممنوع في هذه الغرف وكان فيه امن (سكيورتي ) وكميرات مراقبه ومع ذلك شفت ناس يصورون بالخفيه بس انا خفت وماحبيت اجازف !!!
بس لاتخافون جبت لكم صور من النت لناس اطلق مني وقدروا يصورون ..
الله يجزاهم كل الخير ,,
والان مع الصور الي اخذتها من النت لأشياء ماقدرت اصورها بالمتحف :

مكتوب انها بعضها سيوف للرسول صلى الله عليه وسلم :




سيوف للصاحبة رضوان الله عليهم :





عمامة سيدنا يوسف عليه السلام ( والله اعلم ) !!





عصاة سيدنا موسى علية السلام ( والله اعلم ) :





ختم الرسول صلى الله عليه وسلم :





وهذي يوقولون انها شعره من لحية رسولنا الكريم صلى الله عليه وسلم
( بس لازم تدققون عشان تشوفونها ) انا وانا بالمتحف بالمووووت قدرت الاحظها صراحه





اثر لاقدام الرسول عليه افضل الصلاة والتسليم :





طبعا الصور الي كانت قبل هذي كلها من مبنى مقر الحكومه
وتابعوني بصور من داخل قصرالسلطان محمد الفاتح والتابع لمقر الحكومه

( وهذا ندخله بتكت ثاني )

صرااااااااااااحة

هذي الأماكن اللي تستحق الزيارة

اشكرك انك اخذتينا برحلة تاريخية ولا اروع


وااااااااااصلي

اجزاء رائعه

يعطيك العافيه

ومتابعين معاك ان شاء الله

روعة ما شاء الله عليك الله يجمع شملنا وشملكم ويسعدنا وإياكم




الله يحرمك على النار الصور اللي بها نسوان ليتها تعدل ّإن كان لك حيلة يا خيتي يوجعني قلبي وأنا أناظرهن الله لا يهينك

اخواني ...
الذيب الشمالي & ابو مالك
اشكركم عالمتابعه والمرور
وترقبوا الباقي واتمنى يعجبكم ,,

اختي الغاليه ريم ..
اشكرك عالمرور وعالدعاء ولك مثله ان شاء الله ....والله يحزاك الف خير
وابشري بصلحهم ... وسلامة قلبك

والله يسهل عليك الاصول ياااااااااااااااااااااارب ^_^

الله يعطيك ألف عافية .....في إنتظار بقيت التقرير
وياليت تزودينا بأهم الأماكن التي يمكن أخذ هدايا للأهل منهاوأفضل أسواق للمنتجات والملابس التركية لأننا بإذن الله رايحين هذا الصيف وما بأضيع وقت بالأسواق

في انتظار البقيـــــــــــــــــهـ ... متابعه وبشده ..

ياحساااااااافه واصله متاخره اوي على قوله اخواننا المصريين
روووووووعه التقرير والصور والتعليق يستاهل التثبيت ياعسل
ومن حلاوته صارلي تقريبآ3ساعات وخشتي بالجهاز:45r83: الى اخر حرف بس لاتقولين قرب يخلص:89nhf:
الله يعطيك العافيه وبانتظار البقيه
دمت بود

انبهرت بتقريرك الممتع . وانت تسردين الاحدات احسست اني هناك
لاني لطالما حلمت ان اسافر الى عشقي الوحيد "تركيا"
تصوير احترافي وسرد مدقق في الاحدات
جازاك الله كل خير والله لا يحرمنا من طلتك
تقبلي مروري

