السلام عليكم اخواني الكرام كل عام وانت بخير .. انا سعودي و صارت لي قضيه بالبحرين قبل سنه وست شهور انمسكت انا وثلاثه معي بجسر البحرين واحنا داخلين كنا داخلين مع كداد وواحد من الثلاثه كان معه حشيش وحطه داخل مرتبة الكداد وصادوها الكلاب حقين الجمرك .. قالوا هذي لمين صاحب البلى عيا يعترف يقول مو لي صاحب السياره الكداد شايب قام يبكي يقول انا اترزق الله عشان عيالي ليش تتبلوني وصاحب البلى عسكري قام يتنافض بغى يموت جيت انا من الغباء وشلت القضيه الزبده يا اخوان انسجنت 8 ايام ودفعت كفاله 5 الاف وعطوني وصل مراجعه القضية والله يا اخوان تحملت مالا يحمد عقباه تشوهت سمعتي وفصلي من دوامي والحمد لله ع كل حال .. زبدة الموضوع الان قدمت ع العسكريه وانقبلت وكل شي ولما رحت الادله ابي ابصم قالوا لي راجع القسم الفلاني عليك ايقاف خدمات من شهرين اللي ابي اعرفه هل اذا ماراجعت القضيه حقت البحرين وصار لها قرابه سنتين تتحول لقسم الشرطه اللي بحارتي ..؟ لاني اذكر اني كتبت عنواني بالمحضر ولو راجعتهم وش العقوبه اللي بواجهها هل فيها سجن لاقدر الله لاني سمعت ان هالشيء فيه تشويه للدوله بالخارج وخفت ياليت تفيدوني وابي علم اكيد الله يحرم وجيهكم عن النار وش راح يصير علما بانها اول مره وماعلي سوابق سجلي نظييييف وعلما بان الادله خلصو اجراءاتي وختموا اوراقي.مواضيع عشوائيه ممكن تكون تعجبك اخترناها لك:
- أين أجد اللؤلؤ ؟
- صور للمجمع التجاري في مرفأ البحرين المالي
- استفسار بسيط
- عيدي يابلادي
- مسجد الخميس
- ارجو مساعدتي من و الى ؟؟ اول مره ؟؟
- خدمة عاجلة لو سمحتوا
- معرض البحرين الدولي للقوارب واليخوت
- استفسار الذهاب مع سايق للبحرين
- فيلم افاتار
- عندي بعض الاستفسارات القانونية لأهل الخبرة
- اسفتسار
- البحرينيون إلى الامارات وقطر وعمان بالبطاقة الذكية
- مليون دولار لتوسعة مطار البحرين
- متى ساعات الدوام لمحمية العرين
- ضيف عليكم يالبحرين
- أكثر من ألف مسافر بين السعودية وعُمان بالبطاقة الشخصية
- استفسار بسيط
- هل ما زال يعرض
- ليالي من شهر العسل في البحرين ومحتار بين فنادق
المفضلات