+ الرد على الموضوع
النتائج 1 إلى 5 من 5

الموضوع: سانت كاترين .... الجمال من منظور آخر

  1. #1
    عضو مسجل
    تاريخ التسجيل
    May 2015
    المشاركات
    2

    سانت كاترين .... الجمال من منظور آخر


    سانت كاترين .... الجمال من منظور آخر

    بسم الله الرحمن الرحيم
    فى البداية كانت الفكرة بزيارة هذه المنطقة , تسلق الجبال , التخييم تحت النجوم , فلم نجد أجمل من سانت كاترين للقيام بهذه المغامرة.
    قبل البدء فى المغامرة كان يجب تجهييز المستلزمات الشخصية لكل فرد للتعامل والتعايش مع مثل هذه المغامرة .
    المستلزمات الشخصية :
    • شنطة تحمل على الظهر .
    • حذاء للمشي على الصخور .
    • فلاش لايت + Head light + كاميرا للتصوير .
    • موبايل عليه برنامج لتحديد المسار ( معظم الوقت مفيش شبكة بس يستحسن تعما حسابك فى خط موبينيل ) .
    • كاب + Swiss knife +
    الرحلة كانت يوم 8/05/2015 وطبعا التاريخ هيفرق علشان لو فى الشتاء هتاخد معاك ملابس تقيلة كتييير مع سكارف وجوانتى لزوم البرد .
    وطبعا كمان ممكن نجهز شنطة بسيطة First Aid علشان الأشياء اللى ممكن تحصل فى الرحلة زي :
    مضاد حيوي + مستحلب للزور + مطهر معوى + كريمات للالتواءات + لزقات طبية للجروح + دواء لنزلات البرد + رباط ضاغط .
    .....
    نبدأ الرحلة :
    طبعا جهزنا كل شئ وكمان العربية , واتحركنا الساعة 6 صباحاً من القاهرة وخدنا طريق السويس – القاهرة لحد ما وصلنا نفق الشهيد أحمد حمدى , وبعدين أخدنا طريق الطور لحد كمين الكيلو 9 فى أبو رديس , طبعا كنا بنستمتع بخليج السويس على الجانب الأيمن من الطريق بمناظر روعة , وبعدين سلكنا طريق وادي فيران وصولا إلى مدينة سانت كاترين في تمام الساعة 1 ظهراً , وطبعا عدينا على عدد كبير من الكماين التابة للجيش أو الشرطة علشان كده لازم يكون معاك البطاقة الشخصية وكل ورقك سليم .
    بعد ما وصلنا لسانت كاترين , رحنا على قرية أبو سيلة علشان الدليل اللى اتفقنا معاه كان من هناك , ركنا العربية عنده فى البيت , وبدأنا نجهز لأول مغامرة , غيرنا الهدوم وصلينا واتغدينا كمان , وجهزنا احتياجاتنا لمدة يوم علشانا كنا هنخيم فى الكرم ونرجع تانى الصبح .
    وفعلا بدأنا الساعة 2:30 ظهراً وبدأنا التحرك من ابو سيلة إلى طريق نقب الهوا حتى وصلنا إلى قرية الشيخ عواد , طبعا عدينا على وديان وعلى جنايين كتييير , خضرا رائعة مع جبال شاهقة وإحساس روعة .
    بعدين اتحركنا من الشيخ عواد حتى كرم أبو جميل , طبعا المسافة دى كانت حوالى 7.5 كيلو متر ووصلنا حوالى الساعة 6 قبل المغرب .
    دخلنا الكامب كل شئ هناك كان من الطبيعة بداية من الغرف اللى مبنية بنفس الصخر اللى فى المكان وكل شي من جبال لا تبعد عنك الكثير .
    طبعا مفيش إضاءة , ودى مش مشكلة علشان المغامرة تكتمل بكده , الاحساس بالحياة على هذا المنوال , اتعشينا وبدأنا بلليل نولع الحطب علشان نعمل قعدة ونعمل قهوة عربي مع التمر وكمان شاي وفضلنا على كده لحد الساعة 11 ليلا .
    طبعا نمنا وصحينا الساعة 6 صباحا , صلينا وفطرنا وكانت فيه عربية هتاخدنا علشان نرجع تاني أبو سيلة عن طريق قرية الطرفا علشان نبدأ اليوم التانى من المغامرة , وصلنا فعلا وجهزنا حاجات تانية علشان هنطلع جبل العباس .
