بوليان شوف الغرفه اللى اربع اشخاص وحجمها 42 متر
يمكن يناسبك اذا ماحصلت شي في ميونخ للعلم هذا بين ميونخ والمطار يبعد عن ميونخ 25 كم تقريبا ولك الراي اذا تبيه
http://www.booking.com/hotel/de/gast...tml?aid=358324
بوليان شوف الغرفه اللى اربع اشخاص وحجمها 42 متر
يمكن يناسبك اذا ماحصلت شي في ميونخ للعلم هذا بين ميونخ والمطار يبعد عن ميونخ 25 كم تقريبا ولك الراي اذا تبيه
http://www.booking.com/hotel/de/gast...tml?aid=358324
مع تحياتي لكم واشواقي
https://www.booking.com/hotel/de/mes...tml?aid=358324
يارب لك الحمد لقيت النوفتيل يابو سلمان وبسعر مغررررررررررررررررررررررررري جدا جدا
4 اشخاص
امس ماكان موجود واليوم ربك سهلها
الرابط فوق للي يبغى يستفيد
رأيك يابو سلمان فيه
يابو سلمان
وربي حايس حوسه عند الله خبرها
بصراحه معجب ب انسبورك وقارمش والمناطق اللي حولها
وين تنصحني اسكن لقيت قرية سيفيلد بينهم بس مرتفعه ومدري كيف ارتفاعها متعب ولا لا حول 1000 متر
ولا اسكن في ليرموس ولا انسبورك ولا قارمش ولا سيفيلد
ابغى نقطه افرفر منها وما اندم اني ماسكنت في وحده فيهم وتكون مريحه في السواقه وربي شايل هم السواقه بس لابد منها
انا انسحرت قبل اروح
هلا بوليان مبروووووك والحمدلله على السلامه
موقع حلو لكن الله يعينك قريب من شارع الماركات ههههههههههههه دير بالك
والسنتر تقدر تروحله مشي عادي يبيلك شويه لياقه
شوف العنوان على موقع بوكنج واضغط عليه راح يبين موقعه على الخريطه وتلاحظ الخط الاصفر هذا يوديك للسنتر والمحطه مشي تقدر تروحله وما يحتاج سياره لانه المواقف متعبه شوي والله يوفقك
شوف يابوليان انسبورك مدينه وفيها مجمعات بكثره وفيها ازدحام شوي
وبالنسبه لسيفلد منطقه بارده شوي ابرد من الباقي وصعودها عادي لاتحاتيه وطريقها سهل
واما غارمش طريقها سهل ومنطقه صغيره وفيها سنتر صغير حلو وفيها مطاعم حلوه
واما ليرموس وسيوبيتال فهي مناطق ارياف جميله بطبيعتها وهدوئها والجو فيها روعه وانصحك اذا تبي الهدوء فيهم وتبحث عن الشاليهات فهي رخيصه وواسعه ويوجد فيهم حدائق اغلبهم تابعه للسكن وهذا على رغبتك والله يوفقكم
لا ياشيخ مايحتاج ولا عمري سويتها والكراسي لطفل بحدود السنه الى سنتين تقريبا ولكن ديربالك من جلوس الاطفال بالمقعد الامامي ولازم ربط الحزام
ولا تحاتي السياره والله متعه وماراح تندم من استعمالك لها والمناطق من افضل المناطق بالطبيعه والسياحه
وان لزم الامر لاي استفسار يابوليان انا موجود وحاضر
التعديل الأخير تم بواسطة بوسلمان ; 06-10-2015 الساعة 01:16 PM
والله ما عندي علم فيها يابوليان وانا دايما احجز من اليوروب كار او الايفيس
ويابوليان في منطقتين مهمات للسياحه ما ذكرتهم لك في بريجنتس واذا حاب تروحلهم وافضل الذهاب لهم
- المنطقه الاولى وهي نهر الراين ويمكنك ركوب القارب للذهاب داخل النهر للذهاب الى القلعه او ركوب صخره كبيره في منصف الشلال
للعلم نهر ومصب شلال قوي والذهاب له متعه ويبعد بحدود ال 120 كم تقريبا عن سكنك وهي احداثياته تقدر تضعهم في جوجل ايرث او جوجل ماب وتشوف الصور
مواقف شلال الراين
n 47°40'40.04
e 8°36'34.78
- والموقع الثاني ويبعد عنك حوالى ال 70 كم وهو لجزيره المانيه
جزيرة الزهور وهذا موقع يشرح عنها ويفيدك
http://www.travelzad.com/vb/t51967.html#.VXhxmvlVikp
واحداثياتها هذي توصلك للداخل ولا تدل على مكان معين للعلم ماخوذه على طريق داخلي للجزيره
n 47°42'21.40
e 9°11'45.67
السلام عليكم
اخي بو سلمان اسعد الله اوقاتك بكل خير
ارجو منك التكرم بمساعدتي
وذلك بعمل برنامج رحلتي الى سلوفاكيا
حيث انني مسافر مع اخي الى براتيسلافا هو ذاهب للعلاج وانا للتمشية بمعنى اصح هو ليس بحاجت وجودي معاة
والمدة التي سوف اجلسها شهر .
