بإذن الله سأكون في باريس قرابة ثمانية أيام!! وودي أزور لندن لو يومين على الأقل!!
سؤالي:
كم المسافة بالقطار بين باريس ولندن!!كم ساعة يعني؟؟وهل هي مملة؟
ولا أسافر للندن بالطيران الاقتصادي أحسن؟؟ومن وين أحجز للطيران الاقتصادي؟
الاجابة:
بالقطار ساعتين و ربع
و مو ممل ابدا ،، و ميزة القطار انه ينزلكم في وسط المدينة ،، غير جذي ما يحتاي انكم تروحون محطة القطار قبل مدة على عكس الطيران ،،
اما بالنسة للسعر على حد علمي ان القطار اغلى ،،
بالنسبة لي شخصيا افضل القطار
اجابة اخرى:
تكدر تستخدم القطارات او الطيران او تأجر سيارة من لندن الى باريس وبالعكس
القطارات – من محطة St Pancras (قريبة جدا عن ادجور رود) والقطار ياخذ ساعتين و عشر دقايق، مريح جداً وتكلفته حوالي 56 باوند وينزلك بمحطة Nord – Paris الي صايرة بقلب باريس واني انصحك اتجربه
الطيران – اقل من نص ساعة ، في رحلات جداً رخيصة مثلاً قبل اسبوعين رحت على Marseille في فرنسا بالطيارة والتذكرة روحة ردة سعرها 0.02£ يعني بنسين بس من مطار Stansted بعيد اشوي يعني بالباص ياخذ ساعة ويكلف 9 باوند والتكسي من ادجور رود يصير 60 باوند وفي رحلات من هيثرو بس اغلى بكثير
تاجير السيارة – سياقة تاخذ منك 3-4 ساعات ومتعبة شوي وكمان مكلفة لان غير تكلفة السيارة والبترول في حوالي 200 باوند اجور عبرة السيارة من بريطانيا الى فرنسا وبالعكس
بس نصيحتي الك اخوي احجز باكج Package يعني تدفع 300 باون لشخصين (تشمل القطار + تاجير سيارة + فندق 3 ليال)