سلااام اختي نجلا

تقريرك يهبببببببببببببل ماشاالله ابداااع والله يا اختي , يعطيك الف عافيه
بس ودي اقول وجهة نظري في موضوع الاسرائيليين انتي قلتي
((وكانوا يكلمونا وهم مبتسمين وبكل لطف بس احس من داخلهم خبث مو صاحي )) تقوليين يكلمونا بلطف وابتسامه ليش الله يهداك سوء النيه فيهم انه فيهم خبث ..بس ياا اختي الشعوب مالها ذنب وبعدين مو هما ذول القروب الي حاربو وقتلو الفلسطينين .. احنا المفروض مانطلق العداء للكل .. عدائنا فقط للمعتدين والي يقومون بالظلم صح ولا مو ؟؟ّ خصوصا ان هذول جايين سياح وكانت معاملتهم طيبه وبصراحه حسيت من كلامهم الي نقلتيه عنهم انهم فعلا ناس مع السلام وودهم في المحبه , يمكن حسن تعالمنا مع الشعب هو الي يعدل ويصلح في المجتمع ويخليهم هم من انفسهم ينقلبون ضد حكامهم الظلمه ويوقفون مع الحق

المشاركة الأصلية كتبت بواسطة ريم المدينة
http://www.arabtravelersforum.com/tr...3/#post3810303

الله يعطيك ألف عافية .....في إنتظار بقيت التقرير
وياليت تزودينا بأهم الأماكن التي يمكن أخذ هدايا للأهل منهاوأفضل أسواق للمنتجات والملابس التركية لأننا بإذن الله رايحين هذا الصيف وما بأضيع وقت بالأسواق



هلا وسهلا بأختي ريم المدينه ..
والله يعافيك من كل شر
وبالنسبة للاماكن الي تاخذين منها الهدايا : حنا اشترينا الاشياء الي تشتهر فيها تركيا وهي حلاوة الحلقوم وبعض التحف .. وهذي تلاقينها بالقراند بازار وبكثثثثثثثثثره بس اهم شي تختارين النوعيه الممتازه وتكاسرينهم بالسعر ..
وايضا بالقراند بازار بتلاقين جميع المنتجات التركيه من ملابس وغيره .. بس عاديه ..
واذا تبين روحي لشارع بغداد فيه محلات تجاريه حلوه وشارع الاستقلال ( وبكتب عنه بتقريري ) فيه محلات ملابس كثييييييييييير وكلها منتجات تركيه وروعه صراحه ...

المشاركة الأصلية كتبت بواسطة طالبة الفردوس
http://www.arabtravelersforum.com/tr...3/#post3810713

في انتظار البقيـــــــــــــــــهـ ... متابعه وبشده ..



هلا بك اختي طالبة الفردوس ..
اشكرك عالمتابعه الشديده
وان شاء الله يعجبك الباقي ,,

المشاركة الأصلية كتبت بواسطة a0f
http://www.arabtravelersforum.com/tr...2/#post3811132

ياحساااااااافه واصله متاخره اوي على قوله اخواننا المصريين
روووووووعه التقرير والصور والتعليق يستاهل التثبيت ياعسل
ومن حلاوته صارلي تقريبآ3ساعات وخشتي بالجهاز:45r83: الى اخر حرف بس لاتقولين قرب يخلص:89nhf:
الله يعطيك العافيه وبانتظار البقيه
دمت بود



هلا وغلا وفيك اختي ,,
والروعه مرورك ... واشكرك عالمدح ... واتمنى يعجبك الباقي
وللاسف مابقى الا كم يوم من التقرير ونرجع لارض الوطن
بس ولا يهمك حنا بأذن الله مقررين هالصيف على تركيا مره ثانيه وان شاء الله تتابعين التقريري من اوله
وحياااااااااااك الله

المشاركة الأصلية كتبت بواسطة mr.sefou
http://www.arabtravelersforum.com/tr...6/#post3811246

انبهرت بتقريرك الممتع . وانت تسردين الاحدات احسست اني هناك

لاني لطالما حلمت ان اسافر الى عشقي الوحيد "تركيا"
تصوير احترافي وسرد مدقق في الاحدات
جازاك الله كل خير والله لا يحرمنا من طلتك

