طبعا الكثير يسأل عن طريقة استخراج الفيزا من السفاره النمساويه
والكل خايف ويقول صعبه ومعقده
انا قدمت عليها قبل امس وكانت سهله مره
بقولكم المطلوب وكل شي والطريقه
طبعا للي بيروح للنمسا لايطلع فيزا إلا نمساويه عشان مايسون له مشاكل
الشروط المطلوبه :
1- تعريف من العمل مترجم من اي مكتب ترجمه وإذا كان موظف قطاع خاص لازم يصدق التعريف من الغرفه التجاريه.
2- كشف حساب لاخر 6 شهور واهم شي يكون بالحساب فيه مبلغ.
3- الجوازات مع الحرص على تصوير الصفحات الثلاث الأولى.
4- صورة بطاقة العائله.
5- تأمين طبي وطريقة إستخراج التأمين سهله جدا عن طريق التعاونيه للتأمين وانا رحت لفرعهم اللي مخرج 5 واخذو على الشخص 130 ريال تقريباً واهم شي تصورون التأمين وتحتفظون بالأصل.
6-صورتين شمسيه مكشوف الرأس للرجل والمرأه تكون محجه بس يكون واضح كامل الوجه.
7- حجوزات فنادق مؤكده "انا عطيتهم حجزي عن طريق البوكينق".
8- يعطونك ورقه بالسفاره تعبيها وتكتب فيها معلومات يطلبونها ماتخذ 5 دقايق.
9-يجب ان يكون الجواز موقع بالصفحه الثانيه عشان توقع بالنموذج نفس توقيع الجواز وتوقع لزوجتك ولا يلزم حضور الزوجه
10- مبلغ كاش 350 ريال للجواز الواحد
وبس يعطونك موعد بعد 12 يوم
طبعا اوقات عمل السفاره من الساعه 9 صباحاً إلى 12 ظهراً وحاول تجي بدري لأن اذا دخلوا ناس كثيرين يقفلون البوابه الساعه 11
موقع السفاره سهل جدا
إذا دخلت الحي الدبلوماسي يجيك ثاني دوار ادخل يمين بعدين اول دوار يسار وتجيك السفاره النمساويه على اليمين
واي اسئله انا حاظر
تحياتي لكم ودعواتكم لي بالتوفيق انا وزوجتي الغاليه في رحلتنا إن شاء الله
m aمواضيع عشوائيه ممكن تكون تعجبك اخترناها لك:
- ذكريات نفر الجزء الاول
- مسافر لاول مرة الى النمسا و محتاج مساعدة
- بيت جن
- مقتطفات من طبيعة النمسا صور
- جدول رحلة شهر عسل النمسا و المانيا
- بخصوص السفارة الوالد ما راح يجي لكن هو بيتكفل بالمصاريف وش الحل ؟
- سفرتي الى اوروبا من النمسا .. انتظركم
- التخطيط المهائي لرحلتي
- إجازتي الصيفية على الأراضي الأوروبية المانياالنمساهنغاريا مايو
- نهر الدانوب و منطقة بعدسة نوربوظبي
- محتاااسة رحلة أول مره لاوروبا من ميونيخ ديزني لاند باريس
- تكفون الفزعه رحله شهر العسل
- تخطيط رحلتي لاوروبا ماعرفت اطرحه باي منتدى
- مساعدتكم لاهنتوا
- حجز القطار
- محتاجه مساعدتكم يااهل الخير
- مساعده في اجوبة لجدولي السياحي
- الى خبراء النمسا ارجوكم افادتي
- شهر عسل ايام في رياض النمسا
- استفسار بخصوص الطيران جدة و جنيف الرياض جدة
المفضلات