السلام عليكم ورحمة الله وبركاته
كانت زيارتي الاولى لبلاد سرنديب الاسبوع الماضي .. بصراحة ترددت كثير قبل اسافر لها لكن بعد ما زرت هذه البلاد الجميلة اتمنى ازورها مره ثانية
حبيت انقل لكم تجربتي باختصار
كانت مدة الرحلة اسبوع فقط .. الذهاب كان يوم الخميس 21-5-2015 والعودة الاربعاء 27-5-2015
على الخطوط السعودية
اول ليلة كان الوصول لكولومبو قبيل المغرب وسكنت بشقق اسمها sopon arkeed ما انصحها فيها ... الشقه مرتبه بس تعامل اللي فيها مو كويس وسبحان الله جاني فيها غلقه ما ادري ليه وثاني يوم طلعت لكاندي وسكنت بنفندق سينامون كان بصراحه روووعه وجميل وخصوصا اللوبي واللي ممتاز فيه ان الغرفه تطل على النهر ,, ثاني يوم غيرت لفندق ايرل ريجينسي وكان بصراحه جميل جدا وتعامل الموظفين جدا راقي وكذلك البوفيه ممتاز ورائع ومميز ,,, وبالمناسبة موظفين سينامون كان غريب ولا يعرفون طريقة الحجز عن بوكينق (غريبة) لاني كنت حاجز عن طريق بوكينق وقالوا لي لازم تخش على الحجز وتنسخه وترسله لنا ايميل وقصة طويله ... المهم بعد النقاش معهم قالوا خلاص بنشيك من عندنا ونشوف .. والحمد لله شيكو وانتهت المشكلة واخذت غرفتي,,, المهم بعد ما قضيت يومين بكاندي قررت الانطلاق لنوراليا ,, وقضيت فيها احلى يومين بفندق الاكواخ المطل على البحيره وبصراحه غرف الفندق المطلة على البحيره خيال جميلة جدا جدا لكن المشكلة ازعاج المشي على الخشب بالغرفة ... وبعد ما قضيت احلى يومين بنوراليا رجعت اخر يوم لنجمبو وقضيت فيه الليلة الاخيره من الرحله بفندق the beach all suits وبصراحه فندق جميل والجناح حلو وواسع ومطل على البحر .. بس للاسف لا يمكن تستخدم الفرن لانهم فاصلين الكهرب عنه ويعتذرون باعمال صيانة ,, ولكن الحقيقة ان العالم غثوهم بالكبسات والطبخ والحوسه بالمطبخ وبعد ما يطلعون يتركون كل شي على حطت يدك هههههه
وبعد المبيت ضبينا اغراضنا وانطلقنا للمطار وسلامتكم
وكان السواق اللي تعاملت قمة في التعاون والاحترام وسيارته جميلة ومكيفه ومريحه اسمه بالا وهذا رقم جواله اذا سمحت لي الادارة 0094772993730

مواضيع عشوائيه ممكن تكون تعجبك اخترناها لك: