السلام عليكم ورحمه الله وبركاته ...
هالموضوع شامل عن بوسطن وبالاخص اللى يعالجون في مستشفى بوسطن للاطفال ( من اللى اعرفه بسس)...
نبدا بسم الله ....
..( شنطه السفر
الملابس .. خذي ملابس لاسبوع ولا تكثرين لان الملابس في امريكا عموما ارخص والمحلات دايم عليها عروض )...
بالنسبة للحريم كثروا من العبايا والشيل لان هالشي مب متوفر وغاااالي ان توفر .. ممكن يوصل سعر العبايه 200$
الاغراض الشخصيه نفس الشي ممكن تحصلونها في كل مكان وباسعار حلوه واو نفس اسعارنا ...
السجاده والمصحف وشيله الصلاه لازم تشيلينها وياج ...موجوده بس في محلات العرب البعيده ...
السشوار والكوايه وغيره من الالكترونيات لا تشيلينها كهربتهم غير وعندهم ارخص بواااايد ...
عربه للاطفال ممكن تشيلين القديمه اللى عندج ولو حابه شي مخصوص اشتريها من التارقت ولا تويز ار اص ...
مطارات الماي ( الدلال) وفي حد يسميها الثلاجه!! هاتوها وياكم لو ما تستغنون عنها لان صعب توفرها في امريكا ...
البهارات وغيره موجوده بكثره في البقالات بس البهارات ولا الخلطات العربيه مب متوفره ...
القهوه والتمر افضل تيبونها وياكم لان التمر مب هاكي الزود والقهوه العربيه غير متوفره ابدا بس للاحتياط حطوا عليها تاريخ انتها مثلا EXP:2019عشان ما ياخذونها عنكم في التنفتيش ...
البخور للي ما يستغنون عنه هاتوه بس اغلب الشقق وغيره فيها جرس للانذار من اقل دخان فحاسبوا يرحم والديكم والفحم موجود في المحلات العربية ...
الاوراق الشخصيه شيل الاصلي والنسخ وشهادات التطعيم للاطفال مهمه وايد ..
الليسن خذ الدولي والاصلي احتياط ودوم شيله وياك في السياره ...
...( التذاكر
خل وياك نسخ منها الكترونية او على الايميل وتاكد منها قبل طلعت البيت ( لاتنسى تسجل الاميال ) ... وخلها في مكان امن من توصل للسكن ..
...(السكن
في اماكن وايده للسكن وافضل العقد السنوي وايد يكون ارخص وممكن تاخذ من عربي ماجر قبلك وتكمل عنه السنوي ... وتردله التامين
بس لو كنت حاب تشوف الشقق على عينك ممكن تسكن في فندق ومن بعدها تختار السكن اللى يريحك ...
...( سكن قريب على المستشفى
Landmark Square Apartments
660 Washington Apartments
The Towers at Longfellow Apartments
776 Boylston Street, Unit W9C, Back Bay
Hampton Court Apartments
الرجاء الاطلاع عليها في المواقع قبل الاختيار ...
...( محلات اغذيه واغراض
Target
costco
shaws
... ( مولات
CambridgeSide Galleria
Natick Mall
Wrentham Village Premium Outlets
Faneuil Hall
Burlington Mall
Copley Place
Faneuil Hall Marketplace
The Mall at Chestnut Hill
The Shops at Prudential Center
... ( ولمحبين التمارين وما يستغنون عنها نادي
Boston Sports Clubs اظن اشتراكهم سنوي فلو خلصت مده العلاج قبل الرجاء التاكد من انهاء الاشتراك عشان ما يتمون يسحبون المبلغ من البطاقه ...
... ( الاوت لت ...
Wrentham Village Premium Outlets
One Premium Outlets Boulevard
Wrentham, MA 02093
(508) 384-0600
www.premiumoutlets.com
Driving time from Boston:
45 minutes
هاذا اللى ذاكرتنه للحين ولو في شي برجع اكتبه ...
نصيحه}-- خلكم ملتزمين بمواعيدكم واعكسوا الصوره المشرفه للمسلمين ...
اتمنالكم اقامه سعيده بعيده عن المتاعب والله يشفيلي بنتي وجميع مرضاكم ...
رد مع اقتباس
المفضلات