    طبعا بدأنا رحلة صعود جبل العباس الساعة 9 صباحاً , أخدنا طريق أبو جيفة ونزولا بوادى سليبات وبعدين معين شكية , الأخديد , الزواتين وأخدنا رست شوية واستمتعنا بالمياه اللى نازله من الجبل واتصورنا طبعا , اتحركنا تاني لمنطقة الزيرى ونزلة السككرية وهنا اذن المؤذن لصلاة الجمعة , اتوضينا وصلينا وبدأنا المرحلة الأخيرة للوصول لقمة جبل العباس , وفعلا وصلنا الساعة 1:15 ظهراً .
    هناك كان الملك عباس الاول عاوز يبنى قصر ليه بس ملحقش يكمل , وطبعا تقدر تشوف مدينة سانت كاترين من هناك وكأنها علبة كابريت , المسافة لحد قمة الجبل حالى 7.5 كيلو متر , وحوالى الساعة 2 ظهراً بدأنا النزول فى اتجاه مكان التخييم , طبعا متعة النزول أسهل من الصعود طبعا لكن أخطر بكل تأكيد والمنظر أكثر رعباً .
    طبعا النزول فى المنطقة العكسية من جبل العباس كان شئ خطر علشان مفيش حركة فى الاتجاه ده ومفيش حد كتير راح هناك .
    نزلنا من القمة لحد نزلة السككرية وطبعا عدينا على وادي طينيا , ارتحنا واتغدينا مع الشاى وجو ومكان فوق الوصف والخيال .
    اتحركنا فى وادى صقر ووصلنا إلى منطقة اسمها خرزة ودى عبارة عن عين تجميع المياه النازلة من الجبل وطبعا مش هوصف إنها روعة أكتر من كل شئ .
    طبعا بعدها كان أخطر مكان فى المغامرة وهو وادى الشق , الصور هتوضح مدى صعوبة المكان والحركة والنزول من على قمة الجبل لبطن الوادى , وطبعا كملنا المغامرة لحد ما وصلنا وادى إطلاح على الساعة 7 بعد المغرب , رحنا فرشنا ال sleeping bags وجمعنا الحطب وأشعلنا النار , وطبعا كان لازم فيه مكافأة على الرحلة من قمة جبل العباس لحد مكان التخييم فى وادى إطلاح , المسافة كانت حوالى 10.5 كيلو متر , وكان الدليل مجهز جدى علشان نشويه ونتعشى , وفعلا شوينا وأكلنا وشربنا الشاي والقهوة , وطبعا استمتعنا بالنجوم ومنظرها , علشان معروف إن منطقة سانت كاترين هدف لكل محبي الفلك وتصوير النجوم .
    طبعا نمنا فى الهواء الطلق والجو كان تلج بالليل , وصحينا الساعة 5 الفجر فطرنا ولمينا كل الحاجة وبدأنا رحلة العودة لقرية أبو سيلة وطبعا المسافة كانت حوالى 2 كيلو , وصلنا هناك وبكده انتهت الرحلة فى سانت كاترين بس حبينا نكافئ انفسنا إننا طلعنا على منطقة دهب , حوالى 120 كيلو متر من سانت كاترين وطبعا منطقة جبال خيالية كالعادة ووصلنا لمنطقة دهب , بدأنا من أول البلد ومشينا على الطريق بطول البلد , منطقة خيالية من مياه وبحر ( خليج العقبة ) وكمان محميات هناك , حجزنا فندق وارتحنا شوية , نزلنا البحر وعدينا على الBlue hole , ولفينا شوية فى البلد , ونمنا وصحينا بدرى كالعادة فطرنا على البحر المرة دى وانطلقنا بالعربية من دهب إلى شرم الشيخ – رأس محمد – مدينة الطور – أبو رديس – أبو زنيمة , وطبعا استغلينا الفرصة ونزلنا حمامات فرعون , مياه كبريتية , بحر خيااااالى ( خليج السويس ) وسونا كمان طبيعية , قعدنا حوالى ساعتين من الراحلة والمتعة وبعدينا اتحركنا فى طريق العودة للقاهرة .
    مغامرة يستحيل وصفها , قد تنجح الصور فى شرح جزء ولو بسيط من المتعة .


