اخر مواضيع المنتدى


احجز في بوكينج  
السياحة في اندونيسيا جزيرة بالي
النتائج 1 إلى 6 من 6

الموضوع: | تـجـربـتـي مـع كـاميـرا كـانون d600 | نصايح+تعليمات+تنبيهات

  1. #1
    عضو مسجل
    تاريخ التسجيل
    Jul 2015
    الدولة
    رياضنا :)
    المشاركات
    10
    Post Thanks / Like

    Cool | تـجـربـتـي مـع كـاميـرا كـانون d600 | نصايح+تعليمات+تنبيهات

    السلام عليكم ورحمه الله وبركاته
    منتدى العرب المسافرون العزيز على قلبي لانه افادني كثير واحب انوه للجميع اانني سجلت من حساب جديد لان ماعرف الموقع وش صارله ومادري شو صار بالفتره الاخيره حتى بموضوعي الشهير الي وصل عدد مشاهدينه كثير وصار ينتقل للمنتديات الاخرى حتا بدون ذكر الموضوع #

    أنتهينا من هالسولف

    بسم الله
    الكاميرا الي رح اتحدث عنها هي الي بالصوره

    يعني اخي العزيز لو شفت الكاميرا مكتوب على يسارها D600 و canon صح هذي هي اما تشوف نيكون ولا فوجي لا الكاميرا الي اتحدث عنها هيا كانون دي 600
    #1 انا لا امدح في اي شركه وانما مادعاني لكتابه الموضوع انها تجربه ويقولون في عربنا التجربه خير برهان او اسئل مجرب ولا تسئل طبيب او فيلسوف
    يالله نمشي


    صورة الكاميرا وهي متوفرة على امازون العالمي
    اضغط عالصورة

    -screen-shot-2015-07-09-10-45-40-pm-jpg
    أ- سعر الكاميرا نضيفه بالاسواق 2000 وهذا كان انا لما اشتريتها يارب تكون رخصت
    ب- يجي معها عدتها (عدسه مبدأيه ) + شنته *لاترضى باقل من كذا
    ج - انتبهو هيا تجي ملصفه وتجي مغلفه بطريقه بحيث انه مو مفتوحه

    2# ما انصحك تشوف اي فيديو يعلمك طريقه فكها وطريقه تركيبه ؟ عشان ياخي العزيز تتعلم عليها حبه حبه والكاميرا اقسملك بالله هيا موضحهه نفسها والكاميرا لو تتكلم رح تقلك جربني تتعلمني انا اول ماجبتها وشفتها كذا مفكوكه قلت يابو برهو انلعب عليك وش فيها كذا مكسره ولا القصه انها الكاميرا هيا خلقه تجي مفتوحه
    ,وتركبها كانك تركب معول مكينه يقلك اضغط على الزر ودخلها هنا ودورها كذا واترك الزر وصلي عالنبي

    3# نصيحه من شخص مسلم لاتخلي احد يلمسها لاتخلي احد يشوفها اول ماتشتريها ( قل بسم الله واقرأ دعاء شراء الشيئ الجديد ) وفي شخص بيقلي بدعه وخرافه انا مو قصدي كذا خلي اول يد واول كلام يفتش بحق هالدابه هو منك وان شاء الله بتشوف معها خير

    تمام يالله نكمل معاكم

    4- المميزات :-
    ميغابكسل : 18ميغابكسل
    حجم العدسات : 18-55/75-300+50ملليمتر يعني والله انها فيها من 55 تصوير بؤري اطاري الى 18 رح اشرحهه لكم
    إطار بالثانية : 3.7اطار/ث
    نقاط التركيز التلقائي : 9AF
    وخذو سوالف من عندي
    1- تعتبر هيا كاميرا تؤدي حوائجك التصويريه السفريه بدون مايجي شخص فاهم ويتمسخر عليك ويقلك ها يابو علي ترا ذا وذا
    2- كونك تشوفها تصور صور مو زينه وتخربلك الصور لايضايقك هشي بالعكس لازم تعرف انها عالم يطلعلك صور احترافيه بس انت ماتعرفلها لسا
    3- قلل الاضاءه من اعدداتها ورح تكفيك تقريبا 3 ساعات متواصله طبعا في النهار + فلاش طافي او 6 ساعات متقطه يعني طلعه من الشباب كل كذا شويه تفتحها تصور وتغلق

