السلام عليكم
مثل مااستفدت كثير من هالمنتدى الرائع حبيت اشارككم بتجربتي البسيطه تاكسي من / إلى مطار هيثرو ..
اسم الشركة : london airport transport
www.londonairporttransport.co.uk
طريقة الحجز : موقعهم : http://www.londonairporttransport.co...transport.aspx
مميزاتهم :
1- الحجز عن طريق النت والدفع تختار بطاقه مسبق أو كاش عند الوصول " لازم بالباوند" .. وهذي النقطة حلوة سهل تكنسل اذا غيرت رايك .. مافيها رجع لاترجع وهذا اللي شجعني اجربها لاني دورت تجارب معهم مالقيت احد فدام الدفع عقب نجرب ماراح نخسر شي
2- مواعيدهم دقيقه جدا ...
3- اول ماتخلص تختيم بالمطار وتستلم عفشك تلقى السواق ينتظرك شايل لوحه فيها اسمك
4- اسعارهم معقوله ومناسبه جدا ..
تجربتي معهم :
حجزنا معاهم من المطار للفندق فقط .. لأني كنت بجربهم فقلت نصبر لما نشوف وش هم من لحية
طبعا .. من : اخترت هيثرو "وتحدد اي تيرمنال" .. وإلى : تحدد عنوان وبوست كود الفندق وعلى هالاساس يتحدد السعر مع ان احسه مايفرق كثير من منطقه لثانيه ..
تحدد موعد وصولك تاريخ ووقت ورقم الرحله .... الخ
تحدد عدد الاشخاص وعدد الشنط ونوع السياره واذا معك اطفال وكم العمر عشان البيبي تشير .. حنا طلبنا اول خيار اللي هو سالون كار شخصين وطفل (بيبي تشير) وجانا فان .. السواق كان بكستاني مسلم ..
لما تحجز يرسلك ايميل فيها البيانات اللي عبيتها وانو انتظر التأكيد .. بعدها يرسلون لك التأكيد + رقم الحجز
ارسلوا لنا اسم السواق ورقمه قبل الرحله بكذا يوم اتوقع نسيت صراحه متى بالضبط بش اهم شي ارسلوا
طبعا كل هذا كلفنا 31 باوند فقط
السواق كان ينتظرنا ماحصل اي تأخير الحمدلله
لما نجحت التجربه بفضل الله حجزنا معاهم بنفس الطريقة للرجعه من الفندق للمطار
اخترنا وقت معين يجي يأخذنا وبالدقيقه كان عند باب الفندق
مواضيع عشوائيه ممكن تكون تعجبك اخترناها لك:
- عاجل يا الغالين لسفري القريب
- وين الاقي سكن في لندن
- استفسار ضروري
- محتاج جدول شهر عسل للندن وماجاورها من دول اوروبا (14 يوم)
- ابحث عن سكن رخيص
- كم تبعد منطقة عن مطار أرجوا المساعدة
- أبوعبدالله وباقي الخبرا طالبتكم الله يرضى عليكم
- الفيزا البريطانيه
- تكفون ياخبراء لندن استفسار عن اوتيل وموقعه ؟؟
- استفسار
- مانشستر ادنبرة يورك
- قطار و تاكسي لندن
- حديقـــ ـــة بـــ ـــ
- لندن بديسمبر لمدة اسبوع
- صور لليلية من سماء لندن الحبيبة ليمن اميلي شخصي
- استفســــــــــــــــار عن سعر الصرف
- ايام في لندن
- السفر الاحد ليلا ٤ ديسمبر القطرية
- استفسارات مهمه قبل سفري الى محبوتبي
- ايش الفرق بين بطاقة اويستر وبين بطاقه 7day travelcard
المفضلات