بسم الله الرحمن الرحيم


السلام عليكم ورحمة الله وبركاتة


أخواني وخواتي أعضاء منتدي العرب المسافرون

تحيه طيبه وبعد

بعد التشاور مع أخواني المشرفين بوابتنا البريطانيه القطري وموادع فكرنا نفتح موضوع خاص ماهي


الأوراق المطلوبه لتقديم الفيزا البريطانيه فى دول مجلس التعاون



قبل لا نبدا بالموضوع حبيت أشكر كل من أخوانى مشرف بوابة النمسا والمانيا ومشرف بوابتنا القطري وموادع ولا انسى كذالك أختي مشرفة البحرين واخوانى ابوسعود و المسافرالصغير
على مساعدتهم وتجميع المعلومات وجزاهم الله كل خير




وهذي شروط دولة الكويت



اولاتعبئة الاوبلكيشن)

الدخول على الموقع الرسمي للسفاره البريطانيه

http://www.vfsglobal.co.uk/qatar/kno...visa_type.html

ستظهر معك الصفحه









بعد ماتدخل الايميل راح يطلعلك بداية الاختيارات

تحدد نوع الفيزا طالب .. سائح .. عمل .. الخ

وتختار الدوله

لانه كما هو مبين لجميع دول العالم تستطيع انك تعبي النموذج بالانترنت

وتجاوب بعدها على جميع الاسألة

وبعد ماتخلص تطبع النموذج وتاخذه معاك في موعدك

واذا واجهت اي صعوبه مو ضروري تعبي النموذج عن طريق الانترنت ..

فقط تحدد موعد كما سأشرح في الخطوه القادمه واول ماتوصل تطلب نموذج وتعبيه قبل لاتروح للموظف

بس حبيت اشرحها من باب الاحتياط







ثانيا:تحديد موعد من السفاره

الدخول على الموقع الرسمي للسفاره البريطانيه في الكويت

http://www.vfsglobal.co.uk/kuwait/

على حد علمي ان برنامج اللغه العربيه في الموقع فيه خلل

وان شاء الله انه يتم معالجة الخلل في اقرب فرصه

بعد الدخول على الصفحه اتبع الخطوات التالية



بعدها



طبعا تختار طلب موعد

وراح تفتح معاك الصفحه التالية



فرضا اخترنا شخص واحد مسافر

نكمل التالي



لاحضتو فتح الخط
زين 9
وطنيه 6
فيفا 5

في السابق كانت الارقام مكونه
من سبع ارقام
واضافو شركة الاتصالات ارقام في البداية
هذا المقصود بالارقام

بعد الانتهاء

تفتح معانا الصفحه التاليه




ثم





بعدها الف مبروك

اخذت موعد

ماعليك الا طباعه الموعد وسلامتكم


ملاحضه : لاتنسون تاخذون معاكم الطلبات الاعتياديه


ان أصبت فهو من عند الله , و ان أخطأت فهو من عندي و الشيطان ...

ارد اكرر اعتذر عن تأخري الايام الي فاتت لانشغالي بظروف

دعواتكم لي

اخوكم ببسي كولا








_________________________________________

مكان مكتب الفيزا الانجليزيه مقابل البنك المركزي الكويتي ..

اسعار الفيزا

6 شهور 33 دينار

سنتين .. 110 دنانير

ويوجد 5 سنوات و10 سنوات فوق المئتين دينار ..


ملاحظه مهمه 1 : يوجد لدى نفس المكان تذاكر الاشتراك بالقطارات والاندرقراوند .. وكذالك تذاكر مدام تسو ( متحف الشمع) .. ولندن أي .. وغيرهم باسعار تنافسيه ...

ملاحظه مهمه 2 : لمن لا يجيد تعبئة الابلكيشن باللغه الانجليزيه يوجد بجانب مكتب
الفيزا ... مكتب أيزي فيزا هو يعبي لك الابلكيشن مقابل كل ابلكيشن 5 دنانير





__________________________________________________ ________
وهذي شروط المملكة العربية السعودية


صورتين شخصيه حديثه ملونه خلفيه ابيض 2- حجز طياران 3- كشف حساب اخر 3 شهور مختوم من البنك 4- تعريف من جهة العمل بالنجليزي 5- نموذج الاستمارة من السفارة ( بس طؤيل انصح في مكتب عند السفارة هم يكتبونه 100 ريال)

تروح انت السفارة بعد تجهيز الطلبات وتقديمه بنفسك عشان البصمه ضروري وسعر الفيزا مدة 6 شهور 405 ريال



وهذا الجدول يبين في الأسعار




ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ
وهذي شروط مملكة البحرين






*اخذ الفورمه من السفاره او طباعتها عن طريق الانترنت .. وإملائها وثم اخذ موعد من السفاره لتسليمها ..


