طبعا الكثير يسأل عن طريقة استخراج الفيزا من السفاره النمساويه
والكل خايف ويقول صعبه ومعقده
انا قدمت عليها قبل امس وكانت سهله مره
بقولكم المطلوب وكل شي والطريقه
طبعا للي بيروح للنمسا لايطلع فيزا إلا نمساويه عشان مايسون له مشاكل
الشروط المطلوبه :
1- تعريف من العمل مترجم من اي مكتب ترجمه وإذا كان موظف قطاع خاص لازم يصدق التعريف من الغرفه التجاريه.
2- كشف حساب لاخر 6 شهور واهم شي يكون بالحساب فيه مبلغ.
3- الجوازات مع الحرص على تصوير الصفحات الثلاث الأولى.
4- صورة بطاقة العائله.
5- تأمين طبي وطريقة إستخراج التأمين سهله جدا عن طريق التعاونيه للتأمين وانا رحت لفرعهم اللي مخرج 5 واخذو على الشخص 130 ريال تقريباً واهم شي تصورون التأمين وتحتفظون بالأصل.
6-صورتين شمسيه مكشوف الرأس للرجل والمرأه تكون محجه بس يكون واضح كامل الوجه.
7- حجوزات فنادق مؤكده "انا عطيتهم حجزي عن طريق البوكينق".
8- يعطونك ورقه بالسفاره تعبيها وتكتب فيها معلومات يطلبونها ماتخذ 5 دقايق.
9-يجب ان يكون الجواز موقع بالصفحه الثانيه عشان توقع بالنموذج نفس توقيع الجواز وتوقع لزوجتك ولا يلزم حضور الزوجه
10- مبلغ كاش 350 ريال للجواز الواحد
وبس يعطونك موعد بعد 12 يوم
طبعا اوقات عمل السفاره من الساعه 9 صباحاً إلى 12 ظهراً وحاول تجي بدري لأن اذا دخلوا ناس كثيرين يقفلون البوابه الساعه 11
موقع السفاره سهل جدا
إذا دخلت الحي الدبلوماسي يجيك ثاني دوار ادخل يمين بعدين اول دوار يسار وتجيك السفاره النمساويه على اليمين
واي اسئله انا حاظر
تحياتي لكم ودعواتكم لي بالتوفيق انا وزوجتي الغاليه في رحلتنا إن شاء الله
m aمواضيع عشوائيه ممكن تكون تعجبك اخترناها لك:
- الطريق من فيلاخ الى زيلامسي اهل الخبرررة ش
- أبحث عن خطة لسفرة شهر عسل غالين على قلبي أعينوني
- الخطوط التركية او القطرية الى ميونخ
- السكن في النمسا
- شام المحبة والعروبة
- افضل برنامج لزيلامسي
- والله قاعد أنتظر الأجابه النمسا ألمانيا صفرت عدادات المخ
- شهر العسل في النمسا ارجو المساعده
- بين العشق والطبيعه موعد
- توهقت ماحصلت موعد للتأشيرة النمساوية والسفر قريب
- استفسار لترتيب جدول سياحي للنمسا لمدة ٢٠ يوم لعائلة
- تكفون مساعده عاجله لاماكن النمسا قرب الهوني مون
- الله يسهل الامور
- السكن في كابرون تجربتي
- المقاصد السياحية في دمشق القديمة ؟
- الساحرة تقرير رحلتي الى زيلامسي Zell am See
- درجة الحراره في النمسا بشهر ذي الحجهاكتوبر ؟
- رايكم بهذا الفندق وبعده عن بيرتساو؟
- فزعتكم يالربع كذا سؤال عن لااقامه في فيينا
- فيينا مدينة حاضرها يسير في الماضي
المفضلات