ارجو منك التكرم بمساعدتي بمخطط جميل لرحلة كي ازور بها اكثر من دولة اوروبية
ولك مني خالص الاحتام والتقدير
يا مرحبا فيك ياشيخ بالنسبه لسلوفاكيا اقرب شي عندها فيينا تقدر تروح وترجع بنفس اليوم واما بالنسبه لباقي المناطق السياحيه فتبعد عنكم لايقل عن ال 4 و 5 ساعات بالسياره ومنها ميونخ وزلمسي وكابرون وسالزبورغ وغيرهم من المناطق المجاوره لهم ويمكنك الاستفاده من بوابة النمسا والمانيا وتحصل الكثير من المواقع المهمه ومايشوف شر اخوك وبالسلامه
السلام عليكم ورحمة الله وبركات
أسعد الله أوقاتكم بكل خير
بإذن الله سوف نسافر شخصين إلى أوروبا تاريخ 26 يوليو إلى 11 أغسطس التذاكر والفنادق جاهزة الجدول كالتال
ميونخ 4 ليال الوصول صباحا
سالزبورغ 3 ليالي
زيلامسي 5 ليال
فينا 4 ليالي المغادر
المشكلة عندي كيف أخلي هذه السفرة ممتعة أريد إرشادات هل يفضل إستأجار سيارة أو إستخدام وسائل النقل الأخرى وأريد إرشادات أخرى أفضل شريحة جوال والى أخر ذلك من الإرشادات للعلم قرأت التقارير ولكن لم تكن كافية بالنسبة لي وما هو أفضل برنامج جارمن للهاتف وماهي البرامج المهمة ممكن استخدمها في هذه السفرة
إذا كان أستاجار سيارة ماهو الوقت المناسب وهل تسلميها في فينا وماهي افضل وأرخص شركة تأجير سيارات
يا هلا فيك يالغالي
صحيح بالنسبه لسالزبورغ وزلمسي فهم مناطق يمكن زيارتهم والعوده لسكنك لقربهم عند بعض حوالى الساعه او اقل بينهم وبالنسبه للتغيير في مناطق ثانيه كثيره فمثلا السكن في انسبورك وهي مدينه تسوق او غارمش او سيفلد او ليرموس او سيوبيتال وغيرهم الكثير واغلب ماذكر غريب من بعضه ولكن يبعد عن زلمسي وسالزبورغ حوالى ال 200 كم تقريبا
وبالنسبه لسالزبورغ وزلمسي اذا في مجال السكن يكون في كابرون فهي تبعد عن زلمسي 5 كم فقط ولكنها اجمل واهدء واحلى جو من زلمسي وهذا رايي وانت طبعا على راحتك
جدولك مافي شي زين
واذا تستفيد ةتروح غارمش لانها بعد عندها مناطق تقدر تزورها
وسالزبورغ عندها مناطق تقدر تروحلها وكابرون بعد حواليها مناطق قريبه تقدر تروحلهم لكن غارمش شوي ابعد لانها بحدود 200 كم يعني يفضل المبيت فيها ومنها الى ميونخ
وللعلم من ميونخ الى فيينا 450 كم تقريبا والباقي قريبات من بعضعهم فقط للعلم
وبالنسبه لضريبه السياره وتفاديها فيجب اخذها من فييينا وتسليمها لفيينا نفس البلد النمسا واذا سلمتها الى بلد ثاني راح يتم عليك رسوم الشحن
بوسلمان
بالنسبه لسيوبتال مالقيتها ممكن تشوفلي فيها اي فندق من بوكينق وتعطيني هوا لجل اعرف موقعها
للان متردد وين اسكن في غارمش ولا المناطق اللي قلتلي عليها بما انها 5 ايام
وقريت تقارير ويالتني ماقريت اللي يقول يكفيها يوم واللي يقول 3 واللي يقول تروح وترجع