*المطلوب : كشف 6 شهور لحساب المسافر من البنك او لولي امره مع وجود ختم البنك ..


*شهادة راتب اذا كان المسافر موظف ..


*صورتين شخصيتين 4*6 بخلفيه بيضاء والرجل مكشوف الراس ..


*الجواز الاصلي ..


وهناك ياخذون بصمة الصبع والعين ..


* و99% على قولة عمتي يبون تأمين طبي للمسافر .. وراح ااكد عليكم ان شاءالله ..


ومن 3 ايام الى اسبوع تكون جاهزه لانهم يدزونها لبوظبي وهناك يسونها ..





عنوان السفاره ..


21 شارع الحكومه - المنامه 306 - صندوق بريد 114 - مملكة البحرين





ارقام الاتصال


0097317574100


0097317574167



ــــــــــــــــــــــــــــــــــــــــــــــــــ ـــــــــــــــــــــــــــــ

وهذي شروط دولة قطر

في البدايه هذا موقعهم على النت

http://www.vfsglobal.co.uk/qatar/

وهذي ارقامهم

44622159

44626291

وموقعهم في بناية الشريف الدور الخامس مقابل اشارات شركة تويويا قبل تقاطع المطار .

والمطلوب كالتالي :

*الجواز
*تعبئة الفورمه
*صوره 6 * 4 بخلفيه بيضا وبدون غتره
*مبلغ رسوم الفيزا وتختلف على حسب المده

واسعارهم للفيزا السياحيه كالتالي :

6 شهور بــ 420 ريال
وسنتين بـ 1470 ريال
و 5 سنين بــ 2700 ريال
و 10 سنين بــ 3900 ريال


وهذي وصله فيها انواع الفيز كلها

http://www.vfsglobal.co.uk/qatar/kno...visa_type.html


اما بالنسبه للخدم فالمطلوب كالتالي :

* جواز الخدامه
* صوره للخدامه بخلفيه بيضا
* رسوم الخدامه 1478 ريال قطري لــ 6 شهور
* عقد العمل ( وهذا اتسوونه في مكتب ادارة العمل الفلبيني اذا كانت فلبينيه ومكانهم عند مستشفى الولاده )
* تعبئة فورمه خاصه تختلف عن فورمة القطريين
* تعبئة فورمه ثانيه فيها تفاصيل عن معاش الخدامه وغيره
* صوره من حجز الطياره
* صوره من حجز الفندق للكفيل
* صوره من جواز الكفيل
* صوره من ايصال الراتب للخدامه واذا كانت تاخذ معاشها باليد مطلوب كشف حساب من الكفيل .

وبس ^_^

ــــــــــــــــــــــــــــــــــــــــــــــــــ ـــــــــــــــــــــــ

وهذي شروط سلطنة عمان

نحن طلعنا التأشيرة من ( مركز التأشيرات )
ويقع بالتحديد في ( سلطنة عمان - مسقط - العذيبة - مقابل المدرسة الهنديه )
طلبو صورتين شخصيه و كشف حساب ونسخه من حجز الفندق و التامين الصحي
ودفعنا تقريبا 66.913 باوند
بس اذا احد يبي يروح السفارة البريطانية في سلطنة عمان
الموقع : منطقة السفارات ، شارع جامعة الدول العربية ، شاطىء القرم




صورتين شخصيه ويكون الوجه كامل ظاهر يعني ممنوع انزال الشعر على الجانب او لبس النقاب
وممنوع عمل الحناء عشان البصمه
وعلى جميع المسافرين الحضور للبصمة والتصوير
ولازم يرفقو الجواز الاصلي
وتقريبا التسليم يكون من اسبوع الى اسبوعين




مركز طلبات التأشيرات البريطانية لسلطنة عمان

خريطة الموقع


الفيلا رقم 32، الشارع رقم: 4034

شارع الضيافة،

مقابل المدرسة الهندية

الغبرة الشمالية

مسقط، سلطنة عمان


أيام العمل الرسمية: من السبت إلى الاربعاء


تقديم الطلبات: يفتح المركز أبوابه لاستلام الطلبات من الساعة 08:00 صباحاً ولغاية الساعة 04:00 بعد الظهر، مع الأخذ بعين الاعتبار أنه لا يحق لكم تقديم الطلبات ما بين الساعة 03:00 بعد الظهر و04:00 بعد الظهر إلا بموجب موعد مسبق، لذا يرجى الاتصال بنا أو إرسال خطاب عن طريق البريد الإلكتروني من أجل حجز موعد مسبق.


