الموضوع: من يكسب فيني ثواب ويرتب لي جدول لـ 17 ليلة صيفية نمساوية

قدر الله علي وحجزت للنمسا ذهاب وعودة الرياض فيينا و فيينا الرياض
وشفت اغلب العالم تحجز العودة من ميونيخ
عاد راحت علي والتذاكر اقتصادية مدفوعة ماهم مغيرين
ولذلك ودي من اهل لخبرة يقترحون لي ترتيب سلس لجدول نمساوي من 27 جولاي الى 13 اغسطس
17 ليلة 18 يوم واكون له من الشاكرين
مع مراعاة الاتي:
1- ان ما ودي اتنقل كثير
يعني المكان اللي يصلح اخت عليها من مكاني الصبح واعود لمكاني بدون شيل عفش وتسليم واستلام سكن والقروشة احلى واحلى
2- عائلتي مكونة من ثلاثة بالغين وثلاثة اطفال
3- اهم ماعندي في الديرة الاماكن الطبيعية واماكن الاطفال اما اسواق وشوبنق وقلاع ومتاحف مالي بها لزوم بالحيل

واللي يساعدني يبشر بدعوة له واذا بغا كمسيون جاهز

مواضيع عشوائيه ممكن تكون تعجبك اخترناها لك:

• بيرتساو أو إنترلاكن
• مساعد يا اعضاء اغلى قروب ♥
• جدول رحلتي باآجر السفر عطوني رآيكم فيه
• أستفسار
• ترتيب الأماكن السياحية
• فيزة الشنغن الذهاب الى ميونخ مشورتكم وينك يارعبووووب
• استفسار بخصوص رحله الى النمسا
• تم حجز التذاكر ل فيينا مساعدتكم في التخطيط ل الرحله
• الى مشرفين قسم النمسا
• بليز نوروووني
• سلبيا و ايجابيا وأخطاء رحلتي الى النمسا بالتفصيل
• شرح مفصل لطريقة رفع الصور في المنتدى وكتابة الحقوق عليها
• ابغى رأيكم في انسبروك تكفووون
• السكن في فلاخو
• النمسا و تصريح السفر
• جولة في فندق فندق ســاخـيــر عمــيــد فنــادق سـالــزبــيــرق
• رايكم في الفنادق
• كيف الأجواء في سبتمبر ؟
• رحلة رجل شرقي الشتوية الى النمسا شتاء
• سفرتي الآولى الى النمســـــا

الاخ/ ابجد هوز
اتمنى لك اجازه ممتعه
اقترح عليك مايلي
2 - ليله فيينا
3 - ليله سالزبوج
7- ليله زيلامسي
2- سالزبوج
2 - فيينا
لان المسافه بين فيينا وزيلامسي حوالي 500 كيلو

يالعالي كيف حالك

اللى فهمته من خط سيرك انك تبي مكان واحد وهو فيينا وماراح تتنقل لمسافات وتعود لمقر سكنك بنفس اليوم

يالغالي الاماكن كثيره وما عليك الا البحث في المنتدى بقسم النمسا اللى حنا فيه وتبحث عن المواقع والاحداثيات فهي كثيره وشح السباب فيها وافي ونافع لك
وشكرا

المشاركة الأصلية كتبت بواسطة بوسلمان

يالعالي كيف حالك

اللى فهمته من خط سيرك انك تبي مكان واحد وهو فيينا وماراح تتنقل لمسافات وتعود لمقر سكنك بنفس اليوم

يالغالي الاماكن كثيره وما عليك الا البحث في المنتدى بقسم النمسا اللى حنا فيه وتبحث عن المواقع والاحداثيات فهي كثيره وشح السباب فيها وافي ونافع لك
وشكرا

مافهمتني يالغالي
انا اقصد ترتيب جدول لكن ما احب تكثر المحطات اللي مالها لزوم
بمعنى الاماكن اللي حول زيلامسي واقدر اروح لها من الفجر وآخذ كفايتي منها وارجع لسكني في نفس اليوم احسن لي من اشيل عفشي واروح اسكن فيها
انت خابر معي عائلة واطفال وسالفة شيل العفش وتسليم السكن وتعود تستلم سكن وتنزل عفش سالفة

