الموضوع: رحلتي إلى الديار العثمانيه بعد العيد وعندي كم استفسار

افاا

فوق الـ 20 مشاهده بدون ولا رد !!؟

وعليكم السلام ورحمة الله وبركاته

بجاوبك باللي اعرفه واقدر عليه

بالنسبة للغة الانجليزية بتركيا ابد مو ماشية تقريبا اغلب الشعب مايتكلم انقليزي بس عموما تقدر تدبر نفسك بالاشارات

جزر الاميرات طبعا تروح لها بالسفينة

وبالنسبة لبورصا ويلوا فيه عندك بالسيارة ولا السفينة بس لما تروح بالسفينة ماتنزلك الا على يلوا وعشان تروح بورصا لازم بسيارة تقريبا المسافة ساعة
احنا جربنا الروحة بالسيارة والرجعة بالسفينة بس السفينة ممتعة جدا جدا انصحك تروح فيها وترجع فيها بعد
وبعد افضل انك تستاجر سيارة وتروح على الميناء من اسطنبول وتدخل سيارتك بالسفينة وبعد كذا تطلع فيها بيلوا وتتوكل

والامان بتركيا صراحة يقولون مناطق امنة ومناطق لا بس المنطقة الي سكنا فيها كانت امنة جدا الحمد لله لدرجة نطلع انا وامي على الكورنيش مشي ونرجع مشي لحالنا بالساعة 12 بالليل ومافي اي مضايقات كل واحد بحاله

وايه موجود رحلات البسفور بس مادري كم سعرها عموما ( بالنسبة لي ) كانت جدا مملة وطويلة بزيادة ..

وهذا اللي عندي وان شاء الله الباقين يفيدونك ..

بجاوبك على اللي اعرف


1/ افضل طيران داخلي لطرابزون ؟؟ وبكم ذهاب وعوده ؟؟ وهل الافضل أجعلها اول وصولي لتركيا ام آخر الرحله ؟؟
الخطوط التركية - بيجاسوس - انوير
انا وصلت لاسطنبول وخذت طيارة مباشرة لطرابزون لكني خفيف انا وزوجتي وطفل واحد وفيه ناس يريحوا يوم ويطلعوا طربزون وكله حسب وضعك ومزاجك

2/ ماهو الافضل في المواصلات في طرابزون باصات او تكاسي أو تاجير ؟؟ واذا تاجير هل يوجد سيارات تماتيك؟؟
استأجار سيارة بدون نقاش .. وموجود اوتماتيك

3/ كم المده اللي تستاهلها طرابزون وما جاورها ؟؟ بقصد التصوير
صراحة تحتاج وقت لان فيها مناظر كثيرة وطبيعة خلابة وتحتاج من 5 ايام الى اسبوع اذا جدولك راهي

5/ هل اللغه الانجليزيه ماشيه بتركيا وجورجيا او لا ؟؟
في تركيا الغالب ما يتكلمون انجليزي لكن تمشي امورك بالاشارة وبعض الكلمات . لكن ماهي عائق

6/ اسطنبول هل تكفي 4 أيام ؟؟ أم اكثر ؟؟ وأفضل طريقه للتنقل بها ؟؟
حسب جدولك وحسب رغبتك في اي انواع التصوير تحب لان فيها اماكن تراثية كثيرة والحياة اليومية صاخبة وممكن تصور بورتريهات جميلة .
التنقل عبر المترو او الالترام او التاكسي وهو الاغلى .

8/ هل الأمان موجود في تركيا بشكل عام سواء في الليل او الفجر بدايه الشروق ؟؟
البلد آمن والحمد لله لكن الواحد دايم لازم يطلع في الاوقات المناسبة ويعرف وين رايح ومتى .

الله يوفقك

تسلمون وما تقصرون وبارك الله فيكم ويعطيكم ألف عافيه

والله تضايقت من عدم التفاعل مع الموضوع وجزاهم الله خير اللي ردوا

سفرتي الطابع الغالب عليها تصوير بحكم اني عاشق للتصوير ومحتار اروح انطاليا ولا لا ومنو تستاهل الايام الأكثر بين اسطنبول وانطاليا وطرابزون وما جاورها


يا جماعه الخير ابي تفاعلكم لأني طالع لوحدي وما ودي اتوهق .. حتى الجدول ماني عارف كيف أنظمه


الهدف تصوير وسياحه