+ الرد على الموضوع
النتائج 1 إلى 2 من 2

الموضوع: الدروس المستفادة من رحلة مانيلا وبروكاي

  1. #1
    عضو مسجل
    تاريخ التسجيل
    Dec 2016
    المشاركات
    1

    الدروس المستفادة من رحلة مانيلا وبروكاي


    السلام عليكم ورحمة الله وبركاته
    الحمدلله والصلاة والسلام على رسول الله
    حبيت افيد اخواني اللي بيسافرون الفلبين ببعض المعلومات اللي اكيد انه اكثركم يعرفها وسأل عنها اولاً رحلات الطيران فيه اكثر من خيار والافضل الدايركت على الخطوط السعودية 8.30 ساعه اسعارها في غير المواسم من 1400 ريال الى 2000 ريال في المواسم والزحمه توصل 4000 ريال وحاول تتصيد عروض الخطوط السعودية اما الطيران من مانيلا الى اي مكان في الفلبين فيه اكثر من خطوط جربت سكاي جت كانت جيده وسعرها الى بروكاي 500 ريال السعر يتغير كل ما حجزت بدري طريقة الحجز يفضل انك تحجز وتقص التذاكر عن طريق نفس الموقع راعي الخطوط ولا برنامج فلاي سكانر ولا ويقو هذا ما يخص الطيران .
    ثانياً الوصول الى مانيلا :اجراءات المطار سريعه وسهله جداً اذا خلصت اجراءات وطلعت الصاله لا تاخذ شريحه اتصال من المطار ابداً لان سعرها ثلاث اضعاف او اكثر وفيه محل صرف عملات سعره كان احسن من السعودية يفضل تاخذ خمس الاف ريال سعودي وتصرفه بيسو لان البطاقات عندهم اذا جيت تحاسب ياخذون 500 بيسو ولا اسحب من الصراف احسن ياخذون عليك 200 بيسو افضل صراف عندهم bdo تقدر تصرف عشرالاف بيسو اما الصرافات الباقيه ما تقدر واذا طلعت برا خذ التاكسي الاصفر هو ارخص شي مكاتي ب 300 بيسو ولا خله يشغل العداد بس مانيلا زحمه جداً .
    ثالثاً الفنادق في مانيلا سكنت في فندقين كلها في مكاتي الاول فريزر بليس غرفتين وصاله ومطبخ وممتاز جداً من جميع النواحي باختصار الفندق الثاني دياموند مكاتي غرفة وصالة افخم من فريزر بليس وموقعه احسن قدام قرين بلت بس اسعارهم مبالغ فيها والحجز عن طريق اقودا افضل لانه ارخص سعر والسعر شامل الضرايب وتدفع في وقتها يصير تروح الفلبين وترجع وانت ما دفعت شي للفندق اغلب الفنادق يطلبون تأمين 100 دولار ولا 500 ريال ولا 6000 بيسو ولا بطاقة ائتمانية يحجزون مبلغ وهذا الخيار ما انصح فيه ابداً .
    رابعاً التمشيات في مانيلا حسب رغبتك فيه شلالات وجبال وغابات وبحر وانا غير مهتم بالاشياء هذه لذلك ما جيتها اذا بتروح لها افضل شي تنسق مع تاكسي قبلها بليل لانه لازم تطلع الصباح ومانيلا زحمه راح تكره ابو مانيلا ماعدا يوم الاحد الزحمه قليله وفيه متاحف للي يحبون المتاحف . الاسواق كثيره جيتها كلها تقريباً فيه قرين بلت وقلوريتا جنب بعض هم الافضل في الماركات وفيه روبنسون مول واسيا مول وفنيسيا مول والسوق الصيني انصح بزيارتها ولكن اسعارهم مو رخيصه السعودية ارخص .المطاعم فيه مطاعم الفاست فود ومطاعم هندية وعربيه وايطاليه ومطاعمهم انصح بالمطاعم اللي في القرين بلت واللي بيطول في مانيلا يجيب طباخه احسن وانظف يومية الطباخه ما يتعدا 1000 بيسو وتطبخ جميع انواع الاكل وباحترافيه . المقاهي كثيره افضلها اللي في قرين بلت وفيه قاردن سيتي وقرامرسي المقهى يكون في السطح وتشوف مانيلا في شارع مكاتي افنيو . وفيه مدينة العاب وملاهي حلوه حول اسيا مول للمهتمين بذلك .
    خامساً محلات المساج كثيره واغلبها قذره خصوصا المحلات الصغيره يحسبون اذا جاهم الواحد يبي مساج لهذاك وفيه محلات جيده مثل الرتز وونشه بس اسعارهم مبالغ فيها افضل شي انك تطلب مساج من الفندق في غرفتك السعر ما يتعدى 600 بيسو . وتقدر تطلب من برا الفندق يجون للغرفه .
    سادساً الحياة الليلية ماراح اقول وين تروح لانك اكيد سألت ومبي اخذ ذنب احد بس احذركم من محلات يسمونها كريوكي اذا دخلتها بتنسرق ما منها اي فايده بنت تستعرض على ستيج وخرابيط ولما تجي تحاسب بتطلع تلقى الفاتوره عاليه اذا الله بلاك ودخلت وتورطت اطلب الشرطة راح ينقصون النص وبعدها اطلب السفاره بيخلونك تدفع الربع . فيه شارع اسمه برقص اذا دخلته لازم تتعقم بعد ما تطلع كله ( ايدز) مافي شي يستاهل تجيه بس عن قولت انك رحت له ولا تطول فيه . هذا فيما يخص مانيلا رأيي انها لا تستحق اكثر من ثلاث ايام .
    فيما يخص جزيرة بوراكاي كانت رحلتي اربع ايام
    اولاً الفنادق افضل مكان تسكن فيه ستيشن 2 كانت عن طريق اقودا سكنت في فندق اسمه ازاليا جديد الفندق وحلو واثاثه مرتب وقريب من ستيشن 2 بس ممنوع التدخين وبعدها سكنت هينان ريجنسي جنب فندقنا الاول موقعه على البحر ومرافقه جميله ومرتب انصح فيه
    ثانياً الوصول الى بوراكاي بالطيران الى جزيرة كاتكلان تنزل الصاله راح تلقى مكاتب في الصاله يعرضون عليك التوصيل الى بوراكاي ب 500 بيسو حلوه بس اجراءاتهم تطول الافضل تطلع برا الصاله وتاخذ تراي سايكل للميناء وتقص تذكره ويودونك بوراكاي توصل هناك خذ تراي سايكل للفندق اقل وقت واقل تكلفه .
    ثالثاً التمشيات والنشاطات والفعاليات الافضل انك تقوم قبل 12 عشان يمديك تلحق النشاطات المائية وغيرها طبعاً ما انصح انك تتعامل مع الفندق في الحجوزات للالعاب ولا حتى الوسطاء اللي على البحر افضل شي تروح لمكاتبهم على البحر في ستيشن 1 وستيشن 3 ارخص بكثير وكاسرهم لين تخسرهم انصح باللعب في جميع الالعاب ماراح تندمون ابداً اول شي الغوص وبعدها الجت سكي والبراشوت وفلاي فش والبنانا وفيه العاب غير البحر مثل الدبابات والزبلاين والراليات وفيه عندهم مطل يطل على الجزيره كامله انصح فيه للتصوير.الاسواق ماعندهم مولات فيه واحد يسمونه دي مول صغير محلات يمين ويسار وفيه عندهم طريق اسمه مين رود هو اللي يقسم الجزيره من شمال للجنوب عليه محلات وبنوك وصرافات ومطاعم وكلش خذ جوله على الطريق . المطاعم فيه ماك وفيه مطاعم خليجيه وهنديه وايطاليه انصح بالمطاعم الخليجيه اكلهم زين اتوقع انه مطعمين بس وفيه مطعم هندي فوق سوبر ماركت على المين رود اكلهم زين وفيه مطعم ايطالي في ستيشن 2 عندهم باستا وبيتزا انصح فيه واذا تبي سي فود روح سوق السمك واشتر اللي تبي وقدام السوق فيه مطاعم تطبخ اللي تجيبه لا تفوتك الحركة .
    رابعاً محلات المساج فيه اللي على البحر كلها قذره وسيئه وفيه في ستيشن 3 مندرين وتترا اسعارهم غاليه جداً وفيه عن طريق الفندق وهو الخيار الافضل .
    خامساً الحياة الليلية اغلب المطاعم اللي على البحر تقلب اغاني وديسكوات بعد الساعه عشره والفكه منها غنيمه ما شفت اي شي يستاهل انك تسهر كله اوربيين وصينيين وكلهم كبلز يعني ريح.
    اخيراً نصيحة اخ
    اتق الله اينما كنت ولا تخلي صلاتك لو تسوي اللي تسوي . ابعد عن البنات هناك اغلبهم فيهم امراض ما تسوى عليك وناسه كم دقيقه .