حست ي رجل
ابغى وجهة نظرك الافضل بما انك رحت ولك خبره افضل مني وخذ في الاعتبار معايا اطفال
يعني بالعربي نقطة انطلاق حلوه
وللعلم قلتلي في رد من ردودك فيه شاليهات ياليت تحددلي مكانها لاني مالقيتها في ليرموس
وشكرا
التعديل الأخير تم بواسطة AB0LAYAN ; 06-12-2015 الساعة 06:39 AM
يا مرحبا بوليان وحياك الله لا تحسون وانا موجود ياشيخ وان شلء الله تحصل اللى يسرك
بالنسبه لسيوبيتال يا شيخ حصلتلك شقق روعه ورخيصه بتواريخك من 24 - 27 / 9
وتبي الصراحه احترت فيهم من جمال اماكنهم واسعار
ادخل عليهم واختار على حسب ميزانيتك وتقسيمتك
اكتب في بكنج الاسم هذا وحط تواريخك واذا شفت شي عاجبك بلغني اذا ماعرفة موقعه
وبالنسبه للشاليهات ما اعتقد انك تحصلهم بالوقت الحالى بالمناطق هذي واللى حصلتلك شقق
شوف وارجع على
واللى يقولك ان المناطق هذي يكفيها يوم سلملي عليه ههههههههههههههههه وقوله لاعاد تروح اوربا ( اضحك معاك )
يابوليان اغلب مناطق اوربا ما ينراحلها مرور الكرام مايصير فيها متعه كثر من الاحداثيات وتوكل على الله
تفضل حط الاسم هذا بالعربي
نيوستيف ام ستوبيتا
وبالانجليزي هذا
Neustift im Stubaital
واحداثيات المنطقه تقدر تشوفها على جوجل ماب او جوجل ايرث ويفضل انك تنزله عندك لمتابعة الاحداثيات وتشوف الصور والمواقع
n 47° 6'29.25
e 11°18'17.86
للعلم هذي احداثيات من ماخذوه لتوضيح موقع المنطقه لك فقط من على الطريق تقدر تنسخها وتحطها على جوجل ماب وتشوف موقعها
بوليان هذي عينه من شققهم اذا تناسب سعر معقول ولا شوف الباقي وللعلم المنطقه بارده بوقتكم
https://www.booking.com/hotel/at/app...X24&aid=358324
وهذي منطقه عند ليرموس ملاصقه لها ( ايروالد ) بينهم كيلو او كيلوين وهما جميله وطبيعه ممتازه وهذي عينه من الشاليهات
https://www.booking.com/hotel/at/cha...8X2&aid=358324
وهذا سكني العام الماضي ومع الاسف ما حصلت في سكن بتواريخك ( شاليه ) Ferienhaus Antoinette الاول بالصفحه وتعليقي عليه
https://www.booking.com/hotel/at/fer...8X1&aid=358324
التعديل الأخير تم بواسطة بوسلمان ; 06-12-2015 الساعة 08:07 PM
السلام عليكم
متخوف من ترتيب الجدول اليومي وإرتكاب أخطاء تهدر الميزانية علما بأني سافرت دول كثيرة ولكن أحس هذا السفر آلى دول أوروبا مختلف
جدولي للسفر
ميونخ 4 ليال وصول
سالزبورغ 3
كابرون 5
فينا 4 مغادرة
هل تنصحوني أستبدل سالزبورغ بأنترلاكن أو أتركها أنترلاكن علما بأمكاني زيارة سالزبورغ من كابرون ثانيا هل يفضل في ميونخ أستأجار السيارة وكيف نظام المواقف وهل توزيع الأيام مناسب علما تم حجز الفنادق والتذاكر الميزانية 2000 يورو لزيارة المواقع السياحية والمصاريف اليومية .
