و اخيرااا رحلتي الصيفية 2010
و كانت وجهتنا الاولى اسنطنبول
كانت الرحلة على متن طيران الخليج من 11-7 الى 18-7
و خذت منا الرحلة 4 ساعات و 15 دقيقة
وطبعا توجهنا للمطار قبل موعد الرحلة وصعدنا الطائرة
وطبعا مو لازم اقول شلون كانت ههههههههههههههه يعني نوعا ما كانت صدمه بالنسبة لي طيران الخليج للاسف نفس الطيرات ما تغيروا و بالنسبه لسعر التذكره كانت لا تقل عن اي خطوط ثانيه على درجة رجال الاعمال بس للاسف تفتقر الى النوعيه لاسف ماصورت الكراسي لان دخلنا الطياره متاخرين شوي بس كل اللي اقدر اقوله انها اقل من عاااديه !! ولا فيها ولا نوع من التكنولوجيا نفسها اللي كنا انسافر عليها ايام ما كنت فالمدرسه قبل عشر سنوات
وهذي الوجبات اولا المقبلات
وثانيا الوجبة الرئيسية
السكن كنا مخططين في فندق مرمره بس كان مافيه حجز و اقترح لنا الفندق فندق
Elite World Istanbul Hotel
وهو خمس نجوم وفي منطقة تقسيم و بعد ما وصلنا اخذنا 2 تاكسي و الى الفندق لان العدد كان 4 كبار و حمني حبيبي بالاضافه الى الشنط اللي لاحد يشوفهم احسن له
وصلنا التاكسي الى منطقة تقسيم وطبعا كان يبي ينزلنا هني و عصب بو حمني عليه اذا حنا مشينا مب بيشيل الشناط !! المهم دخل الى الفندق
و وصلنا الى هذي الفندق
وطبعا هو اليت ايه بس اليت برستيج 4 نجوم وماهو نفس الفندق المطلوب !! و قالو لنا طلعو روحو الفندق الثاني الحمدلله انه كان قريب و يبين من الصوره اللي لخ مظلات خضرا و هو من قريب
والحمدلله ان اللي فالفندق الاول جروا لنا الشناط الى فندقنا ,, عالاقل ارحم من راعي التاكسي اللي رمى الشناط و مشى و خلانا !!
نرجع لمحوووور حديثنا و نشوف فندقنا و غرفتنا
,,,,
هذي اللوبي
اما الآآآآآن على صدمة الغرف
هذي مدخل الغرفه يعني يا تحط الشنطه ولا تطوف انت
وصورتها من جميع النواحي عشان اكون حقانيه
اما الحمام اعزكم الله
تراني واقفه عند الباب لان لو دخلت ماقدر اصور ما قد شفت حمام بهالحجم على قولة بو حماني لو الواحد يبي ينصاب بكدمات هههههههههههههههههههه يتنشف بعد الشاور فالحمام
وللتقرير بقية ,,,,,مواضيع عشوائيه ممكن تكون تعجبك اخترناها لك:
- استفسار عن كريم و اوبر بتركيا
- ياخبراء تركيا
- رأيكم في الفنادق
- قبل إغلاق كاونتر الرحلة هذه نصائح مهمة جدا قبل الصعود إلى الطائرة
- المساعدة باعداد برنامج لشهر العسل
- استفسار عن اسطنبول
- استفسار عن مدينة الألعاب فيا لاند في الأسبوع المقبل
- بعد شهر ونص وش نلبس ف اسطنبول ؟؟
- اريد مساعدتكم ضروري
- ليه اختلاف اسعار الطيران خلال اسبوع
- استفسار من أهل الخبره
- عن تربزون
- مساعدة لجدول خمس ليال بتركيا
- ابانت ؟
- ابي نصيحتكم من ناحية مناطق السكن والفنادق بالتحديد
- عايزة حد يسااااااعدنى بخصوص اسطنبول
- بعض الاسئلة عن اسطنبول
- تركيا في المرتبة العاشرة عالمياً بمجال السياحة الطبية
- طريقة استاجر سيارة
- سؤال عن الزمزم في الشحن
المفضلات