الموضوع: اريد مساعده-- رحله الى المانيا

المشاركة الأصلية كتبت بواسطة Um Saiif

مرخبا اخواني واخواتي .. انا عضوه جديده بالمنتدى واتمنى انكم تساعدوني

بتكون رحلتي الى فرانكفورت بتاريخ 23-7-2015 والعوده من دوسلدورف بتاريخ 30/7/2015 (8) ايام

الي عنده خبره يسويلي جدول سياحي بسيط وحلو وخاصه اني سايره ابغي اماكن ترفيهيه اكثر وحدائق والعاب واشياء ممتعه مععع الاسوق طبببعا ❤❤❤❤
واريد اسال كيف يكون الجو يعني اللبس شتوي ولا صيفي 😀
اتمنى انكم تساعدوني بلييييز وفي ميزان حسناتكم

بما انك يا اختي نازله في فرانكفورت والعوده من دوسلدوف والمده 6 ليالي
يمكنك يا اختي الذهاب والسكن في مدينة هايدلبرج منطقه حلوه وقريبه من فرانكفورت تبعد بحدود ال 100 كم او اقل ومنها الى كولون للتسوق ويعتبر السنتر لها من الاماكن الجميله للتسوق وهي قريبه من دوسلدوف وتبعد بحدود ال 40 كم
ويعتبر الجو في هذي المناطق عادي ومايل للبروده احيانا وبالنسبه لكولون فالاجواء روعه وممطره اغلب الاحيان

المشاركة الأصلية كتبت بواسطة Um Saiif

شكرا اخوي ابوسلمان .. بس كنت ابغي اعرف الاماكن علشان احجز الفنادق . فوق جي شو الحداءق الي فيها سمعت ان في ليقو وورلد وحذيفه ملاهي كبيره بس ماعرف كيف اخطط جدولي والله

يا اختي تقصدين ليغولاند لالعاب التركيبات
هذي الالعاب بعيده شوي عنكم والاقرب لكم على خط سيركم هي مدينة الالعاب اليوروبارك في منطقة روست تبعد عن فرانكفورت 250 كم تقريبا ولكن تبعد عن دوسلدوف حوالى ال 450 كم للرجعه
ويمكنكم الذهاب الى مدينة الالعاب Holiday Park
القربه من مدينة هايدلبرج ويوجد منطقه فرب الهايدلبرج هي مدينة مانهايم Mannheim
وهي جميله للتسوق ويسكن فيهم كثير من المسلمين الاتراك ويوجد فيها المطاعم الاسلاميه

وبالنسبه لكولون يوجد فيها مدينة الالعاب Phantasialand

وهي للكبار النصيب الاكبر للعب فيها
ويوجد فيها حديقة الحيوان
Botanischer Garten

والسنتر الجميل بالقرب من الكنيسه الكبيره المشهوره في كولون


وهذا يعتمد على كيفية التنقل بالقطارات او بالسياره الخاصه لقطع مسافات اكبر ولعدم التعب

المشاركة الأصلية كتبت بواسطة Um Saiif

اخي العزيز .. شكرا لنك متجواب معي .. بس بكلف عليك ممكن تكتبلي خط سير وكل منطقه كم يوم عشان ابدا احجز الفنادق .. وهل معك فنادق خمس نجوم ممتازه .. اكون شاكره لك

حياك الله يا اختي بالنسبه لهايدلبرج
فيفضل الفنادق بالقرب عند النهر
وبالنسبه لكولون ففندق
دورينت أم هوماركت كولونيا
ويمكنك اخذ تاكسي من الفندق والذهاب الى مطار دوسلدوف والفندق يعتبر بالقرب من النهر والتسوق ومكانه جدامناسب والفندق ممتاز ويمكن الذهاب سيرا على الاقدام وبالقرب من الكنيسه الرئيسيه لساحة التسوق ويوجد بالقرب منه العديد من المطاعم

وبنسبه للخط يا اختي فيفضل نصف المده لكل من المنطقتين والله يوفقكم برحلتكم والمناطق عن واقع زياره

المشاركة الأصلية كتبت بواسطة Um Saiif

يعني كيف الترتيب يكون

يوم فرانكفورت
يومين يوروبارك
اربع اايام دوسلدورف؟؟

قريت وايد بس احسني ماعرف وايد ضيعت فوق هذا ماعرف هل الافضل نحجز ياره ولا بالقطارات..


