تركيا بلد جمييل واجواءها جمييله والشعب سهل التعايش معهم ..خاصه في المناطق البعيده عن العواصم ..لكن العاصمه حدث ولا حرج .. سبحان الله قمة التناقضات جلافه وفي نفس الوقت مسوين رومانسيه غلط في جمييع الاماكن العامه حتي في العباره ام 3 ليرات نلقي معيار الرومانسيه زايد ...يعني المكان غير مهم بالنسبه لهم في الرومانس .....
المهم انا ابتحدث عن بعض الحاجيات الضروريه واسعارها حتي يكون الجمييع علي علم خاصه لساكني الشقق في مناطق ترابيا وسرير ..فعلا غالبية الحاجيات فيها غلاء .. بصراحه ما ادري هل هو شي عام او بالصيف فقط ..
الاسعار اخذت من سوبرماركات عدة في منطقة ترابيا ...السعر بالليره وعليك الحساب اضربه في 2.5
اللحم الكيلو 28 ...الدجاج من 7-9 ...الخوخ 3.....الموز 3 اللي عندنا ال 3كيلو بعشرة....جميع انواع الفاكهه من 2 الي 3 مع ان تركيا هي بلد الفوكه... علي فكره عندهم بازار يوم الخميس يجون المزارعين ويعرضون منتجاتهم بارخص من هالاسعار بنسبه 30% تقريبا...
الخبز فيه خبز مدور وعليه سمسم وحبه سوداء بصراحه حلو المهم سعره 2.5ليره ..كنت اشتري نفس الخبز من فينا في النمسا ومن الاتراك نصف يورو شوفو الفرق ..علي العموم جميع انواع الخبز يبداء من ليره ..
غسيل بنطلون الجنز ب10 والقميص ب 7 ليرات يوم سالته انها غاليه قال لي الماكينه الماني حشا ولا مغسله الانتر كونتننتال.... الاجبان تقريبا نفس اسعارنا الزيتون يبداء من 7 ليرات وانت طالع...فيه تونه عندهم حلوه مره بصراحه ودك تاكل القوطي معها العلبه الصغيره مرره ب 2.5....
المياه غاليه العليه الصغيره ب نصف ليره والكبيره عبوة لتر اقل من الليره بشوي مع ان تركيا بلد الميياه...المياة الغازيه نفس اسعارنا تقريبا... الحلاق ب 5 ليرات حلاقه وجه فقط ووجه واحد ومستعجل كل شوي ملتفت خخخخخخ
البنزين حدث ولا حرج من ثلاث خانات وانت طالع....هذي الاشياء اللي متذكرها مع ان فيه الكثير والكثير ...
المهم ان العينات عشوائيه وممكن فيه محلات ارخص وفيه اغلي بس الله يعين الاتراك علي العيش في بلد غالي مثل كذا وخاصه اللي يعيش باستنابول وماحولها ..مره تركي بالسعوديه يقول لي انا اعيش بالسعوديه ارخص لي ميه مره واوفر مبلغ لاباس فيه...
للجميع تحياتي وتقديري ...
المفضلات