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Aug 2016
    المشاركات
    5

    رد: الدروس المستفادة من رحلة مانيلا وبروكاي

    مشكوور على المعلومات الجيدة والمفيدة

    فنادق عطلات


+ الرد على الموضوع

المواضيع المتشابهه

  1. تعلم الانجليزية مع صوت امريكا بالمجان و مع الدروس الصوتية الكاملة
    بواسطة Robot في المنتدى بوابة تعليم اللغات واللهجات العالمية
    مشاركات: 4
    آخر مشاركة: 02-04-2015, 04:06 AM
  2. سيبو ودافاو وبروكاي تعرفني والجلورتيا وميقا مول والجلبي
    بواسطة Robot في المنتدى المسافرون العرب الفلبين Philippines بوابة السفر
    مشاركات: 14
    آخر مشاركة: 02-03-2015, 11:33 AM
  3. سؤالي اين اجد المناطق العربية ومكاتب سياحية اصحابها عرب في مانيلا وسيبو وبروكاي وانجل
    بواسطة Robot في المنتدى المسافرون العرب الفلبين Philippines بوابة السفر
    مشاركات: 8
    آخر مشاركة: 02-03-2015, 11:10 AM
  4. نريد الأستفادة من خبراتكم في أسبانيا هذا شهر العسل
    بواسطة Robot في المنتدى بوابة السفر إلى أسبانيا Spain
    مشاركات: 4
    آخر مشاركة: 01-15-2015, 11:23 PM
  5. مشاركات: 3
    آخر مشاركة: 01-15-2015, 02:21 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X