بسم الله الرحمان الرحيم
اولا : اشكر القامين والاعضاء في شبكة المسافرين العرب على هذه الجهود الرائعة والتكاتف الاخوي
ثنين : بقسم الموضوع لقسمين
(القسم الاول المدينه ) ( القسم الثاني السكن والمعهد )
ثالثآ : بخش بالموضوع وبختصر عليكم الوقت
انا إن شاءالله طالع ادرسة لغه ٣ إلى ٦ شهور في بريطانيا
(القسم الاول)
والحين قاعد ادور مدينه تكون هدئة ومافيها زحمة وريفيه ويحبذا لو تكون ساحلية
وحاولت ابعد عن المدن الكبيره و الساخبه وبنفس الوقت قريب عشان وقت الويكند مايمنع نشقر على لندن
بعد البحث المتواضع لقيت كم مدينه:
١- سالبري
٢- بورمث
٣- كارديف
٤- هيستنغس
انا ابي مدينه يقل فيها السعوديين والعرب
(والله مو استعرار بهم بلعكس استمتع وافتخر واستنكر من الي يقول مابي ابوسعود و بهج منهم والخ ودايمآ بسفراتي استانس بصحبتهم )
بس انا رايح ابي ادرس واطور لغتي وذا كان فيه عرب غصب اختلط معهم عشان كذا ابي مدينه قليل فيها العرب
طبعآ ابي اقتراحاتكم ووجهت نظركم ب المدن الي ذكرته وإذا فيه غيرها افضل ياليت تذكرونها
-------------------------------------------------------------
(القسم الثاني)
المعهد وهو اكبر همي وماخفيكم خايف اطبح بواحد ويطلع سيئ وابلش
وهل ادخل | معهد الجامعه | او |معهد خاص |
وانا عارف ان معهد الجامعه اقوى بس اخاف معهد الجامعه يكون الكلاس زحمه واذا كان زحمه ماتقدر تختلط وما تاخذ راحتك و"بكذا تقل الفايدة"
والخاص سمعت من قريب لي " من تجربه"يقول مايهتمون إلى بفلوس و المحتوى سئ والله اعلم
واذا فيه معهد محدد من خلال تجربه ياليت تذكره
اما مايخص السكن
١-السكن مع عائلة : تكون مع عائلة وتكون فيه شروط والله اعلم وش بتكون العائلة وتعاملهم
٢-السكن في السكن الجامعي : تختلط مع شباب في نفس عمرك وتكون صحبه وتطلع مع بعض وتاكلون سواء والخ
وماعرف احد دخل السكن الجامعي كل الي اسمع عنهم مع عائلة
وليه اغلب الناس مع عائلة مع ان مميزات سكن الجامعه بوجهت نظري افضل بمراحل
وياليت اي معلومه لوكنت خارج الموضوع وتظن انها بتفيدني ياليت ماتبخل علي
(اسف اني ماقدرت اختصر حاولت قد ماقدر اقلل )
وانا قاعد بانتظار مشاركاتكممواضيع عشوائيه ممكن تكون تعجبك اخترناها لك:
- مساعدة لوجه الله
- اعرف مستواك فى اللغة الانجليزية
- ما أفضل قاموس ناطق عربي إنجليزي
- طلب مترجم الكتروني يترجم جمل كاملة
- خطة عمل لدراسة اللغة الانجليزية
- الحل النهائي لتعلم اللغه الانقليزيه
- تلعم قواعد اللغة الفرنسية بكل سهولة
- قسم يستحق الزيارة لكل من اراد التعلم بجد
- الان وصل كورس برابط تورنت
- تعال تعلم كل لغات العالم درووووس
- سؤال أفضل المعاهد واقواها في البحرين
- التوفل أو الايلتس
- تعلم الروسية صوت وصورة مع الشرح
- موقع ممتاز لمحبي الغه الفارسيه
- من يعرف الــ
- دروس انجليزي بالصوت و واجهه عربية
- اي بلد اختار لدراسة اللغة رايك يهمني
- لو تفضلتوا يا أهل الدمام أنقذوني
- أقوى قاموس للترجمة الصحيحة لعام
- دراسة الماستر في ماليزيا
المفضلات