السلام عليكم ورحمة الله وبركاتةملاحظة : اي معلومة ممكن تفيد مو شرط تكون عارف كل المعلومات اي معلومة بسيطة من خبرتك ممكن تفيد فلا تترد في ذكرها لي وشكرا مرة اخرى
يعطيكم العافية على جهودكم ومشاركاتكم الفعالة في المنتدى ومشاركة خبراتكم ورحلاتكم اللي استفدنا منها كثير صراحة
ببدا في موضوعي على طول
انا مسافر مع الاهل عددنا بيكون بين 3 الى 5 اشخاص الى تركيا (اسطنبول-بورصة) ان شاء الله
في البداية انا ادور حجز هالايام وتعرفون الواحد يدور السعر الاقل جات فكرة اني اروح عن طريق خطوط وارجع عن طريق خطوط اخرى
اروح عن طريق فلاي دبي وارجع على الخطوط السعودية
لكن واجهتني مشكلة
المشكلة هي رحلتي في الذهاب الوصول الى مطار صبيحة
والعودة عن طريق مطار اتاتورك
انا عندي اكثر من سؤال واتمنى تجاوبون علي
في البداية اذا وصلت اسطنبول- ان شاء الله - عن طريق مطار صبيحة وش الاجرائات وكيف اذهب الى شارع الاستقلال
بحيث اني في البداية ابي اروح اسطنبول يومين بعدين بورصة يومين بعدين اسطنبول
في اسطنبول ابي اعرف شارع الاستقلال وين فيه بالظبط وكم يبعد عن مطار صبيحة وكم يبعد عن مطار اتاتورك
وابي اعرف الفنادق اللي على شارع الاستقلال نفسه على نفس الشارع الرئيسي وليس داخل الحواري التي بجوار الشارع
واذا جيت بروح لبورصة كيف اروح عن طريق سيارة او مترو او سمعت عن شي اسمه ميناء كبتاش
وبسئلكم عن المناطق التاليه وش اللي تنصحون اروح له واذا فيه مناطق اخرى لاتترددون في ذكرها لي
جزيرة الاميرات
تل العرايس
بورصة
ميني ترك
وما هي افضل منطقة للسكن للعلم انا معي عائلة فابغى مكان يكون على شارع عام وليس داخل حواري
وانا قلت شارع الاستقلال لكن اشوف كثير من الاخوان في المنتدى يقولون منطقة السلطان احمد ؟
وما هي منطقة التقسيم ؟
بالنسبة للمطاعم
انا ابغى مطاعم ممتازه وبدون غش لان سمعت يقولون كثير مطاعم نصابين ولازم تسئل عن السعر قبل تطلب الاكل وتدقق في الفاتورة
غير كذا انا جاي لتركيا وشبعان من مطاعمنا اللي بالسعودية
ابغى اكل اكلات تركية ابي اشياء غير وطبعا تكون لذيذة
بالنسبة للتنقلات هل تفضلون التكسي او تستاجر سيارة بسواقها او تستاجر لك سياره انت او وش بالظبط
ونسيت السؤال الاهم
السفر لتركيا يحتاج فيزه هل اقدر ادفع رسوم الفيزة في السفارة التركية في الرياض ولا لازم اذا وصلت مطار اسطنبول
.
.
وادري كثرت عليكم اسئلة لكن تعرفون الواحد اللي بيروح منطقة جديدة عليه
وشكرا لكم مقدماًمواضيع عشوائيه ممكن تكون تعجبك اخترناها لك:
- رحلتي لتركيا
- الاماكن الخضراء في اسطنبول و حولها
- رحلة لتركيا لمدة يوم
- سائح جديد لتركيا
- مساعده إستيراد ملابس الاطفال من تركيا
- وخابت آمالي ياتركيا
- مساعدتكم ياهل الخبره
- فنربخشة آرسنال
- أنطاكيا (بالتركية Antakya)
- لا تفوّت الفرصة !! ... تذكرة الرياض - أسطنبول فقط بــ 573 ريال سعودي !!!
- ابغى اعرف هل الفندق على الشارع تكفون لتاكيد الحجز
- استفسارات لاهل الخبره تكفون
- طيران من بورصه الي طربزون والعكس
- لخبراء تركيا مهم وضروري
- ماذا افعل لو غيرت الباسبور اللي عليه تاشيره تركيا
- تكفون ساعدوني جدا محتاره
- وان شاء الله بزور تركيا وبلعب في الثلج
- قبل الاجزاء 81
- 6 أيام أجازة في الشمال التركي
- الإخوة الأفاضل الرجاء المساعدة بارك الله فيكم
المفضلات