المشاركة الأصلية كتبت بواسطة ام رواف
http://www.arabtravelersforum.com/tr...8/#post5764628
صباح الخير انا والله اني تعبانه كثير بس قلت لازم ادخل وانبه اخواني في منتداي الغالي من السيارات عندهم في الشوارع يسرعون سرعه فظيعه وقصتي هي انا والحمد لله وصلت لاسطنبول من يوم بس ونزلت انا وزوجي وولدي الصغير لاورتاكوي بعد العصر واحنا تونا نازليين من التكاسي بنلف مع اللفه الا وتجي سياره مسرعه واقوم اسرع واخذ ولدي واعطيه ابوه وماادري شلون وقدر الله وماشاء فعل وتجي سياره ثانيه نفس الشي مسرعه والله ثم والله ماادري شلون صار الحادث في لحظات جلس زوجي يصرخ انتبهي انتبهي من السياره مادريت الاوهو يصدمني وطحت علئ الارض ودعس بالكفر علئ رجلي وياليته رجع بالسياره الاهو شكله خاف ووقف وانا اصارخ رجلي رجلي وزوجي يخبط عليه السياره ارجع ارجع ورئ وجلست ابكي من الالم وماقدرت اوقف من الروعه ومن الالم وسخر الله لي امراءه تركيه ووتتكلم عربي وجلست تهديني هي وزوجها وتجمعوا الناس وكل هذا وانا جالسه في وسط الشارع ماقدرت اتحرك وشالوني وحطوني علئ زاويه الشارع وماقصروا معي صراحه وحطوا عليها ثلج بعدين ودوني للمستشفئ وسويت لها اشعه وقالوا لي الحمد لله مافيها كسر وعطوني ادويه ومسكنات والحمد لله جت سليمه ونسيت اقولكم صاحب السياره اللي صدمني انكر انه صدمني وانحاش حسبي الله عليه ونعم الوكيل،والمراءه التركيه ماقصرت معي جزاها الله خير تعبت معي هي وزوجها الله يبارك لهم يارب والله حبيت الشعب التركي بسببهاهي وزوجها تعاطفو معي وخذت رقم اللي صدمني وكلمته بالتلفون وهاوشته وودوني هي وزوجها للمستشفئ وماقصروا صراحه معنا،والحمد لله وقدر الله وماشاء فعل ولا اوصيكم اخواني مره ثانيه انتبهوا لاولادكم ولانفسكم من السيارات في الشوارع وخاصه الشوارع الضيقه ،والله يحفظنا ويحفظكم يارب ويرجعنا لديرتنا سالميين يارب*
الحمد لله على السلامة . . .
ضوابط المشاركة
رد مع اقتباس
المفضلات