مرحبا اخواني
بخصوص الفيزا السريلانكيه التي يتم استخراجها من الانترنت وطباعتها
فيه نقطه هامه صارت لاكثر من مسافر
لما توصل المطار راح يشيك ضابط الجوازات على التأشيره وراح يسألك بالانجليزي
انت سويت التأشيره بنفسك او عن طريق مكتب
مهما كانت الاجابه راح يقولك فيه غلط في تاريخ ميلادك وبالتالي تأشيرتك مرفوضه
طبعا راح تقول له انا عبيتها بنفسي ومتاكد اني وضعت تاريخ الميلاد صح
راح طبعا يكون غير هوا في الجهاز رقم من الارقام الخاصه بتاريخ الميلاد قبل مايسوي هالفيلم
وراح يوريك الشاشه ان تاريخ الميلاد غلط وراح تشوفه غلط عشان تقتنع
واذا قلت له عدله راح يقولك ما اقدر لان التاشيره صدرت
ومعاه واحد ثاني يساعده ومتعاون معاه على النصب
عشان تقول له والحل
راح يقولك ادفع 120 دولار تقريبا واطلع لك واحده جديده
طبعا انت ساعتها ماعندك حل ومضطر تدفع عشان تخلص بعد رحلة طويله وتعب
ولا راح يعطيك ايصال للمبلغ لانه يقولك التاشيره نفسها ايصال
المشكله كمان حتى لو اعترضت وطلبت مسؤول ماعندك اثبات على كلامك
لان الفيزا المطبوعه مافيها بيانات تاريخ الميلاد
لذلك يستغلوا الحراميه في جوازات المطار هالنقطه
عشان كذا انتبهوا اخواني من هالحركه
وانصح كل مسافر يطبع كل اوراق الفيزا وبها جميع المعلومات ( كل الصفحات )
عشان لو قال فيه غلط اطلب مدير الجوازات وخليه يشوف الاوراق الاصليه للفيزا
وراح تكتشف بعدين ان التاشيره اللي على جوازك هي نفس رقم التاشيره اللي انت سويتها
واطلب رفع قضيه على الموضف ولو بالكلام عشان يعرف ان المسأله مو لعبه
بالتوفيق للجميعمواضيع عشوائيه ممكن تكون تعجبك اخترناها لك:
- الف مبرووووووك للأخ الإشراف
- مساعده رأيكم في جدول رحلتي
- مارأيكم في هذا المسار في كيرلا عااااجل قبل تأكيد الحجز
- سؤال عن السائق
- معلومات حول الوجهة الجديدة ولاية كيرالا
- اسِتٌفُسِار الَاکلَ فُيِ هّذِهّ الَمًنِاطِقُ الَسِيِرلَانِکيِة
- الأماكن السياحية لسوريا في ملف ورد من إعدادي
- رحلتي لنبض الطبيعة الساحرةكيرلا
- سااااعدوني
- اَتسفساَر بسيط عن المعاَهد في قواَ
- سلام لاهل سيلان
- رحلة يوم لعائلة اشخاص احتاج اقتراحات
- سفر للمرة الاولى كيرلا احتاج مساعدة من خبراء الهند
- كيف هي أجواء كيرلا في شهريناير
- المتحــف
- مسافر الى سريلانكا وادور على صديق
- كليات و أقسام جامعه بونا ؟
- جبال دارجيلينج
- منتجع أنانتارا بيس هافن تانغالي
- مساعدتكم في سفره شبابيه للهند
المفضلات