أبي أحد يدلني بالوصف على أفضل خباز مع أن أكثر الخبازين ممتازين في البحرين بس ودي أوصل للمتيز
اللي خبزه كنه ورق من لذته وين الخبرا
الإجابة
في منطقه عراد خباز اسمه صدف وناس وايد تتعنى له من مناطق بعيده مثل ماسمعت
ويوم جربته حسيته عادي مافيه شي من الزود
ويمكن اختلاف اذواق
الخباز يصير على نفس الشارع الي فيه وكاله المتسوبيشي
وفي خباز في دواعيس عراد هذي يعجبني خبزه خصوصا اذا حار
ماعرف اسم الخباز بس اهو يصير قريب من اسواق الميقات واثنينهم يكونون ورا اسواق المنتزه
إجابة أخرى
بالنسبه لخباز صدف
اذا كنت ياي من المحرق ورايح عراد يكون مطعم جسميز على يمينك والمطار على يسارك
بعد ماتطوف اشاره جسميز ثاني اشاره اخذها يمين
اول اشاره بتلقى الخباز على يسارك
بالنسبه للخباز الثاني
قبل اشاره جسميز تلف يمين واول لفه يسار تروح سيده تلقى مدرسه مجابلتك
روح يسار ..نهاية الشارع تاخذ يمين وسيده
بتلقى المنتزه على يسارك خذ اللفه اليسار قبل المنتزه على طول
تمشي شويه بتلقى اسواق الميقات ويمه محل تكه ومحل سمبوسه وعلى طول بعده الخباز
والسموحه ماعرف خباز يفتح 24 ساعه