هذي اللي قصدت يالغالي

المشاركة الأصلية كتبت بواسطة أبجدهوز

مافهمتني يالغالي
انا اقصد ترتيب جدول لكن ما احب تكثر المحطات اللي مالها لزوم
بمعنى الاماكن اللي حول زيلامسي واقدر اروح لها من الفجر وآخذ كفايتي منها وارجع لسكني في نفس اليوم احسن لي من اشيل عفشي واروح اسكن فيها
انت خابر معي عائلة واطفال وسالفة شيل العفش وتسليم السكن وتعود تستلم سكن وتنزل عفش سالفة

هذي اللي قصدت يالغالي

نعم يالغالي فاهم قصدك
وانا قصدي لك انك في فيينا تجد كثير من الاماكن وبالنسبه لرغبتك يفضل السكن في كابرن وبامكانك التنقل لكثير من المناطق العوده
وارجع الي اول موضوعين بالمنتدى للنمساوستجد الكثير من الاماكن القريبه ويمكن زيارتها بنفس اليوم والعوده

طيب انا عرفت ان كابرن قريبة من زيلامسي
هل يعني ان سكني في احداهما يكفي عن الاخر
او انه من الافضل ان اخصص لكل منهما ايامه وكم يكفي

المشاركة الأصلية كتبت بواسطة أبجدهوز

طيب انا عرفت ان كابرن قريبة من زيلامسي
هل يعني ان سكني في احداهما يكفي عن الاخر
او انه من الافضل ان اخصص لكل منهما ايامه وكم يكفي

لايالغالي السكن في كابرن فقط والمسافه الي زلمسي 5 كم فقط والسبب الهدوء وجمال الجبال المطله علي كابرن وكابرن ابرد بعض الشي كونها قريبه من الجبال

المشاركة الأصلية كتبت بواسطة أبجدهوز

السلام عليكم ورحمة الله وبركاته بو سلمان والاخوة المشاركين


اطلعت على الاماكن من خلال المنتدى ووصلت لهذا البرنامج ويهمني رايك فيه ووضعت نسخة منه في موضوعك المثبت

بخصوص حجزي للنمسا والذي سيكون بحول الله وقوته وصولا لفيينا مساء يوم 27/7 ومغادرة 13/8 صباحا
من الاطلاع وضعت خطة سير الرحلة كالتالي
وصول فيينا 27-28-29 مغادرة
وصول سالزبورغ 29-30-31مغادرة
وصول انسبورك 31-1-2-3-4 مغادرة
وصول زيلامسي 4-5-6-7-8-9-10
وصول هالستات 10-11-مغادرة
وصول فيينا 11-12-13 مغادرة نهائية

ارجو الاطلاع من ابو سلمان والخبراء واقتراح التعديلات والالغاءات والاضافات التي ترونها
علما ان يوم الاقلاع والعودة ايام مستهلكه في السفر
سفري بعائلة 3بالغين وثلاثة اطفال
حجزت سيارة للتنقل
هدف الرحلة الاول واهتماماتي الاستجمام والطبيعة اكثر من الاماكن الاثرية والثقافية والحضارية والتسوق وصخب مدن

وعليكم السلام يالغالي ورحمة الله
يالغالي بخصوص جدولك يلزمك بعض التعديل للمناطق

اولا بوضحلك ابعد مسافات بالجدول ولك الحريه بالتنقل اذا مافيها تعب عليك وبالنسبه لي في دول اوبا من 4 ساعات الى 5 فالامر عادي وراح الوضحلك الترتيب الافضل
من فيينا الى سالزبورغ حوالى 350 كم او اقل ومن سالزبورغ الى انسبورك تقريبا 200 كم او اقل وبالنسبه انسبورك الى زلمسي حوالى 160 كم تقريبا
ومن زلمسي الى هالستات حوالى ال 120 كم اكثر او اقل بقليل ومن هالستات الى فيينا حوالى ال 300 كم تقريبا او اكثر بقليل

