ارجو المساعدة ياشباب .. انا ناوي اسافر صلالة ان شاء الله بشهر شعبان وعندي استفسارات..
- هل الوقت اللي اخترته ممتاز ؟
- احجز من الان والا بدري؟
- يكفي اسبوع ؟؟
- كم اسعار التذاكر ؟
- في رحلة مباشرة من جدة الى صلالة؟؟
6.كم تكلفة الرحلة تقريبا (تذاكر . فنادق 5 نجوم . اكل وشرب وموصلات )مع العلم اننا 3 اشخاص انا وزوجتي وطفل عمره سنه ..
ملاحظة : اخترت الرحلة تكون اسبوع لاني سمعت ان اماكن الترفية محدودة ولا يوجد مراكز تسوق؟؟
الإجابة:
و عليكم السلام ورحمة الله و بركاته
بالنسبه للوقت هو نهاية الموسم أظن يصادف شهر 9 / 2006 يعني وقت جداً مناسب و الأسعار بدأت بالنزول لأن السواح بدأو بالرجوع لديارهم و الخضار لازال حلو مع بداية زوال الضباب و بداية الرؤية بوضوح و خاصه على الجبال
الحجز خله قبل السفر بأسبوع و تحصل حجز إن شاء الله لأن الوقت وقت رجوع من صلاله مو ذهاب الى صلاله
اسبوع تمام بس راح تتعب إذا انت تحب تزور كل الأماكن لأن فيها أماكن بعيده و جميله و فيها امكان قريبه
يعني حط لك جدول قبل السفر ( خلي جماعة صلالة يحطون الجدول )
ممممممم التذاكر بصراحه ما اعرف بكم تسأل من جده انا مسقط
التكلفه الله يطول بعمرك
ليش 5 نجوم ترى الخمس نجوم فيها مشروبات محرمه و علشان كذا ما اشجع و خاصه ان كان يوجد بديل و متميز
1 بيت الحافه – قديم صحيح بس تاخذ جناح عائلي بمبلغ 45 ريال عماني ( 450 ريال سعودي لليلة )
2- حمدان ( اللحين اسمه هملتون ) انا سكنت فيه زمان و كان روعه ما ادري اللحين بس يقولون عنه بعده زين و مبلغه 30 ريا لعماني
3- سمهرم روعه 35 ريال عماني
و فس شقق منفرده من 15 إلى 35 ريال عماني و انت يكفيك ابو 15 لأنك تبغي غرفه وحده مع ملحقاتها بس
الأكل و الشرب حالها حال كل دول الخليج و يمكن ارخص من مسقط نفسها اللي هي ارخص من دبي
اما اماكن الترفيه و الألعاب يكون مهرجان الخريف من 15/7 إلى 31/8 إنجليزي يعني اذا بغيت تحدد بهالوقت زين
بس صلالة حلوه بأي وقت صدقني صحيح ما فيها المجمعات اللي تبغيها بس فيها أماكن تعدم المجمعات من جمالها