تقبلي مروري

هلا بك اخوي mr.sefou ..
اسعدني ردك واعجابك بتقريري ,,
وربي يكتب لك رحله الى تركيا ماتنساها طوووول حياتك
واشكرك عالمرور العطر ,,

بس حبيييت اضيف على كلامي عشان لااحد يفهمني غلط ويحسبني يهوديه لا قدر الله خخخخخ

طبعا طبعا انا عجبني ردك بكلمة وين تقع اسراائيل ؟؟ وكان رد جميل منك يلفت انتبااههم للقضيه على قولتك

وكان منااسب جدا , ولازم يعرفون انهم مغتصبين حق دوله بكاملها مسلمة وتقول لا اله الا الله محمد رسول الله .. واحنا محتاجين لناس من امثالكم يحاورنهم ويكلموهم بطرق مثل هذي .. سبحان الله محد يدري يمكن هي الي تغير وتعدل من حال المسلمين ..

يعني بالمختصر المفيد انا اشوف ان التحاور معهم بطرق فعاله افضل الف مره من سبهم وشتمهم والاعراض عنهم واتوقع ان هذي هي الطريقه الاسلاميه وشكرااا لك اختي مرره ثانيه وثالثه

المشاركة الأصلية كتبت بواسطة M!Ss RoRi
http://www.arabtravelersforum.com/tr...1/#post3811841

سلااام اختي نجلا

تقريرك يهبببببببببببببل ماشاالله ابداااع والله يا اختي , يعطيك الف عافيه
بس ودي اقول وجهة نظري في موضوع الاسرائيليين انتي قلتي
((وكانوا يكلمونا وهم مبتسمين وبكل لطف بس احس من داخلهم خبث مو صاحي )) تقوليين يكلمونا بلطف وابتسامه ليش الله يهداك سوء النيه فيهم انه فيهم خبث ..بس ياا اختي الشعوب مالها ذنب وبعدين مو هما ذول القروب الي حاربو وقتلو الفلسطينين .. احنا المفروض مانطلق العداء للكل .. عدائنا فقط للمعتدين والي يقومون بالظلم صح ولا مو ؟؟ّ خصوصا ان هذول جايين سياح وكانت معاملتهم طيبه وبصراحه حسيت من كلامهم الي نقلتيه عنهم انهم فعلا ناس مع السلام وودهم في المحبه , يمكن حسن تعالمنا مع الشعب هو الي يعدل ويصلح في المجتمع ويخليهم هم من انفسهم ينقلبون ضد حكامهم الظلمه ويوقفون مع الحق



هلا بك اختي M!Ss RoRi
وعليكم السلام..
اولا : اشكرك على مدحك لتقريري
ثانيا : وبكل صراحه .. نبهتيني على شي انا مااخذت بالي منه .. يمكن لاني احقد عليهم كلهم تصرفت هالتصرف .. انا صحيح ماكشرت بوجههم بالعكس كنت مبتسمه بالمثل بس كنت احس بالنفور منهم وكنت بداخلي اغلي .. وحتى الوالد كلمهم عادي وكان مبتسم لهم عشان مايحسبون ان حنا عدوانيين والدليل انهم لما شافونا بالمطار ثاني يوم جاوا وحايونا وعادي سلمنا على بعض بس كنت كارهتهم من الداخل وودي اذبحهم
ومن ايش اسامحك ؟؟ وجهة نظرك رائعه واعجبتني كثير وربي وكلامك صحيح 100 %
وبالعكس انا مازعلت .. انا فرحت اني كسبت معرفة انسانه مثلك تفكيرها راقي ومنطقي
والله يجزاك كل خير على هالتنبيه الجميل ,,

المشاركة الأصلية كتبت بواسطة M!Ss RoRi
http://www.arabtravelersforum.com/tr...8/#post3812008

بس حبيييت اضيف على كلامي عشان لااحد يفهمني غلط ويحسبني يهوديه لا قدر الله خخخخخ

طبعا طبعا انا عجبني ردك بكلمة وين تقع اسراائيل ؟؟ وكان رد جميل منك يلفت انتبااههم للقضيه على قولتك

وكان منااسب جدا , ولازم يعرفون انهم مغتصبين حق دوله بكاملها مسلمة وتقول لا اله الا الله محمد رسول الله .. واحنا محتاجين لناس من امثالكم يحاورنهم ويكلموهم بطرق مثل هذي .. سبحان الله محد يدري يمكن هي الي تغير وتعدل من حال المسلمين ..

