السلام عليكم ورحمة الله وبركاته
اخواني وخواتي ابقي فزعتكم وآرائكم انا جدا محتاره
باْذن الله ناوين هالصيف نروح امريكا من تاريخ 20يوليو الى 20 اغسطس
انا زرت فلوريدا قبل 9؟سنوات وايد حبيته وتمنيت ارجع له لان بس أسبوع قعدت فيه وبعدها ما قدرت ايي خلال هالسنوات فكانت سياحتنا بين لندن واوربا وبصراحة شبعت منهم كلهم يتشابهون وقلت السنه وبعد تفكير نروح امريكا احنا عائله انا وزوجي وبنتي 17 وولدي 15 وبنتي 13 وبنتي 9 سنوات أعمارهم فعشان جذي حسّيت ان راح يستمتعون بفلوريدا لكن كل ما سالت قالوا لي موت حر ما بتقدرون وانا بصراحه متردده هل فعلا حر مثل حرنا يعني 50 توصل الحرارة اليا ما في نسم او حر عادي الواحد يتحمله وانا اذكر ان كان عادي يوم رحنا شهر 8 لكن اخواني وخواتي هل تنصحوني التوكل على الله وارتب حجزي وعن جد خاطرنا نروح بس اذا كان الحر الموت اليا يذبح بنغيير راينا فشرايكم وترتيب رحلتي بيكون 4 ايام نيويورك ومنه الى ميامي بالطيارة ومن ميامي خاطرنا نروح كروز لجزر البهامز أسبوع وآخر شي نقعد في اورلاندا للألعاب والتسوق لمدة 20 يوم تقريبا هل مخططي حلو وأتمنى ان تنصحوني لان وايد محتاره وترى اذا غيرنا راينا اذا الجو لا يُطاق أفكر بس في بريطانيا اشرح من أوربا لان شبعنا منه وإذا نصحتوني بامريكا أتمنى يكون مخططي حلو وابي نصايحكم للسكن والكروز وجزاكم الله خير وسامحوني على الاطاله بس والله محتاره جدا انتظر ردودكم
اختكم ام عيسىمواضيع عشوائيه ممكن تكون تعجبك اخترناها لك:
- وصلت الجوازات
- سؤال محيرني الأكل حلال ام حرام في امريكا
- شقق في روشسترمينيسوتا
- بخصوص كشف حساب
- واشنطن
- احد قدم على الفيزا من قطر ؟
- ارجو المساعدة
- مطاعم عربية بواشنطن
- تجربتي للفيزا للفايده
- استفسار عن الجو
- افضل وسيلة نقل من مطار الى الفندق في التايم سكوير
- احتاج سواق سياره ، وكيف الاجواء في شهر سبتمبر
- الى من يهمــــــــــه الامــــر ارجو الدخــــــــول
- ابغي جدول شهر العسل في امريكا
- بين نيويورك وفلوريدا إستفسار
- الى رذاذ الشلال
- افضل محلات الماركات في اولاندو
- أمريكا تسحب أجهزة تعرّي المسافرين في مطاراتها
- وسائل النقل من سانتا مونيكا الى لاس فيقاس
- اخدت ميعاد
المفضلات