الموضوع: وان شاء الله بزور تركيا وبلعب في الثلج

المشاركة الأصلية كتبت بواسطة mariam_almahmood
http://www.arabtravelersforum.com/tr...0/#post8147728

السلام عليكم

.
.




عاد انا خاطري اروح بالشتويه والعب بالثلج واتزلج بعد مع اني ماعرف ههههه بس احب المغامرات والتجارب




قريت وايد لين انفقع راسي واحس ضعت قلت لازم اسأل قبل وبعدين اخلص قراءه
انا الحين مابي الاماكن السياحه لان بصراحه ماحب احد يقولي روحي هني ولا تروحين هناك
احب بروحي اشوف واقتنع بالمكان اللي ابي ازوره واقسم الاشياء
يعني اكثر التقارير رحلات شخصيه والترتيبات للجداول بعد اماكن محدده
انا ابي اروح اشوف اثار وشوي اتمشى وشوي متاحف و شوي حدايق و شوي ثلج وطبيعه وغيره ..




المهم ان رحلتي كامله ان شاء الله بتكون 8 ايام (7 ليالي)
بس ماعرف شلون اقسمها وهل تقسيمي لها صحيح ؟


ماحددت التواريخ لاني للحين قاعده اشوف الرحلات واسعارها على حسب كل طيران
بس بيكون من بدايه شهر فبراير حتى نهايه شهر مارس (بهالحدود)
حاليا حصلت ارخص طيران من تاريخ 19 الى 26 .. بس بنطر اسبوع وبعدها بحجز ان شاء الله


انا رتبت الرحله هكذا ..


* الوصول الى اسطنبول (السكن في السلطان احمد) يومان
* السفر الى بورصه عن طريق العباره ومن ميناء kabatas لان عندهم رحلات كل ساعتين والميناء الثاني رحلتين فقط واوقاتهم مو حلوه ..
* المكوث في بورصه لمده يومان
* من بورصه الى يلوا (مو عارفه شلون اروح لها وشنو احسن طريقه) ارجوا منكم النصيحه ..
بقعد فيها يومين
* الرجوع من يلوا الى اسطنبول (تقسيم) السكن ليوم واحد ثم الرجوع الى البلاد


انا ماعرف اذا كان جدولي حاليا مرتب او لا ؟
وهل يلوا جميله ؟ لان كان خاطري اروح اوزنجول حبيتها اكثر بس قريت انها بعيده وتبي تقريبا 14 ساعه للوصول .. انا معاي بنتي عمرها سنتين و شهرين وبعدين مابي يضيع علي اليوم بما اني مابقعد وايد بتركيا ..


هل تنصحون بيلوا او ابدلها بمنطقه ثانيه تكون قريبه لأسطنبول ؟؟


وممكن اعرف شنو فيها ؟ يعني اوزنجول طبيعتها جميله جداً .. وقريت انها بتكون بارده في الموسم اللي بروحه والصراحه انا ابي الثلج بكل مكان لاني مسافره علشانه ,, وتركت التمشيه والتنزه لأسطنبول ..






.


.





اشكر لكم مساعدتكم مقدماً




و عليكم السلام و رحمة الله و بركاته

اوزنجول و طرابزون و بقية مدن الشمال جوهها ما يصلح بالشتاء الافضل زيارتها بالصيف وقت يكون الجو جميل راح تستمتعوا اكثر .

انصحك تنتهبى للبرد بتركيا خاصة معك طفلة و الجو بيكون شديد البرودة .


اقترح عليك قراءة هذا التقرير راح تلاقى فيه تفاصيل راح تهمك بترتيب رحلتك

http://www.arabtravelersforum.com/travel430435/

http://www.arabtravelersforum.com/travel363718/

http://www.arabtravelersforum.com/travel707507/

مشكوره اختي على المساعده


افضل المواضيع هي الموسوعه الشامله لتركيا ولازم اقراها بتأني علشان ارتب كل شي من هني
بس عندي كم استفسار ..




اول شي هل ترتيبي للرحله جيد ؟ اسطنبول (السلطان احمد وتقسيم) و (يلوا) و (بورصه)


انا بنزل بمطار اسطنبول ولازم بريح فيها
في بالي اقعد في تقسيم يوم وبعدين .. انطلق الى بورصه ثم يلوا او العكس يلوا ثم بورصه ..
ومادري شنو الاقرب والانسب لترتيب الرحله .. وبعدين برجع الى اسطنبول وبقعد في السلطان احمد 3 ايام لزياره المعالم
واليوم الاخير برجع للمطار طبعا ..


يمكن شوي الرحله متعبه كـ 8 ايام بس ابي استقل كل يوم فيها علشان اتونس ,,


بس اذا ممكن يلوا شنو فيها ؟ و خصوصا اني بزورها بالشتاء يعني ماعرف البرامج اللي فيها غير المياه الساخنه شي جذي ^^

يلوا فيها منطقة التيرمال اللي فيها المياه الساخنة وبالقرب منها قرية جوكشدرا واوسبينار
وفي ايضا كورنيش يلوا حلو

مرحبا شخباركم

اشكركم جزيل الشكر على المساعده اخواني
بس انا للحين ما استقريت على شيء معين احس مخي مفتر


قررت انزل بتقسيم يومين وانطلق منها الى يلوا
اقعد فيها 3 ايام ومنها يوم زياره الى بورصه للجبل ,, والرجوع مره ثانيه الى يلوا
وبعدين ارجع من يلوا الى اسطنبول .. السلطان احمد 3 ايام


..


هل جدولي مرتب ؟ ايهم اجمل بورصه ام يلوا .. يعني اقعد بيلوا يومين و اخلي يوم ازور فيه بورصه
او اقعد يومين في بورصه واخلي يوم فقط ليلوا ؟؟


استقريت على هالقرار علشان مانتنقل وايد بالفنادق ..




ارجوا منكم الافاده علشان ارتب لي الاماكن السياحيه والفنادق


واذا ماعليكم امر شنو افضل الفنادق اقصد بأي منطقه اسكن ؟؟


تقسيم الافضل بقرب الميدان ..
السلطان احمد وين المكان الافضل ؟ يعني ابي انزل اتمشى ويكون في حركه ومطاعم جريب ..
وبعد ماتفيدوني بالافضل يلوا او بورصه ارجوا الافاده بمكان الفندق الافضل بالمنطقتين ..


قريت ان السكن فوق جبل الاولداغ جميل لمشاهده تساقط الثلج والاراضي البيضاء من الصبح بس مادري شلون بيكون الوضع اصلا ..

ارجوكم احتاج مساعدتكم بخصوص بورصه ام يلوا
وين اسكن شنو الاحلى منهم
متردده ..
درت بتقارير يلوا ماحس عجبتني وايد
بس مادري يمكن فيها اشياء وانا ماقريت عنها
وبورصه مازلت ابحث وبما ان فيها حديقه حيوان (عزكم الله)
احس ابي اطول المده فيها هي اكثر علشان اودي بنتي