يعني بالمختصر المفيد انا اشوف ان التحاور معهم بطرق فعاله افضل الف مره من سبهم وشتمهم والاعراض عنهم واتوقع ان هذي هي الطريقه الاسلاميه وشكرااا لك اختي مرره ثانيه وثالثه



ههههههههههههههههههههههههههه بسم الله عليك ياشيخه ... يهوديه مره وحده ؟؟
وعاد انا بالمحاوره والجدال اعجبك ... احب احاور واجادل وكان حلمي اني اصير محاميه اجادل واقنع ..
او عالاقل صحفيه وكاتبه .. اناقش بالجرايد بعض مشاكل المجتمع ..
بس ربك كتب وصرت خريجة نظم معلومات والحمد لله على كل حال ,,
وعفوا لك اختي مره ثانيه وثالثه

والان باخذكم لجوله بداخل القصر ( مكان سكن السلطان ) :





طبعا نمشي وعلى يمينا ويسارنا غرف :




احد جدران الممرات :








بداية دخولنا قسم السلطان :
توني اكتشف ان حركة ( الانتريه ) عند المداخل موجوده من ايام العثمانيين ^_^




الصاله الموجوده في قسم السلطان والي تستقبل فيها امرأه السلطان ضيوفها :




جهة الحمامات والمغاسل ( وانتوا بكرامه ) :




وهذي احدى المغاسل :




مغسلة ثانيه :




مغسلة ثالثه ولكن اعتقد انها تستخدم لغرض الاستحمام !! :




وهنا مكان استحمام السلطان :




الحمام وانتوا بكرامه :




صاله كبيره جدا وماأدري هل هي لاجتماعاتهم العائليه ام لاستقبال بعض الضيوف الخاصين !! :




وهنا طبعا مكان جلوس السلطان :





المدفئه وحولينها مكان اعتقد للجلوس ايضا :




احد الجدران الداخليه لاحدى الغرف والتي تؤدي الى غرف اخرى :




الساحة الداخليه الخاصه بالسلطان وعائلته :





هذي غرفة طويله موجوده بالساحه وقالوا لنا انها مكان حفظ المواد الغذائيه الخاصة لعائلة السلطان :




جانب اخر من الساحه والمكان الي خرجنا منه :




ثم دخلنا في هذا الممر وكانت جميع الغرف مقفله :




المسجد الخاص الموجود بمقر الحكومه :




واخيراً وليس اخراً :
نقول وداعاً لمحتف توب كابي ...








والان نتوجة الى .... ؟؟؟

تااااااااااااااااااااابعوني

وبعد ذلك توجهنا للصلاة في الجامع الازرق ( وهو جامع السلطان احمد ) :















ومن المعلومات الي اعرفها عن هذا الجامع :
انه سميت منطقة السلطان احمد نسبة الى هذا الجامع الجميل الموجود في هذي المنطقه

وله 6 مآذن ... وانه بني مابين 1609 الى 1616 .. وله عدة مداخل ..