    بالنسبه للاشخاص الي يبيني اعطيه مميزاتها بالملي المتقبيه
    |- تصورلك صوره طال عمرك يوصل حجمها طبيعي طبيعي 80 ميجا بايت والصوره طال عمرك تبين لك حبه الخال
    |- تصورلك فيديو بدقه 1080 يوصل حجم الفيديو ابو دقيقه الى 400 ميجا بايت مع العلم ان هذا الفيديو احترافي وسوف تشاهد الاحترافيه عندما تسوي للفيديو ايقاف مؤقت *ماشاء الله *
    |- طال عمرك فيها مميزات جاهزه يعني انت ماشي قاللك صاحبك طلع كميرتك صور بسرعه *مباااشره تروح تطق وضعه Tv وتعمل فلاش وتجيب الصوره صافيهه &وهذا مثال على تقريبا اكثر من 3 وضعيات جاهزه
    |-الكاميرا فيها تنضيف للمستعشر

    5- تعليمات
    1- انا اخترت هاي الكاميرا لانها تؤدي احتياجياتي ولاني مليت بصراحه من الكاميرات الرخيصه الي سعرها 200 ريال وتشفط منك بطاريات ب 500 ريال كل ماتصور صورتين تلقك ابي بطاريه اصليه ام 59 ريال ×4 لهذا انا انصحكم تشتروها
    2- رح ترتاح من شغله اسمها جوال خلص شحن كميرتي يبيلها بطاريه حقت اللعبات تبع الاطفال يعني اقدر اقولك عبي البطاريه وخلي 6 ساعات من الطلعه صورهم في جيبك
    3- انتبه واحذر واعلم ان الكاميرا لايلمسها الا انت لانها جسم حساس احتمال تاكل خبطه تروحلك فيها مشكله ولا كلكعه
    4- لاتخلي بطاريه الكاميرا عالشحن لما تعبي لانها بعدها البطاريه تتعب وعمرها ينقص
    5- لما تشوف الكاميرا تحمى اكيد شي من اثنين * اما انك سويتها بمواصفات جباره وحضرتك قاعد تصور فيها فيديو بدقه عاليه بمواصفات عاليه بخيارات عاليه فانا اقولك والله هي تتحمل الحراره الي تتحملها يدك يعني زي حراره الشمس لما تلمس يدك وتشوف حراراتها
    بس والله غير كذا لا طف الاكميرا ولا تخربها , لانه مع الزمن رح تنسى سعرها ورح تحبها وتزعل لو خربت ولاتجي تقلي ياتايجر ليه ماقلت لي
    6- اشتري لها شنطه رمليه * وش ذي * ياخوي الشنطه الرمليه عباره عن قماشهه شفاشفه وغير ناعمه بنفس الوقت تغلف الكاميرا ونفس الوقت ماتحمل تراب يعني انا ياما والله انكب على الشنطه رمل * الحمد لله مادخل عالكميرا لو 1% رمل
    7- وين ماتروح ووين ماتجي خذ معك كرتين ذاكره وترا هي بيجي معها كرت حجمها 2 جيجا ولا لو عاملين عليها تخفيض بيقولولك والله مافي كرت او ذي اخر حبه مدري وين الكرت يعني انت باعتبارك دافع هالمبلغ جيبلك كرت ذاكره وجيب ثاني
    وانتبه يابن عمي انتبه ولاتوقع نفس وقعتي
    تراني اشتريت كرت بمواصفات عاليه باشياء عاليه والكرت طلع يخرب لي الصور ويفصل لي الفيديو
    وش ذا ؟ = من الاخير في شي جنب الكرت تشوفه زي علامه C وتشوف جنبه رقم
    ايوووه ذا السي لما يكون 3-4-5 انا اقولك رح يبهدلك يبهدلك لانه ذا ابو التخريب خاصه في الحر
    انا اشتريت كرت كاميرا حجمه 16 جيجا السي حقه او الكلاس حقه 8 وبصراحه بشتري ال 10 ان شاء الله
    المهم الي يكون كلاس 3-4-5 نصيحه لاتشتريه
    8- في ناس ربي خالقهم يطلع عيوب كميرتك يقولك ها الصوره والله وش ذا ترا يابو الشباب في اشياء تغيب عني وعنك

    هل تعلم ان صفاء الصوره وجمالها يرجع الى 9× اشياء واي شي فيها يخربها
    1- كرت الذاكره (دقته×جودته×كلاسه×تحمله ) ولا وين بتجيبلي صوره وكرت الذاكره تعبان
    2- الكاميرا
    3- دقه الصوره ( وش رايك تحط دقه صوره 230 والله تجيلك صوره نقاط سوده بس ولا 140
    4- العدسه في عدسات الشركات تنتهم ويكون فيهم عله بسيطه وها العلطه البسطيه تسويلك عله كبيره ويجي موزع يتشري عدسه سعرها الاساسي منفصله 2000 ريال سعودي يجي يبيعها لك ب 780 ريال ولا تطلع الا فيها عيب
    5- الضوء الحساسيه - اعدادات في الكاميرا مثل الايزو ومثل الشتر ومثل ومثل
    6- التثبيت للكميرا ( وش رايك تبي صوره دقيقه وانت مقلل اعدادات التصوير الثابت الي نسميه نحنا الشتر وتجي تلف بسرعه وتضغط تصوير اكيد رح يطلعلك الصوره تموج ومو واضحه
    7- التماس الكاميرا : نحنا ندري ان الكميرا مصنوعه بطريقه دقيقه لكن هل سمعتو عن كاميرا يدخل فيها مويه جوا والمويه تنشق على حساب الداخل بس تبدا الكاميرا تتعب شوي شوي وبعدها تعلن تقاعدها عن صورك ( عشان كذا انتبهو لاتصبو مويه عليها ) هي والله اعلم مجهزه بطريقه لابئس فيها للماء بس يعني مو تجي تكب عليه مويه كب وتبيها ماتخرب
    8- نفسيتك انت ودقتك في التصوير
    9- عاومل اخرى مابي افتحها تفصيليلات