استلام جوازات السفر: بإمكانكم استلام جوازات السفر في يوم العمل الذي يلي تقديم الطلب وذلك ما بين الساعة 02:30 بعد الظهر و04:00 بعد الظهر أو في أي يوم وتوقيت بعد ذلك. لتجنب العناء والانتظار، بإمكانكم الاستفادة من خدمة توصيل جوازات السفر من خلال الناقل البريدي.


للمساعدة، الرجاء الاتصال على هاتف رقم: 24497078 968+ وذلك من السبت إلى الاربعاء ما بين الساعة الساعة 08:00 صباحاً والساعة 04:00 بعد الظهر.


البريد الإلكتروني: [email protected]























ــــــــــــــــــــــــــــــــــــــــــــــــــ ــــــــــــــــــــ
وهذي شروط الامارات العربية المتحدة
منطقة أبوظبي



الاوراق المطلوبة لاستخراج الفيزة البريطانية - الامارات

العنوان في ابوظبي - شارع الخالدية
العنوان في دبي - بناية عود ميثا عند مجمع وافي

المطلــــــــــــوب

صورة شخصية خلفيتها بيضاء+ جواز السفر+ تعبئة الطلب ( ممكن تحصل عليه من موقع شركة vfs global اللي هو
http://www.vfs-uk-ae.com/arabic/

ويوجد فيه الاسعار مع الحضور شخصيا للتبصيم واذا عندك مريض لايقدر ان يحضر للبصمة يجب تقرير من المستشفى وفيزة المريض فقط 6 شهور وممكن تاخذ فيزة الخادمه بشرط ان تكون الخادمة على فيزتك اكثر من سنة
وفيزة الشغالة اغلى لانها تعتبر فيزة عمل . تاخذ الفيزة من يومان الى 3 ويتم توصيلها لك عن طريق الامبوست
كما توجد خدمة VIP وهيه عبارة عن تعبئة الطلب لك والتبصيم في غرفة مستقلة بدون زحمه فقط 150 درهم
وبعد عندهم تذاكر ل لندن اي والبج باص وغيره لو تحب تشتري



____________________________________

وهذي شروط الامارات العربية المتحدة
منطقة دبـــي



اليوم سرنا أنا وبنت خالتي علشان نستخرج الفيزا ، ووايد تعبنا ونحن نلف في نفس المنطقه ومب عارفين وين المكان بالضبط


ولما وقفنا تكسي نسأله دلانا على مكان القنصليه


ومكان استخراج الفيزا منفصل عن القنصليه البريطانيه


وما أدري متى فصلوه ، المهم الكل يخبرنا انه المكتب موجود في عماره اسمها مركز أتريم وهي مقابله نادي النصر


ونحن ندور ونبحث يمكن ساعتين ومانشوف العماره


وعقب اتصلت في بوعيسى وفي وحده من الاهل ، تذكرنا من فتره قريبه مسويه الفيزا


ودلونا بالضبط وين المكان


ولما وصلنا جنب المكان ماعرفنا أي عماره


فشفت واحد بيعبر الشارع ، وقفته وسألته ؟


فقاللي : هاي العماره اللي جدامكم


العماره موجود عليها الاسم بس مب من فوق ، انما ع المدخل اللي موجود في السكه ، يعني أبدا ماينعرف


علشان جذي فكرت انزل تقريري هذا علشان أراويكم بالضبط وين العماره ووين تسيرون علشان ماتتعبون مثلنا ..










دخلنا العماره وصعدنا للطابق الثاني ونحن في الممر في اتجاه المكتب شفنا ريال ، فسألناه :


وين المكتب اللي نستخرج منه الفيزا حق لندن ؟


قال : سويتوا الطلبات


قلناله : لأ


قال : انزلوا تحت في مكتب تحت العماره هو بيعبيلكم الطلبات ..


