لما بدي احكي عن موضوع الشحن من أمريكا ومشاكله الكثيرة بقدر حدد الأمور اللي بتضمنلي تسوق سهل ومضمون من أمريكا وهالشي أظن هو مطلب كل حدا بحاجة يشتري شي من أميركا ... ووفق خبرتي نتيجة الفشل المتكرر والمشاكل المتراكمة "لأن الخبرة ما بتجي إلا من الفشل المتكرر" رح بلش بأهم شي بالنسبة إلي وهو:
1- وصول أغراضي بأمان من الكسر والنثر والخدش والهبش والمعس والفعس وإلخ.. من مشاكل الشحن الكتيرة بشركات شحن المشتريات من أمريكا ولهيك بفكر بشركة تعمل إعادة تغليف المشتريات بحيث تضمن وصولها سليمة معافاة.
تاني أهم شي عقلبي هو جيبتي طبعاً ولهيك بقدر قول عن السعر أنو تاني شي رح فكر فيه:
2- السعر: لأني شخص عملي وبدي أتسوق بأفضل سعر فبفضل اتعامل مع شركة لتسهيل مشترياتي وأنا ضامن شو بدي أدفع للشحن بالضبط لأني بكره المفاجآت المادية خصوصاً لما تكون على شكل فواتير غير متوقعة.. وهون بقدر قول أنو خياري الممتاز هو وجود آلة حاسبة تفصيلية عالموقع بتحسب بالضبط شو رح أدفع تكاليف شحن أغراضي وبالتالي بقدر نام قرير العين وما أحلم بكوابيس تتعلق بالمبالغ غير المتوقعة عالفاتورة.
تالت أهم شي بالنسبة إلي وبجوز عم أخرب بيتي أني عم قول هو تالت أهم شي.. ولكن شر لابد منه موضوع الأولويات.. رضى العائلة.. لأني ما راح أقدر اتسوق من أمريكا ويوصل طرد عالبيت دون ما الكل يطلعلو حصة.. لهيك الأفضل اسحب دفعة وحدة فيها أغراض كل العيلة.. وطبعاً لأني حريص ما ينخرب بيتي بتكاليف الشحن رح أتمنى لو تنجمع كل أغراض الوحوش الصغيرة هون بطرد واحد بحجم أقل من حجم العلب الأساسية للأغراض لعل وعسى تطلع صفقة رابحة.
هون بعد ضرب الأخماس بالأسداس طلعت معي شركة ستاكري Stackry اللي عم اتعامل معها حالياً للمرة الرابعة ولاقيت عن طريق موقعن عن طريق زر الشات قدرة عالتواصل الفوري مع خدمة الزبائن بالعربي، و خدمة تجميع الأغراض بطرد واحد لتقليل تكلفة الشحن الجوي كمان اللي بتوفر ما يقارب 70% من تكاليف الشحن التقليدي "فعلاً في هيك نسبة توفير بعد ما قرأت طرق حساب التكلفة"، و في فكرة الخزانة الخاصة بكل مشترك بالحساب عندن وبيقدر يخزن أغراضو فيها لمدة 45 يوم مجاناً ليخلص تبضع "الحساب مجاني عالموقع"... بالتالي بقدر قول أن تجميع المشتريات صار مو عائق أمام عملية الشراء العظيمة اللي عم نخططلها.
طبعاً تجربتي كانت عن طريق صديق، حبيت شاركها ولليوم عم شوف التعامل مريح مع العلم أسعارهم مو الأرخص بس في سرعة كبيرة بالتوصيل وعانيت سابقاً مع موضوع الوقت الطويل جداً بالتوصيل... ما بين يومين ل 5 أيام كانت أغراضي عندي بكل مرة.... بتمنى الفائدة من التجربة للجميع، وبتمنى إبداء الرأي حول تجاربكن مع شركات الشحن، والسلام وآسف للإطالة.مواضيع عشوائيه ممكن تكون تعجبك اخترناها لك:
- شغلوا مخكم باستخراج المثل من الصورة
- الحياة في الدوحة لفتاة عربية
- 【★】 استعدادات أبو الفداء في فصل الشتاء 【★】
- يمي يمي أشهر أماكن لمحبي الشوكولا يمي يمي
- من اكون وأين اكون في عالمك ؟
- ماذا يهدي المحشش زوجته في عيد ميلادها
- هاااااااااااااااااام أرجو الدخول иман
- شركة شحن امريكية تتحدى ترمب و تقوم بتوظيف سوريين
- مسائكم صباحكم سعادة
- الآن تم افتتاح التقديم على صندوق التنمية العقاري عن طريق الموقع بدون ارض على الرابط
- شـجـرة الـعـجـائـب
- علي الطنطاوي متحدثاً عن زوجته
- وصايا من أب حكيم
- احـــداث عـــام الــمصــــورة الجزء الثـــاني
- •ღ ذبــولٍ و وجــع مُجـرد حديثُ نفــس ღ•
- قبل تشتري أي بلاستيك تعلم هذه الرموز
- رساله خاصه لجميع أعضاء وزوار المنتدى
- كيف نمرض و قد رزقنا الله الليمون
- للمدخنين كيف نستخدم السيجاره بدون ان تضرنا صحيا
- ْْْْ ثـقـــــــــــافـة الـــــردود ْْْ
المفضلات