لما بدي احكي عن موضوع الشحن من أمريكا ومشاكله الكثيرة بقدر حدد الأمور اللي بتضمنلي تسوق سهل ومضمون من أمريكا وهالشي أظن هو مطلب كل حدا بحاجة يشتري شي من أميركا ... ووفق خبرتي نتيجة الفشل المتكرر والمشاكل المتراكمة "لأن الخبرة ما بتجي إلا من الفشل المتكرر" رح بلش بأهم شي بالنسبة إلي وهو:
1- وصول أغراضي بأمان من الكسر والنثر والخدش والهبش والمعس والفعس وإلخ.. من مشاكل الشحن الكتيرة بشركات شحن المشتريات من أمريكا ولهيك بفكر بشركة تعمل إعادة تغليف المشتريات بحيث تضمن وصولها سليمة معافاة.
تاني أهم شي عقلبي هو جيبتي طبعاً ولهيك بقدر قول عن السعر أنو تاني شي رح فكر فيه:
2- السعر: لأني شخص عملي وبدي أتسوق بأفضل سعر فبفضل اتعامل مع شركة لتسهيل مشترياتي وأنا ضامن شو بدي أدفع للشحن بالضبط لأني بكره المفاجآت المادية خصوصاً لما تكون على شكل فواتير غير متوقعة.. وهون بقدر قول أنو خياري الممتاز هو وجود آلة حاسبة تفصيلية عالموقع بتحسب بالضبط شو رح أدفع تكاليف شحن أغراضي وبالتالي بقدر نام قرير العين وما أحلم بكوابيس تتعلق بالمبالغ غير المتوقعة عالفاتورة.
تالت أهم شي بالنسبة إلي وبجوز عم أخرب بيتي أني عم قول هو تالت أهم شي.. ولكن شر لابد منه موضوع الأولويات.. رضى العائلة.. لأني ما راح أقدر اتسوق من أمريكا ويوصل طرد عالبيت دون ما الكل يطلعلو حصة.. لهيك الأفضل اسحب دفعة وحدة فيها أغراض كل العيلة.. وطبعاً لأني حريص ما ينخرب بيتي بتكاليف الشحن رح أتمنى لو تنجمع كل أغراض الوحوش الصغيرة هون بطرد واحد بحجم أقل من حجم العلب الأساسية للأغراض لعل وعسى تطلع صفقة رابحة.
هون بعد ضرب الأخماس بالأسداس طلعت معي شركة ستاكري Stackry اللي عم اتعامل معها حالياً للمرة الرابعة ولاقيت عن طريق موقعن عن طريق زر الشات قدرة عالتواصل الفوري مع خدمة الزبائن بالعربي، و خدمة تجميع الأغراض بطرد واحد لتقليل تكلفة الشحن الجوي كمان اللي بتوفر ما يقارب 70% من تكاليف الشحن التقليدي "فعلاً في هيك نسبة توفير بعد ما قرأت طرق حساب التكلفة"، و في فكرة الخزانة الخاصة بكل مشترك بالحساب عندن وبيقدر يخزن أغراضو فيها لمدة 45 يوم مجاناً ليخلص تبضع "الحساب مجاني عالموقع"... بالتالي بقدر قول أن تجميع المشتريات صار مو عائق أمام عملية الشراء العظيمة اللي عم نخططلها.
طبعاً تجربتي كانت عن طريق صديق، حبيت شاركها ولليوم عم شوف التعامل مريح مع العلم أسعارهم مو الأرخص بس في سرعة كبيرة بالتوصيل وعانيت سابقاً مع موضوع الوقت الطويل جداً بالتوصيل... ما بين يومين ل 5 أيام كانت أغراضي عندي بكل مرة.... بتمنى الفائدة من التجربة للجميع، وبتمنى إبداء الرأي حول تجاربكن مع شركات الشحن، والسلام وآسف للإطالة.مواضيع عشوائيه ممكن تكون تعجبك اخترناها لك:
- اصنع عطرك بنفسك
- السلام عليكم ورحمة الله ويركاته
- غداً انطلاق البث التجريبي لقناة التعليم العالي الفضائية
- الإستهزاء بدين الله تعالى
- الحياه باللون الأحمر
- اتوقع أن كل من سيدخل لن يحرمني دعوة
- الف مبروك التصميم الجديد لمنتدانا
- ابي افضل مطعم هندي في الرياض
- عندما تتبسم بدون تكلف فأنت تتصدق هل ممكن ؟
- أشهر طرق العالم للرحلات بالسيارة
- ارفض المسااااافه ،،،،،،،
- بشرى لعشاق الشوكولاتة
- فوائد عش الغراب الصحية و الغذائية
- خدعـــة الجاذبيــــة ،،، حلــوة و جديدة من قوقـــل ،، لا تفوتكم
- الروب وما أدراك ما الروب
- أسباب تجعلكم تشربون الشاي الأخضر
- ღ♥ღ ألف ألف مبروك الألفيه الخامسه لمميزنا الغالي’الكوكب الوهاج، ღ♥ღ
- ساعدوني اين اجد اثاث مستعمل بكولالمبور?
- أكواب القهوة تختلف مثل اختلاف البشر
- فلسطيني سوري وارغب بدخول الاردن
المفضلات