يا مرحبا فيك يالغالي يمكنك الغاء سالزبورغ لانك يمكنك الذهاب لها من كابرون واضافة ايامها الى كابرون احلى وافضل من التنقل لانه بينهم حوالى ال 120 كم فقط او اقل
وبالنسبه لانترلاكن للعلم بينك وبينها 550 كم ومن بعدها تروح فيينا صعبه شوي يطلعلك حوالى ال 1000 كم لانه فيينا حوالى ال 450 من كابرون
بو سلمان بعطيك الزبده لاني مصختها بصراحه في البحث عن فندق
اختارلي واحد من الثلاثه الجاايين
https://www.booking.com/hotel/at/apa...tml?aid=358324
2
https://www.booking.com/hotel/at/lan...tml?aid=358324
3
https://www.booking.com/hotel/at/app...t%3D2015-09-27
حصرت جميع الفنادق اللي شفتها وتقريبا بدون مبالغه مريت على 90 منها
شوقلي واحد من ناحية الموقع وسهولة التنقل واجواء
هههههه الله يقطع ابليسك يابوليان حيرتني واحد احلى من الثاني بصراحه
بس انا بوصفلك وبرشح واحد وانت اختار اللى يناسبك لاني اعرف اماكنهم عدل ومار عليهم
بالنسبه للاول منطقته مرتفعه شوي وقريه صغيره ومنتصف جميع المناطق
وبالنسبه للثاني اللى في ليرموس منطقه بارده وهاديه وانا احبها بصراحه وطبيعتها من حولها ممتازه ولا يكثر فيها العرب
وبالنسبه للثالث في سيفلد هذا ساكنه واحد من الجماعه ويمدحه والمنطقه بارده ويكثر فيها الخليجيين وفيها سنتر صقير وقهاوي حلوه وللعلم منطقه مرتفعه فوق
وكلهم قريبين من بعض لاتحاتي البعد
وبالنسبه لك اعتقد اذا تبي سكن الخليجيين ف سيفيلد واذا ماترغب في وجود الخليجيين ف ليرموس اهدأ
بو سلمان
اتنصب عليا
من موقع رنتال كار حجزت سياره وكان عدد الكيلومترات مفتوح وبعد الدفع ارسلو لي ايميل فيه تفاصيل الحجز واكتشفت ان الكيلومترات 250 في اليوم واي كيلو عليه 19. يورو وضريبه على كل كيلو
وربي كنت خايف منها
مهزله وقلة حيا
ودي الغي الحجز قبل اتورط اكثر وما احجز ولا نزلت هناك اختار بكيفي واشوف السعر اللي يناسبني واستأجر ولا اجلس في هم سحبو مبلغ لا ماسحبو ولا انزل هناك قيد معايا بطاقة مسبقة الدفع الراجحي ومايقبلوها وفيلم هندي مالي فيه ولا ابغى انكد على نفسي
بإيش تنصحني
ابو سليمان
اتمنى الرد على موضوع في الرابط
http://www.arabtravelersforum.com/tr...ml#post4162288
السلام عليكم اخي بوسليمان
أنا اول مرة اروح الاتحاد الأوربي ومن عارف كيف أخطط لها
الحجز دمام فينا فينا دمام 3/أوغست الى 19 أوغست معي العائلة زوجتي وولدين شباب وطفلة 10 سنوات في مواضيع الاخوان مافي مدينة ملاهي ومتأمل مساعدتك علماً بأني ما أحب أغير المناطق اعتقد اربع نقلات كافيةودي تكون آخر محطة لي قبل السفر هي فينا
اخذ المبلغ كاش مني وقال عطني عنوان السكن في دولتك
واذكر انه اخذ رقم حساب الايبان حقي
لكن السؤال/
مكتب تأجير السيارة ليش عطاني السيارة والرخصة غير معتمدة ؟؟!!
وهل يحق لمكتب التأجير خصم كامل مدة الاستئجار مني، مع العلم ان السيارة استخدمتها 4 ايام فقط وبعد ذلك سحبها المرور مني، ومدة عقد الايجار 12 يوم؟
وهل يحق لي مطالبة مكتب التأجير عن الضرر "المعنوي" و"المااااادي" الذي اصابي نتيجة سحب السيارة حيث اضطررت الى استخدام التاكسي في التنقالات؟
يالغالي تنقل عن طريق تاجير سياره ولا القطارات
اذا كان عن طريق القطارات تقدر تحجز من فيينا وتروح على طول زلمسي وتتسيح فيها وترجع والامر عادي مثلا تاخذلك اربع ليالي او ثلاث ليالي وترجع
