بسم الله الرحمان الرحيم
اولا : اشكر القامين والاعضاء في شبكة المسافرين العرب على هذه الجهود الرائعة والتكاتف الاخوي
ثنين : بقسم الموضوع لقسمين
(القسم الاول المدينه ) ( القسم الثاني السكن والمعهد )
ثالثآ : بخش بالموضوع وبختصر عليكم الوقت
انا إن شاءالله طالع ادرسة لغه ٣ إلى ٦ شهور في بريطانيا
(القسم الاول)
والحين قاعد ادور مدينه تكون هدئة ومافيها زحمة وريفيه ويحبذا لو تكون ساحلية
وحاولت ابعد عن المدن الكبيره و الساخبه وبنفس الوقت قريب عشان وقت الويكند مايمنع نشقر على لندن
بعد البحث المتواضع لقيت كم مدينه:
١- سالبري
٢- بورمث
٣- كارديف
٤- هيستنغس
انا ابي مدينه يقل فيها السعوديين والعرب
(والله مو استعرار بهم بلعكس استمتع وافتخر واستنكر من الي يقول مابي ابوسعود و بهج منهم والخ ودايمآ بسفراتي استانس بصحبتهم )
بس انا رايح ابي ادرس واطور لغتي وذا كان فيه عرب غصب اختلط معهم عشان كذا ابي مدينه قليل فيها العرب
طبعآ ابي اقتراحاتكم ووجهت نظركم ب المدن الي ذكرته وإذا فيه غيرها افضل ياليت تذكرونها
-------------------------------------------------------------
(القسم الثاني)
المعهد وهو اكبر همي وماخفيكم خايف اطبح بواحد ويطلع سيئ وابلش
وهل ادخل | معهد الجامعه | او |معهد خاص |
وانا عارف ان معهد الجامعه اقوى بس اخاف معهد الجامعه يكون الكلاس زحمه واذا كان زحمه ماتقدر تختلط وما تاخذ راحتك و"بكذا تقل الفايدة"
والخاص سمعت من قريب لي " من تجربه"يقول مايهتمون إلى بفلوس و المحتوى سئ والله اعلم
واذا فيه معهد محدد من خلال تجربه ياليت تذكره
اما مايخص السكن
١-السكن مع عائلة : تكون مع عائلة وتكون فيه شروط والله اعلم وش بتكون العائلة وتعاملهم
٢-السكن في السكن الجامعي : تختلط مع شباب في نفس عمرك وتكون صحبه وتطلع مع بعض وتاكلون سواء والخ
وماعرف احد دخل السكن الجامعي كل الي اسمع عنهم مع عائلة
وليه اغلب الناس مع عائلة مع ان مميزات سكن الجامعه بوجهت نظري افضل بمراحل
وياليت اي معلومه لوكنت خارج الموضوع وتظن انها بتفيدني ياليت ماتبخل علي
(اسف اني ماقدرت اختصر حاولت قد ماقدر اقلل )
وانا قاعد بانتظار مشاركاتكممواضيع عشوائيه ممكن تكون تعجبك اخترناها لك:
- خدمة اخوية
- ماهو أفضل قاموس الكتروني
- من يريد المساعدة بالترجمة عربيإنجليزي؟
- احد يعرف معهد بوليغوت للغات الاجنبية؟ بالكويت؟
- من منكم يعرف مواقع لتعليم اللغة البوسنية
- أريد ترجمة عبارة عربية الى اللغة الانجليزية
- الفرق بين كلمة و
- مواقع لتعليم الفرنسية
- اللي درس انقلش يجي
- أفكر في نقل هذا الكتيّب الى اللغة العربية
- التحية والتعريف بالنفس بالانجليزية
- أفضل كتاب للإعداد لإختبار
- شواهد أو اقتباسات شهيرة في كل الموضوعات
- كتاب الكترونى رائع لتعلم قواعد اللغة
- لغتك الانجليزيه مضبوطه؟ تعال اختبر نفسك
- أول درس في الأندونوسية الآداب
- كيف اعرف مستواي باللغه الانجليزيه
- لمن يرغب في ترجمة او تعلم الفلبينية يراسلني
- اللغه الفارسيه وتحولاتها
- اللغــــــه الألمـــــــانيـــــه ومفرداتها
المفضلات