السلام عليكم ورحمة الله وبركاته
قضيت ليلة في فندق Desert Palm في دبي بتاريخ 12 يوليو 2008 ..وبصراحه كانت من اروع الليالي وحبيت اشارككم ببعض الصور
واتمنى انها تعجبكم ..
موقع الفندق :
2 كيلو من بعد الدراغون مارت ..تمشون على الشارع ولما تشوفون الدراغون مارت على يمينكم كملوا الطريق و احسبوا تقريبا 2 كيلو ومن بعدها بتشوفون على يساركم شيشة بترول إينوك وأول فتحه على يمينكم ادخلوها ..هم مش حاطين لوحه او اي شي يدل عالفندق فانتبهوا ما تفوتون اللفه
الموقع الالكتروني :
Desert Palm Dubai
الحجز :
http://www.booking.com/hotel/ae/dese...ml?aid=1329869
نوع الفيلا اللي سكنتها هي Pool Villa وفيها مسبح خاص وطبعا تقدرون تتسبحون فيه بكل خصوصية :24:
وهي عباره عن غرفة نوم وصاله وكرمتوا الحمام وبركة السباحه
والغرف والحمام كلهم مفتوحين على بعض يعني بدون ابواب
والسعر لشخصين هو 1890 +سعر الخدمه والتاكس = 2268 درهم
وهذي قائمة بالاسعار بس بدون سعر الخدمات
أخليكم الحين مع الصور
نبدأ بالصالة
وعند التلفزيون حاطين IPOD و مشغل سي دي عجبني شكله و يشتغل باللمس
وللي ما يستغنون عن البلي ستيشن ..ما نسوهم
ومن بعد الصاله تنزلون درجتين لغرفة النوم
وعجبني وجود المصحف وسجادة الصلاة
وهذي اطلالة المسبح من غرفة النوم
ومن بعد غرفة النوم تركبون درجتين للحمام كرمتوا
والحين اخليكم مع حوض السباحه
الحوض ما ينفع للصغار ابدا لأنه عميق وعلى مستوى واحد
طوله تقريبا 8 امتار وعرضه مترين وعمقه تقريبا 145 سم
ولقطه ليلية
وهذا الشاور الخارجي
انتهينا من الصور ..اتمنى تكون عجبتكم
ونسيت أقول ان فيه انترنت وايرلس مجاني وسريع :24:...وخدمة الغرف والاكل مفتوح 24 ساعه
وعن الفندق بصراحه انصح وبقوووووه كل زوجين يزورونه ويعتبر كسر للروتين وان شاء الله يقضون وقت حلو فيه ...والفندق راااقي ونظيف يعني لا تحاتون شي :24:مواضيع عشوائيه ممكن تكون تعجبك اخترناها لك:
- انطلاق فعاليات الأسبوع الثالث من صيف بلادي وانضمام مراكز جديدة
- استشارة
- ميركاتو يقدم مجموعة متنوعة من الفعاليات احتفالاً بعيد الفطر السعيد
- العنوان للفنادق ينظم معرض الزفاف السنوي أكتوبر
- أهل الامارات اهل العين بصفه خاصه ؟؟ لدي بعض الاستفسارات
- لوسمحتوا عندي استفسارات ياليت تجابوني
- إستفسااااااااااااااااار
- محتار بين ميناء سلام وفندق اتلانتس
- نصيحة لكل من يريد السفر للإمارات
- استفسار بخصوص ايجار السياره في مطار الشارقه
- حاليا في دبي م
- منتج او شاليه في دبي
- مطلوب شاليه في دبي
- الرجاآآآآآء الافادهـــ
- شقق دست الفندقيه ب واخذتها ب
- سؤال بسيط جدا
- استفسار بسيط عن المترو؟؟؟
- ما هي أفضل طريقة للوصول لمطار دبي من مطار الشارقة
- سينما دبي مولمتى الافتتااح؟
- ممكن المساعدة في رسم برنامج لمدة ايام في دبي
المفضلات