+ الرد على الموضوع
النتائج 1 إلى 2 من 2

الموضوع: كم احتاج شهريا لتوفير حياة مناسبة لاسرتي عندما اقرر الانتقال الى قطر

  1. #1

    كم احتاج شهريا لتوفير حياة مناسبة لاسرتي عندما اقرر الانتقال الى قطر


    السلام عليكم
    انا مصري لدي مصدر دخل جيد من مصدر خارجي و اريد الاستقرار في قطر لكني لا انوي العمل بها اعتمادا على مصدر ربحي لكن لدي بعض الاستفارات
    • كم اسعار الالتحاق بالمدارس الدولية في قطر
    • هل استطيع الحصول على اقامة في قطر دون عمل التحق به
    • كم متوسط سعر ايجار السكن لاسره 5 افراد
    • كم متوسط اسعار التأمينات العلاجية


    ملخص استفساري : كم احتاج شهريا لتوفير حياة مناسبة لاسرتي عندما اقرر الانتقال الى قطر و هل استطيع الحصول على تأشيرة اقامة في قطر دون عمل

    شكرا لكم

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    مراقب اداري
    تاريخ التسجيل
    Jul 2016
    المشاركات
    927

    رد: كم احتاج شهريا لتوفير حياة مناسبة لاسرتي عندما اقرر الانتقال الى قطر

    السلام عليكم
    يمكنك الاطلاع على هذه الروابط
    دائمآ مانسمع المعيشه في قطر غاليه نبغى جواب منكم
    https://www.otlaat.com/arabtravelersforum/forum54/
    ارجو ان تفيدك هذه المعلومات
    الشؤون المعيشية
    يرى أغلب القادمين إلى قطر بأن وقع الحياة البطيء في الدولة من شأنه رفع جودة الحياة بشكل ملحوظ
    حيث يشعرون بأن لديهم متسع من الوقت لكي يقضونه مع أفراد عائلاتهم ويستكشفوا فرص جديدة لم تكن لتتاح لهم لو كانت الحياة أسرع وقعاً.
    ما زال أسلوب الحياة القطري التقليدي حاضراً بوضوح في متاحف الدوحة، والأسواق التقليدية، والحدائق العامة والصحاري، غير أن المدينة تشربت الكثير من نمط الحياة السائد في بقية أنحاء العالم على صعيد تنوّع خيارات المأكولات والمشروبات والرياضة والترفيه وغيرها.
    وإن كنت جديداً في قطر، خذ وقتك في التعرّف على التقاليد والتاريخ المحليين عن كثب
    كنت عايز اعرف لو حبيت اروح قطر اشتغل و استقر هناك
    هل في معامله للوافدين و اخري لأبناء البلد و لو تمكنت من الحصول علي الجنسيه القطريه بالزواج هيتغير وضعي هناك ولا لأ
    انا اخصائي طب و جراحه الفم و الاسنان و بحضر ماجستير في فرع من الفروع الناشئه حديثا في العالم و لسه ملهاش انتشار علي اي مستوي
    و بفكر اعمل زماله الجمعيه الملكيه للجراحين البريطانيه بس لسه كمان شويه بس ممكن ادرسها من بره مش مشكله
    و بالمره لو حد يعرف متوسط الرواتب و تكاليف الحياه هناك
    و شكرا
    المعاملة للوافدين معقولة بالمقارنة بدولة ( - - ) حيث قطر شعب محترم جدا وبيقدر الخبرات وخصوصا الطبية والتدريسية انا عشت هناك فترة وكنت مدرس فى مدرسة خاصة بس العيب الرهيب اللى نزلنى من هناك ارتفاع تكليف المعيشة بشكل جنووووووووووووووووووووووو وووووونى وخصوصا الايجارت الا اذا كنت فى مكان بيوفرلك السكن يبقى كده عديت لان المرتبات مجزية واكبر من اى دولة خليجية
    وبالنسبة للمعاملة للوافدين والمواطنين طبيعى فى فرق كبير يعنى مهما طلعت ولا نزلت اسمك وافد بس الوافدين درجات يعنى اللبنانى والفلسطينى والايرانى على العين والراس بعدهم باقىالعرب زى مصر والسودان وسوريا والاردن طبعا ناهيك عن الاجانب المدلعين بشكل ينرفز ويستفزك بس طالما فى حالك ما حدش هايجى ناحيتك ولا يضايقك
    الا اذا سورى فى للفظ اتجنيت فى عقلك وقلت اتجوز قطرية ههههههههههههههههه دى تضيع فيها رقاب نصيحة ارجع عن الفكرة فورررررررررررا القطرية قديسة مرفهة فى برج عالى كل قبيلة قافلة على نفسها وممنوع الاختلاط الا فى اضيق الحدود حتى بين القطرين لكن مصرى ؟؟؟؟؟؟؟؟؟؟؟؟؟ لالالالالالالالا استحالة الا اذا كان فى الموضوع حاجى مستخبية ؟ واللهم اعلم
