الموضوع: فزعتكم يالذيابه اخوكم اول مره مسافر

صبحكم الله بالخير يا أهل الخير ..

بغيت فزعتكم لآول سفرة بحياتي ^_^ .. كنت باغي اخربها اورباً لكن بطلت قلت خل عنك الهياط وخلك قريب ، لين تتعلم كيف تضبط امورك بالسفرريات ..

ذلوان انا مسافر الاسبوع الجاي لـ تركيا وحجزت في فندق اسمه ascot house بالسلطان احمد اسطنبول ..

عنوان الفندق ( Şehsuvar Bey Mh., Sarayiçi Sk No:23, 34126 Istanbul, Turkey ‎ )

المراد يالحلوين اذا ماعليكم امر تدلوني كيف اوصل للفندق من مطار اتاتورك ؟ وهل 5000 سعودي تكفي مصاريف لـ 7 ايام لـ ثلاث اشخاص ورضيع .؟

ولو تتكرمون تعلموني كيف المواصلات عندهم وشهو الافضل وكيف؟ لو فيه موضوع دلوني عليه فديتكم ..


بأنتظار الحلوين ..

مواضيع عشوائيه ممكن تكون تعجبك اخترناها لك:

• استفسار لمدن في تركيا
• الى خبراء تركيا محتاج برنامج سفر
• وش رايكم في Holiday Inn Istanbul City
• استفسار بخصوص السيارت الخاصة
• مساعدة في ترتيب رحلة إلى تركيا في أسبوع الاجازة الحالي
• شكراً للأعضاء الأفاضل تفضــــلوا
• استأجر سيارة مع سائق عربي في رحلتك في سامسون الشمال التركي 2017
• شهر العسل بتركيا
• استفسار عن شركة تأجير السيارات هذي
• اعاني من رهاب السفر لوحدي تكفون عندكم نصيحة ؟؟؟
• خارطة تركيا
• بحث عن افضل فندق اقتصادي في اسطنبول ادارة تركية او سلسلة فنادق تركية ثلاثه نجوم
• استشاره عااجله السفر بعد ايام
• مكتب تأجير سيارات في طربزون قمه في التعامل والأمانه
• استفسار
• اسطنبول اسفسار ات
• استفسار تذاكر سفر بارخص سعر
• سواق في انطاليا 00905318678548
• عندي استفسار بخصوص مواعيد الرحلات الى جزيرة الأميرات ومن اي ميناء تكون
• شهر عسل بتركيا

مرحبا اخوي من ناحيه الفندق تقيميه متوسط
اما الموقع ممتاز
من ناحية المبلغ يكفي اذا كانت الرحله اقتصاديه
والموصلات استخدم الترام افضل وارخص
الوصول للفندق خذ موقع الفندق واسمه واخبر التاكسي وهو يدلك ان شالله
**ملاحضه
حاول بقدر ماتستطيع تكاسر بالسعر وكانك بديرتك ولاتخاف
ابعطيك مثالا
كنت رايح لرحله للبسفور وقالي السعر 80ليره وكاسرته حتى وصلها الى 30ليره
تركته ورحت لواحد ثاني وقالي 20ليره كاسرته حتى اخذتها 10ليره
تخيل من80 الى 10ليره

وقراء كثيير في المنتدى وبتستفيد ان شالله

حياك يا طويل العمر


وصباح الورد


الوصول من المطار إلى الفندق


بحكم وجود عائلة معاك ، تاكسي ، وراح يكلفك من 45 - 60 ليرة


لا تكثر شنط ، ففترة أسبوع لا تحتاج هيك شغلات


والسؤال الثاني


ليش إخترت الفندق ؟ وهل تقدر تغيره ؟


ترى مافي شيء


بس بعد فيه خيارات أفضل لو حاب




البرامج كثيرة ، والمواضيع المثبتة راح تغنيك يا غالي




و 5000 آالف مبلغ كافي وزيادة


خصوصا إذا حرصت إنك تستخدم وسائل النقل العامة


يعني في حدود 700 ريال باليوم


وأشوفه مبلغ جيد لعائلة صغيرة




حط حسابك لبعض المشتروات خصوصا الملابس وخلي لها ميزانية خاصة




ربي يسعدك ويوفقك

حربي سات

الله يصلحك بس

مسوي فيها راعي سفريات وناوي تروح اوربا وتفلها هناك وانت ما معك الا 5000 ريال !