وان كان بالسياره هما الامر اسهل تقدر تروح لزلمسي وميونخ وترجع لفيينا وللعلم فيينا فيها مواقع سياحيه تقدر تتسيح فيها وتقدر تزور مناطق مجاوره لها اذا كنت بالسياره وارجع الى اول الموضوع وراح تلاقي مواقع في فيينا وان ما حصلت ارجعلى وانا حاضر
بالنسبه لارجاع المبلغ اذا تم اخذ بياناتك وتم وجود خطأ فلازم يرجع لك المبلغ الذي تم سحبه اثناء المخافه الفوريه والسالفه تراها تطول شوي
وبالنسبه للمكتب
نعم ياشيخ لازم انك تبلغهم باللى حدث والمفروض انك بلغتهم اول ما حدث معاك الشي مثلا عند عودتك للمطار هذا اذا كان لهم مكتب فيه
واذا لهم مكتب بدولتك عليك الذهاب لهم وتفهمهم الوضع لكي يرجع لك حساب الايام التي لم تستخدم فيها السياره
فقط يجب ان يكون معاك الاثباتات
- فمثلا ياشيخ ابحكيلك شغله صارت معاي الصيف اللى فات
تعطلت معاي السياره ولا اشتغلت بالمره وقفت والحمدلله عند سكني والسياره انا ماخذها من ميونخ والعطله صارت في النمسا واتصلت عليهم وبلغتهم وبلغوني ان راح نتصل عليك وبلغوني في الصباح راح نحاول ان نوفرلك سياره على حسب الاماكن القريبه منك ويالغالي والله مارديت على كلامهم واتصلت على الشركه الام الرئيسيه وبلغتهم اذا صلحت السياره على احسابي ترجعون المبلغ المدفوع وبلغوني نعم وعلى راحتك وعشان ماتصير معي عطله وتخرب رحلتي وقمت واتصلت على وكالتها والحمد لله كان لهم فرع قريب مني حوالى ال 25 كم وكان فترة العصر وارسلوا لى سياره وتم نقل سيارتي للكراج ووشرطت عليهم ان يخلصونها في اسرع وقت ولله الحمد في الصباح تم الاتصال على لاستلام السياره ولما ارجعت السياره ابلغتهم باللى حصل وبلغوني ان كل شي باين عندهم على السيستم وارفقت لهم الفاتوره بالكامل وبلغوني ان المبلغ يرجع بعد فتره وتبي الصراحع مودع المبلغ كان 460 يورو تبديل قطع وتنضيف كامل للمكينه وبلغوني ان المسأله مطوله حوالى الثلاث اشهر وفعلا والله ياشيخ تم ارجاع المبلغ بالكامل بعد مرور الفتره حوالى الثلاث اشهر اواقل وشوف يالغالي هذا تصليح سياره ثلاث اشهر وما ادري عن المخالفه يمكن نفس المده او اطول
هذا الكلام ابي ابين لك ان الاجراءات عندهم تاخذوقت ولاتحاتي واسف على الطواله
يعطيكم العافيه , أخوي بوسلمان .. مثل ما تفضلت واقترحت علي فـ هذا طلبي:
مساكم الله بالخير | يالحبايب ياليت تفيدوني من بحر خبرتكم.
أنا مسافر ومعي الزوجة لمدة إسبوعين فـ حبدأ من ميونخ وأنتهي بها.
فهل ممكن تقترحوا عليا مُخطط , فـ من ضمن ما قرأت ممكن يكون (3 أيام ميونخ, 3 أيام كابرون, 3 أيام بيرتساو, 3 أيام قارمش أو شوانغو , و يومين سالزبورع ) , وحقيقة ما أعرف كيف المسار ..
علما إني رحت قبل لـ ميونخ وقضيت ليلة وكانت ماتكفي , و 10 ايام في كابرون كانت أكثر من اللازم ,, فياريت تفيدوني جزاكم الله خير لأنه حيكون شهر عسل إن شاء الله في October 2015.
* علما أن التنقل سيكون بالسيارة.
واذا فيه أي مُقترحات فانا أرحب بها سواءا في تقسيم الايام او المخطط وأهم شيء مايكون فيه إرهاق في التنقل.
محبتي و إحترامي لكم.
يالغالي حياك الله
الماكن السياحيه كثيره
- وانا اقترح عليك عدم السكن في ميونخ من اول الرحله وتركها في اخر الرحله للتسوق والعوده لانها منطقة تسوق
والمناطق كثيره تقدر تاخذ احداثياتها بالموضوع هذا من اوله
فمثلا