ساعدوني بليز اول مره

يا اختي
مدة سفرتكم ست ايام ويوم وصول ويوم اقلاع يعني مامعاكم وقت للذهاب لليوربارك لانها يبيلكم يوم وصول للمنطقه ويوم دخول الالعاب ويوم تطلعون من المنطقه للذهاب الي دوسلدوف لانها تبعد 450 م تقريبا
فانصحك بالرجع للمشاركه رقم 7 بالاعلى

والتنقل بالسياره مافيه شك هو الافضل ان حصل

المشاركة الأصلية كتبت بواسطة Um Saiif

راح اخلي يومين في فرانكفورت
واربع ايام في دوسلدورف ومنها تنقل من الاماكن والمناطق المجاورة..

وحجزت هالفندق في فرانكفورت
steigenberger frankfurter hof

وهالفندق في دوسلدورف

Breidenbacher Hof, a Capella Hotel

على راحتكم يا اختي
وانا وضحتلك في المشاركه 7 اذا حبيتي توصيتي
وانت حره برغبتك ان كان تم الحجز

المشاركة الأصلية كتبت بواسطة Um Saiif

المساله اني ماعرفت الاماكن الي كاتبنها وين بالضبط .. كما وضحت ببدايه الموضوع ماعندي اي خلفيه عن ولا اي شي ف انت كتبتلي مناطق ماعرف هي وين اصلا وكم يبالها لين المطارات وغيره . عشان جي سهلت على تفسي الموضوع وسكتت بالمكان نفسه ،،

هههههههههه

يا مرحبا فيكي يا ام سيف

لا خلك على شغلك افضلك بما انك راح تتنقلون بالقطار فشغلك صحيح تسكنون في فرانكفورت وبعدها بالقطار الى دوسلدوف

هذا اللى اسهل لكم
وبالنسبه لكولون تقدرون تاخذون تاكسي من دوسلدورف وتروحون كولون للسنتر من الصبح وترجعون الى اليوم والامر عادي والاسهل لكم

المشاركة الأصلية كتبت بواسطة Um Saiif

انا قررت احجز لكولون وشفتها حلوه وبروح دوسلدورف بس حاليا ادور فنادق حلوه بالمنطقه ل قلت عنها .. وحتى الان ماعرف التنقل بيكون سياره وقطار بس احس ان السياره ممتعه اكثر ..

والفندق ل رشحته لي ف كولون جميل جدا والله يعطيك على قد نيتك..

في ميزان حسناتك وشكرا جزيلا

اكيد يا ام سيف السياره ممتعه
للتنقل على راحتكم
ويمكنكم التنقل بالقطارات اذا كان عددكم قليل والحقائب قليله بالنقل
ولكن يجب عليكم معرفة خطوط السير والاستفسار من الفنادق لخطوط السير للقطارات وبالنسبه لكولون ما اعتقد انكم تحتاجون السياره بالتنقل اذا سكنتم بنفس الفندق اللى قلتلك عليه لانه كل الاماكن قريبه عنده ويمكنكم الذهاب مشيا على الاقدام والسياره فقط للذهاب الى خارج كولون
والله يوفقكم جميعا وان لزم الامر لاي استفسار انا حاضر

المشاركة الأصلية كتبت بواسطة Um Saiif

نحن اثنان بس انا وزوجي والحقائب مب هاك الزود ..خليت فرانكفورت اربع أيام ومنها بزور المناطق القريبه وبرجع بنفس اليوم وبعدين بروح لكولون وبتم اربع أيام ..

شو الأماكن السياحيه من اقتراحاتك.؟؟ اعطني 1-2-3

الي حطيته في بالي الحين الفانتاسيا والهولدي بارك والاوتليت في فرانكفورت..

وشورايك اخوي أبو سلمان هل رحلتنا من وجه نظرك تحتاج لسياره او نكتفي بالقطارات؟؟

السياره يا اختي متعه للى يبي يتسيح خارج المناطق هذي
والمناطق السياحيه بعيده عنكم وبالنسبه لكولون وفرانكفورت ما اعتقد انكم تستطيعون الذهاب بعيد عنهم لان اغلب المناطق السياحه بعيده ويبيلها وقت وتنقل بالسياره وبما انكم راح تروحون مناطق تسوق ويعتبر التسوق فيهم بحد ذاته سياحه للمناطق هذي لانه لها اجواء ممتازه والجلوس بالقهاوي في السنتر ممتع
وبالنسبه اذا رغبتم بالخروج لخارج هذي المناطق فمن الماكد والافضل التنقل بالسياره
فمثلا الذهاب الى بلدة اخن الالمانيه وهي تبعد عن كولون بحدود ال 80كم ويوجد فيها مكان سياحي وهو التقاء الدول الثلاث بلجيكا والمانيه وهولندا
وباستطاعتكم الذهاب الى المناطق المجاوره لهولندا والمانيه والذهاب الى المغارات البلجيكيه وتبعد حوالى 130 كم

وهذا يفضل التنقل فيه بالسياره ويمكنكم استاجار سياره من الفندق لمدة يوم والتسيح ان لزم الامر لها