طبعا الكثير يسأل عن طريقة استخراج الفيزا من السفاره النمساويه
والكل خايف ويقول صعبه ومعقده
انا قدمت عليها قبل امس وكانت سهله مره
بقولكم المطلوب وكل شي والطريقه
طبعا للي بيروح للنمسا لايطلع فيزا إلا نمساويه عشان مايسون له مشاكل
الشروط المطلوبه :
1- تعريف من العمل مترجم من اي مكتب ترجمه وإذا كان موظف قطاع خاص لازم يصدق التعريف من الغرفه التجاريه.
2- كشف حساب لاخر 6 شهور واهم شي يكون بالحساب فيه مبلغ.
3- الجوازات مع الحرص على تصوير الصفحات الثلاث الأولى.
4- صورة بطاقة العائله.
5- تأمين طبي وطريقة إستخراج التأمين سهله جدا عن طريق التعاونيه للتأمين وانا رحت لفرعهم اللي مخرج 5 واخذو على الشخص 130 ريال تقريباً واهم شي تصورون التأمين وتحتفظون بالأصل.
6-صورتين شمسيه مكشوف الرأس للرجل والمرأه تكون محجه بس يكون واضح كامل الوجه.
7- حجوزات فنادق مؤكده "انا عطيتهم حجزي عن طريق البوكينق".
8- يعطونك ورقه بالسفاره تعبيها وتكتب فيها معلومات يطلبونها ماتخذ 5 دقايق.
9-يجب ان يكون الجواز موقع بالصفحه الثانيه عشان توقع بالنموذج نفس توقيع الجواز وتوقع لزوجتك ولا يلزم حضور الزوجه
10- مبلغ كاش 350 ريال للجواز الواحد
وبس يعطونك موعد بعد 12 يوم
طبعا اوقات عمل السفاره من الساعه 9 صباحاً إلى 12 ظهراً وحاول تجي بدري لأن اذا دخلوا ناس كثيرين يقفلون البوابه الساعه 11
موقع السفاره سهل جدا
إذا دخلت الحي الدبلوماسي يجيك ثاني دوار ادخل يمين بعدين اول دوار يسار وتجيك السفاره النمساويه على اليمين
واي اسئله انا حاظر
تحياتي لكم ودعواتكم لي بالتوفيق انا وزوجتي الغاليه في رحلتنا إن شاء الله
m aمواضيع عشوائيه ممكن تكون تعجبك اخترناها لك:
- الجيب يقول اندنوسيا والقلب يبي النمسا هههههه
- هل فيه قطار يوصل من ميلانو لزيلامسي ؟؟
- تقرير لبرنامجي السياحي يونيو النمسا وسويسرا والمانيا بالاحداثيات والتكاليف
- نهر الدانوب و منطقة بعدسة نوربوظبي
- أول سفرة لنا و أتمنى مساعدتكم
- القبقاب الدمشقي في طريقه الى الانقراض
- ضروررررري بلييييز
- هل ممكن أن تكون المحطة الأولى ميونخ والشنغن من السفارة النمساوية أو الإيطالية ؟؟
- قطار مباشر بدون توقف
- سؤال مهم جدا بخصوص الشنقن رجاااءااا الدخول
- السفر لاوربا شهر ابريل لسويسرا والنمسا والمانيا
- محتاجه مساعدتكم يااهل الخير
- تخطيط رحله الله يخليكم ساعدوني
- طالع للنمسا وراجع من ميونخ ابي خطة
- سااااعدوني محتار جدا ابدأ اخطط لرحلتي والا اشوف لي بلد ثاني
- احتاج مساعده من اهل الخبره
- ميونخ + لوقانو + زيلامسي + ميونخ
- أرجو المساعدة بخصوص النمسا ألمانيا تركيا
- سؤال عن تاجير السيارات في النمسا والدول الاوربية عامة واساله اخرى
- مطلوب جدول رحله الى النمسا أرجو المساعدة
المفضلات