    إن شاء الله تابعو معي اي شي اعرفه عن هالكميرا رح اطرحهه هنا

    واتمنى منكم التفاعلل وترا انا عارف اني سولفت بلهجه مو لهجه المنتديات
    اعذروني لان الموضوع للي يبون يعرفون ويتعلمون

    شاهد هذه المواضيع من نفس القسم راح تفيدك كثير في رحلتك:



    المواضيع المتشابهه:



  2. #2
    ادارة الموقع والدعم الفني الصورة الرمزية khaledalhrbi
    تاريخ التسجيل
    Dec 2014
    الدولة
    Saudi Arabia
    المشاركات
    206
    Post Thanks / Like

    افتراضي رد: | تـجـربـتـي مـع كـاميـرا كـانون d600 | نصايح+تعليمات+تنبيهات

    جميل التقرير يعطيك العافيه عليه

    انا من مستخدمين هذا الموديل من الكاميرا

    جداً رائعه و عمليه وانصح بها

    وهنا صوري الخاصه بالكاميرا في هذاالتقرير عن اندونيسيا
    http://indonesiapuncak.com/travel/review-6.html

    انصح بها لعشاق السفر


    تم اضافتها بالموضوع لمن يرغب بشرائها من موقع امازون الامريكي


    ولاتحرمنا من جديدك



  3. #3
    عضو مسجل
    تاريخ التسجيل
    Jul 2015
    الدولة
    رياضنا :)
    المشاركات
    10
    Post Thanks / Like

    افتراضي رد: | تـجـربـتـي مـع كـاميـرا كـانون d600 | نصايح+تعليمات+تنبيهات

    أهلا فيك اخ خالد وشكرا على المرور
    اي والله تبيض الوجه وفعلا اي احد يبي يشوف صور هالمحروسه يناضر التقرير



  4. #4
    اداري
    تاريخ التسجيل
    Jan 2015
    المشاركات
    270
    Post Thanks / Like

    افتراضي رد: | تـجـربـتـي مـع كـاميـرا كـانون d600 | نصايح+تعليمات+تنبيهات

    ماشاء الله عليك آخوي TigerSLOV

    كلامك يخلي حتى اللي شاري كاميرا من قبل وده ياخذ هالموديل

    واكثر ماعجبني وصفك للكاميرا واستخدامها.... ياخي رهييييب



  5. #5
    عضو مسجل
    تاريخ التسجيل
    Jul 2015
    الدولة
    رياضنا :)
    المشاركات
    10
    Post Thanks / Like

    افتراضي رد: | تـجـربـتـي مـع كـاميـرا كـانون d600 | نصايح+تعليمات+تنبيهات

    اقتباس المشاركة الأصلية كتبت بواسطة Majed مشاهدة المشاركة
    ماشاء الله عليك آخوي TigerSLOV

    كلامك يخلي حتى اللي شاري كاميرا من قبل وده ياخذ هالموديل

    واكثر ماعجبني وصفك للكاميرا واستخدامها.... ياخي رهييييب
    هلاا حي الله
    اي والله
    ونووورت الموضوع وشكرا للمرور




  6. #6
    عضو مسجل
    تاريخ التسجيل
    Aug 2015
    المشاركات
    4
    Post Thanks / Like

    افتراضي رد: | تـجـربـتـي مـع كـاميـرا كـانون d600 | نصايح+تعليمات+تنبيهات

    ماشاء الله كنت لسه بفكر اشتري كاميرا جديدة ياريت لو تورينا جودة الصور



المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
ماذا يقدم لكم منتديات المسافرون العرب ؟
منتديات المسافرون العرب منتدى سياحي من الاخوة العرب المسافرون يهتم في المقالات السياحيه و عرض تقارير مصورة صور و فيديو للسياحه الداخليه و الخارجيه و نقاشات في كل مايتعلق السياحة والسفر. كما يشمل موقع المسافرون العرب على اقسام متخصصه حول أهم الوجهات السياحية التي يقصدها المسافرون العرب.
تابعنا عالشبكات الاجتماعيه