    -dsc02256-jpg-dsc02260-jpg-dsc02261-jpg-dsc02278-jpg-dsc02279-jpg-dsc02303-jpg-dsc02304-jpg-dsc02352-jpg-dsc02353-jpg-dsc02371-jpg

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Mar 2015
    الدولة
    مصر
    المشاركات
    188

    رد: سانت كاترين .... الجمال من منظور آخر

    بجد مغامره جميله من فضلك ممكن تحدد انسب الاوقات فى السنه لقضاء مثل تلك المغامره من حيث الطقس الافضل
    واذا امكن اخبارنا بميزانيه الرحله

    فنادق عطلات


  3. #3
    عضو مسجل
    تاريخ التسجيل
    May 2015
    المشاركات
    2

    رد: سانت كاترين .... الجمال من منظور آخر

    اقتباس المشاركة الأصلية كتبت بواسطة حنان حمدى مشاهدة المشاركة
    بجد مغامره جميله من فضلك ممكن تحدد انسب الاوقات فى السنه لقضاء مثل تلك المغامره من حيث الطقس الافضل
    واذا امكن اخبارنا بميزانيه الرحله
    بداية ... افضل توقيت لهذه المغامرة هو شهر 7 او 8 بس هتكون حر شويتين بس الميزة بتكون إن المحاصيل اللي بتشتهربيها المنطقة تكون طلعت زين التين والتوت واللوز وبالبلح .... وفيه ناس بتحب الرحلة دي في رأس السنة علشان دير سانت كاترين بس الجو بيكون -7 تحت الصفر .

    اما افضل جو بيكون في شهر مايو او شهر اكتوبر


    بالنسبة لميزانية الرحلة ... فالدليل بياخد حوالي 350 جنيه مقابل الطريق وانه يجهز لينا الاكل ... والفرد تكلفته حوالي 200 جنيه كمان في اليوم

    بس طبعا لو فيه عدد ... مش هيتخطي الفرد 300 جنيه في اليوم شامله الدليل

    فنادق عطلات


  4. #4
    عضو مسجل
    تاريخ التسجيل
    May 2015
    المشاركات
    13

    رد: سانت كاترين .... الجمال من منظور آخر

    ما شاء الله موضوع مميز جدااااا

    شكرا على المجهود

    فنادق عطلات


  5. #5
    عضو مسجل
    تاريخ التسجيل
    Jan 2017
    المشاركات
    7

    رد: سانت كاترين .... الجمال من منظور آخر

    رائع اتمنى عمل مثل هذة
    المغامرة

    فنادق عطلات


+ الرد على الموضوع

المواضيع المتشابهه

  1. استفسار عن الفنادق القريبة من التلفريك مكشوف كابريو –
    بواسطة Robot في المنتدى العرب المسافرون سويسرا
    مشاركات: 3
    آخر مشاركة: 02-03-2015, 08:22 PM
  2. اسعار تذاكر الدمام الشارقة الدمام ؟
    بواسطة Robot في المنتدى بوابة السفر إلى الإمارات U.A.E
    مشاركات: 10
    آخر مشاركة: 01-31-2015, 05:44 PM
  3. رحلتي المصورة الي شرم الشيخ سانت كاثرين دهب
    بواسطة Robot في المنتدى بوابة السفر إلى مصر Egypt
    مشاركات: 179
    آخر مشاركة: 01-20-2015, 03:18 AM
  4. استفسار عن الأكل الحلال في سانت بطرسبرج روسيا
    بواسطة Robot في المنتدى بوابة السفر الى دول أوروبا الأخرى
    مشاركات: 1
    آخر مشاركة: 01-15-2015, 11:08 PM
  5. ساعدوني ابي تذكار طيران الدمام المدينة المنورة الدمام
    بواسطة Robot في المنتدى بوابة السفر إلى السعودية
    مشاركات: 1
    آخر مشاركة: 01-15-2015, 10:58 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X