وانه بعد بنيانه اصبح عدد مآذنه = عدد مآذن الحرم المكي فأمر السلطان احد المهندسين ببناء مأذنه زياده للحرم المكي على نفقته حتى يصبح اكبر عدد بالمآذن

وسمي بالجامع الازرق نسبة الى القبب التي تعلوا الجامع والملونه باللون الازرق



والجميل بالموضوع انه الى الان تقام فيه الصلاه مع انه مزار ,,
ولكن بالنسبة للازوار الاجانب فيه لهم مدخل خاص يدخلون منه

والنساء اذا جاوا بيدخلون يعطونهم مثل الشال يلفونه على جسمهم واكتافهم عشان يتسترون اذا كانوا متكشفين
وعند الباب وقبل ماتدخل المسجد فيه قسم مكان تاخذ منه الاكياس لوضع الاحذيه ( كرمكم الله )
والقسم المخصص للصلاه مايدخله الا المسلمين الي يبون يصلون اما السياح الاجانب لهم حد معين


وهذا مكان للوضوء ( خارج الجامع اي قبل دخول الساحه ) :











وهذي الساحة الداخلية للجامع :



















الجامع من الداخل :


























وحنا طالعين من الجامع قابلنا هذولا البياعين :






يبيعون هذي الحلاوه السااايحه والدافيه ( تحتها شعله )

ويلفونها على عود خشب طعمها لذيييييييذ جدا صراحه ,,




وبعد الصلاه توجهنا الى قصر يارا بتان

وهو مايبعد الا خطوات عن هذه الاماكن
وهو عباره عن قصر تحت الارض ( اندر قراوند بالاس ) وفيه مويه وفيها اسماك ( طبعا فيه جسور نمشي عليها عشان نتمشى بالقصر .. جزء منه فقط ) والقصر بارد شوي مع رطوبه لانه تحت الارض ..





































وبعد كذا توجهنا عبرنا مضيق البسفور متجهين الى جبل شَملجه ( تل العرائس ) وهو بالقسم الاسيوي















وجلسنا فيه وشفنا قسم كبير من اسطنبول مع منظر الغروب وكان اكثر من رائع .. بس للاسف هو حلاته بالنهار بدري
لان يقولون انه فيه شجره كبيره يجونها العرايس بفساتينهم ويحكونها بقرش ( اعتقادا منهم ان الزواج يتبارك )
بس شفنا سيارات العرايس رايحين

وطبعا فوق الجبل فيه جلسات ومطاعم وكفيهات ..
















منظر لاسطنبول من فوق جبل شَملجه :














العلم التركي يرفرف فوق الجبل :











وهذا مكان زجاجي فيه نساء يسوون الخبز التركي :





واخر فقرات برنامجنا هي ان حنا توجهنا الى المطاعم المطله على مضيق البوسفور في منطقة ترابيا
















وسفطنا على عشاء الفندق وكانت جلساتهم حلوه وراااايقه جدا واكلهم لزيييييييززززز ,,
وختمنا هالعشا بشاي تركي يروق الراااااااااس






وبعدها واخيرا ,,, طبعا توجهنا لفندقنا وحطيت رجولي وانتو بكرامه بمويه داااااافيه

وسويت لها مسااااج ونمت ..

جزء رائع
يعطيك العافيه
ومتابعين رحلتك الجميله ان شاء الله

تقرير اكثر من رائع

لكن عندي استفسار وارجو افادتي

ارغب برفع الصور بحجمها الكامل ولا استطيع
فكل ماحاولت رفع صوره تظهر بحجم صغير
ارجو افادتي بالطريقه لكي استطيع اكمال تقريري
وشكرا

جولة جميلة
بس تعبتينا بمشاوير اليوم



واااااااااااااااصلي

خطير*روعة *التقرير

يستاهل *****

الاخت المبدعه نجلاء



ماشاءالله ماهذا الابداع والوصف الرائع لتفاصيل الرحلة .



حقيقة امتعتينا بتقريرك المفصّل والجميل .



واصلي فنحن معكم حتى النهاية بإذن الله



تحياتي لكم ولجهودكم الكريمة

تقرير اكثر من رائع

لكن عندي استفسار وارجو افادتي
1 -بالنسبة للبس التركي التقليدي للعروس التركية فين ممكن القاه وهل صادفتي محلات تبيعة؟؟؟
2- هل من الممكن ترك الشنط عندأمانات الفندق بأسطنبول عند السفر لطربزون ولا لا .
جزاك الله كل خير وأسفة على كثرت الإستفسارات

المشاركة الأصلية كتبت بواسطة أبـو مالك
http://www.arabtravelersforum.com/tr...4/#post3812474

جزء رائع
يعطيك العافيه
ومتابعين رحلتك الجميله ان شاء الله



اهلا وسهلا بك اخي ابو مالك ,,
ربي يعافيك
واشكرك عالمتابعه المستمره لتقريري
حياك الله ..

المشاركة الأصلية كتبت بواسطة kalkashndy
http://www.arabtravelersforum.com/tr...4/#post3813194

تقرير اكثر من رائع

لكن عندي استفسار وارجو افادتي

ارغب برفع الصور بحجمها الكامل ولا استطيع
فكل ماحاولت رفع صوره تظهر بحجم صغير
ارجو افادتي بالطريقه لكي استطيع اكمال تقريري
وشكرا



هلا بك اخوي .. والطريقة سهله بأذن الله :
اولا : روح للصوره الموجوده بجهازك والي تبي ترفعها ..
اضغط عليها كليك يمين واختار ( فتح بأستخدام ) او ( open with ) وبتطلع لك خيارات
اختار برنامج ( microsoft office pictuer manager ) .. طبعا اذا فتح البرنامج بتلاقي الصوره موجوده .. وبتلاقي خيارات فوق البرنامج من ضمنها ( صوره ) ( pictuer ) اضغط عليها واختار ( تغيير الحجم ) ( resize )
بعدها على يسار الصفحه بتطلع لك خيارات .. انا دائما اختار ( ويب - كبير 640*480 بكسل ) ..
ثم موافق .. ثم حفظ بأسم ( طبعا احفظها بالمكان الي تبيه على جهازك )
وبعدها اختار اي موقع من النت لرفع صورك ( وانسخ الرابط المباشر )
وطبعا اميد تعرف الباقي انك تجي للمنتدى وتختار ايقونه ( ادراج صوره ) وتلصق الرابط الي نسخته
----------------------------------------
وان شاء الله تضبط معك الطريقه وتعرفها .. واذا واجهتك اي مشكله حياك لاتتردد بالسؤال
وشكرا عالمرور ,,

المشاركة الأصلية كتبت بواسطة الذيب الشمالي
http://www.arabtravelersforum.com/tr...1/#post3814191

جولة جميلة
بس تعبتينا بمشاوير اليوم



واااااااااااااااصلي



افااااااااااا يالذيب الشمالي !! هذا وانت ذيب وتقول تعبت ؟؟
شكلك ذيب بس شايب ههههههههههههههه
خلاص هانت باقي الايام خفيفه مافيها مشاوير
اشكرك عالمرور وياهلا بك ..

المشاركة الأصلية كتبت بواسطة *طالبةرضا الله*
http://www.arabtravelersforum.com/tr...0/#post3814210

خطير*روعة *التقرير

يستاهل *****



هلا بك اختي ..
والله انتي الخطيره وانتي الروعه
وشكرا عالـ *****
وربي يحفظك ,,

المشاركة الأصلية كتبت بواسطة أبو تركي
http://www.arabtravelersforum.com/tr...2/#post3814432

الاخت المبدعه نجلاء



ماشاءالله ماهذا الابداع والوصف الرائع لتفاصيل الرحلة .



حقيقة امتعتينا بتقريرك المفصّل والجميل .



واصلي فنحن معكم حتى النهاية بإذن الله



تحياتي لكم ولجهودكم الكريمة








اهلا وسهلا بمشرفنا الكبير ابو تركي ..
الابداع هو انتم ,,
وكل الي تشوفه ماهو الا محاكاة لاسلوبكم وباقي الاخوان بهالمنتدى ... الي استفدت منه الكثير وحبيت الافادة
واشكرك عالمتابعه .. واتمنى يعجبك الباقي و الـ ( قليل )

المشاركة الأصلية كتبت بواسطة ريم المدينة
http://www.arabtravelersforum.com/tr...2/#post3814452

تقرير اكثر من رائع

لكن عندي استفسار وارجو افادتي
1 -بالنسبة للبس التركي التقليدي للعروس التركية فين ممكن القاه وهل صادفتي محلات تبيعة؟؟؟
2- هل من الممكن ترك الشنط عندأمانات الفندق بأسطنبول عند السفر لطربزون ولا لا .
جزاك الله كل خير وأسفة على كثرت الإستفسارات



هلا بك اختي ريم ..
بالنسبة لسؤالك الاول .. بتلاقين الزي بالقراند بازار ( والاسواق الشعبيه عموما )
انا شفته بالقراند بازار وعندهم مقاس اطفال ومقاس كبار ( ولكن مقاسات الكبار مو متوفره كثير ) واذا تبين يسوون لك تفصال ولكن يبالغون بسعره شوي يعني يوصل فوق الالف ريال
اما سؤالك الثاني .. يعتمد عالفندق الي بتسكنون فيه .. يعني صراحه مدري .. اذا كنتوا بتروحون طرابزون وبعدين بترجعون لاسطنبول لنفس هالفندق فيمكن يوافقون .. بس نصيحه خذوها معكم عشان ماتضيع او يصير لخبطه بالموضوع وتروح عليكم ..
وماله داعي للاسف اختي .. حنا خوات واي استفسارات ثانيه لايردك الا لسانك

المشاركة الأصلية كتبت بواسطة x- نجلاء -x
http://www.arabtravelersforum.com/tr...7/#post3814947

افااااااااااا يالذيب الشمالي !! هذا وانت ذيب وتقول تعبت ؟؟
شكلك ذيب بس شايب ههههههههههههههه
خلاص هانت باقي الايام خفيفه مافيها مشاوير
اشكرك عالمرور وياهلا بك ..



















على قولة حبايبنا اللبنانيين

مزحة زغيرة






متعود على المشي وقاطع مشاوير

واصلي فينا

التقرير والله اكثر من رااااااااااااااااااااااااائع
ومجهود جبااااااااااااار تشكرين عليه
الله يجزاج الجنه ع المعلومات الرائعه اللي استفدنا منها

مشكووورة اختي على المجهود الرائع
تقرير جمييل ومفصل
عندي استفسار .. بالنسبة الى التنقل بالطائرة من اسطنبول الى انطاليا في اول وصولكم ثم بعد من انطاليا الى اسطنبول ثم طرابزون .. كم اسعار التذاكر ؟؟ ومن وين خذيتو التذاكر هل من بلدكم والا من تركيا
وشي اخر بالنسبة لفيزا اني من البحرين اذا عندج خبر هل يحتاج فيزا اطلعها من بلدي والا عند الوصول الى تركيا؟؟

تقرير شيق ومرة روعة ،،

المشاركة الأصلية كتبت بواسطة الذيب الشمالي
http://www.arabtravelersforum.com/tr...0/#post3815480





على قولة حبايبنا اللبنانيين

مزحة زغيرة






متعود على المشي وقاطع مشاوير

واصلي فينا



عساك عالقوه ... والباقي بالطريق : )

المشاركة الأصلية كتبت بواسطة النمله
http://www.arabtravelersforum.com/tr...1/#post3815841

التقرير والله اكثر من رااااااااااااااااااااااااائع
ومجهود جبااااااااااااار تشكرين عليه
الله يجزاج الجنه ع المعلومات الرائعه اللي استفدنا منها



هلا بك اختي
اولا اشكرك عالدعاء زولك بالمثل يارب ..
وثانيا اشكرك عالمدح والرائع هو مرورك وتشريفك للتقرير
واتمنى يعجبك الباقي ,,