السلام عليكم ورحمة الله وبركاته ..
أول شي أحب أشكركم على المنتدى الأكثر من رائع واللي استفدت منه كثير
هذا أول موضوع لي وأتمنى من أهل الخبرة يساعدوني في تنسيق جدول لرحلة سفر عائلية الى
سويسرا وألمانيا باذن الله
العائلة مكونة من 8 أفراد 6 بالغين وطفلين بعمر 8 و 14 سنة وأنا المسؤول عن التخطيط للرحلة
الرحلة راح تكون 16 يوم وراح نستأجر سيارة باذن الله, الذهاب والعودة من جنيف
بحثت كثير عن أفضل الأماكن اللي ممكن نزورها بكل منطقة وسجلتها عندي لكن وجدت مشكلة في ترتيب الأيام بينها لأنها أول زيارة لنا
وماعندي أي خلفية عن المسافة بينهم ووش اللي ممكن يكون بيوم واحد وطمعان بمساعدتكم
نبدا بسم الله من تاريخ 11 - 14 اغسطس في مونترو والسكن في eden palace hotel
الأماكن اللي جابين نزورها من مونترو:
مدينة انسي الفرنسية ضروري نزورها باذن الله, مصنع الشوكولاتة والجبن, وقريت عن بحيرة المغارة اللي هي أكبر بحيرة تحت الأرض
وحديقة أكبر متاهه في العالم بس ما أدري اذا يستاهلون الزيارة أو لا, واذا فيه أماكن أفضل منهم ياليت تعلموني
من تاريخ 14 - 21 في جريندلوالد
الأماكن اللي حابين نزورها من جريندوالد:
- انترلاكن والتمشي في السنتر ومطل هاردكلم
- قرية زيرمات + ذا بلو سيه( والخطة اننا نروح الى قرية kandersteg ونركب القطار الى الجهة الأخرى من الجبل بعدين نكمل الى قرية tasch
ونروح منها بالقطار الى زيرمات, وفي طريق العودة منها الذهاب الى البحيرة الزرقاء "ذا بلو سيه" )
- قمة تتلس والتلفريك المكشوف ( قريت انهم قريبين من بعض )
- القطار البخاري من قرية brienz ( كم يبعد عن انترلاكن؟ )
- الخوانق المائية ( مدري اذا تستاهل الزيارة أو لا! )
- مدينة لوزرين ( هل تستحق الزيارة ووش أفضل الأماكن اللي فيها وكم تبعد عن انترلاكن؟ )
- الزحليقة الصيفية
- يوروبا بارك
- قرية ثون ( هل تستحق الزيارة؟ )
- شلالات جيس باخ
- استكشاف قرية جريندلوالد والسنتر
من تاريخ 21 - 25 في قارمش والسكن في staudacherhof hotel
الأماكن اللي حابين نزورها من قارمش:
- سالزبورغ وانسبورك ( هل يستحقون الزيارة؟ )
- ميونخ ( الملعب + شارع المارينا بلاتز + مصنع bmw + الحديقة الانجليزية لو تستحق الزيارة )
- زيلامسي ( شلالات كريمل )
- بحيرة ابسي
- التمشي في قارمش والسنتر
وأخيرا من تاريخ 25 - 27 في جنيف والسكن في suite novotel hotel
غالبا بتكون تمشي على البحيرة وبعض الشوارع المشهورة
هذي الأماكن اللي قريت عنها اذا فيه اشياء ماتستاهل الزيارة مو مشكلة نلغيها, وياليت تزودوني بأماكن أفضل
وبكذا خلصنا بس عندي استفسار أخير مصنع الجبن والشوكولاتة أقرب من مونترو أو انترلاكن؟
ويعطيكم العافيه مقدما, تحملوا اسئلتي الكثيره أول مره أمسك تخطيط رحلة
سبحانك اللهم وبحمدك اشهد ان لا اله الا انت استغفرك وأتوب اليك .
رد مع اقتباس
المفضلات