بصراحه السفره حلوه مع الاهل لكن اللي ازعجني بهونج كونج انها ديره غاليه ولاتستحق الزياره عندهم الماركات وعندهم كل شي لكن غاليه يعني اتوقع لندن ارخص منها يعني بطل الماي الصحه بالبقالات العامه ب 1دينار وربع كويتي الوجبات ماتصلح لنا المسلمين بصراحه مافيه مطاعم كثيره غير كم مطعم هندي وتركي واسعار خياليه رحت لديزني لاند اليوم بصراحه ماتوصل للمستو ى العادي جدا تذكرت الدخول ب 500 للكبار و400 دولار هونج كونك غاليه ومافيها ذيك الالعاب اول ماتدش محلات اسواق وعقب العاب والعبه توقف عليها نص ساعه دور واكثر ومافيه اربع العاب لللكبار والباقي كلها للاطفال حتى الاطفال ابو 12 سنه مارضو يركبون العاب لانه نفس بمستوى العابنا بالكويت وهذي دزني لاند بصراحه شي مستغرب منه الناس تمدح فيها وهي ماتستحق عموما اللي بيسافر دزني لايجي هونج كونك واللي يبي يتسوق يروح الصين ابرك وافضل اسعار وبالمناسبه الفنادق عندهم نار يعني فندق باربع نجوم مع الفطور ب 200 دينار ست ايام ولي نزلنا نتريق يناشبنا على الريوق ليش تاخذون بيض واجد هههههه ليش تاكلون خبز واجد قسم بالله شي يلوع الجبد المواصلات ارخص شي المتروو مع انه سعره مافيه توفير لكن اللي معاه عايله صعب انه يركب تكسي اكثر عدد يركب التكسي 5 فوق هل عدد لازم تاخذ تكسي ثاني او انك تستخدم اوبر احسن بس انه غالي حيل الرحله كانت مغلب 😂😂😂 شوفوو عرض دزني لاندمواضيع عشوائيه ممكن تكون تعجبك اخترناها لك:
- قصتي المريره للعظه والعبره
- هل صورتك الرمزيه ترضي ربك ام انها تغضبه
- فوائد الايس كريم
- ماهي علاقة حركة المفاصل بنطق بعض الحروف ؟
- مطلوب فيلا في بونشاك وفله في باندونغ
- المسواك في الاسواق الاجنبيه
- لقاء الاحباء تركيا اندونيسيا
- اهم قرار شاركني برأيك
- بطاقات توجيهية عن الحج بدقة عالية
- ومن لامني في حب سلطان غلطان
- هنيئاً لنا لغة القرآناللغة العربية تفوز بالمركز الأول
- اقبل الصيف واقبل العطش فاسقى الطيور واكسب الأجر صور
- صور مع التعليق كيوت
- عشرة شروط إن كان تبغاني أجيك
- تعارف اعضاء المسافرون
- اسهل تعريف للرجوله
- بين الخيال والواقع
- معنى حسبنا الله ونعم الوكيل ومتى تقال
- الترغيب في صوم عاشوراء
- صور طفلة فرنسية ولدت في ناميبيا وعاشت في الأدغال
المفضلات