كابرون وبعدها غارمش او انسبورك واعتقد بما انك متزوج جديد فانصح بانسبورك لانها فيها مجمعات وشغلات حلوه للنساء ومن بعدها ميونخ وللعلم من انسبورك تقدر تروح لاماكن عديده مثل غارمش وغيرها
ومن كابرن هما تقدر تروح لاماكن عديده والله يبارك لك ان شاء الله
منطقة Schmitten هذي المنطقه في المرتفع اللى يطل على زلمسي وتصعد لها بالتلفريك وفيها قعدات فوق وقهوه والاحداثيه اللى انت حاطها لانترلاكن
وهذي الاحداثيه الصحيحه للمنطقه
n 47°19'45.53
e 12°44'15.56
جبل Kitzsteinhorn هذا الجبل والاحداثيه للبحيرات الصناعيه في كابرون
N°47 12.023
E12° 42.996
Maiskogel بالنسبه لهذي المنطقه هذي لمكان الزحليقيه الصيفيه في كابرون وليس مكان للتزلج
وهذي مواقفها
n 47°16'28.99
e 12°45'28.82
وبالنسبه للاحداثيه اللى انت حاطها - هذي احداثية مواقف البحيرات الصناعيه في كابرون
N47 12.969
E12 43.554
وبالنسبه لهذي الاحداثيه اللى انت حاطها
وادي
Sigmund-Thun Klamm
N47 19.437
E12 47.633
ياشيخ الاحداثيه هذي لزلمسي السنتر وبالنسبه للاسم Sigmund-Thun Klamm
هذا شلال ثون كلام وهو الاجمل بنظري بالمنطقه وهذا الشلال يتم قطع التذاكر بالاول ومن ثم الدخول على ممرات خشبيه داخل الجبل وهذي مواقفه
n 47°15'35.17
e 12°44'25.22
شلالات المياه ( بالنسبه ياشيخ لهذا الاسم والله ياشيخ ما ني عارف اشتقصد لكن هذي الاحداثيه لشلال كرمل )
شلال كرمل
N47 12.943
E12 10.299
وهذي احداثياته بصيغه ثانيه للمواقف
n 47°12'58.74
e 12°10'18.55
زيارة منطقة
Schmitten
هذي المنطقه تم ذكرها بالاعلى مكرره في اعلى زلمسي والمطله عليها
زيارة سدود
وبحيرات
Hochgebirgsstauseen
هذي ياشيخ نفس منطقة البحيرات الصناعيه
منتزه البري
الترفيهي Ferleiten
بالنسبه ل Ferleiten
هذا حديقة الحيوان ويوجد فيها مطعم بالخارج ويوجد عندها مناظر للجبال جميله جدا
n 47°10'10.71
e 12°48'48.91
متحف التعدين
والفن القوطي
n 47°26'30.88
e 12°42'36.79
هذا متحف صغير ويبعد عن زلمسي حوالى ال 25 كم
ويوجد بالقرب منه تلفريك وهذي مواقفه
n 47°26'21.78
e 12°43'10.03
متحف Pinzgauer
Heimatmuseum
Schloss Ritzen
n 47°25'14.72
e 12°50'53.62
هذا عباره عن قصر ومتحف ويوجد فيه بحيره صغيره ويقع في منطقة Saalfelden
قمة
Dachstein glacier قمه ثلجيه
وهذي مواقفها
n 47°27'0.93
e 13°37'2.95
هذي القمه بالقرب من سالزبورغ وبالقرب من بحيرة هالستات الجميله وهذي مواقف للبحيره لمن يرغب
n 47°33'44.05
e 13°38'52.67
ويوجد بالقرب منها تلفريك منصة الاصابع الخمسه وهذي مواقف التلفريك للاصابع الخمسه
n 47°32'53.54
e 13°42'21.98
وهذي بعد ياشيخ مواقف الكهف الجليدي القريب من سالزبورغ وللعلم للذهاب له يوجد بعض المشقه يعني يبيله ليلقة مشي للصعود له
n 47°29'49.36
e 13°11'37.87
والسلام ختام ودمتم
نعم يا الغالي
يفضل الغاء سالزبورغ لانك تقدر تروحلها باي وقت من ميونخ او كابرون والسكن فيها تبي الصراحه مايسوى فقط ليوم واحد تمشي على النهر وتطلع ويوجد بالقرب منها اماكن عديده تقدر تروحلها من كابرن او ميونخ
واما بيرتيساو فهي تقع على بحيرة اخن سي موقها جميل وبحيره جميله وهادئه وممتعه ويوجد فيها زحلاقيه وتلفريك جميل ومنها تقدر تروح لغارمش بعد وانسبورك اقرب لك من غارمش ويوجد بالقرب منها مناطق سياحيه كثيره منها البيت المقلوب ومتحف الشوارفسكي وغيره من الاماكن اللى تقدر تاخذهم من اول الموضوع