قلناله ونحن نافخين ريشنا :


لأ نحن بناخذ خدمة VIP


قال ماشي هاي الخدمه لازم انتوا تييبون الطلبات بروحكم


قلناله : ممشكله نحن اول بندخل بنسأل عن شي


دخلنا وفي الاستقبال واحد مصري ، سألناها :


نبا نسوي فيزا لبريطانيا


قال : عبوا الطلبات وهاتوهم


نفس النفخه اللي فينا ، قلناله :


نحن نبا VIP


قال اوكي بس اول عبوا الطلبات


والخدمه هاي بتحصلونها بس علشان ما اخذتوا موعد لتقديم الطلبات ، وبتدفعون مبلغ وقدره 275 درهم علشان تقدرون تقدمون


الطلب اليوم بدون موعد


رجعنا وسألناه ونحن نافخين ريشنا :


طيب اللي عنده جواز خاص او دبلوماسي هل مطلوب منهم فيزا ؟



قال في الوقت الحالي نعم ، ولكن الحين في الاجراءات انه يعفونهم من الفيزا ..



طيب سؤال ثاني :


هل اللي عندهم جواز خاص او دبلوماسي معفيين من الرسوم


قال :


اللي عنده جواز دبلوماسي بس



نزلنا تحت ونحن نجر أذيالنا


ودخلنا المكتب اللي موجود تحت العماره قبل مدخل العماره ، وقلنالهم نبا نعبي طلب للفيزا حق بريطانيا


دفعنا 85 درهم ويلسنا ويا طارق وهو من الجنسيه الهنديه ويلس يعبي لنا البيانات بعد ماخذا جوازاتنا ، وسألني كم سؤال


شو اسم امج ؟


هل متزوجه ؟
الظاهر ماكان واضح في الجواز ، ولا في الطبيعه


وين بتسكنون في لندن ؟


ومتى سفكركم ؟


وهل عندج صوره شخصيه ؟


الحمدالله أنا مآخذه ورقة حجزنا من بوكينج اللي حجزناه


ومآخذه كوبي من حجز الطيران


ومآخذه صور شخصيه وهم احتاجوا صوره وحده بس


وسألني كم تبين مدة الفيزا ؟


فطلبت لي سنتين ( احتياطي )


وباقي البيانات هو كتبها وعقب بس طلب منا التوقيع ع الاوراق ، وكل الموضوع ماخذه 5 دقايق


مهم جدا

يكون عندكم حجز التذاكر ، لأنه بيسألونكم عن تاريخ السفر

ويكون عندكم حجز السكن ، لأنه بيسألونكم عن عنوانكم في لندن

وصوره شخصيه وحده خلفيتها بيضاء











رجعنا وطلعنا فوق وسرنا عند المصري ، فعلى طول ارسلنا عند واحد من اللي يالسين على المكتب واعطيناه الاوراق


وعقب طلب منا الرسوم


بنت خالتي لأنها خذت مال 6 شهور فطلع عليها


420 + رسوم الخدمه الممتازه 275 = 695


أما أنا فعلشان المدة سنتين فطلع عليه


ب 1470 + 275 = 1745 درهم




مهم جدا ...


لازم يكون عندكم المبلغ كاش ، مايقبلون بطاقات الفيزا




عقب مادفعنا واستلمنا الوصل طرشنا لغرفه رقم 13 وعملنا البصمه وسألتنا كم سؤال



آآآخ يالقهر ، اليوم حسينا عمارنا كأنه شغالات


ياخذون البصمه ويصورونا ، ده نحن تهزأنا


الحين هم ايون عندنا لافيزا ولا غيره ومعززين عندنا ونحن نتبهدل جذي


لكن مانقول غير لاحول ولاقوه الا بالله





أترككم مع الصور








لماتوصلون عند نادي النصر ، بتشوفون مقابلنه هذا المبنى اللي في مكتب لطلب الفيزا


وبتشوفون كم عماره عدالها














وحده من هاي العمارات المميزه بعنوانها ...






















وعقب أي هذا المبنى























وعقب العماره اللي فيها مكتب التأشيره ( المطلوبه )























تشوفون السكه اللي جنب العماره ، من هنيه تدخلون والمدخل ع جنب











اسم المبنى في المدخل ، ماكان واضح من برع ونحن ندور




















وبين نادي النصر وهاي العمارات في باركنات للسيارات

































هذا المكتب اللي تحت العماره وهم اللي ويعبون ويطبعون الطلبات
































لماطلعنا في الدور الثاني ، قابلنا مكتبهم











داخل مكتبهم وين كراسي الانتظار ، شفت لوحات معلقين عليها هاي التعليمات ...









































































مواعيدهم...










على فكره هذا المكتب منه تقدمون على فيزت لندن واستراليا ...




اتمنى اني افاديتكم من تجربتي اللي مريت فيها اليوم ، وان شاءالله ماتتعبون مثل ماتعبنا ...

مواضيع عشوائيه ممكن تكون تعجبك اخترناها لك: