صحينا مكتئبين ..:01xw5:.. وبعد عمليات التعقيم الي سويناها قدرنا نستخدم الحمام وانتوا بكرامه
ورحنا بوفيه الفطور حقهم ولكن طلعنا بدون ماناكل شي ... صراحه كان سيء ( ربي يكرم النعمه بس )
وفيه اشياء غريبه مواعين التقديم حقتهم وسخه ...
رحنا للرسيبشن وطبعا ابوي تفاهم معهم وقالهم انتوا ناس طيبين وخدمتكم ممتازه ولكن حصل سوء تفاهم ومو هذا الفندق الي نبيه اعذرونا بس حنا بنطلع واذا ممكن تعطونا اسماء فنادق اخرى عشان نشوفها
طبعا وبكل صراحه كانوا مؤدبين جدا وقالوا لنا وش الي مو عاجبكم ونغيره بس الوالد قالهم المستوى العام كله واسمحولي .. وعادي عذرونا زماأسائوا التعامل معنا واعطونا اسماء لفندقين وطلعنا نشوفهم
واحد منهم كان افضل من هذا بششششوي
اما الثاني كان عذاااااااااااب يجنن ويهبل وقلنا لابوي مانبي الا هو ,, مع انه كان غالي وبعد مشاورات واقناعات :23isp: اقنعنا الوالد وحجزنا عنده
ورجعنا فندقنا القديم نسوي الشيك اوت وناخذ شنطنا ,,, طبعا الفندق قال لابوي مابنرجع المبلغ كامل بنخصم منكم قيمة اقامة اربع ايام ,, وقلنا باللي هي بس المهم نطلع ,, ونتفاهم بعدين مع المكتب
طلعنا ورحنا الى فندقنا الجديد ( la blanche )
وهو في الحقيقه منتجع مثل الشاليهات ( spa )
وحجزنا عنده وكانت اقامتنا في بودروم كلها فقط 5 ايام ,,,
طبعا هالفندق نظامه غريب يعني مع انه غالي بس على هالخدمات الي يقدمها تحسه يستاهل
هذا الفندق ياطويلين العمر والسلامه الغرفه فيه مكونه من ( صاله وغرفة نوم وحمامين وانتوا بكرامه وثلاجتين ( الميني بار ) وتلفزيونين وبلكونه مطله عالبحر طبعا )
قيمته : 2500 ريال للغرفه ,,, ولكن هالسعر يشمل:
*الثلاجتين الي بغرفه تحتوي على عصيرات ومشروبات غازيه فقط وتتعبى كل يوم وحلالك بلااااش
*تشمل بوفيه ( فطور – غداء – عشاء ) ( وربي بوفيه تتعب وانت تاخذ منه طويييييييييييل عريض ) بالاضافه الى بوفيه اسمه ( حساء نصف الليل ) وهذا يكون من الساعه 12 الى 1 ويتكون من بوفيه صغير فيه سلطات ومقبلات وشوربات
*طبعا المشروبات الي مع الوجبات بلاش وموجوده عالبوفيه ( يعني الي يحب يعبي كم مره )
*بالاضافه الى وجود ( المقاهي مثل الميني بار ) موزعه عالفندق من داخل وعالشاطئ برى وطبعا فيها مشروبات بجميع انواعها حاره وبارده ومثلجه والايس كريم والكيك والحلويات ( وببلاااااااااااااااااااش )
* بوفيه صغير عند المسبح يحتوي على ( سناكس ) وخفايف وطبعا بلااااااااش
* عند البيتش فيه خيمه فيها حرمه تخبز تسوي الخبز التركي وتقدمه مع اللبن وايضا بلاااااش
* قوارب التجديف بالارجل والكانو وملاعب الكره تستخدم بلااااش
* فيه مسرح يقام فيه كل يوم مسابقات واستعراض للرقصات التركيه
* غير البوفيه ,, يوجد بالفندق 3 مطاعم ( تركي – سي فود – صيني ) وفيه احقيه للساكن ياكل وجبه عند أي من هالمطاعم اول مره بلاش ولكن بعدين بحسابه
*الفندق يحتوي على ( سبا ) متكامل من حيث غرف المساج المتنوعه (مساج تايلندي – مساج مائي ,,, الخ ) وتنظيف البشره والليزر وعمل التان ( التسمير ) والحمام التركي والساونا والبدكير وصالون ( كوافير ) وغرف الاسترخاء والتأمل (غرف مطلع على شلالات ) واشياء كثير ماعرفتها صراحه
( ويضمن الخصوصيه للنساء في غرف المساج )
* الفندق بالرغم ان كل نزلاءه اوربيون الا انه يستخدم الذبح الحلال ولا يحتوي على لحوم الخنزير ابدا
* كثير من موظفين الفندق ( خصوصا الى بالكوفي والمطاعم ) يتحدثون العربيه ولطيفين بالتعامل
* تعاملهم اكثر اكثر اكثر من راقي خصوصا معنا كانوا جدا مؤدبين ويرحبون فينا عند الدخول للمطعم داااائما خصوصا المشرف حاجز لنا طاوله مطله عالبحر وجميله جدا كل يوم نجي يودينا لها ومخصص 2 ويترز يخدمونا حنا بس ويقولون لابوي ( عمي )
حصل موقف لنا بالفندق ,, طبعا الوالد من النوع المحافظ جدا في الاكل يعني لازم اكل صحي معين ... والفندق هذا في بوفيه الغداء والعشاء فيه قسم مخصص للدايت ومتكامل اما الفطور لاء
وحنا عالفطور ابوي كلم المشرف وقاله وش معنى الغداء والعشاء فيه قسم دايت اما الفطور مافيه ؟ وسجلها المشرف كملاحظه
وربي باليوم الثاني وحنا نازلين عالفطور كان يستقبلنا عالباب واول مادخلنا اخذ ابوي ووداه لقسم خاص كللللللللللللللله اكل دايت من اجبان واخباز وغيره ,, وطبعا الوالد شكرهم بحرااااره على هالتعامل الطيب
( معلومه صغننه ) : حنا جلسنا في بودروم 5 ايام ولكن ماطلعنا من الفندق الا يومين لان كان فيه مرافق وجلسات واماكن حلوووووووه
يوم طلعنا تمشينا بالشوارع المحيطه بالفندق وشفنا البازار والكورنيش
ومره طلعنا برحله بحريه ( نصف يوم ) وبسسسسسسسسس
يعني الي بيروح بودروم لازم يحجز بفندق ( منتجع ) فيه مرافق متنوعه لان المدينه مافيها اماكن تمشيات او شلالات
بأختصار ( هي مدينة استجمااااام ) تناسب الغرب اكثر من العرب لان حنا مانستفيد من السباحه بالمسابح او الشواطئ
والحين بعد كلامي الكثير الي ادري تعبتوا معي ,, وريكم صور الفندق
المفضلات