    قطر بلد جميله جدا ومريحه فى عيشتها وقمه الهدوء انا هاتكلم عنها من واقع معرفتى بيها لان اخويا عايش هناك بقاله سنه ولانى عندى حب تطلع ومعرفه عن الدول الاخرى ...هى على بعضها اد كده صغيره جدا يادوب الدوحه العاصمه متركز فيها كل شىء والمطار والميناء وكل الشركات والبنوك وشويه مدن صغيره صناعيه زى الخور اللى فيها منابع الغاز الطبيعى والوكره ودى منطقه صناعيه
    بعيدا عن الازمه الماليه العالميه قطر فيها نمو عالى جدا بدات تنتشر فى الدوحه ناطحات السحاب والابراج الشاهقه الارتفاع وماشيه فى نفس سكه دبى
    مستوى المعيشه اللى بقى مرتفع جدا جدا جدا وده اللى بيخلى مش اى حد يقدر يعيش هناك الايجارات نااااااااار اغلى من الامارات كمان يعنى شقه ستديو غرفه وريسبشن وحماما ومطبخ فى مكان عادى فى اطراف الدوحه يعمل 3000 الى 4000 تخيل بقى شقه غرفتين وصاله فى وسط الدوحه تعمل كام
    والاسعار غاليه يعنى اللى بياخد 10000 ريال ومعاه اسرته والسكن والامواصلات عليه مش هيعرف يحوش حاجه
    المدارس الانترناشونال طبعا غاليه جدا جدا والحكومه معرفش ايه نظامها والجامعات هناك غاليه موووووووووووووووت لدرجه اخويا قاللى عندهم جامعه كليه اداره اعمال اللى فيها التيرم ب8000 $ طبعا ده استعباط الواحد يدرس بيهم فى امريكا نفسها
    اسعار العربيات كاغلب دول الخليج معقوله بالنسبه لنا وخصوصا المستعمل وهما القطريين بيموتوا فى حاجه اسمها لاند كروزر بيعشقوها والبورش طبعا واخواتها هناك كتير
    البنزين تقريبا هناك 90 و97 صفيحه ال97 ب 15 ريال على مافتكر رخيص يعنى اخويا بيفول التيدا صفيحتين 97 ب 30 ريال
    الرخصه القياده اجرائاتها رخمه وتخلص بالواسطه او الفلوس
    العلاقات بين القطريين والمصريين كويسه يعنى هما عاملين زى الامارات وسلطنه عمان ناس محترمين وبيحبوا المصريين على عكس اخوانا البعدا السعوديين والكوايته
    مهن المهندسين والاطباء اكيد المصريين بيبقوا مسيطرين فيها بس مجال الاداره والاقتصاد والقطاع المصرفى والمالى والبنوك والمحللين الماليين طبعا اللبنانيين اساتذه فى المجال ده وهما ناس كويسين ومتحضرين ومعظمهم بيتكلم اكتر من لغه او معاه جنسيه اجنبيه لانهم اكتر اتصال بالمهجر مننا وهما فى قطر زى الخليج كله يقدر اوى اى جنسيه غربيه حتى لو اصوله عربيه يشيلوه فوق دماغهم ويقدروه
    بالنسبه للزواج من قطريه انا سمعت انه اصلا ممنوع لان الزواج من قطريه ممكن تاخد الجنسيه ولو اخدت الجنسيه خلاص يبقى انت وصلت هتزبط احلى تزبيط من شغل بمرتب عالى لاعانات كل شويه لان اصلا البلد مافيهاش سكان يعنى تعداد قطر 900000 نسمه نصهم قطريين تخيلوا يعنى شبرا اد قطر سكانا 5 مرات مثلا
    البلد جايز تكون ممله شويه هو يادوب الكورنيش الرائع بتاعهم وشويه مولات جامده وبس كده متلاقيش حياه صاخبه زى مثلا اللى فى القاهره او بيروت او حتى دبى البلد نايمه على طول وهس هس خالص يعنى فسحتك تروح بالعربيه المول او الكورنيش وتطلع تلف شويه عشان كده عيشتها مش حلوه لواحد عازب وملوش علاقات اجتماعيه كتير
    العمله الريال القطرى ويساوى تقريبا 1.5 جنيه
    ملحوظة : مهما كسبت فلوس فى قطر ابقى قابلنى لو حوشت شئ عليه القيمة
    ملحوظة 2 : لو عندك حساسية انف ولا صدر بلاش تروح لانالجو اشبه بفرن نار حامية فى الشوارع وبتلاجة فى الشقق بسبب التكيف اللى لازم يكون عالى وتخيل بقى من سخن لبارد دى حياتك هناك فى البيت والعربية والمولات ولو فكرت تتمشى شوية على الكورنيش الجميل ده هاتعرق عرق ما شوفتهوش فى حياتك كلها
    ملحوظة 3 : قطر فى الشتا روعة من شهر ديسمبر يناير فبراير والباقى لا يطاق
    بقيت الحاجات زي ما الزملاء قالوا
    البلد كويسة ومريحة جدًا وقمة في الإحترام وتحس إنك إنسان
    لكن غالية بشكل بشع
    لو أنت عايز تحوش 5000 ريال شهرياً مرتبك ما يقلش عن 20000 ألف ريال لو السكن عليك
    وبالنسبة للمجال الطبي في أماكن هنا متقدمة جدا زي مستشفى حمد
    الولادة فى الخليج لا تعطى الحق للمولود فى الحصول على الجنسية.........أو على الأقل فى قطر و الكلام ده أنا واثق منه 100 %

