طبعا الكثير يسأل عن طريقة استخراج الفيزا من السفاره النمساويه
والكل خايف ويقول صعبه ومعقده
انا قدمت عليها قبل امس وكانت سهله مره
بقولكم المطلوب وكل شي والطريقه
طبعا للي بيروح للنمسا لايطلع فيزا إلا نمساويه عشان مايسون له مشاكل
الشروط المطلوبه :
1- تعريف من العمل مترجم من اي مكتب ترجمه وإذا كان موظف قطاع خاص لازم يصدق التعريف من الغرفه التجاريه.
2- كشف حساب لاخر 6 شهور واهم شي يكون بالحساب فيه مبلغ.
3- الجوازات مع الحرص على تصوير الصفحات الثلاث الأولى.
4- صورة بطاقة العائله.
5- تأمين طبي وطريقة إستخراج التأمين سهله جدا عن طريق التعاونيه للتأمين وانا رحت لفرعهم اللي مخرج 5 واخذو على الشخص 130 ريال تقريباً واهم شي تصورون التأمين وتحتفظون بالأصل.
6-صورتين شمسيه مكشوف الرأس للرجل والمرأه تكون محجه بس يكون واضح كامل الوجه.
7- حجوزات فنادق مؤكده "انا عطيتهم حجزي عن طريق البوكينق".
8- يعطونك ورقه بالسفاره تعبيها وتكتب فيها معلومات يطلبونها ماتخذ 5 دقايق.
9-يجب ان يكون الجواز موقع بالصفحه الثانيه عشان توقع بالنموذج نفس توقيع الجواز وتوقع لزوجتك ولا يلزم حضور الزوجه
10- مبلغ كاش 350 ريال للجواز الواحد
وبس يعطونك موعد بعد 12 يوم
طبعا اوقات عمل السفاره من الساعه 9 صباحاً إلى 12 ظهراً وحاول تجي بدري لأن اذا دخلوا ناس كثيرين يقفلون البوابه الساعه 11
موقع السفاره سهل جدا
إذا دخلت الحي الدبلوماسي يجيك ثاني دوار ادخل يمين بعدين اول دوار يسار وتجيك السفاره النمساويه على اليمين
واي اسئله انا حاظر
تحياتي لكم ودعواتكم لي بالتوفيق انا وزوجتي الغاليه في رحلتنا إن شاء الله
m aمواضيع عشوائيه ممكن تكون تعجبك اخترناها لك:
- مساعدتكم شهر العسل ب النمسا
- تــــــــــــــــــــــد مـــــــــــــــــــــر صور
- زيﻻمسي
- الدراسة في النمسا
- كم تكلفة المعيشة اليومية في النمسا سالزبورغ و لامسي سويسرا و انترلاكن
- اصحاب الخبرة افتوني بالنمسا
- تقرير رحلة أحلى اثنين لأحلى مكان في العالم كابرون
- اقتراحتكم وارائكم للجدول المناسب لشهر العسل النمسا والمانيا
- ممكن برنامـــج
- استفسار عن فيينا
- ارجوكم ساعدوني ضروري احجز من الان
- تكفون ابي جدول لرحلتي للنمسا
- الطريق من فيلاخ الى زيلامسي اهل الخبرررة ش
- بخصوص استأجار سيارة في المانيا
- ساعدوني بشهر العسل
- أريد منكم ياخبراء أوروبا جدول مايخرش المية
- رايكم في فندق عاجل جداا
- ناوي على النمسا ان شاءالله
- فندق رمـــادا سالزبورغ
- أتمنى تصايحكم بخصوص النمسا
المفضلات