طبعا الكثير يسأل عن طريقة استخراج الفيزا من السفاره النمساويه
والكل خايف ويقول صعبه ومعقده
انا قدمت عليها قبل امس وكانت سهله مره
بقولكم المطلوب وكل شي والطريقه
طبعا للي بيروح للنمسا لايطلع فيزا إلا نمساويه عشان مايسون له مشاكل
الشروط المطلوبه :
1- تعريف من العمل مترجم من اي مكتب ترجمه وإذا كان موظف قطاع خاص لازم يصدق التعريف من الغرفه التجاريه.
2- كشف حساب لاخر 6 شهور واهم شي يكون بالحساب فيه مبلغ.
3- الجوازات مع الحرص على تصوير الصفحات الثلاث الأولى.
4- صورة بطاقة العائله.
5- تأمين طبي وطريقة إستخراج التأمين سهله جدا عن طريق التعاونيه للتأمين وانا رحت لفرعهم اللي مخرج 5 واخذو على الشخص 130 ريال تقريباً واهم شي تصورون التأمين وتحتفظون بالأصل.
6-صورتين شمسيه مكشوف الرأس للرجل والمرأه تكون محجه بس يكون واضح كامل الوجه.
7- حجوزات فنادق مؤكده "انا عطيتهم حجزي عن طريق البوكينق".
8- يعطونك ورقه بالسفاره تعبيها وتكتب فيها معلومات يطلبونها ماتخذ 5 دقايق.
9-يجب ان يكون الجواز موقع بالصفحه الثانيه عشان توقع بالنموذج نفس توقيع الجواز وتوقع لزوجتك ولا يلزم حضور الزوجه
10- مبلغ كاش 350 ريال للجواز الواحد
وبس يعطونك موعد بعد 12 يوم
طبعا اوقات عمل السفاره من الساعه 9 صباحاً إلى 12 ظهراً وحاول تجي بدري لأن اذا دخلوا ناس كثيرين يقفلون البوابه الساعه 11
موقع السفاره سهل جدا
إذا دخلت الحي الدبلوماسي يجيك ثاني دوار ادخل يمين بعدين اول دوار يسار وتجيك السفاره النمساويه على اليمين
واي اسئله انا حاظر
تحياتي لكم ودعواتكم لي بالتوفيق انا وزوجتي الغاليه في رحلتنا إن شاء الله
m aمواضيع عشوائيه ممكن تكون تعجبك اخترناها لك:
- سوال عن مشكله التنقلات بالنمسا
- رحلة إلى النمسا سويسرا
- ذكــريــات في فيينــا
- مشورتكم لأبدأ التخطيط للسفر للنمسا في شهر
- لو سمحتم فزعتكم احتاج سكن في فبراير الجاي
- استفسار عن السفر الى النمسا
- إستفسار أخواني أرجو منكم مساعدتي في ترتيب جدولي
- ساعدوني بجدول يوم البدايه من النمسا والنهايه من ايطاليا
- ناوي اسافر للنمسا وساهر بيهدم مخططاتي
- كم تكلف الرحله ايام
- سفرتي للنمسا في نهاية اغسطس ساعدوني
- احداثيات لا اكثر
- الله لا يهينكم ويطول ف عماركم . ابي جدول شهر عسل لمدة 14 يوم بين النمسا وسويسرا
- محتاج بقالة عربية في فيينا ضروري
- وش رايكم بهذا الفندق بالنمسا
- الى سورية الحبيب رحلتي فى الشتاء
- الذهاب من كابرن إلى مونيخ في والعوده في نفس اليوم الى كابرن
- استفسار عاجل
- الى الاخوة السوريين
- ارجو المساعده في شهر عسل
المفضلات