وين يا عم ... المبلغ ذا تصرفه في اوربا بيومين

اجل بغيت تخربها وتروح اوربا هاه !!

انا اقترح عليك تأجلها شهرين لين يدفأ الجو وتقلبها للشرقيه

امزح .... امزح

5000 ريال مصاريف تنقل واكل وشرب وحتى فندق تكفي بإذن الله اسبوع في تركيا
ومعدل الصرف اليومي لكم - غير السكن -راح يكون بين 400 - 500 ريال

تحياتي

أبو سليمان تعوذ من إبليس


الحربي ذيبان


يفل أبوها بأي رقم


موب مثلنا ضعوف وحالتنا حاله






الله يسعد قلبك

اخي الكريم اطلع من صاله المطار واتجه ع اللوحات المكتوب عليها ميترو او سابواي قم بصرف مبلغ 50 دولار من المطار ليس اكثر من خمسين بعدها ادخل صاله الميترو اشتري قطع دخول على عدد الاشخاص كل قطعه 3 ليرات للعلم فقط يوجد بطاقه اسمها اسطنبول كارت لن تجدها ب المطار ..اركب الميترو وانزل في اخر محطه اكسراي اصبحت المسافه قريبه اما ان تمشي او تركب ترام الى السلطان احمدموفق اخي الكريم

المشاركة الأصلية كتبت بواسطة ماجد الفهد
http://www.arabtravelersforum.com/tr...2/#post8169683

أبو سليمان تعوذ من إبليس


الحربي ذيبان


يفل أبوها بأي رقم


موب مثلنا ضعوف وحالتنا حاله






الله يسعد قلبك

ههههههههه
هلا وغلا ابو ماجد والحمد لله على السلامه
تصدق عاد ؟
جربت مره انا وواحد من الزملاء ( تاجر ملابس ) في اسطنبول نسويها رحلة اقتصاديه وندخل تحدي مع انفسنا
جربنا نخلص شغلنا ونتمشى ونفلها بأقل المصاريف
هذا الكلام قبل قبل4 سنين تقريباً , مدة الرحلة كانت 10 ايام (لم تتجاوز تكلفة الشخص كامله مع التذاكر 3500 ريال )
سكنا في فندق بششلي قريب للمترو اتذكر كان سعره لشخصين حوالي 320 ريال مع الافطار
وكنا نستخدم المواصلات العامة في تنقلاتتنا حتى من المطار بالمترو والترام والى المطار نفس الشي
والاكل طبعاً الفطور الساعة 10 الصبح نضرب الين نشبع وفي المساء وجبة وحده غداء عشاء بنفس الوقت مره في ماك
ومره في المطاعم التركية السريعه والشعبيه ... وكان بالفعل مصروفي اليومي ما يزيد عن 30 ليره
كنت داخل في تحدي مع نفسي بشوف كم اصرف !!
كان سعر التذكره على السعوديه 1300 ريال والسكن 10 ايام 3200 ريال لشخصين
لكن طبعاً سياسة التوفير ما طولت والي وفرناه في ذيك الرحلة صرفنا اضعافه في الرحلة الي بعدها
وابو طبيع ما يخلي طبعه

هههههههههه


يا حبي لقليبك يا أبو سليمان






حلو الواحد يجرب كيف يقدر يسافر بكل الطرق


هو حالي منذ عرفت السفر


تجيك رحلات الله منعم عليك وتفلها


وتجيك رحلات جاية بالعرض ولا تبي تفوتها أو ذبحك الشوق


فتجمع حالك وتضغط ع نفسك وتستمتع




في تركيا نفسها


15 يوم


أنا وزوجتي


مرة كلفت علي حدود 10-11 شاملة كل شيء


ومرة ثانية 25 والعياذ بالله


كل وحدة فيهم لها طعمها


وكل وحدة فيهم لها إمتيازاتها


والواحد وخصوصا إذا يبي يسافر


يمد رجليه على قد دريهماته








وربي يسلمك من كل شر صديقي

اخي ماجد الفهد وبن زامل
سوالفكم ممتعه كملو السوالف
الله يسعدكم

الله يمتع حالك ويسعد قلبك أخوي بو حسان


إبشر بالسوالف


بس عطني وقت


نفرح بالوقت اللي نحصله عشان نرد ونتابع إستفسارات الإخوة


وتجيك لحظة ودك تطلع اللي بقلبك كله






يارب إن توفقه