الموضوع: شهر عسل في إيطاليا

السلام عليكم مساء الخير على الجميع
أبشركم اني انتقلت من العزوبية الى عش الزوجية 😉 مبروك علي وعقبال العزوبية
وفكرت بشهر العسل يكون في إيطاليا لمدة 15 يوم من تاريخ 4 سبتمبر الى تاريخ 19
وش تنصحوني اروح لأي مدن واشياء حلوه وتوسع الصدر 😅 لأَنِّي متوهق ما قد رحت لهديره
والسكن وين

مواضيع عشوائيه ممكن تكون تعجبك اخترناها لك:

• لزوار ايطالياممكن ؟؟
• اول مرة ايطاليا ومو عارفة اي شي
• اخواني اللي عنده احداثيات مطار مبلنسيا امانه لايقصر
• أنا حاليا بفلورانسا وعندي استفسار بسيط
• خطبي سألني وانا محتاره
• ابغا مساعدتكم لاني راح احجز بكرا
• فنادق في روما وميلان
• لازم تساااااااااااااااااااااااااعدوني
• اشرايكم
• برنامج رحلتي لإيطاليا أرائكم
• مسافر الي ايطاليا بالتحديد ميلانو متي تقفل المحلات في ميلانو
• بليييييز ابي مساعدتكم شكل المكتب السياحي يلعب علينا
• وش افضل مكان للسكن في ميلان غير الدومو
• فندق في روما فندق هومس Homs 4 نجوم
• استفسارات ومساعدة
• هوليدي ان فينيسيا؟
• من زلامسي إلى فينيسيا استفسار
• ايام في ايطاليااستفسارات لأصحاب الخبره
• خبراء ميلانو نرجو المساعدة
• تقرير شامل لـ روما فلورانس بينوكيو بيزا فيرونا اريتزو البندقية ميلانو

السلام عليكم أخوي
أولا مبروك الزواج مقدما...أنا زرت إيطاليا مرتين أول مرة موسم شتاء(شهراكتوبر حتي نوفمبر) وكانت حارة بالنهار نسبيا وباردة بالليل
وثاني مرة قبل أسبوع كان الجو حار مع رطوبة
أن كنت من محبي الأثار والأماكن التاريخية عليك بزيارة
رومــــــــا العاصمة حدها أربع أيام
1- الكلسيوم( المدرج الروماني) التذكرة حوالى12 يورو تشمل المدرج الروماني والمناطق الأثرية اللي حواليه والتذكرة صالحة لمدة يومين وتقدر تروح المدرج الروماني يوم والقصور المجاورة يوم ثاني
2- نافورة تريفي (Fontana dei Quattro Fiumi) وايد المكان حلو ولازم تشوف النافورة بالنهار والليل كل وقت له متعة والمحلات المطاعم اللي بجانب النافورة مفتوحة لوقت متأخر بالليل يعني لي11 .
3- المدرج الأسبابني(Spanish Steps) مكان حلو وممتع والناس فيه بشكل موطبيعي علي شنو ماتدري المهم التمشي بالأسواق اللي حوالين المدرج
4- مدينة الفاتيكان... مكان فعلا يستحق الزيارة تأخذ المترو وهناك تتمشي لي الفاتيكان واصعد الدوم وأدخل الفاتيكان من الداخل متعة فعلا مشاهدة الرسومات متعة..
روما حلوة بس مشكلتها حاررة ومتروسة عمالة بنغالية والأفريقية بشكل موطبيعي نصيحة لاتفكر تشتري منهم شيء( لاتفكر تشتري ماركات مقلدة من الباعة المتجولون لأنه عندهم قانون يحضر أنك تشتري المقلد)
فـــــــلــــورنس....
قمت بزبارتها 3 مرات مدينة رومانسية ممتع التمشي بها بالطرقات ولاتنسي تشوف أعمال مايكل انجلو
وعندهم أوتلت قريب من فلورنس أسمه (the mall) ويبعد 40 دقيقة تقدر تأخذ الباص من محطة الباصات وفيه ماركات حلوة واسعارها معقولة.
فــــــنيسا......
تقدر تأخذ القطار من فلورنس حوالي ساعتين... مدينة رومانسية جميلة ممتلئة بالسياح تستحق الزيارة حدها يومين فقط...
بالنسبة للتنقل بين المدن الإيطالية انصح بالقطار السريع مع الحرص على تحديد مكان المقاعد ولاتنسي تأخذ معاك شيء تأكله.
الحرص على أمتعتك الشخصية لأن السرقة واردة عندهم وخاصة عند التجمعات على شيء معين.
روما مافيها مولات تسوق الا واحد لايستحق الزيارة وبعيد.
لاانصح بالتنقل بالتكسي لانه غالي ولا تثق بالأخوة المهاجربن لانهم استغلالين وخاصة اللي بالمطار.
احجز لك سيارة مع سائق بالنت توصلك للفندق وبعدها كل شيء حواليك.
الاكل بايطاليا معروف سلطة تونا أو يونانية وبيتزا مرغريتا(جبن) أو فونجي(مشروم) بعض المطاعم يغشونك باللحم فأحسن لاتخاطر.
المطاعم صغيرة والجرسونات نفوسهم خايسة تحس تطر منهم.
على العموم أيطاليا حلوة لشهر عسل بس لاتقعد فيها وايد تقدر تزرو مدن أوربية اخري مثل جنييف /شامونية(مدينة أعجز عن وصفها بالجمال)/فيينا/زلمسي)
واتمني لك التوفيق وان شاء الله تستفيد من الرد

ونسيت لأقولك عن السكن
تقدر تختار السكن من مواقع النت
بس لازم تتأكد من وجود التكييف (مهم لان معظم فنادق إيطاليا بدون تكييف)
واحرص على توفر خدمة الواي فاي بالغرفة
افضل مكان للسكن بروما الفنادق بشارع Via NAZIONALE كله فنادق وقريب من محطة القطار والأماكن الأثرية
ملحوظة مستوي الفنادق يختلف عن مستوي دول الخليج يعني الفنادق ال3 و4 نجوم مستواها عادي مو مثلنا حلوة ومناسبة
وسلامتك