واللي فهمته من موضوعك ان رحلتك 12 يوم تقريبا فيمكن تقسيمها كالاتي
- 4 ليالي في كابرون
- 3 ليالي في بيرتيساو
- 3 ليالي في غارمش
- 2 ليله في ميونخ للعوده
او انك تخلي
- 5 ليالي في كابرون
- 5 ليالي غارميش او بيرتيساو لانه المسافه بينهم حوالى ال 80 كم تقريبا
- اخر ليلتين ميونخ وللعلم منطقة انسبورك منطقة تسوق ويمكن تغنيك عن ميونخ وهذا للعلم فقط
وبالتوفيق ياشيخ وتامر امر باي استفسار
الله يعطيك العافيه
طيب الله يسعدك ي غالي انا بجلس في زيلامنسي 6 ايام وهي اخر ايام الرحلة وزي ماقلت لك معي اربع عوائل تقريبا 14 شخص 8 كبار والباقي أطفال 3 منهم صغار جدا
ابي منك خدمة وتفيد الجميع انت إنسان لك خبره وزارتها كثير أكيد اذا طلبتك تسوي لنا برنامج 6 ايام لا اهم وأروع المنتزهات الي تستحق الزياره في زيلامنسي وتكون مناسبه لنا خاصة ان معنا أطفال إِيش تختار لنا منتزهات وتوزعها لنا على الأيام آلسته كل يوم مثلا منتزهين
ياليت تسوي لنا برنامج بسيط يكون فيه أسعار التذاكر والإحداثيات ونبذه بسيطه عنه وملاحظاتك على المنتزه
والله يالغالي الموضوع هذا خاص بالنمسا وما ودي نشتت الموضوع بزياده
على العموم ادخل على موضوعي هذا وتلاقي احداثيات وشرح عن زلمسي وان بغيت شي بلغني فيه
http://www.arabtravelersforum.com/travel419826.html
وبحاول نقل اخر مشاركات بالموضوع الى موضوع النمسا ليستفيد الغير
نسيت اقولك لغيت الحجز في رينتال كار بعد ماتعبت لجل اتواصل معاهم ومافي فايده لغيت الحجز بعد الالغاء بنص ساعه جاني رقم ماشي مليون من المانيا
رينتال كار معاك عزيزي لماذا تريد الغاء الحجز
المهم قلتلو انتو ماعندكم مصداقيه ومن هذا الكلام وسويتو معايا كذا وكذا وقريت عنكم انكم تسحبو ع الزباين في مكان تسليم السيارات المهم هزئته
وقلتلو اني استأجرت سياره من يورب كار وهددني ان التأمين ماراح يرجع قلتلو في ماهمني التأمين ولا اوصل المططااار وتسحبو عليا لما شافني صامل
قلي خلاص بكم استأجرت من اليورب كار قلتلو بـ 3000 تأمين شامل باسات اتومتيك قلي خلاص انا بقدملك عرض وراح يعجبك واقل من اليورب كار المهم شفلي نفس السياره اتومتيك ومن اليورب كار بـ 2800 انا رفضت وقلتله 200 ريال اشتري راحتي فيها واروح على المزود دايركت وبدون وسيط المهم حاول معايا وقلتله شوف عرض ثاني ولا كنسلي الحجز ما احتاج اتعامل مع شركه من قبل اطلع ضحكت عليا وصدقني راح انصح اي شخص انو مايتعامل معاكم
الزبده اتصلت على اليورب كار في السعوديه وحسبولي السياره حول 3200 تأمين شامل زيرو وقالتلي الموظفه بعد ماسألتها عن فيزة الراجحي مسبقة الدفع طالما يقدر المزود يسوي هولد ع المبلغ وحروفها بارزه اتوكل ع الله
يعني الامور طيبه لكن درء للمفاسد راح اطلع بطاقة إئتمانيه احتياط واخليها ورقه رابحه
قد يسأل سائل اني زودتها في الكلام لكن ي جميل حبيت اقولكم السالفه لعل وعسى تستفيدو
السبام عليكم ورحمة الله
شهر مبارك في البداية ...
ابي من اصحاب الخبره يفيدوني جزاكم الله الجنة
انا حاجز انا واثنين من الشباب على النمسا (فيينا) ورحنا لمكتب قال احجزوا فنادق زيلامسي لانها بتفلل
المهم حجزنا ثلاث ايام في زيلامسي بعد الوصول الى فيينا بيومين يعني بنقضي في فيينا يومين
السؤال وش احسن مكان استاجر فيه في فيينا جني المطار والا وين واذا احد يعرف اسماء فنادق لايبخل ...