    المرتبات هناك عشان تعرف تعيش تعمل حسابك على الأتى
    1- أيجار من 6 الى 8 فى الشهر لو فى شقة كويسة....و فى أقل بس بتبقى شقة أوضتين وصالة أو أستوديو مثلاً ( و دى حاجة حديثة على سوق العقارات هناك )
    2- أيجار 10 أو أكتر فى الشهر لو فيلا فى كومبوند
    3- مياه و كهرباء أعتقد فى حدود من 500 الى 1000 فى الشهر.
    4- قسط سيارة.........هنقول 1500 الى 2000 عشان تبقى عربية كويسة.
    5- فواتير تليفون محمول + دولى....أنت و ظروفك
    6- الأكل لو أنت لوحدك و بأعتبار أنك هتشترى أكل من برة كل يوم يبقى تعمل حسابك على حوالى 1000 فى الشهر ده غير الفواكه و البيبسى و الجبن و خلافه.

    الحاجات اللى ممكن تصرف فيها هناك بتتمثل بشكل أساسى فى التسوق و السينما....مفيش حاجة تانية تذكر بما أنك لوحدك.
    لو معاك زوجة و طفل تعمل حسابك أن فلوس الأكل هتزيد بس مش قوى عشان هيبقى أكل بيتى ( يعنى فى موسم هناك.....أعتقد اليومين دول بيبقى الجمبرى والأستاكوزا على قفا مين يشيل.....كيلو الجمبرى بيعمل 20 ريال مثلاً...و جمبرى كبير كمان
    و لو فى أولاد يبقى مصاريف المدارس هتشكل جزء لا يستهان به من الراتب.....يعنى بتتكلم فى حدود 16 الى 20 ألف فى السنة لمدرسة الشويفات.
    و برضه هتعمل حسابك على فسح فى الملاهى و خلافه.

    الرعاية الطبية هناك تقريباً ببلاش......بتروح تكشف و بتدفع بس جزء من تمن الدواء.....عشان مش قطرى....لو قطرى مش هتدفع حاجة خالص....الكلام ده فى مستشفيات الحكومة اللى فى نفس مستوى بعض المستشفيات الخاصة هنا و يمكن أحسن.
    الفرق فى المعاملة لا يكاد يكون موجود.....قطر تقريباً كان تعدادها مليون منهم 200 ألف قطريين و الباقى وافدين......و معظم أهلها طيبين و كويسين و مش فيهم النفخة الكدابة اللى ممكن تلاقيها فى دول تانية.
    بالتوفيق

    فنادق عطلات

    التعديل الأخير تم بواسطة Rana2016 ; 11-18-2017 الساعة 09:42 PM

+ الرد على الموضوع

المواضيع المتشابهه

  1. نفسي اروح بالي بس احتاج الرد على بعض الاستفسارات عشان اقرر بالي والا البيت
    بواسطة Robot في المنتدى اندونيسيا المسافرون العرب | تقارير الاماكن سياحيه استفسارات
    مشاركات: 12
    آخر مشاركة: 02-03-2015, 12:46 AM
  2. انوي الانتقال من اسكندنافيا الى مصر احتاج نصائحكم
    بواسطة Robot في المنتدى بوابة السفر إلى مصر Egypt
    مشاركات: 7
    آخر مشاركة: 01-31-2015, 06:15 PM
  3. ساعدوني لتوفير لقمة الخبز
    بواسطة Robot في المنتدى الصين هونج كونج المسافرون العرب دليلك السياحه و التجاره
    مشاركات: 9
    آخر مشاركة: 01-20-2015, 05:10 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X