لما بدي احكي عن موضوع الشحن من أمريكا ومشاكله الكثيرة بقدر حدد الأمور اللي بتضمنلي تسوق سهل ومضمون من أمريكا وهالشي أظن هو مطلب كل حدا بحاجة يشتري شي من أميركا ... ووفق خبرتي نتيجة الفشل المتكرر والمشاكل المتراكمة "لأن الخبرة ما بتجي إلا من الفشل المتكرر" رح بلش بأهم شي بالنسبة إلي وهو:
1- وصول أغراضي بأمان من الكسر والنثر والخدش والهبش والمعس والفعس وإلخ.. من مشاكل الشحن الكتيرة بشركات شحن المشتريات من أمريكا ولهيك بفكر بشركة تعمل إعادة تغليف المشتريات بحيث تضمن وصولها سليمة معافاة.
تاني أهم شي عقلبي هو جيبتي طبعاً ولهيك بقدر قول عن السعر أنو تاني شي رح فكر فيه:
2- السعر: لأني شخص عملي وبدي أتسوق بأفضل سعر فبفضل اتعامل مع شركة لتسهيل مشترياتي وأنا ضامن شو بدي أدفع للشحن بالضبط لأني بكره المفاجآت المادية خصوصاً لما تكون على شكل فواتير غير متوقعة.. وهون بقدر قول أنو خياري الممتاز هو وجود آلة حاسبة تفصيلية عالموقع بتحسب بالضبط شو رح أدفع تكاليف شحن أغراضي وبالتالي بقدر نام قرير العين وما أحلم بكوابيس تتعلق بالمبالغ غير المتوقعة عالفاتورة.
تالت أهم شي بالنسبة إلي وبجوز عم أخرب بيتي أني عم قول هو تالت أهم شي.. ولكن شر لابد منه موضوع الأولويات.. رضى العائلة.. لأني ما راح أقدر اتسوق من أمريكا ويوصل طرد عالبيت دون ما الكل يطلعلو حصة.. لهيك الأفضل اسحب دفعة وحدة فيها أغراض كل العيلة.. وطبعاً لأني حريص ما ينخرب بيتي بتكاليف الشحن رح أتمنى لو تنجمع كل أغراض الوحوش الصغيرة هون بطرد واحد بحجم أقل من حجم العلب الأساسية للأغراض لعل وعسى تطلع صفقة رابحة.
هون بعد ضرب الأخماس بالأسداس طلعت معي شركة ستاكري Stackry اللي عم اتعامل معها حالياً للمرة الرابعة ولاقيت عن طريق موقعن عن طريق زر الشات قدرة عالتواصل الفوري مع خدمة الزبائن بالعربي، و خدمة تجميع الأغراض بطرد واحد لتقليل تكلفة الشحن الجوي كمان اللي بتوفر ما يقارب 70% من تكاليف الشحن التقليدي "فعلاً في هيك نسبة توفير بعد ما قرأت طرق حساب التكلفة"، و في فكرة الخزانة الخاصة بكل مشترك بالحساب عندن وبيقدر يخزن أغراضو فيها لمدة 45 يوم مجاناً ليخلص تبضع "الحساب مجاني عالموقع"... بالتالي بقدر قول أن تجميع المشتريات صار مو عائق أمام عملية الشراء العظيمة اللي عم نخططلها.
طبعاً تجربتي كانت عن طريق صديق، حبيت شاركها ولليوم عم شوف التعامل مريح مع العلم أسعارهم مو الأرخص بس في سرعة كبيرة بالتوصيل وعانيت سابقاً مع موضوع الوقت الطويل جداً بالتوصيل... ما بين يومين ل 5 أيام كانت أغراضي عندي بكل مرة.... بتمنى الفائدة من التجربة للجميع، وبتمنى إبداء الرأي حول تجاربكن مع شركات الشحن، والسلام وآسف للإطالة.مواضيع عشوائيه ممكن تكون تعجبك اخترناها لك:
- علم ودوله
- اذا احبك الله جعل لك القبول في الارض
- اجمل مافي الوطن ذاك المطار الذي يخرجنا منه
- شـجـرة الـعـجـائـب
- إدمان كتابة رسائل يزيد من مخاطر الإصابة بآلام الرقبة
- صرصور معاصر
- المال ملكك لكن الموارد ملك المجتمع
- السمنة في طريقها للزوال بحقنة تزيل من الشحوم في شهر
- قصة عن الاختلاف بين الفضيله و الرذيله
- أدعية لتحصيل الرزق والغنى وقضاء الدين
- مهندسون وفنيون سدود جدة جاهزة نسبة الإنجاز
- عجائب الطبيعة على شكل قلب
- لايدري احد يوجد بداخل بكاء رجل
- الحاجه ام الاختراع
- لماذا سميت الدجاجه في ال تشكن
- استفسار عن شحن السيارة خارج المملكة
- حقيقة مؤلمة زمن غريب عجيب كثرت المشاغل وتبلدت الاحاسيس وماتت القلوب الله المستعان
- عروس تهرب من القاعة أمام المعازيمبالصور
- حكم مأثورة خمس خمس
- برنامج رائع لحفظ اهم الاماكن السياحية التى تزورها والرجوع اليها فى اى وقت
المفضلات