الشي الثاني بعد زيلامسي يكون باقي لنا قرابة سبعه ايام علما ان العودة من جنيف
ماعرف الا انترلاكن فقط الشي الثاني السيارة ابي طريقة استياجيرها وكم تكلفنا من الى نستاجرها من فيينا الى جنيف على 12 يوم
رتبوا لي رحلة محترمة جزاكم الله خير 😓😘
وعليكم السلام والرحمه يالغالي والله يبارك فيك بالشهر الفضيل
يالغالي
الجدول المقترح بما انك راح تنزل في فيينا والعوده من جنيف
- راح يكون خط السير بالتسلسل للمناطق
- فيينا - زلمسي - غارمش او انسبورك - انترلاكن - جنيف ومن ثم العوده ويفضل استاجار السياره من فيينا وتسليمها في جنيف علما بان راح يكون هناك رسوم اضافيه لانك راح تسلم السياره في بلد ثاني والرسوم تقريبا 400 الى 450 يورو
ولكن افضلك من التنقل بالسياره ويفضل استاجار السياره من المكاتب المتوفره في بلدك قبل السفر
وبالنسبه لاسعار السيارات لكل فئه سعر ولكل حجم سياره سعر بناء على طلبك وعدد الركاب معاك
يا هلا فيك ياخوي وحياك الله
يالغالي قصدك انك بتأجر سياره من ميونخ وبتروح الى انترلاكن وترجع لميونخ ترجع السياره وبعدها بتأجر سياره مره ثانيه من قريه نمساويه عشان تكمل الى فيينا
اذا كان هذا قصدك ياشيخ وهذا اللى فهمته من كتابتك فهل يعني قصدك انك لاتريد تحمل مبلغ اضافي على تسليم السياره في بلد ثاني
فيا شيخ الامر واحد لانك اذا بتنتقل الى مناطق النمسا من ميونخ فالمبلغ اللي بتدفعه من 200 الى 300 يورو هذا اذا مو اكثر قد تصل الى 400 يورو واكثر بعد لانه اغلب المناطق اللى تحصل فيها تأجير سيارات لا تقل عن ساعه للوصول لها
فانصحك بان تكون السياره معاك وتكمل طريقك ورحلتك
وبالنسبه للمسافات
نعم ميونخ الى انترلاكن 550 كم تقريبا او اقل بقليل او اكثر يعني حوالى ال 5 ساعات
والعوده الى زلمسي 570 تقريبا هما 5 ساعات او اكثر
والذهاب الى فيينا 450 كم 4 ساعات او اكثر بقليل
وهذا للعلم والتوضيح فقط
يا مرحبا فيك يالغالي
والله ياخوي الاول دورت عليه وماحصلته بالضبط
واما الثاني اللى اشوفه موقع على البحيره ومبين عليه ممتاز
وهذا رابط يخليك تحجزه بسرعه ههههه
http://www.strandhotel.at/
والتغيير زين
السلام عليكم ورحمة الله وبركاته
انا رحلتي للنمسا ووصولي 13 سبتمبر والمغادرة يوم 26 يعني 13 يوم تقريبا الرحلة تقريبا 1436/11/27
طبعا الرحلة .من المدينة المنورة -دبي -فيينا / والعودة فيينا - دبي - المدينة
عندي عدة استفسارات
1- الشنقن استخرجته من سفارة فرنسا هل هناك مشكلة في مطار فيينا عند وصولي
2 - رحلتي في الذهاب فيها توقف 11 ساعة في دبي وتذكرتي مخفضة يعني مايوفرون لي فندق وصراحة احترت وش اسوي ف11ساعة خاصة اني اول مرة اجي دبي
3- متحير لحد الان ف13 يوم فانمسا وين افر ماعرف الا فيينا زيلامسي سالسبورغ كنت مخطط 4 فيينا 5 سالسبورغ 5زيلامسي بس لحد الان ماصملت وماحجزت فنادق
4- عند تنقلي بين مدن النمسا هل هناك ضريبة للطرق اودخول المدن او ماشابه ذلك
حياك الله يا اخ ساجر
وعليك السلام والرحمه
- بالنسبه للفيزا والله اوربا حيروا العالم فيها فبعظهم يمر ولا احد يكلمه ان كانت الفيزا مستخرجه من بلد ثاني والبعض يوقفونه ويسئلونه وبالتالي يدخل
البلد وانا اعرف الكثير من يحمل الفيزا الفرنسيه لانهم يعطون ثلاث سنوات واربع ويتنقلون في اوربا بين المطارات ولا حد يكلمهم والسؤال الوحيد اللى يسؤلونك ليش ماخذ فرنسيه وليس نمساويه واجابة الاغلبيه انه تم الحجز على فرنسا وتم الالغاء وحولة خطي الى النمسا لظروف ويتم ادخالهم
- وعلى العموم النظام المتبع البلد اللى تحجز فيه اكثر مدة سكن هو اللى تاخذ منه الفيزا
- وبالنسبه للتوقف في دبي 11 ساعه هذا اذا كان حجزك في نفس اليوم اللى انت اخترته اقل شي 11 ساعه فوجب عليهم توفير الفندق لك وهذا متعارف عليه اكثر من 8 ساعات واما اذا تم اختيارك للوقت هذا ويتوفر اقل منه لايتم توفير السكن لك لانه اختيارك وليس مجبر عليه
- وبالنسبه للنمسا والمناطق فادخل على الموضوع من اوله راح تحصل احداثيات ومواقع سياحيه جميله
هذا اذا تستخدم سياره خاصه طبعا
- وبالنسبه للتنقل بين مناطق اوربا لايوجد اي ضريبه لدخول البلد فقط اذا تم السكن يتم اخذ ضريبة المدينه وسعرها لايذكر من 5 الى 10 يورو
ويتم اخذ ضريبة استخدام الطرق السريعه عند استخامك لها عن طريق المرور على بوابات ويتم دفع الضريبه والاسعار رمزيه
المفضلات