طبعا الكثير يسأل عن طريقة استخراج الفيزا من السفاره النمساويه
والكل خايف ويقول صعبه ومعقده
انا قدمت عليها قبل امس وكانت سهله مره
بقولكم المطلوب وكل شي والطريقه
طبعا للي بيروح للنمسا لايطلع فيزا إلا نمساويه عشان مايسون له مشاكل
الشروط المطلوبه :
1- تعريف من العمل مترجم من اي مكتب ترجمه وإذا كان موظف قطاع خاص لازم يصدق التعريف من الغرفه التجاريه.
2- كشف حساب لاخر 6 شهور واهم شي يكون بالحساب فيه مبلغ.
3- الجوازات مع الحرص على تصوير الصفحات الثلاث الأولى.
4- صورة بطاقة العائله.
5- تأمين طبي وطريقة إستخراج التأمين سهله جدا عن طريق التعاونيه للتأمين وانا رحت لفرعهم اللي مخرج 5 واخذو على الشخص 130 ريال تقريباً واهم شي تصورون التأمين وتحتفظون بالأصل.
6-صورتين شمسيه مكشوف الرأس للرجل والمرأه تكون محجه بس يكون واضح كامل الوجه.
7- حجوزات فنادق مؤكده "انا عطيتهم حجزي عن طريق البوكينق".
8- يعطونك ورقه بالسفاره تعبيها وتكتب فيها معلومات يطلبونها ماتخذ 5 دقايق.
9-يجب ان يكون الجواز موقع بالصفحه الثانيه عشان توقع بالنموذج نفس توقيع الجواز وتوقع لزوجتك ولا يلزم حضور الزوجه
10- مبلغ كاش 350 ريال للجواز الواحد
وبس يعطونك موعد بعد 12 يوم
طبعا اوقات عمل السفاره من الساعه 9 صباحاً إلى 12 ظهراً وحاول تجي بدري لأن اذا دخلوا ناس كثيرين يقفلون البوابه الساعه 11
موقع السفاره سهل جدا
إذا دخلت الحي الدبلوماسي يجيك ثاني دوار ادخل يمين بعدين اول دوار يسار وتجيك السفاره النمساويه على اليمين
واي اسئله انا حاظر
تحياتي لكم ودعواتكم لي بالتوفيق انا وزوجتي الغاليه في رحلتنا إن شاء الله
m aمواضيع عشوائيه ممكن تكون تعجبك اخترناها لك:
- يا اخون ساعدوني اخوكم حايس ومو عارف وش يسوي احتاجكم
- استفسار بخصوص الفيزا في السفارة الالمانية
- هل معقول انه جميع الفنادق نفذ الحجز فيها خلال السنه القادمه كامله النمسا
- بطاقة سالزوغ و كابرون كيف احصل عليها وكم تكلفتهاا
- مطعم في كابرون لا يفوتكم
- اوروبا لأول مره اتمنى المساعدة
- اسماء فنادق في كابرون او زيلامسي
- الحلقة من السلسلة المصورة عجيب والله يزور زلمسي
- من جرب فيينا الى سالزبرغ بالقطار
- محتاجكم في رحلتي لاعدمتكم
- تنسيق جدول لمده ليله وربما اكثر
- ابغى افضل اماكن في النمساء
- الله لا يهينكم ويطول ف عماركم . ابي جدول شهر عسل لمدة 14 يوم بين النمسا وسويسرا
- بخصوص السكن في قرية هالشتات
- تكفون محتاج مساعده باقي على تأكيد الحجز يومين فقط
- ساعدوني بخصوص زيلامسي
- ممكن احد يفيدنا عن
- ورطــــة
- نصيحتكم خبراء النمسا بخصوص بطاقة زيلامسي و كابرون
- أتمنى من الجميع الإفاده للضروره
المفضلات