السؤال: اخوكم له خبره ليست بالسهلة في السفر لكن كلها لم تكن بعوائل… والآن افكر بشهر عسل مميز وبالاضافة لماليزيا افكر في المالديف كونها بلد يسكنها مسلمين… أكثر من الماريشيوس
و مع انه حسب اللي قريته ماريشيوس احلى وارتب وانظف, لكن غير مناسب لخط السفر اللي يضم ماليزيا وبصراحة ودي اجرب الطائرة البحرية :109: .. وأكثر المالديف مسلمين وهذا يريحك شوي
ولا لي أي خبرة في سفر مع عوائل… :110:
البعض يقول يتقبلون الحجاب وما عليك من احد… وهذا صحيح ما عليك من احد وهو ديننا وكل شي :24:
لكن اذا بتقضي السفرة في منتجع بحري وزوجتك محجبة ( وربما مغطية الوجه ) ووقتك كله تلفت نظر الناس صعبة ترتاح وانت رايح توسع صدرك.. يعني.. بلاش السفرة وخلها ماليزيا وبس…وشو له الاحراجات وانتم رايحين توسعون صدوركم؟
بس في نفس الوقت يميز المالديف الطائرة البحرية ( البعض يمكن يشيل همها وترى انا اولهم ههه لكن بكل تأكيد ليست تجربة تنسى بسهولة ) … وممكن يكون لك مكان خاص بحيث المدام تاخذ راحتها وتسبح بعيدا عن اعين الناس في احدى اجمل مناطق العالم..صعبة تروح للمالديف مثلا ولا تسبح المدام! وزوجها مجنون سباحة والعاب مائية!
لكن شايل هم قضية الحجاب..
1- فهل احد مر بتجربة يشاركنا بها؟ يعني مثلا من الجوازات وزحمتها, هل يتفهمون وممكن امرأة تطابق الجواز؟ ولا زحمة ولا احد معطيك وجه اصلا؟
2- وكيف الوضع في المطار والتنقلات في البحر؟ ( لانك اذا وصلت جزيرتك اتصور خلاص ما حولك )
واذا فيه جزر اخرى تنصحون بها ما فيها مشاكل من هالناحية ليت تفيدونا..
ماليزيا احدى المحطات بالتأكيد, لكن جزر المالديف اتوقع احلى, يعني Private beaches وحركات حلوة… على الأقل تقدر تسبح المدام يعني صعبة بقوة نروح للمالديف ولا تسبح!
الميزانية مفتوحة ( في حدود المعقول طبعا ) والمطلوب شهر عسل مميز… ولا اريد ان يكون الحجاب عائق في تحقيق ذلك…
اشعر اني مقيد بماليزيا ( وربما اندونيسيا ) وودي بشكل حلو ومختلف بالاضافة اليها.. ودائما افضل البعد عن العرب ومشاكلهم ( مليان عرب عندنا ونحبهم وكل شي لكن… على قولة عادل امام .. ناس عندهم لحمة, يعزموا ناس عندهم لحمة… علشان ياكلوا لحمة!؟ ) خله على الأقل يجيك شوي culture shock وتحس انك مسافر!
اقتراحاتكم لشهر عسل مميز ….وتجاربكم…و تشكرون عليها مقدما…
الإجابة: المطار دائما مزدحم والسبب وصول رحلة الإمارتية مع كم رحلة أوروبية ولكن الكم مرة رحت فيها ما كان عندي مشكلة غير الإنتظار
توجد فنادق مع مسابح خاصة ممكن يساعدك فيها وكيل السفر
وحسب التقرير اللي تحت الطباعة الآن أرشح لك منتجع (Reethi Rah) هو أفضل منتجع بدون منازع بالنسبة لموضوع الخصوصية اللي بتدور عليها
وإذا السعر مرتفع عليك فلا بأس ب (Huvafen Fushi) عندهم لاقون بانقلو بس يبغالك تتأكد إذا تم إعادة إفتتاحه أم لا
إجابة أُخرى: بالنسبه للحجاب لاتشيل هم ابد زوجتي كانت بعبايتها السوداء ونقاب ولا لاقينا اي مضايقه او نظرات ..بل العكس كانوا اذا شافوا زوجتي باللبس هذا يجون ويسالون اذا حنا من السعوديه ويسلمون عليك بوديه ويفرحون كثيييييير لاننا مسلمين زيهم وبيسالونك عن السعوديه ومكه وووو,,,
ثانيا بالنسبه للسباحه اذا سكنت بالفورسيزنز بتقدر تسبح بالبحر اذا اخذت السي فيلا اللي فيها درج ينزل مباشره للبحر ,,, وممكن يكون لك مسبحك الخاص اذا اخذت البيتش فيلا وكلهم حلوين انصحك تجربهم كلهم
وبالمطار من الافضل انك تختم جوازاتكم عند امرأة علشان سالفه المطابقه..حنا سوينا كذا وقفنا بالطابور اللي تعمل فيه امرأة
وشهر عسل موفق ان شاءالله