الحين يالغالي عرفنا المسافات
اولا بالنسبه للتذاكر يكون النزول في فيينا ويفضل العوده من ميونخ لتكون اخر محطه واقرب لك للعوده وتكون محطتكم الاخيره للتسوق والعوده
واذا لم تتمكن من هذا الخط ويكون خطك فيينا والعوده من فيينا
بعد فيينا عندك يالغالي الذهاب الى سالزبورغ والغاء السكن في بحيرة هالستات لقرب المسافه بمعنى تستطيع الذهاب لها من الصباح ومن ثم العوده ويكون قد وفرة السكن والمسافه بينهم تقريبا 80 كم وما اعقتد يفضل السكن فيها او انك تسكن في هالستات وتلقي سالزبوغ
وبالنسبه لزلمسي انا افضل انك تسكن في كابرون للهدوء واحلى بالطبيعه واقل زحمه للعلم بينها وبين زلمسي 5 كم فقط
وبالنسبه لسكن في سالزبورغ لا افضل السياحه بالمناطق القريبه من كابرون وزلمسي لانك راح تسكن فيها وعليك بالسياحه بالمناطق القريبه من سالزبورغ تحسبا لعدم ضياع الوقت وللعلم بين زلمسي وسالزبورغ 120 كم تقريبا والاغلب يفضل السكن طول الفتره بكابرون او زلمسي ويقوم بزيارة جميع المناطق المذكوره لقرب المسافات بينهم ويقضي يوم كامل لكل منطقه
وبالنسبه ل انسبورك بينها وبين زلمسي حوالى ال 160 كم كما ذكرنا ومافي اي اشكال السكن فيه او بالقرب منه وان ارت جمال الطبيعه يوجد منطقه بالقرب منها اسمها ستوبيتال جميله وهاديه ويوجد بها السكن العالي الكبير والذي يسمى شاليهات وللعلم شاليه ليس مثل ما نعرفه بل من طابقين ورخيص ويوجد حديقه تابعه له بالاغلب وان رغبت بالسكن في انسبورك فلا يوجد اي مشكله فكلاهما جميل وبعدها الذهاب الى فيينا وهذا الطريق الابعد راح يكون معاك حوالى 550 كم الى فيينا والعوده ولو يمكون لميونخ فراح يكون حوالى ال 170 كم

الحين الراي لك انت وانا افضل الغاء اليومين في هالستات ووضعهم على السكن في فيينا اول محطه لك او انك توزع يوم تضيفه على فيينا اول نزولك والايام المقرره للعوده لفينا تحولها الى ميونخ وهذا افضل بكثير
واذا عندك اي استفسار انا حاضر واسمحلي على الشرح الطويييييييييييييييييل تراني قرقه شوي بالكلام ههههههه عشان تتضح الصوره لك اكثر فقط

ممكن تعطينا جدولك النهائي

المشاركة الأصلية كتبت بواسطة thewolf434

ممكن تعطينا جدولك النهائي

مافهمتك يالغالي تقصد اي جدول النهائي

في شي حبيت اساعدك فيه انا حاضر باللي اقدر عليه ولك مني تحياتي

المشاركة الأصلية كتبت بواسطة بوسلمان

مافهمتك يالغالي تقصد اي جدول النهائي

في شي حبيت اساعدك فيه انا حاضر باللي اقدر عليه ولك مني تحياتي

ابغى جدول ابجدهوز اللي استقر عليه بعد تجميع المعلومات

المشاركة الأصلية كتبت بواسطة thewolf434

ابغى جدول ابجدهوز اللي استقر عليه بعد تجميع المعلومات

حياك الله ياغالي
بالنسبه لابجد هوز وجدوله تم ترتيبه للافضل في نظري وراح تحصل مشاركته والرد عليها بالترتيب الافضل بالمشاركه رقم 9 من هذا الموضوع ولك مني تحياتي

الله يوفقك

يا جماعه ما قادر أشوف الردود وانا عضو ومسجل ممكن مساعدتكم الله يخليكم لاني مسافر نفس الفتره وسبحان الله نفس التوقيت جزاكم الله خير